အာ​မုတ် 7:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ တစ်ဖန် ဘုရားရှင်​ထာဝရဘုရား​က ငါ့​အား ဤသို့ မြင်​စေ​တော်မူ​ပြန်​၏​။ ကြည့်ရှု​လော့​။ ဘုရားရှင်​ထာဝရဘုရား​သည် တရားစီရင်​ရန် မီး​ကို​ဆင့်ခေါ်​ရာ မီး​သည် ကျယ်ပြန့်​နက်ရှိုင်း​သော​ရေထု​ကို ဝါးမျို​ပြီးလျှင် မြေကြီး​ကို​လည်း ဝါးမျို​လေ​၏​။

Common Language Bible

⁴ ငါ​သည်​အ​ရှင်​ထာ​ဝ​ရ​ဘု​ရား​ထံ​မှ​ရူ​ပါ​ရုံ နောက်​တစ်​ခု​ကို​မြင်​ရ​၏။ ထို​ရူ​ပါ​ရုံ​၌​အ​ရှင် ထာ​ဝ​ရ​ဘု​ရား​သည် မိ​မိ​လူ​မျိုး​ကို​မီး​ဒဏ် ဖြင့်​အ​ပြစ်​ပေး​ရန်​ပြင်​ဆင်​နေ​တော်​မူ​သည် ကို​တွေ့​ရ​သည်။ ထို​မီး​သည်​မြေ​အောက်​သ​မုဒ္ဒ ရာ​တစ်​ခု​လုံး​ခန်း​ခြောက်​အောင်​ကျွမ်း​လောင် ပြီး​နောက် ကုန်း​ပေါ်​မှာ​စ​တင်​တောက်​လောင် လာ​၏။-

Garrad Bible

⁴ တစ် ဖန်၊ အ ရှင် ထာ ဝ ရ ဘု ရား ဖော် ပြ တော် မူ သည့် အ တိုင်း၊ ဘက် ပြိုင် တော် မူ ရာ ကူ ညီ ရန်၊ အ ရှင် ထာ ဝ ရ ဘု ရား မိန့် ခေါ် တော် မူ သော မီး သည်၊ မ ဟာ ရေ ထု ကို ကျွမ်း လောင် ပြီး လျှင်၊ မြေ ထု ကို လည်း ကျွမ်း လောင် မည့် ပြု ကြောင်း ငါ မြင် ရာ၊

Judson Bible

⁴ တစ်​ဖန် အ​ရှင်​ထာ​ဝ​ရ​ဘု​ရား​သည် ငါ့​အား​ပြ​တော်​မူ​သော ရူ​ပါ​ရုံ​ဟူ​မူ​ကား၊ မီး​ဖြင့် ဒဏ်​ပေး​ခြင်း​ငှာ မီး​ကို​ခေါ်​တော်​မူ၍၊ မ​ဟာ​သ​မု​ဒ္ဒ​ရာ​ကို မီး​လောင်​လေ၏။ ကုန်း​ကို​လည်း လောင်​လေ၏။

အာ​မုတ် 7:4 Referencias Cruzadas

ဟေ​ရှာ​ယ 27:4

ငါ အမျက်​မ​ထွက်​ပါ​။ မည်သူ​သည် ငါ့​ကို ချုံပင်​၊ ဆူးပင်​များ​နှင့် တိုက်ပွဲ​ဝင်​စေ​မည်နည်း​။ ချီတက်​တိုက်ခိုက်​ပြီး အားလုံး​မီးရှို့​ပစ်​မည်​။

ယေ​ရ​မိ 21:12

ထာဝရဘုရား​က “အို ဒါဝိဒ်​အမျိုးအနွယ်​တို့​၊ နံနက်တိုင်း တရားသဖြင့်​စစ်ကြောစီရင်​ကြ​လော့​။ နှိပ်စက်​ခံရ​သူ​ကို နှိပ်စက်​သော​သူ​၏​လက်​မှ ကယ်နုတ်​လော့​။ သို့မဟုတ်လျှင် သင်​တို့​၏​ဆိုးညစ်​သော​လုပ်ရပ်​ကြောင့် ငါ့​အမျက်​သည် မည်သူ​မျှ​မ​ငြှိမ်း​နိုင်​အောင် မီး​ကဲ့သို့​တောက်လောင်​လိမ့်မည်”​ဟု မိန့်​တော်မူ​၏​။

