ဧ​ဇ​ရ 3:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ထို့ကြောင့် ဝမ်းမြောက်​စွာ​ကြွေးကြော်​သံ​လော​၊ အော်ဟစ်​ငိုကြွေး​သံ​လော မည်သူ​မျှ​ခွဲခြား​၍ မ​ရ​နိုင်​ဖြစ်​လေ​၏​။ လူအုပ်ကြီး​၏​ဆူညံ​စွာ​အော်ဟစ်​ကြွေးကြော်​သံ​ကြီး​မှာ အဝေး​မှပင် ကြား​ရ​လေ​၏​။

Common Language Bible

¹³ ဝမ်း​မြောက်​စွာ​ကြွေး​ကြော်​သံ​နှင့်​ငို​ကြွေး​သံ​ကို အ​ဘယ်​သူ​မျှ​ခွဲ​ခြား​၍​မ​ရ​ကြ။ လူ​တို့​သည် ကျယ်​စွာ​အော်​ဟစ်​ကြ​သော​ကြောင့် အ​ဝေး​က​ပင် ကြား​ရ​လေ​သည်။

Garrad Bible

¹³ ပ ရိ သတ် တို့ ငို ကြွေး သံ၊ ရွှင် လန်း သံ များ ကို မ ပိုင်း ခြား နိုင်၊ ကျယ် စွာ အော် ဟစ် ကြ သော ကြောင့်၊ အ ဝေး က ပင် ကြား ရ လေ ၏။

Judson Bible

¹³ ထို​သို့​ပြု​သော ကြွေး​ကြော်​သံ​နှင့် ငို​ကြွေး​သံ​ကို ကြား​သော​သူ​တို့​သည် ပိုင်း​ခြား၍ မ​သိ​နိုင်​ကြ။ လူ​များ​တို့​သည် ကြီး​စွာ​သော​အ​သံ​နှင့် ကြွေး​ကြော်​သော​ကြောင့်၊ ဝေး​သော​အ​ရပ်၌ ကြား​ရ​လေ၏။

ဧ​ဇ​ရ 3:13 Referencias Cruzadas

၃ ရာ 1:40

လူ​အပေါင်း​တို့​သည် သူ့​နောက်သို့​လိုက်​လျက်​၊ ပလွေ​မှုတ်​လျက် အလွန်​ဝမ်းမြောက်​ပျော်ရွှင်​စွာ ကြွေးကြော်​ကြ​လေ​၏​။ သူ​တို့​၏​ကြွေးကြော်သံ​သည် မြေကြီး​ကွဲမတတ် ဖြစ်​လေ​၏​။

၃ ရာ 1:45

ယဇ်ပုရောဟိတ်​ဇာဒုတ်​နှင့် ပရောဖက်​နာသန်​တို့​သည် ဂိဟုန်​မြို့​တွင် ရှောလမုန်​ကို ဘုရင်​အဖြစ်​ဘိသိက်ပေး​ကြ​ပြီး ဝမ်းမြောက်​စွာ​ပြန်လာ​ကြ​၍ တစ်မြို့လုံး အုတ်အုတ်ကျက်ကျက်​ဖြစ်​နေ​ကြ​ပါ​၏​။ သင်​ကြား​ရ​သော​အသံ​မှာ​လည်း ထို​အသံ​ပင်​ဖြစ်​ပါ​၏​။

ဧ​ဇ​ရ 3:12

ယခင်​အိမ်​တော်​ကို မြင်​ဖူး​ခဲ့​သော​သက်ကြီးပိုင်း ယဇ်ပုရောဟိတ်​များ​၊ လေဝိ​အမျိုး​များ​နှင့် အိမ်ထောင်စု​အကြီးအမှူး​များစွာ​တို့​သည် ယခု​အိမ်​တော်​အုတ်မြစ်ချ​သည်​ကို မြင်​ရ​သောအခါ အော်ဟစ်​ငိုကြွေး​ကြ​လေ​၏​။ လူ​အများစု​မှာ​မူ ဝမ်းမြောက်ဝမ်းသာ​စိတ်​ဖြင့် ကြွေးကြော်​ကြ​လေ​၏​။

ဧ​ဇ​ရ 4:1

သုံ့ပန်း​အဖြစ်​ပါသွား​သူ​တို့​၏​သားမြေး​များ​သည် ထာဝရဘုရား​အဖို့ ဗိမာန်တော်​တည်ဆောက်​ကြောင်း​ကို ယုဒ​အမျိုး​၊ ဗင်္ယာမိန်​အမျိုး​တို့​၏​ရန်သူ​တို့ ကြားသိ​ရ​လျှင်

