အာ​မုတ် 6:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ သင်​တို့​သည် ဆင်စွယ်​ခုတင်​တွင် အိပ်​လျက်​၊ ညောင်စောင်း​ပေါ်တွင် လဲလျောင်း​လျက်​၊ သိုးအုပ်​ထဲမှ​သိုးသငယ်​များ​နှင့် တင်းကုပ်​ထဲ​မှ​နွားသငယ်​များ​ကို သတ်စား​လျက်​၊

Common Language Bible

⁴ ဆင်​စွယ်​ကု​တင်​များ​၌​လဲ​လျောင်း​နေ​ကြ သူ​တို့၊ သိုး​ငယ်​နွား​ငယ်​တို့​၏​အ​သား​နု​ကို စား​ပြီး​ဖဲ​မွေ့​ရာ​ပေါ်​၌​လျောင်း​ကာ​အ​ကြော ဆန့်​နေ​ကြ​သူ​တို့၊ သင်​တို့​သည်​အ​ရှက်​တ​ကွဲ အ​ကျိုး​နည်း​ဖြစ်​ရ​တော့​မည်။-

Garrad Bible

⁴ ဆင် စွယ် ဖြင့် ပြီး သော သာ လွန် တွင် လျောင်း လျက်၊ ညောင် စောင်း ထက် မှီ ထိုင် လျက်၊ သိုး အုပ် မှ သိုး သား ငယ် များ နှင့်၊ တင်း ကုပ် မှ နွား သား ငယ် များ ကို စား ခြင်း၊

Judson Bible

⁴ ဆင်​စွယ်​ခု​တင်​ပေါ်​မှာ​အိပ်၍ မွေ့​ရာ​ပေါ်​မှာ​လျောင်း​ခြင်း၊ သိုး​စု​ထဲ​က သိုး​သ​ငယ်​တို့​ကို​လည်း​ကောင်း၊ နွား​တင်း​ကုပ်​ထဲ​က နွား​သ​ငယ်​တို့​ကို​လည်း​ကောင်း ယူ၍​စား​ခြင်း၊

အာ​မုတ် 6:4 Referencias Cruzadas

ကမ္ဘာ​ဦး 37:25

ထို့နောက် သူ​တို့​သည် အစားအစာ​စားသောက်​ရန် ထိုင်​လိုက်​ကြ​စဉ် ဣရှမေလ​လူမျိုး ခရီးသွား​လူတစ်စု​သည် နံ့သာမျိုး​များ​၊ လိမ်းဆေး​များ​နှင့် မုရန်စေး​များ​ကို ကုလားအုတ်​များ​ပေါ်​တင်ဆောင်​လျက် ဂိလဒ်​ပြည်​ဘက်​မှ အီဂျစ်​ပြည်​သို့​ဆင်း​သွား​နေ​သည်​ကို လှမ်းမြင်​ရ​၏​။

ဧ​သ​တာ 1:6

အဖြူရောင်​၊ အပြာရောင်​ချည်ချော​ကန့်လန့်ကာ​တို့​ကို ခရမ်းရောင်​ချည်ချော​ကြိုး​တို့​ဖြင့် ချည်​၍​ငွေ​ကွင်း​တပ်​ထား​သော​စကျင်ကျောက်​တိုင်​၌ ချည်ဆွဲ​ထား​၏​။ ကျောက်နီ​၊ စကျင်ကျောက်​၊ ကျောက်ဖြူ​၊ ကျောက်နက်​တို့​ခင်း​ထား​သော​တလင်းပြင်​ပေါ်တွင် ရွှေ​ညောင်စောင်း​၊ ငွေ​ညောင်စောင်း​များ ခင်းကျင်း​ထား​၏​။

ဆာ​လံ 73:7

သူ​တို့​၏​မျက်စိ​သည် အဆီ​ဖြင့်​မို့မောက်​လျက်​ရှိ​၏​။ သူ​တို့​၏​စိတ်အာရုံ​သည် အထိန်းအကွပ်မဲ့​လျက်​ရှိ​၏​။

ဟေ​ရှာ​ယ 22:13

“​ငါ​တို့​သည် မနက်ဖြန်​သေ​ရ​မည်​ဖြစ်၍ စား​ကြ​သောက်​ကြ​ကုန်စို့​”​ဟု ဆို​လျက် သိုး​နွား​တို့​ကို​သတ်​၍ အသား​စား​ကြ​၏​။ စပျစ်ဝိုင်​သောက်​လျက် ရွှင်မြူး​ဝမ်းမြောက်​ကြ​၏​။

