ဟေ​ရှာ​ယ 8:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ကောင်းကင်​ဗိုလ်ခြေ​အရှင်​ထာဝရဘုရား​သည် သန့်ရှင်း​သည်​ဟု သိမှတ်​ရ​မည်​။ ကိုယ်တော်​သည်​သာ သင်​တို့​ကြောက်ရွံ့​ရာ​၊ သင်​တို့​ထိတ်လန့်​ရာ ဖြစ်​တော်မူ​၏​။

Common Language Bible

¹³ အ​နန္တ​တန်​ခိုး​ရှင်​ထာ​ဝ​ရ​ဘုရား​သည်​မြင့် မြတ်​သန့်​ရှင်း​တော်​မူ​ကြောင်း​ကို​မ​မေ့​မ​လျော့ နှင့်။ သင်​ကြောက်​ရ​မည့်​သူ​ကား​ငါ​ပင်​တည်း။-

Garrad Bible

¹³ ဗိုလ် ခြေ တို့ အ ရှင် ထာ ဝ ရ ဘု ရား ကို သီး သန့်၍ ကြောက် မက် ထိတ် လန့် ဖွယ် မှတ် ကြ လော့။

Judson Bible

¹³ ကောင်း​ကင်​ဗိုလ်​ခြေ အ​ရှင်​ထာ​ဝ​ရ​ဘု​ရား​ကို ရို​သေ​ခြင်း​ရှိ​ကြ​လော့။ ထို​ဘု​ရား​ကို​သာ ကြောက်​ရွံ့​ခြင်း၊ ထိတ်​လန့်​ခြင်း ရှိ​ကြ​လော့။

ဟေ​ရှာ​ယ 8:13 Referencias Cruzadas

ကမ္ဘာ​ဦး 31:53

အာဗြဟံ​၏​ဘုရား​၊ နာခေါ်​၏​ဘုရား​၊ သူ​တို့​ဖခင်​၏​ဘုရား​သည် ငါ​တို့​ကြား​၌ တရားစီရင်​တော်မူ​ပါစေသော​”​ဟု ဆို​၏​။ ယာကုပ်​သည်​လည်း မိမိ​ဖခင်​ဣဇက်​ကြောက်ရွံ့​သော​ဘုရား​ကို​တိုင်တည်​၍ ကျိန်ဆို​လေ​၏​။

ဆာ​လံ 76:7

ကိုယ်တော်​တစ်ပါးတည်း​သာလျှင် ကြောက်ရွံ့ဖွယ်​ဖြစ်​တော်မူ​၏​။ ကိုယ်တော်​အမျက်​ထွက်​တော်မူ​သောအခါ မည်သူ​သည် ကိုယ်တော်​၏​ရှေ့​တွင် ရပ်​နေ​နိုင်​ပါ​မည်နည်း​။

ထွက်​မြောက် 20:20

မောရှေ​က​လည်း လူ​တို့​အား “​မ​ကြောက်​ကြ​နှင့်​။ သင်​တို့​သည် ဘုရားသခင်​ကို​ကြောက်ရွံ့​၍ အပြစ်​မ​ပြု​မည့်​အကြောင်း ဘုရားသခင်​သည် သင်​တို့​ကို စမ်းသပ်​ရန် ကြွလာ​တော်မူ​၏​”​ဟု ဆို​လေ​၏​။

ဟေ​ရှာ​ယ 29:23

ငါ​ပြု​သော​အမှု​ကြောင့် သူ့​သားသမီး​တို့​သည် သူ​နှင့်အတူ​ရှိ​နေ​သည်​ကို မြင်​သောအခါ ငါ့​နာမ​ကို​သန့်ရှင်း​စေ​လိမ့်မည်​။ ယာကုပ်​၏​သန့်ရှင်း​သော​အရှင်​ကို ရိုသေ​၍ အစ္စရေး​တို့​၏​ဘုရားသခင်​ကို ကြောက်ရွံ့​ကြ​လိမ့်မည်​။

ဟေ​ရှာ​ယ 5:16

ကောင်းကင်​ဗိုလ်ခြေ​အရှင်​ထာဝရဘုရား​မူကား တရားမျှတ​ခြင်း​ကြောင့် ချီးမြှောက်​ခြင်း​ခံရ​မည်​။ သန့်ရှင်း​သော​အရှင်​သည် မိမိ​သန့်ရှင်း​တော်မူ​ကြောင်း​ကို ဖြောင့်မတ်​ခြင်း​အားဖြင့် ထင်ရှား​စေ​တော်မူ​မည်​။

