ဟ္ဂဲ 2:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ‘အီဂျစ်​ပြည်​မှ သင်​တို့​ထွက်လာ​စဉ်က သင်​တို့​နှင့်အတူ ပဋိညာဉ်ဖွဲ့​ခဲ့​သည့်​အတိုင်း ငါ့​ဝိညာဉ်​သည် သင်​တို့​နှင့်အတူ ရှိ​၏​။ ထို့ကြောင့် ကြောက်ရွံ့​ခြင်း မ​ရှိ​ကြ​နှင့်​။

Common Language Bible

⁵ အီ​ဂျစ်​ပြည်​မှ​သင်​တို့​ပြန်​လာ​ကြ​စဉ် အ​ခါ​က ငါ​သည်​သင်​တို့​နှင့်​အ​စဉ်​အ​တူ ရှိ​မည်​ဟု​က​တိ​ပြု​ခဲ့​သည့်​အ​တိုင်း ယ​ခု တိုင်​အောင်​ပင်​သင်​တို့​နှင့်​ငါ​အ​တူ​ရှိ​၏။ သို့​ဖြစ်​၍​မ​ကြောက်​ကြ​နှင့်။''

Judson Bible

⁵ အဲ​ဂု​တ္တု​ပြည်​မှ ထွက်​သော​အ​ခါ သင်​တို့​နှင့် ငါ​ဖွဲ့​သော ပ​ဋိ​ညာဉ်​စ​ကား​နှင့်​အ​ညီ ငါ​သည် သင်​တို့​နှင့်​အ​တူ​ရှိ​၏။ ငါ​၏​ဝိ​ညာဉ်​တော်​သည် သင်​တို့​တွင် နေ​ရာ​ကျ၏။ မ​စိုး​ရိမ်​ကြ​နှင့်​ဟု၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား မိန့်​တော်​မူ​၏။

ဟ္ဂဲ 2:5 Referencias Cruzadas

၂ ရာ​ချုပ် 20:17

ဤ​တိုက်ပွဲ​ကို သင်​တို့​တိုက်စရာ​မ​လို​။ ခိုင်မာ​စွာ​ရပ်တည်​၍ ထာဝရဘုရား သင်​တို့​ကို​မည်သို့ ကယ်တင်​မည်​ကို စောင့်ကြည့်​ကြ​လော့​။ အို ယုဒ​ပြည်သူ ဂျေရုဆလင်​မြို့သား​တို့​၊ မ​ကြောက်​နှင့်​။ စိတ်​မ​ပျက်​နှင့်’​ဟု မိန့်​တော်မူ​၏​။ မနက်ဖြန်​နေ့​တွင် သူ​တို့​နှင့် ရင်ဆိုင်​တိုက်ခိုက်​ဖို့ စစ်ချီထွက်​လော့​။ ထာဝရဘုရား​သည် သင်​တို့​နှင့်အတူ ရှိ​တော်မူ​၏​”​ဟု မိန့်ဆို​၏​။

နေ​ဟ​မိ 9:20

သူ​တို့​အား​လမ်းပြသွန်သင်​ပေး​ရန် ကိုယ်တော်​၏​ကောင်းမြတ်​သော​ဝိညာဉ်​တော်​ကို ချပေး​တော်မူ​၏​။ ကိုယ်တော်​၏​မန္နမုန့်​ကို သူ​တို့​ပါးစပ်​နှင့်​မ​ပြတ်​စေ​ဘဲ ရေဆာ​သောအခါ​တွင်​လည်း ရေ​ကို​ပေး​တော်မူ​၏​။

နေ​ဟ​မိ 9:30

ကိုယ်တော်​သည် သူ​တို့​အား​နှစ်​ပေါင်း​များစွာ​သည်းခံ​တော်မူ​၍ ကိုယ်တော်​၏​ဝိညာဉ်​တော်​ခံရ​သော ပရောဖက်​များ​အားဖြင့် သူ​တို့​ကို သတိပေး​သော်လည်း ဂရု​မ​စိုက်​ကြ​သောကြောင့် သူ​တို့​ကို ဤ​ပြည်​ရှိ လူမျိုးခြား​တို့​လက်​သို့ အပ်လိုက်​တော်မူ​၏​။

ထွက်​မြောက် 19:4

‘​ငါ​သည် အီဂျစ်​လူမျိုး​တို့​ကို စီရင်​ခဲ့​ပုံ​၊ သင်​တို့​ကို လင်းယုန်​၏​တောင်ပံ​များ​ပေါ်​တင်​၍ ငါ့​ထံသို့ ခေါ်ဆောင်​လာ​ခဲ့​ပုံ​တို့​ကို သင်​တို့​ကိုယ်တိုင်​သိမြင်​ခဲ့​ကြ​၏​။

