အာ​မုတ် 3:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ အစ္စရေး​အမျိုးသား​တို့​၊ သင်​တို့​နှင့် သင်​တို့​မျိုးနွယ်စု​အပေါင်း​တို့​ကို အီဂျစ်​ပြည်​မှ​ထုတ်ဆောင်​လာ​ခဲ့​သော​ထာဝရဘုရား​က သင်​တို့​အား ဆန့်ကျင်​၍ မိန့်​တော်မူ​သော​စကား​ကို နားထောင်​ကြ​လော့​။

Common Language Bible

¹ အို ဣသ​ရေ​လ​ပြည်​သား​တို့၊ သင်​တို့​တစ်​မျိုး လုံး​ကို​အီ​ဂျစ်​ပြည်​မှ​နုတ်​ဆောင်​ခဲ့​သော ထာ​ဝ​ရ​ဘု​ရား​က သင်​တို့​နှင့်​ပတ်​သက်​၍ မိန့်​ဆို​သော​ဤ​စ​ကား​ကို​နား​ထောင်​လော့။-

Garrad Bible

^1-2 အို ဣ သ ရေ လ အ မျိုး သား တို့၊ အိ ဂျစ် ပြည် မှ ထုတ် ဆောင် တော် မူ ခဲ့ ရာ၊ မြေ ပေါ် ရှိ လူ မျိုး ခပ် သိမ်း တို့ အ နက်၊ သင် တို့ ကို သာ ငါ ရွေး ကောက် ပြီ ဟု၊ တစ် မျိုး လုံး ကို ရည် လျက် ငါ မိန့် ဆို ခဲ့ ပြီ။ သို့ ဖြစ်၍၊ သင် တို့ ဒု စ ရိုက် ဟူ သ မျှ ကို ဒဏ် စီ ရင် မည် ဟု၊ မိန့် တော် မူ သော ဗျာ ဒိတ် ချက် ကို နာ ခံ ကြ လော့။

Judson Bible

¹ အို ဣ​သ​ရေ​လ​အ​မျိုး​သား​တို့၊ အဲ​ဂု​တ္တု​ပြည်​မှ ငါ​နုတ်​ဆောင်​သော အ​မျိုး​သား​အ​ပေါင်း​တို့၊ သင်​တို့​ကို ရည်​မှတ်၍ ငါ​ထာ​ဝ​ရ​ဘု​ရား မိန့်​တော်​မူ​သော​စ​ကား​ကို နား​ထောင်​ကြ​လော့။

အာ​မုတ် 3:1 Referencias Cruzadas

၁ ရာ​ချုပ် 16:13

အို ကိုယ်တော်​၏​အစေအပါး အစ္စရေး​၏​သားစဉ်မြေးဆက်​၊ ကိုယ်တော်​ရွေးကောက်​တော်မူ​သော ယာကုပ်​သားမြေး​တို့​၊

၂ ရာ​ချုပ် 20:15

“​အို ယောရှဖတ်​မင်းကြီး​နှင့် ယုဒ​ပြည်သူ​ဂျေရုဆလင်​မြို့သား​အပေါင်း​တို့​၊ နားထောင်​ကြ​ပါ​လော့​။ ထာဝရဘုရား​က သင်​တို့​အား ‘​ဤ​စစ်တပ်ကြီး​ကြောင့် သင်​တို့​မ​ကြောက်​ကြ​နှင့်​၊ စိတ်​မ​ပျက်​ကြ​နှင့်​။ စစ်မှု​သည် သင်​တို့​အရေး​မ​ဟုတ်​။ ဘုရားသခင်​၏​အရေး​သာ ဖြစ်​၏​။

