အာ​မုတ် 1:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ အာဇုတ်​မြို့သား​များ​နှင့် အာရှကေလုန်​မြို့​မှ ရာဇလှံတံ​စွဲကိုင်​သူ​ကို ဖယ်ရှား​ပစ်​မည်​။ ကြွင်းကျန်ရစ်​သော​ဖိလိတ္တိ​လူမျိုး​တို့ ပျက်စီး​ကုန်​သည့်​တိုင်အောင် ဧကြုန်​မြို့​ကို ငါ​ကိုယ်တိုင် ဖျက်ဆီး​ပစ်​မည်​”​ဟု ဘုရားရှင်​ထာဝရဘုရား​မိန့်​တော်မူ​၏​။

Common Language Bible

⁸ အာ​ဇုတ်​နှင့်​အာ​ရှ​ကေ​လုန်​မြို့​များ​၌​ကြီး စိုး​နေ​သူ​တို့​ကို​ရှင်း​ပစ်​မည်။ ဧ​ကြုန်​မြို့ ကို​လည်း​ငါ​ဒဏ်​ခတ်​မည်။ ကျန်​ကြွင်း​နေ သူ​ဖိ​လိတ္တိ​မှန်​သ​မျှ​လည်း​သေ​ရ​လိမ့် မည်'' ဟု​မိန့်​တော်​မူ​၏။

Garrad Bible

⁸ အာ ဇုတ် မြို့ စံ နေ သူ နှင့်၊ အာ ရှ ကေ လုန် မြို့၌ ရာ ဇ လှံ တံ စွဲ ကိုင် သူ့ ကို ပယ် ရှား လျက်၊ ဧ ကြုန် မြို့ ပေါ် တွင် လက် တော် တင် ဖိ မည့် အ တိုင်း၊ ဖိ လိ တ္တိ အ ကြွင်း အ ကျန် တို့ သည် ပျက် စီး ကြ ရ လ တ္တံ့ ဟု၊ အ ရှင် ထာ ဝ ရ ဘု ရား မိန့် တော် မူ ၏။

Judson Bible

⁸ အာ​ဇုတ်​မြို့​သား​တို့​ကို​လည်း​ကောင်း၊ အာ​ရှ​ကေ​လုန်​မြို့၌ မင်း​ပြု​သော​သူ​တို့​ကို​လည်း​ကောင်း ပယ်​ဖြတ်​မည်။ ဧ​ကြုန်​မြို့​ကို​လည်း​တိုက်၍ ကျန်​ကြွင်း​သော ဖိ​လိ​တ္တိ​လူ​တို့​သည် ပျက်​စီး​ကြ​လိမ့်​မည်​ဟု အ​ရှင်​ထာ​ဝ​ရ​ဘု​ရား မိန့်​တော်​မူ၏။

အာ​မုတ် 1:8 Referencias Cruzadas

၂ ရာ​ချုပ် 26:6

သူ​သည် ဖိလိတ္တိ​လူမျိုး​တို့​ကို ချီတက်​တိုက်ခိုက်​ပြီး ဂါသ​မြို့ရိုး​၊ ယာဗနေ​မြို့ရိုး​၊ အာဇုတ်​မြို့ရိုး​တို့​ကို ဖြိုဖျက်​၏​။ အာဇုတ်​မြို့​ဝန်းကျင်​နှင့် ဖိလိတ္တိ​ပြည်​အတွင်း​ရှိ မြို့ရွာ​များ​ကို ပြန်လည်​တည်ဆောက်​၏​။

ဆာ​လံ 81:14

ငါ​သည် သူ​တို့​၏​ရန်သူ​များ​ကို လျင်မြန်​စွာ​ရှုံးနိမ့်​စေ​၍ ငါ​၏​လက်​ကို သူ​တို့​၏​ရန်သူ​များ​ဘက်​သို့ ပြန်လှည့်​စေ​ခဲ့​ပေ​လိမ့်မည်​။​”

ဟေ​ရှာ​ယ 1:25

ပြီးလျှင် ငါ့​လက်​ကို သင့်​အပေါ်​သို့ ပြန်ရောက်​စေ​မည်​။ သင်​၌​ကပ်​နေ​သော​ချော်​ကို ပြာရည်​ဖြင့်​ချွတ်ပစ်​၍ သင်​၌​ရောနေသောခဲ​ကို ငါ​အကုန်​ဖယ်ရှား​မည်​။

ဟေ​ရှာ​ယ 20:1

အဆီးရီးယား​ဘုရင်​သာဂုန်​မင်းကြီး​စေလွှတ်​သော တာတန်​သည် အာဇုတ်​မြို့​သို့​လာ​ပြီး အာဇုတ်​မြို့​ကို​တိုက်ခိုက်​သိမ်းပိုက်​သော ထို​နှစ်​၊

ယေ​ရ​မိ 47:1

ဂါဇ​မြို့​ကို ဖာရော​မင်းကြီး မ​တိုက်ခိုက်​မီ ဖိလိတ္တိ​လူမျိုး​တို့​နှင့်​ပတ်သက်၍ ထာဝရဘုရား​၏​နှုတ်ကပတ်တော်​သည် ယေရမိ​ထံ ရောက်လာ​၏​။