ထွက်​မြောက် 19:6

သင်​တို့​သည် ငါ့​အဖို့ နိုင်ငံ​တော်​၏​ယဇ်ပုရောဟိတ်​များ​၊ သန့်ရှင်း​သော​လူမျိုး​တော်​ဖြစ်​ကြ​မည်​’​ဟု ဆင့်ဆို​ရ​မည်​။ ဤသည်ကား အစ္စရေး​အမျိုးသား​တို့​အား သင်​ပြောဆို​ရ​မည့်​စကား​များ​ဖြစ်​၏”​ဟု မိန့်​တော်မူ​၏​။

ထွက်​မြောက် 24:3

ထို့နောက် မောရှေ​သည် ထာဝရဘုရား​၏​စကား​တော်​အလုံးစုံ​တို့​ကို​လည်းကောင်း​၊ ပညတ်​တော်မူ​ချက်​အလုံးစုံ​တို့​ကို​လည်းကောင်း လူ​တို့​အား လာ​၍​ပြောကြား​၏​။ လူ​အပေါင်း​တို့​က​လည်း “​ထာဝရဘုရား​မိန့်​တော်မူ​သမျှ​စကား​အတိုင်း အကျွန်ုပ်​တို့​ပြု​ပါ​မည်​”​ဟု တစ်သံတည်း​ပြန်ပြော​ကြ​၏​။

ထွက်​မြောက် 24:8

မောရှေ​သည် သွေး​ကို​ယူ​၍ လူ​တို့​အပေါ်​သို့​ဖျန်း​လျက် “​ကြည့်​လော့​။ ဤ​သွေး​ကား ဤ​စကား​တော်​အလုံးစုံ​တို့​နှင့်အညီ သင်​တို့​နှင့်​ထာဝရဘုရား​ဖွဲ့​တော်မူ​သော ပဋိညာဉ်​သွေး​ဖြစ်​၏​”​ဟု ဆို​လေ​၏​။

ထွက်​မြောက် 34:10

ထာဝရဘုရား​က​လည်း “​ငါ​ပဋိညာဉ်​ပြု​မည်​။ ကမ္ဘာမြေ​တစ်ခွင်လုံး​၌​လည်းကောင်း​၊ လူမျိုး​ရှိသမျှ​တို့​၌​လည်းကောင်း မ​ပြု​ခဲ့​ဖူး​သော​အံ့ဖွယ်အမှု​တို့​ကို သင်​၏​လူ​အပေါင်း​တို့​ရှေ့​၌ ငါ​ပြု​မည်​။ သင်​နှင့်အတူ​ရှိ​သော​လူ​အပေါင်း​တို့​သည် ငါ​ထာဝရဘုရား​၏​အမှု​ကို တွေ့မြင်​ကြ​လိမ့်မည်​။ ထို​အမှု​သည် သင်​နှင့်အတူ​ငါ​ပြု​မည့် ကြောက်မက်ဖွယ်​အမှု​ဖြစ်​၏​။

ထွက်​မြောက် 34:8

ထိုအခါ မောရှေ​သည် မြေ​ပေါ်သို့ အလျင်အမြန်​ဦးညွှတ်​၍ ရှိခိုးကိုးကွယ်​လျက်

ဟေ​ရှာ​ယ 41:10

မ​ကြောက်​နှင့်​၊ ငါ​သည် သင်​နှင့်အတူ​ရှိ​၏​။ မ​စိုးရိမ်​နှင့်​။ ငါ​သည် သင်​၏​ဘုရားသခင်​ဖြစ်​၏​။ အကယ်စင်စစ် သင့်​ကို ခိုင်ခံ့​စေ​မည်​။ သင့်​ကို ကူညီမစ​မည်​။ ငါ​၏​ဖြောင့်မတ်​သော​လက်ယာ​လက်​ဖြင့် သင့်​ကို ငါ​ထောက်မ​မည်​။

ဟေ​ရှာ​ယ 41:13

သင်​၏​ဘုရားသခင် ငါ​ထာဝရဘုရား​သည် သင်​၏​လက်ယာ​လက်​ကို​ကိုင်​လျက် သင့်​အား “​မ​ကြောက်​နှင့်​။ သင့်​ကို​ငါ​ကူညီမစ​မည်​”​ဟု မြွက်ဆို​သော​သူ​ဖြစ်​၏​။

ဇာ​ခ​ရိ 4:6

ထိုအခါ သူ​က ငါ့​အား “​ဤကား ဇေရုဗဗေလ​ထံသို့​ရောက်လာ​သော ထာဝရဘုရား​၏​နှုတ်ကပတ်တော် ဖြစ်​၏​။ ကောင်းကင်​ဗိုလ်ခြေ​အရှင်​ထာဝရဘုရား​က ‘​စစ်သည်​ဗိုလ်ခြေ​ကြောင့် မ​ဟုတ်​။ အစွမ်းတန်ခိုး​ကြောင့်​မ​ဟုတ်​။ ငါ့​ဝိညာဉ်​အားဖြင့်​သာ ဖြစ်​၏​။

