အာ​မုတ် 8:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ကိုယ်တော်​က “​အာမုတ်​၊ သင် မည်သည့်​အရာ​ကို မြင်​သနည်း​”​ဟု မေး​တော်မူ​လျှင် ငါ​က “​နွေရာသီသီးနှံ​ထည့်​ထား​သော​တောင်း​ကို မြင်​ပါ​၏​”​ဟု လျှောက်​ရာ ထာဝရဘုရား​က “​ငါ့​လူမျိုး​တော်​အစ္စရေး​တို့​၏​နိဂုံး​သည် ရောက်လာ​လေ​ပြီ​။ သူ​တို့​ကို ငါ​အလွတ်ပေး​တော့​မည်​မ​ဟုတ်”​ဟု မိန့်​တော်မူ​၏​။

Common Language Bible

² ထာ​ဝ​ရ​ဘု​ရား​က​ငါ့​အား``အာ​မုတ် အ​ဘယ်​အ​ရာ​ကို​မြင်​သ​နည်း'' ဟု မေး တော်​မူ​သ​ဖြင့်၊ ငါ​က​လည်း``အ​သီး​မှည့်​များ​ထည့်​ထား​သော ခြင်း​တောင်း​တစ်​ခု​ကို​မြင်​ရ​ပါ​သည်'' ဟု လျှောက်​လေ​သည်။ ထာ​ဝ​ရ​ဘု​ရား​က​ငါ ၏​လူ​မျိုး​တော်​ဣ​သ​ရေ​လ​တို့​သည်​မှည့် ရော်​၍ ကြွေ​ပျက်​တော့​မည့်​နောက်​ဆုံး​သော ကာ​လ​သို့​ရောက်​လာ​ပြီ။ ငါ​သည်​သူ​တို့ ၏​ပြစ်​မှု​များ​ကို​သည်း​မ​ခံ​တော့​ဘဲ အ​ပြစ်​ပေး​ရ​တော့​မည်။-

Garrad Bible

² မည် သည့် အ ရာ ကို မြင် ရ သ နည်း ဟု မေး တော် မူ သော်၊ အ သီး ပြည့် သော တောင်း တစ် လုံး ကို မြင် ပါ သည် ဟု လျှောက် လျှင်၊ ထာ ဝ ရ ဘု ရား က၊ ဣ သ ရေ လ လူ မျိုး တော် သည် အ ဆုံး တိုင် ရောက် ပြီ။ ငါ သည် နောင် ချမ်း သာ ပေး တော့ မည် မ ဟုတ်။

Judson Bible

² အာ​မုတ်၊ သင်​သည် အ​ဘယ်​အ​ရာ​ကို မြင်​သ​နည်း​ဟု မေး​တော်​မူ​လျှင်၊ နွေ​ကာ​လ အ​သီး​ပါ​သော​တောင်း​ကို မြင်​ပါ​သည်​ဟု ငါ​လျှောက်​သော်၊ ထာ​ဝ​ရ​ဘု​ရား​က၊ နောက်​ဆုံး​ကာ​လ​သည် ငါ၏​လူ​ဣ​သ​ရေ​လ​အ​မျိုး၌ ရောက်​လေ​ပြီ။ နောက်​တစ်​ဖန် သူ​တို့​ကို သည်း​မ​ခံ။

အာ​မုတ် 8:2 Referencias Cruzadas

ကမ္ဘာ​ဦး 6:13

ဘုရားသခင်​က နောဧ​အား “​လူ​အပေါင်း​တို့​၏​အဆုံး​သည် ငါ့​ရှေ့မှောက်​သို့​ရောက်လာ​ပြီ​။ အကြောင်းမူကား မြေကြီး​သည် သူ​တို့​ကြောင့် ရက်စက်ကြမ်းကြုတ်မှု​နှင့် ပြည့်နှက်​လျက်​ရှိ​၏​။ ကြည့်ရှု​လော့​။ ငါ​သည် သူ​တို့​ကို မြေကြီး​နှင့်အတူ​ဖျက်ဆီး​မည်​။

ဟေ​ရှာ​ယ 28:4

မြေဆီမြေနှစ်​ကောင်း​သော​ချိုင့်ဝှမ်း​ထိပ်​မှ ဂုဏ်ကျက်သရေ​အလှ ညှိုးနွမ်း​သွား​သော​ပန်းပွင့်​သည် နွေရာသီ​မတိုင်မီ အဦးဆုံးမှည့်သောအသီး​ကဲ့သို့​ဖြစ်​လိမ့်မည်​။ ထို​အသီး​ကို မြင်​သော​သူ​သည် ခူး​၍ ချက်ချင်း​စားပစ်​တတ်​၏​။

ယေ​ရ​မိ 40:10

ငါ​မူကား မိဇပါ​မြို့​တွင်​နေထိုင်​ပြီး ငါ​တို့​ထံ​ရောက်လာ​မည့် ခါလဒဲ​လူမျိုး​တို့​ကို ရင်ဆိုင်​ပေး​မည်​။ သင်​တို့​မူကား စပျစ်ဝိုင်​မှစ၍ နွေရာသီသီးနှံ​၊ ဆီ​တို့​ကို စုသိမ်း​ပြီး အိုး​များ​၌ သို​ထား​ကြ​လော့​။ သင်​တို့​ရ​ထား​သော​မြို့​တို့​တွင် နေထိုင်​ကြ​လော့​”​ဟု ဆို​လေ​၏​။