ဟေ​ရှာ​ယ 46:3

အို ယာကုပ်​အမျိုးအနွယ်​တို့​၊ ကြွင်းကျန်​သော​အစ္စရေး​အမျိုးသား​အပေါင်း​တို့​၊ ငါ့​စကား​ကို နားထောင်​ကြ​လော့​။ ဝမ်းဗိုက်​ထဲကပင် သင့်​ကို ငါ​လွယ်​ထား​၏​။ မွေးစ​ကပင် သင့်​ကို ငါ​ချီမ​ထား​၏​။

ဟေ​ရှာ​ယ 48:12

အို ယာကုပ်​အမျိုး​၊ ငါ​ခေါ်ယူ​တော်မူ​သော အစ္စရေး​လူမျိုး​၊ ငါ့​စကား​ကို နားထောင်​လော့​။ ငါ​သည် ထို​အရှင်​ဖြစ်​၏​။ ငါ​သည် အဦးဆုံး​သော​သူ​ဖြစ်​၏​။ နောက်ဆုံး​သော​သူ​လည်း ဖြစ်​၏​။

ယေ​ရ​မိ 13:11

တစ်ဖန် ထာဝရဘုရား​က “လူ​သည် ခါး​၌​ခါးပတ်​ကို စည်းထား​သကဲ့သို့ အစ္စရေး​အမျိုးအနွယ်​နှင့် ယုဒ​အမျိုးအနွယ်​အပေါင်း​တို့​ကို ငါ့​လူမျိုး​တော်​၊ ငါ့​နာမ​တော်​၊ ငါ့​ဘုန်း​တော်​၊ ငါ့​ဂုဏ်တော်​အဖြစ် ငါ့​ခါး​၌​စည်းထား​သော်လည်း သူ​တို့​သည် ငါ့​စကား​ကို နား​မ​ထောင်​ကြ”​ဟု မိန့်​တော်မူ​၏​။

ယေ​ရ​မိ 31:1

ထာဝရဘုရား​က “​ထို​ကာလ​၌ ငါ​သည် အစ္စရေး​မျိုးနွယ်စု​အပေါင်း​တို့​၏​ဘုရား​ဖြစ်​မည်​။ သူ​တို့​သည် ငါ​၏​လူမျိုး​တော်​ဖြစ်​မည်​”​ဟု မိန့်​တော်မူ​၏​။

ယေ​ရ​မိ 8:3

ကောင်းကင်​ဗိုလ်ခြေ​အရှင်​ထာဝရဘုရား​က “ငါ​နှင်ထုတ်​၍ အရပ်ရပ်​သို့​ရောက်သွား​သော​သူ​တို့​ထဲမှ ကြွင်းကျန်​သော​သူ​တည်းဟူသော ဤ​မကောင်း​သော​မျိုးနွယ်စု​ထဲမှ အသက်ရှင်​ကျန်ရစ်​သူ​အားလုံး​တို့​သည် အသက်ရှင်​ခြင်း​ထက် သေ​ခြင်း​ကို​ရွေးချယ်​ကြ​လိမ့်မည်​”​ဟု မိန့်​တော်မူ​၏​။

ဟော​ရှေ 4:1

အို အစ္စရေး​အမျိုးသား​တို့​၊ ထာဝရဘုရား​၏​စကား​တော်​ကို နားထောင်​ကြ​လော့​။ ထာဝရဘုရား​သည် ပြည်သူပြည်သား​တို့​ကို စွဲချက်တင်​လေ​ပြီ​။ “တိုင်းပြည်​တွင် သစ္စာတရား​မ​ရှိ​၊ မေတ္တာကရုဏာ​မ​ရှိ​၊ ဘုရားသခင်​ကို​သိကျွမ်း​ခြင်း​မ​ရှိ​။

ဟော​ရှေ 5:1

ယဇ်ပုရောဟိတ်​တို့​၊ နားထောင်​ကြ​။ အစ္စရေး​အမျိုးအနွယ်​တို့​၊ အာရုံစိုက်​ကြ​။ နန်းတွင်းသား​တို့​၊ စူးစိုက်​နားထောင်​ကြ​။ သင်​တို့​သည် တရားစီရင်​ခြင်း​ကို​ခံရ​ကြ​မည်​။ သင်​တို့​သည် မိဇပါ​မြို့​မှ ထောင်ချောက်​၊ တာဗော်​တောင်​ပေါ်မှ ဖြန့်​ထား​သော​ပိုက်ကွန် ဖြစ်​၏​။

