ဧ​ဇ​ရ 2:68 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶⁸ အိမ်ထောင်စု​အကြီးအမှူး​အချို့​တို့​သည် ဂျေရုဆလင်​မြို့​ရှိ ထာဝရဘုရား​၏​အိမ်​တော်​သို့​ရောက်လာ​သောအခါ ထို​နေရာ​၌​ပြန်တည်ဆောက်​မည့် ဘုရားသခင်​၏​အိမ်​တော်​အဖို့ အလှူပစ္စည်း​များ​ကို စေတနာစိတ်​အလျောက် ပေးလှူ​ကြ​၏​။

Common Language Bible

⁶⁸ ပြည်​နှင်​ဒဏ်​သင့်​သူ​တို့​သည် ယေ​ရု​ရှ​လင်​မြို့​ရှိ​ထာ​ဝ​ရ​ဘု​ရား​၏​ဗိ​မာန်​တော်​သို့​ရောက်​ရှိ​ကြ​သော​အ​ခါ သား​ချင်း​စု​ခေါင်း​ဆောင်​အ​ချို့​တို့​သည် နေ​ရာ​ဟောင်း​တွင်​ဗိ​မာန်​တော်​ပြန်​လည်​တည်​ဆောက်​ရန်​အ​တွက် မိ​မိ​တို့​စေ​တ​နာ​အ​လျောက်​ပေး​လှူ​ကြ​လေ​သည်။-

Garrad Bible

⁶⁸ အိမ် ထောင် အ အုပ် အ ချုပ် အ ချို့ တို့ သည်၊ ယေ ရု ရှ လင် မြို့ ဗိ မာန် တော် ရာ သို့ ရောက် ကြ သော်၊ ဗိ မာန် တော် ကို နေ ရာ ရင်း တွင် တည် ဆောက် ရန်၊

Judson Bible

⁶⁸ အ​ဆွေ​အ​မျိုး​သူ​ကြီး အ​ချို့​တို့​သည် ယေ​ရု​ရှ​လင်​မြို့ ဗိ​မာန်​တော်​သို့ ရောက်​သော​အ​ခါ၊ ဗိ​မာန်​တော်​ကို မိ​မိ​နေ​ရာ၌ တည်​ဆောက်​ခြင်း​ငှာ၊

ဧ​ဇ​ရ 2:68 Referencias Cruzadas

၁ ရာ​ချုပ် 21:18

ထိုအခါ ထာဝရဘုရား​၏​ကောင်းကင်တမန်​က ဂဒ်​အား ဒါဝိဒ်​မင်းကြီး​ထံ​သွား​လော့​။ ယေဗုသိ​လူမျိုး​ဩရနန်​၏​ကောက်နယ်တလင်း​နား​သို့ တက်သွား​၍ ထာဝရဘုရား​အဖို့ ယဇ်ပလ္လင်​ကို တည်​ပါ​ဟု သူ့​အား ဆင့်ဆို​လော့​။

၁ ရာ​ချုပ် 22:1

ဒါဝိဒ်​မင်းကြီး​က “ဤ​နေရာ​သည် ဘုရားသခင်​ထာဝရဘုရား​၏​အိမ်​တော်​ကို တည်​ရာ​နေရာ​ဖြစ်​၏​။ ဤ​နေရာ​သည် အစ္စရေး​လူမျိုး​တို့ မီးရှို့​ရာ​ယဇ်ပလ္လင်​ကို တည်​ရာ​နေရာ​ဖြစ်​၏​”​ဟု မိန့်ဆို​၏​။

၂ ရာ​ချုပ် 3:1

ထို့နောက် ရှောလမုန်​မင်းကြီး​သည် ဂျေရုဆလင်​မြို့​ရှိ မောရိ​တောင်​ပေါ်​၊ ခမည်းတော်​ဒါဝိဒ်​မင်းကြီး​ထံ ထာဝရဘုရား​ထင်ရှား​တော်မူ​ရာ​နေရာ​တွင် ထာဝရဘုရား​အဖို့ အိမ်​တော်​ကို စတင်​တည်ဆောက်​၏​။ ထို​နေရာ​သည် ယေဗုသိ​လူမျိုး​ဩရနန်​၏​ကောက်နယ်တလင်း​တွင် အိမ်​တော်​တည်ဆောက်​ဖို့ ဒါဝိဒ်​မင်းကြီး​ပြင်ဆင်​ထား​သော​နေရာ​ဖြစ်​၏​။