ယေ​ရ​မိ 5:31

ပရောဖက်​တို့​သည် မဟုတ်မမှန်​ပရောဖက်ပြု​ကြ​၏​။ ယဇ်ပုရောဟိတ်​တို့​သည်​လည်း မိမိ​တို့​သဘော​အတိုင်း အုပ်ချုပ်​ကြ​၏​။ ထိုသို့သော​အမှုအရာ​တို့​ကို ငါ့​လူမျိုး​တော်​သည် နှစ်သက်​ကြ​၏​။ အဆုံး​၌ သင်​တို့ မည်သို့​ပြု​ကြ​မည်နည်း​။

မြည်​တမ်း​စ​ကား 4:18

သူ​တို့​သည် ငါ​တို့​ကို ခြေရာခံ​လိုက်​ကြ​သောကြောင့် လမ်း​ပေါ်၌ ငါ​တို့​မ​သွား​မ​လာ​နိုင်​။ ငါ​တို့​နိဂုံးချုပ်​ချိန် နီးလာ​ပြီ​။ ငါ​တို့​နိဂုံးချုပ်​ချိန် ရောက်လာ​ပြီ​ဖြစ်၍ ငါ​တို့​အသက်ရှင်​ရ​သော​နေ့ ကုန်ဆုံး​လေ​ပြီ​။

ယေ​ဇ​ကျေ​လ 12:23

သို့ဖြစ်၍ သူ​တို့​အား ဘုရားရှင်​ထာဝရဘုရား​က ‘​သင်​တို့​ပြော​သော ထို​ဆိုရိုးစကား​ကို ငါ​အဆုံးသတ်​စေ​မည်​။ နောင်တွင် ထို​စကား​ကို အစ္စရေး​ပြည်​၌ ပြောဆို​ရ​တော့​မည်​မ​ဟုတ်​။ ဗျာဒိတ်နိမိတ်​ဟူသမျှ ဖြစ်လာ​မည့်​နေ့ ရောက်​တော့​မည်’​ဟု မိန့်​တော်မူ​၏​။

ယေ​ဇ​ကျေ​လ 29:8

ထို့ကြောင့် ဘုရားရှင်​ထာဝရဘုရား​က ‘ငါ​သည် အီဂျစ်​ပြည်​သို့ ဓား​ကို​ယူဆောင်​လာ​မည်​။ သင့်​အထဲ​မှ လူ​နှင့်​တိရစ္ဆာန်​တို့​ကို သုတ်သင်​ပစ်​မည်​။

ယေ​ဇ​ကျေ​လ 3:10

တစ်ဖန် ထို​သူ​က “​အချင်း​လူသား​၊ ငါ​ပြော​သော​စကား​အလုံးစုံ​ကို နားထောင်​၍ နှလုံးသွင်း​လော့​။

ယေ​ဇ​ကျေ​လ 3:7

ယခုမူ အစ္စရေး​လူမျိုး​တို့​သည် ငါ့​စကား​ကို နားထောင်​လို​သော​ဆန္ဒ​မ​ရှိ​သောကြောင့် သင့်​စကား​ကို​လည်း နားထောင်​လို​သော​ဆန္ဒ​ရှိ​မည်​မ​ဟုတ်​။ အစ္စရေး​လူမျိုး​တို့​သည် ခေါင်းမာသူ​၊ စိတ်နှလုံး​မာကျော​သူ​များ ဖြစ်​ကြ​၏​။

ယေ​ဇ​ကျေ​လ 7:6

သင့်​နိဂုံးချုပ်​ချိန် ရောက်​လေ​ပြီ​။ သင့်​နိဂုံးချုပ်​ချိန် ရောက်​လေ​ပြီ​။ ကြည့်ရှု​လော့​။ သင့်​ထံ ရုတ်တရက်​ရောက်လာ​ပြီ​။

ယေ​ဇ​ကျေ​လ 8:12

တစ်ဖန် ငါ့​အား “​အချင်း​လူသား​၊ အစ္စရေး​အမျိုးအနွယ်​သက်ကြီးဝါကြီး​တို့​သည် အမှောင်​ထဲတွင် မည်သို့​ပြု​နေ​ကြ​သည်​ကို သင်​မြင်​ပြီ​မ​ဟုတ်​လော​။ ‘​ထာဝရဘုရား​သည် ပြည်​တော်​ကို စွန့်​တော်မူ​ပြီ​ဖြစ်၍ ငါ​တို့​ကို မြင်​တော်​မ​မူ​’​ဟု ဆို​လျက် အခန်း​ထဲတွင် ကိုယ်စီ​မိမိ​ရုပ်တု​ဖြင့် ဖောက်ပြန်​နေ​ကြ​ပြီ​”​ဟု မိန့်​တော်မူ​၏​။