အာ​မုတ် 2:10

သင်​တို့​ကို​အီဂျစ်​ပြည်​မှ​ထုတ်ဆောင်​၍ အာမောရိ​ပြည်​ကို ပိုင်ဆိုင်​ရန်​အတွက် သင်​တို့​အား တောကန္တာရ​တွင် အနှစ်​လေးဆယ်​ပို့ဆောင်​ပေး​ခဲ့​၏​။

အာ​မုတ် 4:1

ဆင်းရဲသား​တို့​ကို​နှိပ်စက်​ပြီး နွမ်းပါး​သူ​တို့​ကို​ညှဉ်းဆဲ​ကာ မိမိ​သခင်​တို့​ကို​ပင် “ငါ​တို့​အတွက် သောက်စရာ​ယူ​ခဲ့​ပါ”​ဟု ဆို​တတ်​သော ရှမာရိ​တောင်​ပေါ်မှ ဗာရှန်​နွားမ​တို့​၊ ဤ​စကား​ကို နားထောင်​ကြ​လော့​။

အာ​မုတ် 5:1

အို အစ္စရေး​အမျိုးအနွယ်​တို့​၊ သင်​တို့​အကြောင်း​ကို ငါ​ငိုချင်းဖွဲ့​သီဆို​မည်​။ ဤ​အကြောင်း​ကို သင်​တို့ နားထောင်​ကြ​လော့​။

မိက္ခာ 2:3

ထို့ကြောင့် ထာဝရဘုရား​က “​ကြည့်ရှု​လော့​။ ဤ​လူ​တို့​အပေါ်​ဘေးအန္တရာယ်​ကျရောက်​စေရန် ငါ​စီရင်​ပြီ​။ သင်​တို့​သည် ထို​ဘေး​ကို သင်​တို့​လည်ပင်း​မှ ဖယ်ရှား​နိုင်​မည်​မ​ဟုတ်​။ ဘေးအန္တရာယ်​ကျရောက်​ရာ​ကာလ​ဖြစ်​သောကြောင့် ထောင်လွှား​သွားလာ​နိုင်​ကြ​မည်​မ​ဟုတ်​။

မိက္ခာ 3:1

အကျွန်ုပ်​က “​အို ယာကုပ်​အမျိုး​ခေါင်းဆောင်​တို့​နှင့် အစ္စရေး​အမျိုး​အကြီးအမှူး​တို့​၊ နားထောင်​ကြ​လော့​။ တရားမျှတမှု​ကို သင်​တို့​သိ​သင့်​သည်​မ​ဟုတ်​လော​။

ဇေဖနိ 2:5

ပင်လယ်​ကမ်းရိုးတန်း​၌​နေထိုင်​သော​ခေရသိ​လူမျိုး​တို့​၊ သင်​တို့​၌​အမင်္ဂလာ​ရှိ​၏​။ အို ခါနာန်​ပြည်​ရှိ​ဖိလိတ္တိ​လူမျိုး​တို့​၊ ထာဝရဘုရား​၏​နှုတ်ကပတ်တော်​သည် သင်​တို့​ကို ဆန့်ကျင်​လျက် “စင်စစ် သင်​တို့​ကို တစ်ယောက်မကျန် ငါ​ဖျက်ဆီး​မည်”​ဟု မိန့်ဆို​ပြီ​။

ဗျာ​ဒိတ် 2:29

ဝိညာဉ်​တော်​က အသင်းတော်​များ​အား မိန့်​တော်မူ​သော​အရာ​ကို နား​ရှိ​သော​သူ​သည် ကြား​ပါစေ။