ဧ​သ​တာ 6:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ထို့ကြောင့် ရှင်ဘုရင်​က “​မော်ဒကဲ ဤသို့​ပြု​ပေး​သည်​ကို သူ့​အား မည်သည့်​ဘွဲ့ထူး​ဖြင့် ဂုဏ်​ပြု​ခဲ့​သနည်း​”​ဟု မေး​ရာ မိမိ​ထံပါး​၌​ခစား​သော​မင်းလုလင်​တို့​က “​သူ့​ကို မည်သည့်​အရာ​မျှ မ​ပြု​ပေး​ခဲ့​ပါ​”​ဟု ပြန်လျှောက်​ကြ​၏​။

Common Language Bible

³ မင်း​ကြီး​က``ဤ​အ​မှု​အ​တွက်​မော်​ဒ​ကဲ​အား ငါ​တို့​အ​ဘယ်​သို့​ဂုဏ်​ပြု​ချီး​မြှင့်​ကာ​ဆု တော်​လာဘ်​တော်​များ​ပေး​ခဲ့​ပါ​သ​နည်း'' ဟု​မေး​တော်​မူ​၏။ နန်း​တွင်း​အ​စေ​ခံ​များ​က``ထို​သူ​၏​အ​တွက် အ​ဘယ်​သို့​မျှ​မ​ပြု​ရ​သေး​ပါ'' ဟု​ပြန် လည်​လျှောက်​ထား​ကြ​၏။

Garrad Bible

³ ဘု ရင် မင်း က၊ ထို အ တွက် မော် ဒ ကဲ သည်၊ မည် သည့် အ ရာ၊ မည် သည့် ဂုဏ် ထူး ကို ခံ ရ ပြီ နည်း ဟု မေး မြန်း သော်၊ အ ပါး တော် မြဲ ကျေး ကျွန် သင်း ပင်း တို့ က၊ မည် သည် မျှ မ ရ သေး ပါ ဟု ပြန် လျှောက် ကြ ရာ၊

Judson Bible

³ ရှင်​ဘု​ရင်​က၊ ထို​အ​ကြံ​ကို ဖော်​ပြ​သော​ကြောင့်၊ မော်​ဒ​ကဲ​အား အ​ဘယ်​ဆု အ​ဘယ်​အ​ရာ​ကို ပေး​ပြီ​နည်း​ဟု မေး​တော်​မူ​သော်၊ အ​ထံ​တော်၌ ခ​စား​သော ကျွန်​တော်​တို့​က၊ အ​ဘယ်​ဆု​ကို​မျှ ပေး​တော်​မ​မူ​ပါ​သေး​ဟု ပြန်​လျှောက်​ကြ၏။

ဧ​သ​တာ 6:3 Referencias Cruzadas

ကမ္ဘာ​ဦး 40:23

သို့သော်လည်း ဖလားတော်ဝန်​သည် ယောသပ်​ကို​မ​အောက်မေ့​ဘဲ မေ့လျော့​လျက်​နေ​လေ​၏​။

၁ ရာ​ချုပ် 11:6

ထို့နောက် ဒါဝိဒ်​မင်းကြီး​က “​ယေဗုသိ​လူမျိုး​ကို ဦးစွာ​တိုက်ခိုက်​နိုင်​သူ​အား ဗိုလ်ချုပ်ကြီး​ရာထူး​ပေး​မည်​”​ဟု မိန့်ဆို​လျှင် ဇေရုယာ​၏​သား​ယွာဘ​သည် ဦးစွာ​သွား​တိုက်​၏​။ ထို့ကြောင့် သူ​သည် ဗိုလ်ချုပ်ကြီး ဖြစ်လာ​လေ​၏​။

ဧ​သ​တာ 6:2

ထို​မှတ်တမ်း​ထဲတွင် ဘုရင့်​မိန်းမစိုး​နှစ်​ဦး​ဖြစ်​သော တံခါးစောင့်​ဗိဂသန်​နှင့်​တေရက်​တို့​သည် အာရွှေရု​မင်းကြီး​ကို​လုပ်ကြံ​ရန် အခွင့်ကောင်း​ရှာ​သည့်​အကြောင်း​ကို မော်ဒကဲ​ထုတ်ဖော်​ပြောကြား​ခဲ့​ကြောင်း ရေးမှတ်​ထား​သည်​ကို​တွေ့ရှိ​ရ​၏​။