ယေ​ရ​မိ 4:4

ယုဒ​ပြည်သူ​ဂျေရုဆလင်​မြို့သား​တို့​၊ အရေဖျားလှီး​ခြင်း​ကို​ခံ​၍ သင်တို့ကိုယ်သင်တို့ ထာဝရဘုရား​ထံ​ဆက်ကပ်​ကြ​လော့​။ သင်​တို့​၏​စိတ်နှလုံး​အရေဖျား​ကို ဖယ်ရှား​ကြ​လော့​။ သို့မဟုတ်လျှင် သင်​တို့​၏​ဆိုးညစ်​သော​လုပ်ရပ်​ကြောင့် ငါ့​အမျက်​သည် မီး​ကဲ့သို့ မည်သူ​မျှ​မ​ငြှိမ်း​နိုင်​အောင် တောက်လောင်​လိမ့်မည်​။

ယေ​ဇ​ကျေ​လ 21:3

အစ္စရေး​ပြည်​အား ‘​ထာဝရဘုရား​က ကြည့်ရှု​လော့​။ ငါ​သည် သင့်​ကို ဆန့်ကျင်​မည်​။ ဓားအိမ်​ထဲမှ​ဓား​ကို ဆွဲထုတ်​၍ သင့်​အထဲ​မှ လူဆိုး​လူကောင်း​မ​ကျန် သုတ်သင်​ပစ်​မည်​။

ယော​လ 1:19

အို ထာဝရဘုရား​၊ ကိုယ်တော့်​ကို အကျွန်ုပ်​ဟစ်ခေါ်​ပါ​၏​။ အကြောင်းမူကား မီး​သည် တောကန္တာရ​ရှိ​စားကျက်မြေ​များ​ကို ဝါးမျို​၍ မီးလျှံ​တို့​သည် တော​ရှိ​သစ်ပင်​တို့​ကို လောင်ကျွမ်း​လေ​ပြီ​။

ယော​လ 2:30

မိုးကောင်းကင်​နှင့် မြေကြီး​ပေါ်တွင် အံ့ဖွယ်​သော​အမှု​တို့​ကို ငါ​ပြ​ဦး​မည်​။ သွေး​၊ မီး​နှင့် မီးခိုး​တိုင်​တို့ ဖြစ်ပေါ်​မည်​။

ဝတ်​ပြု 10:2

ထို့ကြောင့် ထာဝရဘုရား​ထံ​တော်​မှ မီး​ထွက်လာ​၍ သူ​တို့​ကို​လောင်ကျွမ်း​သဖြင့် သူ​တို့​သည် ထာဝရဘုရား​ရှေ့​တော်​၌ သေ​ကြ​လေ​၏​။

အာ​မုတ် 1:4

ထို့ကြောင့် ငါ​သည် ဟာဇေလ​အမျိုးအနွယ်​ပေါ်သို့ မီး​ကို​လွှတ်​၍ ဗင်္ဟာဒဒ်​ခံတပ်​တို့​ကို​ပါ လောင်ကျွမ်း​စေ​မည်​။

အာ​မုတ် 1:7

ထို့ကြောင့် ငါ​သည် ဂါဇ​မြို့ရိုး​အပေါ် မီး​ကို​လွှတ်​၍ ခံတပ်​တို့​ကို​ပါ လောင်ကျွမ်း​စေ​မည်​။

အာ​မုတ် 2:5

ထို့ကြောင့် ငါ​သည် ယုဒ​ပြည်​အပေါ် မီး​ကို​လွှတ်​၍ ဂျေရုဆလင်​ခံတပ်​တို့​ကို​ပါ လောင်ကျွမ်း​စေ​မည်”​ဟု မိန့်​တော်မူ​၏​။

အာ​မုတ် 4:11

“သောဒုံ​မြို့​နှင့် ဂေါမောရ​မြို့​ကို ဘုရားသခင် ဖျက်ဆီး​ပစ်​သကဲ့သို့ သင်​တို့​ကို ငါ​ဖျက်ဆီး​ပစ်​၏​။ သင်​တို့​သည် မီး​ထဲမှ ဆွဲထုတ်​လိုက်​သော​ထင်းစ​ကဲ့သို့​ဖြစ်​ခဲ့​ရ​၏​။ ထိုသို့​ဖြစ်​သော်လည်း သင်​တို့​သည် ငါ့​ထံသို့ ပြန်​မ​လာ​ကြ”​ဟု ထာဝရဘုရား​မိန့်​တော်မူ​၏​။

အာ​မုတ် 5:6

အသက်ချမ်းသာ​ရာ​ရ​မည့်​အကြောင်း ထာဝရဘုရား​ကို​ရှာ​ကြ​လော့​။ သို့မဟုတ်လျှင် ယောသပ်​အမျိုးအနွယ်​ကို ရုတ်ချည်း​မီး​လောင်​၍ ငြှိမ်းသတ်​မည့်​သူ​မ​ရှိ​ဘဲ ဗေသလ​မြို့​ကို ဝါးမျို​လိမ့်မည်​။