ယေ​ဇ​ကျေ​လ 38:16

မိုးတိမ်​သည် မြေပြင်​ကို​လွှမ်းမိုး​သကဲ့သို့ သင်​သည် ငါ့​လူမျိုး​တော်​အစ္စရေး​တို့​ကို​တိုက်ခိုက်​ရန် စစ်ချီ​လာ​မည်​။ အို ဂေါဂ​မင်းကြီး​၊ နောင်​ကာလ​တွင် ငါ​၏​ပြည်​တော်​ကို တိုက်ခိုက်​ရန် သင့်​ကို ငါ​စစ်ချီ​စေ​၍ ငါ​သန့်ရှင်း​ကြောင်း​ကို သင့်​အားဖြင့် လူမျိုးတကာ​တို့​ရှေ့​တွင် ထင်ရှား​စေ​သောအခါ သူ​တို့​သည် ငါ့​ကို​သိ​ကြ​လိမ့်မည်’​ဟု မိန့်​တော်မူ​၏​။

ဝတ်​ပြု 10:3

ထိုအခါ မောရှေ​က အာရုန်​အား “​ထာဝရဘုရား​က ‘​ငါ့​ထံသို့​ချဉ်းကပ်​သော​သူ​တို့​အား ငါ​သန့်ရှင်း​ကြောင်း ငါ​ထင်ရှား​ပြ​မည်​။ လူ​အပေါင်း​တို့​ရှေ့​၌ ငါ​သည် ဘုန်းအသရေ​ရှိ​မည်​’​ဟူ၍ မိန့်ဆို​ခဲ့​သည်​မှာ ဤ​အမှု​ကို​ဆိုလို​၏​”​ဟု ဆို​သော် အာရုန်​သည် တိတ်ဆိတ်​နေ​လေ​၏​။

ဝတ်​ပြု 22:32

အစ္စရေး​အမျိုးသား​တို့​အလယ်​၌ ငါ​သည် သန့်ရှင်း​သော​အရှင်​ဖြစ်​မည့်​အကြောင်း သင်​တို့​သည် ငါ​၏​သန့်ရှင်း​သော​နာမ​ကို မ​ရှုတ်ချ​ရ​။ ငါ​သည် သင်​တို့​ကို သန့်ရှင်း​စေ​သော​ထာဝရဘုရား​ဖြစ်​၏​။

မာ​လ​ခိ 2:5

“လေဝိ​အမျိုး​နှင့် ငါ​ဖွဲ့​ခဲ့​သော​ပဋိညာဉ်​သည် အသက်ရှင်​ခြင်း​အကြောင်း​၊ ငြိမ်သက်​ခြင်း​အကြောင်း​ကို ဖြစ်​စေ​၏​။ ငါ့​ကို​ကြောက်ရွံ့ရိုသေ​မည့်​အကြောင်း ထို​ပဋိညာဉ်​ကို သူ့​အား ငါ​ပေး​ခဲ့​၏​။ သူ​သည်​လည်း ငါ့​ကို ကြောက်ရွံ့ရိုသေ​၍ ငါ့​နာမ​ကို ရိုသေခန့်ညား​၏​။

တော​လည် 27:14

အကြောင်းမူကား ဇိန​တောကန္တာရ​၌ လူထု​တို့​ပဋိပက္ခ​ဖြစ်​ကြ​စဉ်က သင်​တို့​သည် ငါ​၏​အမိန့်​ကို​ဖီဆန်​၍ ရေ​အနား​မှ ထို​သူ​တို့​၏​ရှေ့​၌ ငါ​သန့်ရှင်း​ကြောင်း အသိအမှတ်​မ​ပြု​ကြ​သောကြောင့်​ဖြစ်​၏​”​ဟု မိန့်​တော်မူ​၏​။ (​ထို​ရေ​ကား ဇိန​တောကန္တာရ​ရှိ ကာဒေရှ​အရပ်​မှ မေရိဘ​စမ်းရေ​ဖြစ်​၏​။​)