ဧ​သ​တာ 6:4

ထိုအခါ ရှင်ဘုရင်​က “​နန်းတော်​ဝင်း​ထဲတွင် မည်သူ​ရှိ​သနည်း​”​ဟု မေး​၏​။ ထို​အချိန်​တွင် ဟာမန်​သည် သူ​လုပ်​ထား​သော​သစ်တိုင်​တွင် မော်ဒကဲ​ကို​ချိတ်ဆွဲ​မည့်​အကြောင်း ရှင်ဘုရင်​ထံ​ခွင့်ပန်​ရန် ဘုရင့်​နန်းတော်​ဝင်း​အပြင်ဘက်​တွင် ရောက်​နေ​၏​။

ဒေသနာကျမ်း။ 9:15

သို့သော် ထို​မြို့​၌ ပညာရှိ​သည့်​ဆင်းရဲ​သော​သူ​တစ်​ယောက်​ရှိ​၍ သူ​သည် မိမိ​၏​ဉာဏ်ပညာ​အားဖြင့် ထို​မြို့​ကို​ကယ်တင်​၏​။ သို့ရာတွင် ထို​ဆင်းရဲ​သော​သူ​ကို မည်သူ​မျှ​အောက်မေ့​ခြင်း​မ​ရှိ​ကြ​။

ဒံ​ယေ​လ 5:16

သင်​သည် အနက်အဓိပ္ပာယ်​များ​ကို ဖွင့်ပြ​ပေး​နိုင်​ကြောင်း​၊ ခက်ခဲ​သော​ပြဿနာ​များ​ကို ဖြေရှင်း​နိုင်​ကြောင်း​ကို ငါ​ကြားသိ​ရ​၏​။ ယခု သင်​သည် ထို​စာ​ကို​ဖတ်​၍ ငါ့​အား အနက်အဓိပ္ပာယ်​ကို ဖော်ပြ​ပေး​နိုင်​လျှင် ခရမ်းရောင်​ဝတ်ရုံ​ကို ဝတ်ဆင်​၍ လည်​တွင် ရွှေ​စလွယ်​ဆင်​ကာ တတိယ​အကြီးဆုံး​ပုဂ္ဂိုလ်​အဖြစ် နိုင်ငံ​ကို အုပ်ချုပ်​ခွင့်​ရ​မည်”​ဟု မိန့်ဆို​၏​။

ဒံ​ယေ​လ 5:29

ထိုအခါ ဗေလရှာဇာ​မင်းကြီး​အမိန့်ပေး​သဖြင့် ဒံယေလ​အား ခရမ်းရောင်​ဝတ်ရုံ​ကို ဝတ်ဆင်​ပေး​၍ လည်​တွင် ရွှေ​စလွယ်​ဆင်​ပေး​ပြီး တတိယ​အကြီးဆုံး​ပုဂ္ဂိုလ်​အဖြစ် နိုင်ငံ​ကို​အုပ်ချုပ်​ခွင့်​ရှိ​သူ​ဖြစ်ကြောင်း ကြေညာ​ကြ​လေ​၏​။

ဒံ​ယေ​လ 5:7

ရှင်ဘုရင်​သည် ဗေဒင်ဆရာ​များ​၊ ခါလဒဲ​ပညာရှိ​များ​၊ နက္ခတ်ဗေဒ​ဆရာ​များ​ကို ခေါ်သွင်း​ရန် အော်ဟစ်​ပြီးလျှင် ဘေဘီလုံ​ပညာရှိ​တို့​အား “​ဤ​စာ​ကို​ဖတ်​ပြီး အနက်အဓိပ္ပာယ်​ကို ဖွင့်ပြ​ပေး​နိုင်​သူ မည်သူမဆို ခရမ်းရောင်​ဝတ်ရုံ​ကို ဝတ်ဆင်​စေ​၍ လည်​တွင် ရွှေ​စလွယ်​ဆင်​ကာ တတိယ​အကြီးဆုံး​ပုဂ္ဂိုလ်​အဖြစ် နိုင်ငံ​ကို အုပ်ချုပ်​ခွင့်​ပေး​မည်​”​ဟု မိန့်ဆို​လေ​၏​။