နေ​ဟ​မိ 12:43

ထို​နေ့​တွင် သူ​တို့​သည် ယဇ်ပူဇော်ပွဲ​ကြီး​ကို ကျင်းပ​ကြ​၏​။ ဘုရားသခင်​သည် သူ​တို့​အား အထူး​ဝမ်းမြောက်​သော​အခွင့်​ကို ပေး​တော်မူ​သဖြင့် သူ​တို့​သည် အလွန်​ဝမ်းမြောက်​ကြ​၏​။ မိန်းမ​များ​နှင့် ကလေးသူငယ်​များ​ပါ​မ​ကျန် ဝမ်းမြောက်​ပျော်ရွှင်​ကြ​၏​။ ဂျေရုဆလင်​မြို့​၏​ဝမ်းမြောက်​သံ​သည် အဝေး​ကပင် ကြား​ရ​လေ​၏​။

ဆာ​လံ 5:11

သို့သော် ကိုယ်တော်​ကို​ခိုလှုံ​သော​သူ​အပေါင်း​တို့​သည် ဝမ်းမြောက်​ကြ​ပါစေသော​။ အစဉ်အမြဲ​ရွှင်လန်း​စွာ​ကြွေးကြော်​ကြ​ပါစေသော​။ ကိုယ်တော်​သည် သူ​တို့​ကို အုပ်မိုး​ကွယ်ကာ​တော်မူ​သည်​ဖြစ်၍ နာမ​တော်​ကို​မြတ်နိုး​သော​သူ​တို့​သည် ကိုယ်တော်​၌ ရွှင်လန်း​ကြ​ပါစေသော​။

ယေ​ရ​မိ 33:11

ဝမ်းမြောက်​ရွှင်မြူး​ခြင်း​အသံ​၊ သတို့သား​သတို့သမီး​အသံ​၊ ထာဝရဘုရား​သည် ကောင်းမြတ်​တော်မူ​၍ မေတ္တာကရုဏာ​တော်​အစဉ်အမြဲ​တည်​သောကြောင့် ကောင်းကင်​ဗိုလ်ခြေ​အရှင်​ထာဝရဘုရား​၏​ကျေးဇူး​တော်​ကို ချီးမွမ်း​ကြ​လော့​ဟု ဆို​လျက် ထာဝရဘုရား​၏​အိမ်​တော်​သို့ ကျေးဇူးတော်​ချီးမွမ်း​ခြင်း​ယဇ်​ကို ယူဆောင်​လာ​သော​သူ​တို့​၏​အသံ​ကို ကြား​ရ​လိမ့်မည်​။ အကြောင်းမူကား ဖမ်းခေါ်​သွား​ခြင်း​ခံရ​သော​ပြည်သား​တို့​ကို ငါ​ပြန်လာ​စေ​၍ ယခင်​က​ကဲ့သို့ ပြန်လည်​နေထိုင်​စေ​မည်’​ဟု မိန့်​တော်မူ​၏​။

ယေ​ရ​မိ 50:4

“ထို​နေ့ရက်​၊ ထို​အချိန်​၌ အစ္စရေး​အမျိုးသား​နှင့် ယုဒ​အမျိုးသား​တို့​သည် အတူ​ပြန်လာ​ကြ​မည်​။ ငိုကြွေး​လျက် ပြန်လာ​၍ သူ​တို့​၏​ဘုရားသခင် ထာဝရဘုရား​ကို ရှာဖွေ​ကြ​လိမ့်မည်​။

ဇာ​ခ​ရိ 4:7

အို တောင်​ကြီး​၊ သင်​သည် မည်သူ​နည်း​။ သင်​သည် ဇေရုဗဗေလ​ရှေ့​တွင် လွင်ပြင် ဖြစ်သွား​ရ​လိမ့်မည်​။ သူ​သည် ထောင့်ချုပ်ကျောက်​ကို ထုတ်ယူ​လာ​သောအခါ “ကောင်း​ပေ​၏​။ ကောင်း​ပေ​၏”​ဟု ဩဘာပေး​ကြ​လိမ့်မည်’​ဟူ၍ မိန့်​တော်မူ​သည်”ဟု ပြောပြ​၏​။

သူ​ကြီး 2:5

ထို​အရပ်​ကို ဗောခိမ် ဟု​အမည်​မှည့်ခေါ်​၍ ထို​အရပ်​၌ ထာဝရဘုရား​အား ယဇ်ပူဇော်​ကြ​၏​။

၁ ရာ 4:5

တပ်စခန်း​ထဲသို့ ထာဝရဘုရား​၏​ပဋိညာဉ်​သေတ္တာ​တော်​ရောက်လာ​သောအခါ အစ္စရေး​လူမျိုး​အပေါင်း​တို့​သည် မြေကြီး​တုန်လှုပ်မတတ် ကျယ်လောင်​စွာ​ကြွေးကြော်​ကြ​လေ​၏​။