ဟေ​ရှာ​ယ 9:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ မနာရှေ​အမျိုး​က ဧဖရိမ်​အမျိုး​ကို​၊ ဧဖရိမ်​အမျိုး​က မနာရှေ​အမျိုး​ကို ဝါးမျို​၏​။ သူ​တို့​အတူတကွ ယုဒ​အမျိုး​ကို ဆန့်ကျင်​ကြ​၏​။ ဤ​အရာ​အလုံးစုံ​ဖြစ်စေကာမူ အမျက်​တော်​မ​ပြေ​၊ လက်​တော်​သည် ဆန့်​လျက်​ရှိ​သေး​၏​။

Common Language Bible

²¹ မ​နာ​ရှေ​သား​ချင်း​စု​နှင့်​ဧ​ဖ​ရိမ်​သား​ချင်း စု​သည်​အ​ပြန်​အ​လှန်​တိုက်​ခိုက်​ကြ​ပြီး​လျှင် သူ​တို့​နှစ်​ဦး​ပေါင်း​၍​ယု​ဒ​သား​ချင်း​စု​ကို တိုက်​ခိုက်​ကြ​တော့​၏။ သို့​နှင့်​လည်း​ထာ​ဝ​ရ ဘု​ရား​သည်​အ​မျက်​တော်​မ​ပြေ​ဘဲ​အ​ပြစ် ဒဏ်​ခတ်​တော်​မူ​ရန်​လက်​တော်​ကို​ချိန်​ရွယ် လျက်​ပင်​ထား​တော်​မူ​၏။

Judson Bible

²¹ မ​နာ​ရှေ​အ​မျိုး​သည် ဧ​ဖ​ရိမ်​အ​မျိုး​ကို​လည်း​ကောင်း၊ ဧ​ဖ​ရိမ်​အ​မျိုး​သည် မ​နာ​ရှေ​အ​မျိုး​ကို​လည်း​ကောင်း ကိုက်​စား​ကြ​လိမ့်​မည်။ ထို​နှစ်​မျိုး​တို့​သည် ယု​ဒ​အ​မျိုး​ကို တ​ညီ​တ​ညွတ်​တည်း ရန်​ပြု​ကြ​လိမ့်​မည်။ သို့​သော်​လည်း၊ အ​မျက်​တော်​သည်​မ​ငြိမ်း၊ လက်​တော်​သည် ဆန့်​လျက်​ရှိ​သေး၏။

ဟေ​ရှာ​ယ 9:21 Referencias Cruzadas

၄ ရာ 15:30

ဩဇိ​မင်းကြီး​၏​သား​တော်​ယောသံ​မင်းကြီး နန်းစံ​အနှစ်​နှစ်ဆယ်​တွင် ဧလာ​မင်းကြီး​၏​သား​တော်​ဟောရှေ​သည် ရေမလိ​၏​သား​ပေကာ​မင်းကြီး​ကို လုပ်ကြံ​ရန် လျှို့ဝှက်ကြံစည်​ပြီး လုပ်ကြံ​သတ်ဖြတ်​ကာ သူ့​အရိုက်အရာ​ကို ဆက်ခံ​လေ​၏​။

ဟေ​ရှာ​ယ 10:4

အကျဉ်းသား​တို့​တွင် ဝပ်တွား​ခြင်း​၊ သတ်ဖြတ်​ခံရ​သော​သူ​တို့​တွင် လဲကျ​ခြင်း​မှတစ်ပါး အခြား​မ​ရှိ​။ ဤ​အရာ​အလုံးစုံ​ဖြစ်စေကာမူ အမျက်​တော်​မ​ပြေ​၊ လက်​တော်​သည် ဆန့်​လျက်​ရှိ​သေး​၏​။

ဟေ​ရှာ​ယ 11:13

ဧဖရိမ်​အမျိုး​၏​မနာလိုဝန်တိုစိတ်​သည် ပျောက်သွား​မည်​။ ယုဒ​အမျိုး​အား ရန်ပြု​သော​သူ​တို့​သည် ဖယ်ရှား​ခြင်း​ခံရ​မည်​။ ဧဖရိမ်​အမျိုး​သည် ယုဒ​အမျိုး​ကို မနာလို​မ​ဖြစ်​။ ယုဒ​အမျိုး​သည်​လည်း ဧဖရိမ်​အမျိုး​ကို ရန်​မ​ပြု​။

ဟေ​ရှာ​ယ 5:25

ထာဝရဘုရား​သည် မိမိ​လူမျိုး​တော်​ကို အမျက်ထွက်​၍ သူ​တို့​အပေါ်​လက်​တော်​ကို​ဆန့်​လျက် ဒဏ်ခတ်​တော်မူ​မည်​။ တောင်​တို့​သည်​လှုပ်ခတ်​ကြ​လိမ့်မည်​။ သူ​တို့​အလောင်း​သည် လမ်းမ​အလယ်​၌ အမှိုက်သရိုက်​ကဲ့သို့​ဖြစ်​လိမ့်မည်​။ ဤ​အရာ​အလုံးစုံ​ဖြစ်စေကာမူ အမျက်​တော်​မ​ပြေ​၊ လက်​တော်​သည် ဆန့်​လျက်​ရှိ​သေး​၏​။