ယေ​ဇ​ကျေ​လ 8:17

တစ်ဖန် ငါ့​အား “​အချင်း​လူသား​၊ သင်​မြင်​ပြီ​မ​ဟုတ်​လော​။ ဤ​နေရာ​တွင် ယုဒ​အမျိုးအနွယ်​တို့​ပြု​သော စက်ဆုပ်ရွံရှာဖွယ်​အမှု​တို့​ကို သေးငယ်​သော​အမှု​ဟု သင်​ထင်​သလော​။ စင်စစ် သူ​တို့​သည် ငါ့​အမျက်​ကို တစ်ချိန်လုံး​ဆွပေး​ပြီး တစ်ပြည်လုံး​ကို ရက်စက်ကြမ်းကြုတ်မှု​များ​နှင့် ပြည့်​စေ​ကြ​ပြီ​။ သစ်ကိုင်း​ကို သူ​တို့​နှာခေါင်း​ထဲသို့ ထိုးသွင်း​ကြ​ပြီ​။

ယေ​ဇ​ကျေ​လ 8:6

တစ်ဖန် “​အချင်း​လူသား​၊ ငါ​၏​သန့်ရှင်းရာဌာန​ကို ငါ​စွန့်ပစ်​အောင် အစ္စရေး​အမျိုးအနွယ်​တို့​ပြု​သော စက်ဆုပ်ရွံရှာဖွယ်​အမှု​ကြီး​ကို သင်​မြင်​ပြီ​လော​။ ထို့ပြင် ထို့​ထက်​သာ၍ စက်ဆုပ်ရွံရှာဖွယ်​များ ပြု​နေ​သည်​ကို သင်​မြင်​ရ​ဦး​မည်​”​ဟု မိန့်​တော်မူ​၏​။

ဟော​ရှေ 9:7

စစ်ကြော​ရာ​နေ့ ရောက်လာ​ပြီ​။ ဒဏ်ပေး​ရာ​နေ့ ရောက်လာ​ပြီ​။ ဤ​အကြောင်း​ကို အစ္စရေး​အား သိ​စေ​လော့​။ သင်​တို့​သည် အပြစ်​ကြီး​ပြီး မုန်းတီးစိတ်​ပြင်းထန်​လွန်း​သောကြောင့် ပရောဖက်​တို့​လည်း ဆိုးမိုက်​ရ​လေ​ပြီ​။ ဝိညာဉ်​လူ​တို့​လည်း ရူးသွပ်​ရ​လေ​ပြီ​။

အာ​မုတ် 7:8

ထာဝရဘုရား​က ငါ့​အား “အာမုတ်​၊ သင် မည်သည့်​အရာ​ကို မြင်​သနည်း”​ဟု မေး​တော်မူ​လျှင် ငါ​က “ချိန်ကြိုး​ကို မြင်​ပါ​သည်”​ဟု လျှောက်​၏​။ ထိုအခါ ဘုရားရှင်​က “ကြည့်ရှု​လော့​။ ငါ့​လူမျိုး​တော်​အစ္စရေး​တို့​အလယ်​တွင် ချိန်ကြိုး​ကို ငါ​ချ​မည်​။ သူ​တို့​ကို နောက်တစ်ဖန် အလွတ်​ပေး​မည် မ​ဟုတ်​။

အာ​မုတ် 8:1

တစ်ဖန် ဘုရားရှင်​ထာဝရဘုရား​က ငါ့​အား ဤသို့ မြင်​စေ​တော်မူ​ပြန်​၏​။ ကြည့်ရှု​လော့​။ နွေရာသီသီးနှံ​ထည့်​ထား​သော​တောင်း​တစ်​လုံး​ကို ငါ​မြင်​၏​။

မိက္ခာ 7:1

ငါ​၌ အမင်္ဂလာ​ရှိ​၏​။ အကြောင်းမူကား ငါ​သည် နွေရာသီသီးနှံ​ရိတ်သိမ်းသူ​များ​၊ စပျစ်ခြံ​၌ အသီးကျန်လိုက်ခူးသူ​များ​နှင့်​တူ​လေ​ပြီ​။ စားစရာ​စပျစ်သီးခိုင် တစ်​ခိုင်​မျှ​မ​ရှိ​၊ အဦးဆုံးမှည့်သောအသီး​ကို စားလိုစိတ်​ရှိ​သော်လည်း တစ်​လုံး​မျှ​မ​ရှိ​။

ဇာ​ခ​ရိ 5:2

ထိုအခါ ကောင်းကင်တမန်​က ငါ့​အား “​သင် မည်သည့်​အရာ​ကို မြင်​သနည်း​”​ဟု မေး​လျှင် ငါ​က “​အလျား​အတောင်​နှစ်ဆယ်​၊ အနံ​ဆယ်​တောင်​ရှိ​သော​စာလိပ်​တစ်လိပ် ပျံဝဲ​နေ​သည်​ကို မြင်​ရ​ပါ​၏​”​ဟု ပြန်လျှောက်​လေ​၏​။