၁ ကော 1:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ အကြောင်းမူကား ငါ့​ညီအစ်ကို​တို့၊ သင်​တို့​အထဲတွင် ပဋိပက္ခ​ဖြစ်​ခြင်း​ရှိ​သည်​ဟု ခလောဣ​အိမ်သား​များ​က သင်​တို့​အကြောင်း​ကို ငါ့​အား​ပြောပြ​ကြ​၏။

Common Language Bible

¹¹ ငါ့​ညီ​အစ်​ကို​တို့၊ သင်​တို့​သည်​အ​ချင်း​ချင်း ခိုက်​ရန်​ဖြစ်​လျက်​ရှိ​ကြ​ကြောင်း​ကို က​လော​ဣ ၏​အိမ်​သူ​အိမ်​သား​များ​ထံ​မှ​ငါ​ကြား​သိ ရ​၏။-

Garrad Bible

¹¹ ငါ့ ညီ အစ် ကို တို့၊ သင် တို့ ဘောင် တွင် ခိုက် ရန် ဖြစ် ခြင်း များ ရှိ ကြောင်း ခ လော ဧ အိမ် သူ အိမ် သား တို့ ဖော် ပြ ကြ ၏။

Judson Bible

¹¹ အ​ကြောင်း​မူ​ကား၊ ငါ့​ညီ​အစ်​ကို​တို့၊ သင်​တို့​သည် အ​ချင်း​ချင်း​မ​သင့်၊ ရန်​တွေ့​ခြင်း​ရှိ​သည်​ကို၊ ခ​လော​ဣ အိမ်​သား​အ​ချို့​တို့​သည် ပြော​ကြ၏။-

ခေတ်သစ်​မြန်မာ သမ္မာကျမ်း

¹¹ ချစ်သော ညီအစ်ကို​မောင်နှမတို့… သင်တို့​အချင်းချင်း ငြင်းခုံ​လျက်​ရှိကြောင်း ခလောဣ​အိမ်သား တချို့​က ကျွန်ုပ်​ကို ပြောပြကြ၏။

၁ ကော 1:11 Referencias Cruzadas

ကမ္ဘာ​ဦး 27:42

ရေဗက္ကာ​သည် သား​ကြီး​ဧသော​၏​စကား​ကို ကြားသိ​ရ​သောအခါ သား​ငယ်​ယာကုပ်​ကို လူ​လွှတ်​ခေါ်​၍ “​သင်​၏​အစ်ကို​ဧသော​သည် သင့်​ကို​သတ်​ရ​မှ​ကျေနပ်​မည်​ဟု ကြံစည်​ပြီ​။

ကမ္ဘာ​ဦး 37:2

ယာကုပ်​၏​အတ္ထုပ္ပတ္တိ​ကား ဤသို့​ဖြစ်​၏​။ ယောသပ်​သည် အသက်​တစ်ဆယ့်​ခုနစ်​နှစ်​ရှိ​သောအခါ မိမိ​အစ်ကို​တို့​နှင့်အတူ သိုးဆိတ်​တို့​ကို​ထိန်းကျောင်း​၏​။ ယောသပ်​သည် အသက်ငယ်​သေး​သဖြင့် ဖခင်​၏​မယား​ဖြစ်​သော ဗိလဟာ​နှင့်​ဇိလပ​တို့​၏​သား​တို့​နှင့်အတူ​နေ​၍ သူ​တို့​၏​မကောင်းသတင်း​ကို ဖခင်​အား​ပြော​လေ့​ရှိ​၏​။

သုတ္တံကျမ်း။ 13:10

မာနထောင်လွှား​ခြင်း​သည် ခိုက်ရန်​ကို​သာ​ဖြစ်ပွား​စေ​တတ်​၏​။ အကြံပေး​ခြင်း​ကို​လက်ခံ​သော​သူ​၌​ကား ဉာဏ်ပညာ​ရှိ​၏​။

သုတ္တံကျမ်း။ 18:6

မိုက်မဲ​သော​သူ​၏​နှုတ်ခမ်း​သည် ခိုက်ရန်ဖြစ်ပွားမှု​ထဲ​ဝင်ပါ​တတ်​၏​။ သူ​၏​နှုတ်​သည်​လည်း ကြိမ်ဒဏ်​ကို​ဖိတ်ခေါ်​တတ်​၏​။

၁ ကော 1:10

ညီအစ်ကို​တို့၊ သင်​တို့​အားလုံး​သည် ပြောဆို​ရာ​၌​ညီညွတ်​မှု​ရှိ​၍ အချင်းချင်း​ကွဲပြား​ခြင်း​မ​ရှိ​ဘဲ တစ်စိတ်​တစ်သဘောတည်း​ဖြင့် စည်းစည်းလုံးလုံး​ရှိ​ကြ​မည့်​အကြောင်း ငါ​တို့​သခင်​ယေရှု​ခရစ်တော်​၏​နာမ​တော်​ကို​အမှီပြု၍ သင်​တို့​အား ငါ​တိုက်တွန်း​နှိုးဆော်​ပါ​၏။

၁ ကော 1:12

သင်​တို့​အသီးသီး​က “ငါ​သည် ပေါလု​တပည့်​ဖြစ်​သည်။ ငါ​သည် အာပေါလု​တပည့်​ဖြစ်​သည်။ ငါ​သည် ကေဖ​တပည့်​ဖြစ်​သည်။ ငါ​သည် ခရစ်တော်​တပည့်​ဖြစ်​သည်”​ဟု ပြောဆို​နေ​ကြ​သောကြောင့် ဤ​စကား​ကို ယခု ငါ​ပြော​ရ​၏။