ဟေ​ရှာ​ယ 8:21

သူ​တို့​သည် ခက်ခဲ​ပင်ပန်း​လျက်​၊ ဆာလောင်မွတ်သိပ်​လျက် ပြည်​တစ်လျှောက်​ဖြတ်သန်း​သွား​ရ​မည်​။ ဆာလောင်​သောအခါ အမျက်ထွက်​၍ မိမိ​ဘုရင်​၊ မိမိ​ဘုရားသခင်​ကို ကျိန်ဆဲ​မည်​။ အထက်​သို့ မော့ကြည့်​လျှင်​ဖြစ်စေ​၊

ဟေ​ရှာ​ယ 9:12

အရှေ့ဘက်​မှ ဆီးရီးယား​လူမျိုး​၊ အနောက်ဘက်​မှ ဖိလိတ္တိ​လူမျိုး​တို့​သည် အစ္စရေး​လူမျိုး​ကို အငမ်းမရ​ဝါးမျို​ကြ​လိမ့်မည်​။ ဤ​အရာ​အလုံးစုံ​ဖြစ်စေကာမူ အမျက်​တော်​မ​ပြေ​၊ လက်​တော်​သည် ဆန့်​လျက်​ရှိ​သေး​၏​။

ဟေ​ရှာ​ယ 9:17

သူ​တို့​အားလုံး​သည် ဘုရားတရားမဲ့​သော​သူ​၊ ဆိုးညစ်​သော​သူ​တို့​ဖြစ်​ကြ​၏​။ သူ​တို့​အားလုံး​၏​နှုတ်​သည်​လည်း မိုက်မဲ​သော​စကား​ကို ပြောဆို​တတ်​ကြ​၏​။ ထို့ကြောင့် ဘုရားရှင်​သည် လူပျို​တို့​အပေါ် နှစ်သက်​တော်​မ​မူ​။ မိဘမဲ့​နှင့် မုဆိုးမ​တို့​ကို သနား​တော်​မ​မူ​။ ဤ​အရာ​အလုံးစုံ​ဖြစ်စေကာမူ အမျက်​တော်​မ​ပြေ​၊ လက်​တော်​သည် ဆန့်​လျက်​ရှိ​သေး​၏​။

ယေ​ရ​မိ 13:14

သူ​တို့​အချင်းချင်း​ကို​သာမက သား​အဖ​ချင်း​ကို​ပင် ကွဲပြား​စေ​မည်​။ မ​သနား​၊ မ​ညှာတာ​၊ မ​စာနာ​ဘဲ သူ​တို့​ကို​ဖျက်ဆီး​မည်’​ဟူ၍ မိန့်​တော်မူ​၏”​ဟု ဆင့်ဆို​လော့​။

ယေ​ရ​မိ 4:8

ထို့ကြောင့် လျှော်တေအဝတ်​ကို​ဝတ်​၍ ငိုကြွေး​မြည်တမ်း​ကြ​လော့​။ အကြောင်းမူကား ထာဝရဘုရား​၏​ပြင်းထန်​သော​အမျက်​တော်​သည် ငါ​တို့​ထံမှ ပြန်လှည့်​မ​သွား​သေး​ပေ​။

ဇာ​ခ​ရိ 11:14

ထို့နောက် ယုဒ​လူမျိုး​နှင့် အစ္စရေး​လူမျိုး​ကြား ညီအစ်ကို​တော်စပ်မှု​ကို ပယ်ဖျက်​ရန် ဒုတိယ​တောင်ဝှေး​ဖြစ်​သော “စည်းလုံး​ခြင်း​တောင်ဝှေး”​ကို ငါ​ချိုး​ပစ်​၏​။

မဿဲ 24:10

ထို​ကာလ​၌ များစွာ​သော​လူ​တို့​သည် စိတ်ပျက်​ကြ​၍ အချင်းချင်း​အပ်နှံ​လျက် အချင်းချင်း​မုန်းတီး​ကြ​လိမ့်မည်။

ဂ​လာ​တိ 5:15

သို့သော် သင်​တို့​သည် အချင်းချင်း​ကိုက်ဖြတ်​ဝါးမျို​ကြ​လျှင် အချင်းချင်း​ကြောင့် ပျက်စီး​ခြင်း​သို့​ရောက်​မည်​ကို စိုးရိမ်​ရ​သဖြင့် သတိပြု​ကြ​လော့။

သူ​ကြီး 7:2

ထာဝရဘုရား​က ဂိဒေါင်​အား “​သင်​နှင့်အတူ ပါလာ​သော​သင့်​လူ​တို့​သည် အလွန်များ​သောကြောင့် သူ​တို့​လက်​သို့ မိဒျန်​လူမျိုး​တို့​ကို ငါ​မ​အပ်​။ အပ်​မည်​ဆိုလျှင် အစ္စရေး​လူမျိုး​တို့​က ‘​ငါ​တို့​၏​လက်ရုံး​သည် ငါ​တို့​ကို​ကယ်တင်​ပြီ​’​ဟု ဝါကြွား​ပြောဆို​ကြ​လိမ့်မည်​။

၁ ရာ 14:20

ရှောလု​မင်းကြီး​နှင့် သူ​၌​ရှိ​သော​လူ​အပေါင်း​တို့​သည် စုရုံး​၍ စစ်မြေပြင်​သို့​ချီသွား​ကြ​လျှင် ဖိလိတ္တိ​စစ်သည် အချင်းချင်း​ဓား​နှင့် ခုတ်သတ်​ကြ​၍ ဝရုန်းသုန်းကား​ဖြစ်​နေ​ကြ​သည်​ကို​တွေ့​လိုက်​ရ​၏​။