ဇာ​ခ​ရိ 8:13

အို ယုဒ​အမျိုးအနွယ်​နှင့် အစ္စရေး​အမျိုးအနွယ်​တို့​၊ သင်​တို့​သည် လူမျိုးခြား​တို့​အလယ်​တွင် ကျိန်ဆဲစရာ​ဖြစ်​ခဲ့​သော်လည်း သင်​တို့​ကို ငါ​ကယ်တင်​မည်​။ ကောင်းချီး​ပေး​မည်​။ မ​ကြောက်​ကြ​နှင့်​။ သင်​တို့​လက်​ကို ခိုင်ခံ့​စေ​လော့’​ဟု မိန့်​တော်မူ​၏​။

ဇာ​ခ​ရိ 8:15

ယခု​ကာလ​တွင်​လည်း ယုဒ​အမျိုးအနွယ် ဂျေရုဆလင်​မြို့သား​တို့ ကောင်းစား​ဖို့ ငါ​ပြု​မည်​ဟု စိတ်ပိုင်းဖြတ်​ထား​ပြီ​။ ထို့ကြောင့် မ​ကြောက်​ကြ​နှင့်​။

မဿဲ 28:5

ထိုအခါ ကောင်းကင်တမန်​က အမျိုးသမီး​တို့​အား “ကြောက်ရွံ့​ခြင်း​မ​ရှိ​ကြ​နှင့်။ သင်​တို့​သည် လက်ဝါးကပ်တိုင်​ပေါ်​၌​တင်​ခြင်း​ခံရ​သော​ယေရှု​ကို ရှာ​နေ​ကြ​သည်​ကို ငါ​သိ​၏။

တမန်တော်ဝတ္ထု 27:24

‘ပေါလု၊ မ​စိုးရိမ်​နှင့်။ သင်​သည် ဆီဇာ​ဧကရာဇ်​ရှေ့သို့​ရောက်​ရ​မည်။ ဘုရားသခင်​သည် သင်​နှင့်အတူ​ရွက်လွှင့်​နေ​သူ​အပေါင်း​တို့​ကို​လည်း သင့်​အား ပေးအပ်​တော်မူ​ပြီ’​ဟု မြွက်ဆို​ခဲ့​ပါ​သည်။

ယော​ရှု 1:9

သင့်​ကို ငါ​မိန့်မှာ​ထား​သည်​မ​ဟုတ်​လော​။ အားယူ​၍​ရဲရင့်​ခြင်း​ရှိ​လော့​။ မ​ကြောက်​နှင့်​။ စိတ်​မ​ပျက်​နှင့်​။ သင်​သွား​လေရာရာ​၌ သင်​၏​ဘုရားသခင်​ထာဝရဘုရား​သည် သင်​နှင့်အတူ​ရှိ​၏​”​ဟု မိန့်​တော်မူ​၏​။

ယော​ရှု 8:1

တစ်ဖန် ထာဝရဘုရား​က ယောရှု​အား “​မ​ကြောက်​နှင့်​။ စိတ်​မ​ပျက်​နှင့်​။ စစ်သည်​အပေါင်း​တို့​ကို​ခေါ်​ပြီး အာဣ​မြို့​သို့ ထ​၍​စစ်ချီ​လော့​။ ကြည့်ရှု​လော့​။ အာဣ​ဘုရင်​နှင့်တကွ သူ့​လူ​၊ သူ့​မြို့​၊ သူ့​မြေ​ကို သင့်​လက်​သို့​ငါ​အပ်​ပြီ​။

ဗျာ​ဒိတ် 1:17

ငါ​သည် ထို​သူ​ကို​မြင်​ရ​သောအခါ သူ​၏​ခြေရင်း​၌​လဲကျ​၍ လူသေ​ကဲ့သို့​ဖြစ်​၏။ ထိုအခါ သူ​သည် ငါ့​အပေါ်၌ သူ​၏​လက်ယာ​လက်​ကို​တင်​လျက်“မ​ကြောက်​နှင့်။ ငါ​သည် အဦးဆုံး​နှင့်​နောက်ဆုံး​ဖြစ်​၏။

၁ ရာ 12:20

ရှမွေလ​က​လည်း လူ​တို့​အား “​သင်​တို့​မ​ကြောက်​ကြ​ပါ​နှင့်​။ ဤ​မကောင်းမှု​အလုံးစုံ​ကို ပြု​မိ​ခဲ့​ကြ​သော်လည်း ယခုမှာ ထာဝရဘုရား​နောက်​တော်​သို့​လိုက်​ခြင်း​မှ မ​လွှဲသွား​ကြ​ပါ​နှင့်​။ ထာဝရဘုရား​ကို စိတ်နှလုံး​အကြွင်းမဲ့ ဝတ်ပြု​ကြ​ပါ​လော့​။