ဧ​ဇ​ရ 2:67

ကုလားအုတ် လေး​ရာ​သုံးဆယ့်​ငါး​ကောင်​၊ မြည်း အကောင်​ခြောက်​ထောင်​ခုနစ်​ရာ့​နှစ်ဆယ်​လည်း ပါ​၏​။

ဧ​ဇ​ရ 2:69

ထိုသို့ သူ​တို့​တတ်နိုင်​သလောက်​ပေးလှူ​ကြ​ရာ​တွင် ရွှေ​ဒင်္ဂါးပြား​ခြောက်သောင်း​တစ်ထောင်​၊ ငွေ​မိနာ့​ငါး​ထောင်​နှင့် ယဇ်ပုရောဟိတ်​ဝတ်စုံ အစုံ​တစ်ရာ​တို့​ကို ဘဏ္ဍာတိုက်​ထဲသို့ ထည့်သွင်းလှူဒါန်း​ကြ​၏​။

ဧ​ဇ​ရ 3:3

သူ​တို့​သည် ပြည်သား​တို့​ကို​ကြောက်ရွံ့​လျက်​နှင့်​ပင် ယဇ်ပလ္လင်​ကို မူလ​နေရာ​၌ တည်ဆောက်​ကြ​၏​။ ထို့နောက် နံနက်အချိန်​၊ နေဝင်ချိန်​တို့​၌ ထာဝရဘုရား​အဖို့ မီးရှို့ရာယဇ်​များ​ကို ပူဇော်​ကြ​၏​။

ဧ​ဇ​ရ 9:9

အကျွန်ုပ်​တို့​သည် ကျွန်​များ​သာ ဖြစ်​ပါ​၏​။ သို့သော် အကျွန်ုပ်​တို့​၏​ဘုရားသခင်​သည် အကျွန်ုပ်​တို့​ကို ကျွန်ခံ​ရာ​၌ စွန့်ပစ်​မ​ထား​ဘဲ ပါးရှား​ဘုရင်​ရှေ့​တွင် မေတ္တာကရုဏာ​ပြ​တော်မူ​ပြီ​။ အကျွန်ုပ်​တို့​၏​အသက်​ကို ကာကွယ်​စောင့်ရှောက်​တော်မူ​ပြီ​။ အကျွန်ုပ်​တို့​ဘုရားသခင်​၏​အိမ်​တော်​ကို ပြန်လည်​တည်ဆောက်​စေ​၍ ပြိုပျက်​ရာ​များ​ကို​လည်း ပြန်လည်​ပြုပြင်​စေ​တော်မူ​ပြီ​။ ယုဒ​ပြည် ဂျေရုဆလင်​မြို့​တွင် ကျွန်ုပ်​တို့​ကို တံတိုင်း​သဖွယ် အကာအကွယ်​ပေး​တော်မူ​ပါ​ပြီ​။

ဆာ​လံ 110:3

သင်​၏​တန်ခိုး​ထင်ရှား​သော​နေ့​၌ သင်​၏​လူမျိုး​သည် စေတနာစိတ်​နှင့်​ပါဝင်​ကြ​လိမ့်မည်​။ သင်​၏​ပျိုရွယ်​ခြင်း​နှင်းစက်​သည် သန့်ရှင်း​သော​ဘုန်းအာနုဘော်​ကို​ဆောင်​လျက် နံနက်အချိန်​ဝမ်းဗိုက်​ထဲမှ သင့်​ထံသို့​လာ​လိမ့်မည်​။