၁ ကော 11:18

ပထမ​အနေဖြင့် သင်​တို့​သည် အသင်းတော်​၌​စုဝေး​ကြ​သောအခါ သင်​တို့​တွင် ကွဲပြား​မှု​များ​ရှိ​သည်​ဟု ငါ​ကြား​ရ​၍ ၎င်း​ကို တစ်စိတ်တစ်ဒေသ ငါ​ယုံ​၏။

၁ ကော 3:3

အကြောင်းမူကား သင်​တို့​သည် သွေးသား​ဇာတိ​၌​ရှိ​သော​သူ​များ​ဖြစ်​ကြ​သေး​၏။ သင်​တို့​ကြား၌ မနာလို​ခြင်း​နှင့်​ပဋိပက္ခ​ဖြစ်​ခြင်း​ရှိ​ကြ​သည်​မှာ သင်​တို့​သည် သွေးသား​ဇာတိ​၌​ရှိ​သူ​များ​ဖြစ်​ကြ​ပြီး သာမန်​လူသား​အတိုင်း အသက်ရှင်​လျှောက်လှမ်း​နေ​ကြ​သောကြောင့်​မ​ဟုတ်​လော။

၂ ကော 12:20

ငါ​ရောက်လာ​သောအခါ အကြောင်း​တစ်စုံတစ်ခု​ကြောင့် သင်​တို့​ကို ငါ​တွေ့မြင်​လို​သည့်​အတိုင်း မ​တွေ့မြင်​ရ​သကဲ့သို့ ငါ့​ကို​လည်း သင်​တို့​တွေ့မြင်​လို​သည့်​အတိုင်း မ​တွေ့မြင်​ရ​မည်​ကို​လည်းကောင်း၊ ပဋိပက္ခ​ဖြစ်​ခြင်း၊ မနာလို​ခြင်း၊ ဒေါသ​ကြီး​ခြင်း၊ တစ်ကိုယ်ကောင်းဆန်​ခြင်း၊ ပုတ်ခတ်​ပြောဆို​ခြင်း၊ အတင်းအဖျင်း​ပြောဆို​ခြင်း၊ မာန​ထောင်လွှား​ခြင်း​နှင့် ရုန်းရင်းဆန်ခတ်​ဖြစ်​ခြင်း​များ ရှိ​မည်​ကို​လည်းကောင်း ငါ​စိုးရိမ်​၏။

ဂ​လာ​တိ 5:15

သို့သော် သင်​တို့​သည် အချင်းချင်း​ကိုက်ဖြတ်​ဝါးမျို​ကြ​လျှင် အချင်းချင်း​ကြောင့် ပျက်စီး​ခြင်း​သို့​ရောက်​မည်​ကို စိုးရိမ်​ရ​သဖြင့် သတိပြု​ကြ​လော့။

ဂ​လာ​တိ 5:20

ရုပ်တု​ကိုးကွယ်​ခြင်း၊ ပြုစား​ခြင်း၊ ရန်ငြိုး​ဖွဲ့​ခြင်း၊ ပဋိပက္ခ​ဖြစ်​ခြင်း၊ မနာလို​ခြင်း၊ ဒေါသ​ကြီး​ခြင်း၊ တစ်ကိုယ်ကောင်းဆန်​ခြင်း၊ စိတ်ဝမ်းကွဲ​ခြင်း၊ ဂိုဏ်းကွဲ​ခြင်း၊

ဂ​လာ​တိ 5:26

စိတ်ကြီးဝင်​၍ အချင်းချင်း​ရန်လို​သော​စိတ်၊ အချင်းချင်း​မလိုမုန်းထား​သော​စိတ်​မ​ရှိ​ဘဲ​နေ​ကြ​ကုန်စို့။

ဖိ​လိပ္ပိ 2:14

အရာ​ခပ်သိမ်း​ကို ညည်းညူ​ခြင်း​နှင့်​ငြင်းခုံ​ခြင်း​မ​ရှိ​ဘဲ လုပ်ဆောင်​ကြ​လော့။

၁ တိ 6:4

ထို​သူ​သည် ဘဝင်မြင့်​၍ မည်သည့်​အရာ​ကို​မျှ​မ​သိ​ဘဲ အငြင်းပွား​မှု​နှင့် စကားလုံး​အသုံးအနှုန်း​အပေါ်​ငြင်းခုံ​ခြင်း​တို့​၌​သာ စွဲလမ်း​နေ​သူ​ဖြစ်​၏။ ထို​အရာ​များ​ကြောင့် မလိုမုန်းထား​ခြင်း၊ ပဋိပက္ခ​ဖြစ်​ခြင်း၊ စော်ကား​ပြောဆို​ခြင်း​နှင့် ဆိုးညစ်​သော​သံသယ​စိတ်​ရှိ​ခြင်း​စသည်​တို့​ဖြစ်ပေါ်​လာ​တတ်​၏။

တိ​တု 3:9

သို့သော် မိုက်မဲ​သော​အငြင်းပွား​မှု​များ၊ ဆွေစဉ်မျိုးဆက်​စာရင်း​များ၊ ပဋိပက္ခ​ဖြစ်​ခြင်း​နှင့် ပညတ်​တရား​ကြောင့် ခိုက်ရန်​ဖြစ်​ခြင်း​တို့​ကို ရှောင်ကြဉ်​လော့။ အကြောင်းမူကား ထို​အရာ​တို့​သည် အကျိုးမဲ့​၍ အချည်းနှီး​ဖြစ်​ကြ​၏။