ဧ​သ​တာ 1:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ရှင်ဘုရင်​ရှေ့​တော်​တွင် ခစား​ရ​ပြီး နိုင်ငံ​တော်​၌ အမြင့်ဆုံး​ရာထူး​ရရှိ​ထား​သူ​၊ ရှင်ဘုရင်​နှင့်​အနီးကပ်​နေ​ရ​သူ​များ​မှာ ပါးရှား​ပြည်​နှင့်​မေဒိ​ပြည်​အကြီးအကဲ​ခုနစ်​ဦး​ဖြစ်​သော ကာရှေန​၊ ရှေသာ​၊ အာဒမာသ​၊ တာရှု​၊ မေရက်​၊ မာသေန​၊ မမုကန်​တို့​ဖြစ်​ကြ​၏​။

Common Language Bible

¹⁴ မင်း​ကြီး​အ​များ​ဆုံး​တိုင်​ပင်​လေ့​ရှိ​သော သူ​များ​မှာ ပေ​ရ​သိ​နှင့်​မေ​ဒိ​အ​မတ်​များ ဖြစ်​ကြ​သော​ကာ​ရှေ​န၊ ရှေ​သာ၊ အာ​ဒ မာ​သ၊ တာ​ရှိ​ရှ၊ မေ​ရက်၊ မာ​သေ​န၊ မ​မု​ကန် တို့​ဖြစ်​ပေ​သည်။ သူ​တို့​သည်​ကား​နိုင်​ငံ​တော် တွင်​အ​မြင့်​ဆုံး​ရာ​ထူး​များ​ဖြင့်​ချီး​မြှင့် ခြင်း​ခံ​ရ​သူ​များ​ဖြစ်​သ​တည်း။-

Judson Bible

¹⁴ မေ​ရက်၊ မာ​သေ​န၊ မ​မု​ကန်​တည်း​ဟူ​သော ရှင်​ဘု​ရင်၏ မျက်​နှာ​တော်​ကို အ​စဉ်​ဖူး​မြင်၍၊ နိုင်​ငံ​တော်​တွင် အ​မြတ်​ဆုံး​သော ပေ​ရ​သိ၊ မေ​ဒိ​အ​တွင်း​ဝန်​မင်း ခု​နစ်​ပါး​တို့​သည် အ​နား​တော်၌ ထိုင်​လျက်​ရှိ၍၊ တ​ရား​စီ​ရင်​ရာ​လမ်း​ကို လေ့​ကျက်​သော​သူ အ​ပေါင်း​တို့​နှင့် ရှင်​ဘု​ရင်​တိုင်​ပင်​သော ထုံး​စံ​ရှိ​သည်​အ​တိုင်း၊ အ​ကျိုး​အ​ကြောင်း​ကို နား​လည်​သော ထို​ပ​ညာ​ရှိ​တို့​ကို​ခေါ်၍၊

ဧ​သ​တာ 1:14 Referencias Cruzadas

၄ ရာ 25:19

စစ်သူရဲ​တို့​ကို ကြီးကြပ်အုပ်ချုပ်​ရ​သူ​စစ်သူကြီး​တစ်​ဦး​၊ မြို့​ထဲ၌​တွေ့​မိ​သော ဘုရင့်​အတိုင်ပင်ခံအမတ်​ငါး​ဦး​၊ ပြည်သား​တို့​ထဲမှ စစ်သား​ရှာဖွေ​စုဆောင်း​ပေး​ရ​သူ စစ်စာရေးတော်​ကြီး​တစ်ဦး​၊ မြို့​ထဲ၌​တွေ့​မိ​သော​ပြည်သူပြည်သား​အယောက်​ခြောက်ဆယ်​တို့​ကို​လည်း မြို့​ထဲမှ ခေါ်ယူ​သွား​လေ​၏​။

ဧ​ဇ​ရ 7:14

သင်​လက်စွဲ​ထား​သော သင့်​ဘုရားသခင်​၏​ပညတ်တရား​နှင့်​ပတ်သက်၍ ယုဒ​ပြည်သူ​၊ ဂျေရုဆလင်​မြို့သား​တို့​ကို စစ်ဆေး​ရန် ရှင်ဘုရင်​နှင့်​အကြံပေး​ပုဂ္ဂိုလ်​ခုနစ်​ဦး​တို့​သည် သင့်​ကို စေလွှတ်​၏​။

ဧ​သ​တာ 1:15

ရှင်ဘုရင်​က သူ​တို့​အား “​မိဖုရား​ဝါရှတိ​သည် မိန်းမစိုး​တို့​မှတစ်ဆင့် အာရွှေရု​မင်းကြီး​မိန့်မှာ​သည့်​အမိန့်​ကို​မ​နာခံ​သောကြောင့် သူ့​အား ဥပဒေ​အရ မည်သို့​ပြု​ရ​မည်နည်း​”​ဟု မေး​၏​။

ယေ​ရ​မိ 52:25

စစ်သူရဲ​တို့​ကို ကြီးကြပ်အုပ်ချုပ်​ရ​သူ​စစ်သူကြီး​တစ်​ဦး​၊ မြို့​ထဲ၌​တွေ့​မိ​သော ဘုရင့်​အတိုင်ပင်ခံ​အမတ်​ခုနစ်​ဦး​၊ ပြည်သား​တို့​ထဲမှ စစ်သား​ရှာဖွေ​စုဆောင်း​ပေး​ရ​သူ စစ်​စာရေးတော်ကြီး​တစ်ဦး​၊ မြို့​ထဲ၌​တွေ့​မိ​သော ပြည်သူပြည်သား​အယောက်​ခြောက်ဆယ်​တို့​ကို​လည်း မြို့​ထဲမှ ခေါ်ယူ​သွား​လေ​၏​။

မဿဲ 18:10

ဤ​ငယ်​သော​သူ​များ​ထဲမှ တစ်စုံတစ်ဦး​ကို မထီမဲ့မြင်​မ​ပြု​မိ​စေရန် သတိပြု​ကြ​လော့။ အကြောင်းမူကား ကောင်းကင်​ဘုံ​ရှိ သူ​တို့​၏​ကောင်းကင်တမန်​တို့​သည် ကောင်းကင်​ဘုံ​၌​ရှိ​တော်မူ​သော ငါ့​ခမည်းတော်​၏​မျက်နှာ​တော်​ကို အစဉ်မပြတ်​ဖူးမြင်​ရ​ကြ​သည်​ဟု သင်​တို့​အား ငါ​ဆို​၏။

ဗျာ​ဒိတ် 22:4

သူ​တို့​သည် ကိုယ်တော်​၏​မျက်နှာ​ကို​ဖူးမြင်​ရ​ကြ​လိမ့်မည်။ ကိုယ်တော်​၏​နာမ​တော်​သည်​လည်း သူ​တို့​၏​နဖူး​ပေါ်၌​ရှိ​လိမ့်မည်။