ထွက်​မြောက် 25:2

“​ငါ့​ထံသို့ အလှူပစ္စည်း​ကို​ယူဆောင်​လာ​ကြ​မည့်​အကြောင်း အစ္စရေး​အမျိုးသား​တို့​အား​ဆင့်ဆို​လော့​။ ငါ့​အား စေတနာ​စိတ်​ဖြင့်​ပေးလှူ​သူ​အပေါင်း​တို့​ထံမှ အလှူပစ္စည်း​ကို သင်​တို့​ခံယူ​ရ​မည်​။

ထွက်​မြောက် 35:21

စိတ်အားထက်သန်​သော​သူ​၊ စိတ်စေတနာ​ရှိ​သော​သူ​အပေါင်း​တို့​သည် တွေ့ဆုံစည်းဝေးရာ​တဲ​တော်​နှင့် ထို​တဲ​တော်​၏​အမှု​ရှိသမျှ​၌​အသုံးပြု​ရန်​အတွက်​၊ သန့်ရှင်း​သော​အဝတ်တန်ဆာ​အတွက် ထာဝရဘုရား​ထံ​အလှူပစ္စည်း​ကို ယူဆောင်​လာ​ကြ​၏​။

ထွက်​မြောက် 35:29

မောရှေ​အားဖြင့် ထာဝရဘုရား​မိန့်မှာ​တော်မူ​သော လုပ်ဆောင်​ရ​မည့်​အလုပ်​အမျိုးမျိုး​အတွက် စိတ်စေတနာ​ရှိ​သော အစ္စရေး​အမျိုးသား​ယောက်ျား​မိန်းမ​အပေါင်း​တို့​သည် ထာဝရဘုရား​ထံ စေတနာ​အလျောက်​လှူ​သော​အလှူပစ္စည်း​ကို ယူဆောင်​လာ​ကြ​၏​။

ထွက်​မြောက် 36:3

သူ​တို့​သည် သန့်ရှင်းရာဌာန​ကို​တည်ဆောက်​ခြင်း​လုပ်ငန်း​အတွက် အစ္စရေး​အမျိုးသား​တို့​ယူဆောင်​လာ​သော​အလှူပစ္စည်း​အားလုံး​ကို မောရှေ​ထံ​မှ လက်ခံယူ​ကြ​၏​။ အစ္စရေး​အမျိုးသား​တို့​သည်​လည်း မောရှေ​ထံသို့ စေတနာ​အလျောက်​လှူ​သော​အလှူပစ္စည်း​တို့​ကို ဆက်လက်​၍ နံနက်တိုင်း​ယူဆောင်​လာ​ကြ​၏​။

၂ ကော 8:12

အကြောင်းမူကား စေတနာ​စိတ်​ရှိ​လျှင် မ​ရှိ​သည့်​အရာ​ကို​မ​ထောက်​ဘဲ ရှိ​သည့်​အရာ​ကို​ထောက်​၍ နှစ်သက်​လက်ခံ​တော်မူ​၏။

၂ ကော 8:3

ငါ​သက်သေခံ​သည်​ကား သူ​တို့​သည် မိမိ​တို့​စိတ်​ဆန္ဒ​အလျောက် တတ်နိုင်​သည့်​အတိုင်း​သာမက တတ်နိုင်​သည်​ထက် ပို၍​ပေးကမ်း​လျက်

၂ ကော 9:7

လူ​တစ်ဦးစီ​သည် နှမြော​သော​စိတ်​ဖြင့်​မ​ဟုတ်။ မလွှဲမရှောင်​သာ​သော​အားဖြင့်​လည်း​မ​ဟုတ်​ဘဲ မိမိ​၏​စိတ်​ထဲ၌ ဆုံးဖြတ်​ထား​သည့်​အတိုင်း ပေးလှူ​သင့်​၏။ အကြောင်းမူကား ဘုရားသခင်​သည် ကြည်ဖြူ​သော​စိတ်​ဖြင့်​ပေးလှူ​သော​သူ​ကို နှစ်သက်​တော်မူ​၏။