အာ​မုတ် 7:1

ဘုရားရှင်​ထာဝရဘုရား​က ငါ့​အား ဤသို့ မြင်​စေ​တော်မူ​၏​။ ကြည့်ရှု​လော့​။ ကောက်နှောင်း​ပေါ်စအချိန်​တွင် ကိုယ်တော်​သည် နှံကောင်အုပ်​ကြီး​ကို လွှတ်လိုက်​တော်မူ​၏​။ ဤ​အချိန်​သည် ရှင်ဘုရင်​အဖို့ ကောက်ရိတ်​ပြီး ကောက်နှောင်း​ပေါ်ချိန်​ဖြစ်​၏​။

အာ​မုတ် 7:7

တစ်ဖန် ငါ့​အား ဤသို့ မြင်​စေ​တော်မူ​၏​။ ကြည့်ရှု​လော့​။ ဘုရားရှင်​သည် ချိန်ကြိုး​ကို​ကိုင်​လျက် ချိန်ကြိုး​ဖြင့်​တိုင်းတာ​ဆောက်လုပ်​ထား​သော မြို့ရိုး​ပေါ်တွင်​ရပ်​နေ​၏​။

မိက္ခာ 1:4

မီး​နှင့်​ထိ​သော​ဖယောင်း​ကဲ့သို့​လည်းကောင်း​၊ တောင်စောင်း​တွင် စီးဆင်း​သော​ရေ​ကဲ့သို့​လည်းကောင်း ခြေ​တော်​အောက်​တွင် တောင်​များ​အရည်ပျော်​၍ ချိုင့်ဝှမ်းလွင်ပြင်​များ​လည်း အက်ကွဲ​ကုန်​လိမ့်မည်​။

နာ​ဟုံ 1:6

ကိုယ်တော်​၏​အမျက်​တော်​ရှေ့​၌ မည်သူ​ရပ်​နိုင်​မည်နည်း​။ ကိုယ်တော်​၏​ပြင်းစွာ​သော​အမျက်​တော်​ကို မည်သူ​ကြံ့ကြံ့​ခံနိုင်​မည်နည်း​။ အမျက်​တော်​ကို မီး​ကဲ့သို့​သွန်ချ​တော်မူ​လျှင် ရှေ့​တော်​၌ ကျောက်ဆောင်​များ ပြိုကျ​ကုန်​ပါ​၏​။

တော​လည် 16:35

ထာဝရဘုရား​ထံ​တော်​မှ​လည်း မီး​ထွက်လာ​၍ နံ့သာပေါင်း​ပူဇော်​နေ​သော လူ​အယောက်​နှစ်ရာ့​ငါးဆယ်​တို့​ကို လောင်ကျွမ်း​လေ​၏​။

တ​ရား​ဟော 32:22

ငါ့​အမျက်​မီး​သည် စွဲ​၍ မရဏာနိုင်ငံ​အောက်ဆုံး​ထိ​တိုင်အောင် တောက်လောင်​လိမ့်မည်​။ မြေကြီး​နှင့် မြေကြီး​အသီးအနှံ​တို့​ကို ဝါးမျို​၍ တောင်​များ​၏​အခြေအမြစ်​တို့​ကို လောင်ကျွမ်း​လိမ့်မည်​။

ဟေ​ဗြဲ 1:7

ကောင်းကင်​တမန်​များ​နှင့်​ပတ်သက်၍ “ကိုယ်တော်​သည် မိမိ​၏​ကောင်းကင်​တမန်​တို့​ကို လေ​ကဲ့သို့​လည်းကောင်း၊ မိမိ​၏​အမှု​ကို​ထမ်းဆောင်​သူ​တို့​အား မီးလျှံ​ကဲ့သို့​လည်းကောင်း ဖြစ်​စေ​တော်မူ​၏”​ဟု မိန့်​တော်မူ​၏။

ဗျာ​ဒိတ် 4:1

ထို့နောက် ငါ​ကြည့်​လိုက်​ရာ ကောင်းကင်​၌​ဖွင့်​ထား​သည့်​တံခါး​တစ်​ခု​ရှိ​၏။ ထိုအခါ ပထမ​ဦးစွာ ငါ့​အား​မိန့်​တော်မူ​သည်​ကို ငါ​ကြား​ရ​သည့်​တံပိုးခရာသံ​ကဲ့သို့​သော​အသံ​က“ဤ​အရပ်​သို့​တက်​လာ​လော့။ ဤ​အဖြစ်အပျက်​များ​နောက်တွင် ဖြစ်ပျက်​ရ​မည့်​အရာ​တို့​ကို သင့်​အား ငါ​ပြ​မည်”​ဟု ဆို​၏။