ဟေ​ရှာ​ယ 28:1

စပျစ်ဝိုင်​သောက်ကြူးသူ​၊ သေသောက်ကြူး​သူ​ဧဖရိမ်​အမျိုး​တို့​၏​မာန​သရဖူ​သည် အမင်္ဂလာ​ရှိ​၏​။ မြေဆီမြေနှစ်​ကောင်း​သော​ချိုင့်ဝှမ်း​ထိပ်​မှ ဂုဏ်ကျက်သရေ​အလှ ညှိုးနွမ်း​သွား​သော​ပန်းပွင့်​သည် အမင်္ဂလာ​ရှိ​၏​။

ယေ​ရ​မိ 16:8

ထို့အတူ စားသောက်ပွဲခံရာ​အိမ်​သို့ မ​ဝင်​နှင့်​။ သူ​တို့​နှင့်အတူ ထိုင်​၍​မ​စား​မ​သောက်​နှင့်”​ဟု မိန့်​တော်မူ​၏​။

ယေ​ဇ​ကျေ​လ 16:49

ကြည့်​လော့​။ ဤသည်မှာ သင့်​ညီမ​သောဒုံ​၏​အပြစ်​ဖြစ်​၏​။ သူ​နှင့်​သူ့​သမီး​တို့​သည် မာနကြီး​၏​။ စားစရာ​အလျှံအပယ်​ရှိ​၏​။ အပူအပင်ကင်း​လျက် စိတ်အေးလက်အေး နေထိုင်​ရ​၏​။ သို့သော် ဆင်းရဲ​နွမ်းပါး​သူ​တို့​ကို ထောက်ပံ့ကူညီ​ခြင်း​မ​ရှိ​။

ယေ​ဇ​ကျေ​လ 23:41

တင့်တယ်​သော​ညောင်စောင်း​ပေါ်တွင်​ထိုင်​လျက်​၊ ငါ့​အား​ပူဇော်​ရ​မည့် နံ့သာပေါင်း​နှင့်​ဆီ​ကို စားပွဲ​တွင်​တင်​ထား​၏​။

အာ​မုတ် 3:12

တစ်ဖန် ထာဝရဘုရား​က “သိုးထိန်း​သည် ခြင်္သေ့​ခံတွင်း​မှ ခြေ​နှစ်​ချောင်း​၊ နားရွက်​တစ်ပိုင်း​ကို​သာ နုတ်ယူ​နိုင်​သကဲ့သို့ ရှမာရိ​မြို့​ခုတင်​စွန်း​၊ ဒမတ်စကပ်​ညောင်စောင်း​တွင်​ထိုင်​သော အစ္စရေး​အမျိုးသား​တို့​သာ ကယ်နုတ်​ခြင်း​ခံရ​လိမ့်မည်”​ဟု မိန့်​တော်မူ​၏​။

အာ​မုတ် 8:3

“ထို​နေ့​တွင် ဗိမာန်တော်​ထဲမှ သီချင်းသံ​တို့​သည် ညည်းတွားငိုကြွေးသံ ဖြစ်​ရ​လိမ့်မည်​။ အလောင်းကောင်​တို့​သည် နေရာ​တိုင်း​တွင် တိတ်တဆိတ်​လွှင့်ပစ်​ခြင်း ခံရ​လိမ့်မည်​”​ဟု ဘုရားရှင်​ထာဝရဘုရား မိန့်​တော်မူ​၏​။

မိက္ခာ 6:12

မြို့သား​သူဌေး​တို့​သည် ရက်စက်ကြမ်းကြုတ်​ကြ​၏​။ မြို့သူမြို့သား​တို့​သည် အလိမ်အညာ​စကား​ကို​သာ ပြော​တတ်​ကြ​၏​။ သူ​တို့​၏​လျှာ​သည် လိမ်လည်လှည့်စား​သော​စကား​ကို​သာ ဆို​တတ်​ကြ​၏​။

လုကာ 16:19

တစ်ခါက ခရမ်းရောင်​ဝတ်ရုံ​နှင့် ပိတ်ချော​ထည်​များ​ကို​ဝတ်ဆင်​ကာ နေ့စဉ် စည်းစိမ်​ခံစား​လျက် ပျော်မွေ့​နေ​သည့် သူဌေး​တစ်​ဦး​ရှိ​၏။

ယာ​ကုပ် 5:5

သင်​တို့​သည် မြေကြီး​ပေါ်တွင် အပျော်အပါး​လိုက်စား​၍ ဇိမ်ခံ​နေ​ကြ​ပြီ။ သတ်​ရန်​လျာထား​သော​နေ့​အတွက် မိမိ​တို့​စိတ်နှလုံး​ကို ဆူဖြိုး​အောင်​ကျွေးမွေး​ကြ​ပြီ။