မဿဲ 10:28

ကိုယ်ခန္ဓာ​ကို​သတ်​၍ အသက်​ဝိညာဉ်​ကို​မ​သတ်​နိုင်​သော​သူ​တို့​ကို မ​ကြောက်​ကြ​နှင့်။ ကိုယ်ခန္ဓာ​နှင့်​အသက်​ဝိညာဉ်​နှစ်မျိုးစလုံး​ကို ငရဲ​၌​ဖျက်ဆီး​နိုင်​သော​အရှင်​ကို​သာ ကြောက်​ကြ​လော့။

လုကာ 12:5

သင်​တို့​ကြောက်​ရ​မည့်​သူ​ကို သင်​တို့​အား ငါ​ပြောပြ​မည်။ ကိုယ်ခန္ဓာ​ကို​သတ်​ပြီးနောက် ငရဲ​ထဲသို့​ပစ်ချ​ပိုင်ခွင့်​ရှိ​သော​သူ​ကို ကြောက်​ကြ​လော့။ မှန်​ပေ​၏။ ထို​သူ​ကို​ကြောက်​ကြ​လော့​ဟု သင်​တို့​အား ငါ​ဆို​၏။

ရော​မ 4:20

ဘုရားသခင်​၏​ကတိ​တော်​အပေါ်၌ ယုံမှား​သံသယ​မ​ရှိ​ဘဲ ယုံကြည်​ခြင်း​အားကြီး​လျက် ဘုရားသခင်​၏​ဘုန်း​တော်​ကို​ချီးမွမ်း​ကာ

တ​ရား​ဟော 14:23

သင်​၏​ကောက်ပဲသီးနှံ​၊ စပျစ်ဝိုင်​အသစ်​၊ ဆီ​၊ နွား​သားဦး​၊ သိုး​သားဦး စသည်​တို့​၏​ဆယ်ဖို့တစ်ဖို့​ကို နာမ​တော်​ကိန်းဝပ်​ရာ​အဖြစ် သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​၊ ကိုယ်တော်​၏​ရှေ့​တော်​၌ စား​ရ​မည်​။ ဤသို့​ပြု​ခြင်း​သည် သင်​၏​ဘုရားသခင်​ထာဝရဘုရား​ကို အစဉ်အမြဲ​ကြောက်ရွံ့​မည့်​အကြောင်း သင်ယူ​ခြင်း​ဖြစ်​၏​။

ဗျာ​ဒိတ် 15:4

အို ထာဝရ​ဘုရား၊ မည်သူ​သည် ကိုယ်တော်​ကို​မ​ကြောက်ရွံ့၊ နာမ​တော်​ကို​လည်း မ​ချီးမွမ်း​ဘဲ နေ​လိမ့်မည်​နည်း။ အကြောင်းမူကား ကိုယ်တော်​တစ်ပါးတည်း​သာလျှင် သန့်ရှင်း​တော်မူ​၏။ ကိုယ်တော်​၏​ဖြောင့်မတ်​သော​စီရင်​ချက်​တို့​သည် ထင်ရှား​သည်​ဖြစ်၍ လူမျိုး​တကာ​တို့​သည် ကိုယ်တော်​၏​ရှေ့​တော်​သို့​လာ​၍ ရှိခိုး​ကြ​ပါ​လိမ့်မည်”​ဟု ဆို​ကြ​၏။

၁ ရာ 11:7

နွားတစ်ရှဉ်း​ကို​ယူ​၍ အပိုင်းပိုင်း​ခုတ်ဖြတ်​ပြီးမှ ထို​တမန်​တို့​၏​လက်​ဖြင့်​ပင် အစ္စရေး​နယ်ပယ်​တစ်လျှောက်လုံး​သို့ ပေးပို့​ကာ “​ရှောလု​နှင့် ရှမွေလ​နောက်သို့​မ​လိုက်​သော​သူ​တို့​၏​နွား​များ​ကို ဤကဲ့သို့​ပြု​မည်​”​ဟု မှာလိုက်​၏​။ ထိုအခါ ထာဝရဘုရား​ကို​ကြောက်ရွံ့စိတ်​ဝင်​ကြ​သဖြင့် လူ​တို့​သည် တညီတညွတ်တည်း ထွက်လာ​ကြ​၏​။