ယေ​ဇ​ကျေ​လ 25:16

ထို့ကြောင့် ဘုရားရှင်​ထာဝရဘုရား​က ‘ငါ​သည် လက်​တော်​ကို​ဆန့်​ပြီး ဖိလိတ္တိ​လူမျိုး​တို့​ကို​ဆန့်ကျင်​မည်​။ ခေရသိ​လူမျိုး​တို့​ကို သုတ်သင်​ပစ်​မည်​။ ပင်လယ်​ကမ်းနား​တွင်​ကြွင်းကျန်​သော​သူ​တို့​ကို​ပါ ငါ​ဖျက်ဆီး​ပစ်​မည်​။

ယော​လ 3:4

အို တိုင်ရာ​မြို့​၊ ဆီဒုန်​မြို့​နှင့် ဖိလိတ္တိ​ပြည်သား​အပေါင်း​တို့​၊ အဘယ်ကြောင့် ငါ့​ကို​ဆန့်ကျင်​ကြ​သနည်း​။ တစ်စုံတစ်ရာ​ကြောင့် ငါ့​ကို​တုံ့ပြန်​ကြ​သလော​။ သင်​တို့ ငါ့​ကို​တုံ့ပြန်​လျှင် ငါ​သည်​လည်း မနှေးအမြန် သင်​တို့​ပြု​သော​အမှု​ကို သင်​တို့​ခေါင်း​ပေါ် ပြန်ရောက်​စေ​မည်​။

အာ​မုတ် 1:7

ထို့ကြောင့် ငါ​သည် ဂါဇ​မြို့ရိုး​အပေါ် မီး​ကို​လွှတ်​၍ ခံတပ်​တို့​ကို​ပါ လောင်ကျွမ်း​စေ​မည်​။

အာ​မုတ် 3:9

အာဇုတ်​မြို့​ခံတပ်​များ​နှင့် အီဂျစ်​ပြည်​ခံတပ်​များ​တွင် ကြွေးကြော်​လော့​။ “ရှမာရိ​တောင်​ပေါ်မှာ စုဝေး​၍ မြို့​ထဲ​တွင် ဝရုန်းသုန်းကားမှု​ကြီး​ဖြစ်​နေ​သည်​ကို​၊ ညှဉ်းပန်းနှိပ်စက်မှု​ဖြစ်​နေ​သည်​ကို ကြည့်​ကြ​လော့​။

သြ​ဗ​ဒိ 1:18

ယာကုပ်​အမျိုးအနွယ်​သည် မီး​၊ ယောသပ်​အမျိုးအနွယ်​သည် မီးလျှံ​ဖြစ်​၏​။ ရိုးပြတ်​နှင့်တူသော ဧသော​အမျိုးအနွယ်​ကို သူ​တို့​သည် မီးညှိ​လိုက်​သဖြင့် ဧသော​အမျိုးအနွယ်​ကို​ဝါးမျို​လိမ့်မည်​။ ဧသော​အမျိုးအနွယ်​တွင် အသက်ရှင်​ကျန်ရစ်​သူ ရှိ​မည်​မ​ဟုတ်”​ဟု ထာဝရဘုရား​မိန့်ဆို​ပြီ​။

ဇာ​ခ​ရိ 13:7

ကောင်းကင်​ဗိုလ်ခြေ​အရှင်​ထာဝရဘုရား​က “​အို ဓား​၊ ထ​လော့​။ ငါ​၏​သိုးထိန်း​ကို တိုက်ခိုက်​လော့​။ ငါ​၏​အိမ်နီးချင်း​ကို တိုက်ခိုက်​လော့​။ သိုးထိန်း​ကို​ရိုက်နှက်​လော့​။ ထိုအခါ သိုး​တို့ ကွဲလွင့်​သွား​ကြ​လိမ့်မည်​။ ငါ​သည်​လည်း သိုးငယ်​များ​ကို လက်​ဖြင့်​ရွယ်​၍ တိုက်ခိုက်​မည်”​ဟု မိန့်​တော်မူ​၏​။

ဇာ​ခ​ရိ 9:5

အာရှကေလုန်​မြို့​သည်​မြင်​၍ ကြောက်ရွံ့​လိမ့်မည်​။ ဂါဇ​မြို့​သည်​လည်း အလွန်​တုန်လှုပ်​လိမ့်မည်။ ဧကြုန်​သည်​လည်း မျှော်လင့်ရာမဲ့​အရှက်တကွဲ ဖြစ်​လိမ့်မည်​။ ဂါဇ​ဘုရင်​သည် ကွပ်မျက်​ခံရ​၍ အာရှကေလုန်​မြို့​သည် နေထိုင်​သူ​မ​ရှိ ဖြစ်​လိမ့်မည်​။

ဇာ​ခ​ရိ 9:6

“အာဇုတ်​မြို့​တွင် မျိုးမစစ်​သော​သူ​တို့ နေထိုင်​ကြ​လိမ့်မည်​။ ဖိလိတ္တိ​လူမျိုး​တို့​၏​မာန​ကို ငါ​ချိုးဖျက်​မည်​။

၁ ရာ 6:17

ထာဝရဘုရား​ထံ အပြစ်ဒဏ်ဖြေရာယဇ်​အဖြစ် ဖိလိတ္တိ​လူမျိုး​တို့ ပို့​လိုက်​သော ရွှေ​ပလိပ်နာဖု​အရုပ်​များ​မှာ အာဇုတ်​မြို့​အတွက် တစ်​ခု​၊ ဂါဇ​မြို့​အတွက် တစ်​ခု​၊ အာရှကေလုန်​မြို့​အတွက် တစ်​ခု​၊ ဂါသ​မြို့​အတွက် တစ်​ခု​၊ ဧကြုန်​မြို့​အတွက် တစ်​ခု​ဖြစ်​၏​။