ဟေ​ရှာ​ယ 64:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ အို ထာဝရဘုရား​၊ ပြင်းစွာ​အမျက်ထွက်​တော်​မ​မူ​ပါ​နှင့်​။ အပြစ်​များ​ကို အစဉ်​မှတ်​တော်​မ​မူ​ပါ​နှင့်​။ ကြည့်ရှု​တော်မူ​ပါ​။ အကျွန်ုပ်​တို့​အားလုံး​သည် ကိုယ်တော်​၏​လူမျိုး​တော်​ဖြစ်​ပါ​၏​။

Common Language Bible

⁹ ကျွန်​တော်​မျိုး​တို့​အ​ပေါ်​၌ အ​လွန်​အ​မင်း အ​မျက်​ရှ​တော်​မ​မူ​ပါ​နှင့်။ သို့​မ​ဟုတ်​လျှင် လည်း​ကျွန်​တော်​မျိုး​တို့​၏​အ​ပြစ်​များ​ကို အ​စဉ်​မ​ပြတ်​အောက်​မေ့​သ​တိ​ရ​တော်​မ​မူ ပါ​နှင့်၊ ကျွန်​တော်​မျိုး​တို့​သည်​ကိုယ်​တော်​ရှင် ၏​လူ​မျိုး​တော်​ဖြစ်​၍ ကျွန်​တော်​မျိုး​တို့ အား​သ​နား​တော်​မူ​ပါ။-

Garrad Bible

⁹ အို ထာ ဝ ရ ဘု ရား၊ ပြင်း စွာ အ မျက် ထား တော် မ မူ ပါ နှင့်။ ဒု စ ရိုက် ကို လည်း အ စဉ် မှတ် တော် မ မူ ပါ နှင့်။ အ ကျွန်ုပ် တို့ ရှိ သ မျှ၊ လူ မျိုး တော် ဖြစ် ကြောင်း ကို ထောက် ရှု တော် မူ ပါ။

Judson Bible

⁹ အို ထာ​ဝ​ရ​ဘု​ရား၊ ပြင်း​စွာ​အ​မျက်​ထွက်​တော်​မ​မူ​ပါ​နှင့်။ ပြစ်​မှား​မိ​သော​အ​ပြစ်​တို့​ကို အ​စဉ်​မ​ပြတ် အောက်​မေ့​တော်​မ​မူ​ပါ​နှင့်။ ကြည့်​ရှု​တော်​မူ​ပါ။ အ​ကျွန်ုပ်​တို့​ရှိ​သ​မျှ​သည် ကိုယ်​တော်၏​လူ​ဖြစ်​ကြ​ပါ၏။

ဟေ​ရှာ​ယ 64:9 Referencias Cruzadas

၄ ရာ 25:9

သူ​သည် ထာဝရဘုရား​၏​အိမ်​တော်​မှစ၍ ဘုရင့်​နန်းတော်​နှင့် ဂျေရုဆလင်​မြို့​ရှိ အိမ်​အားလုံး​ကို မီးရှို့​၏​။ မှူးကြီးမတ်ရာ​တို့​၏​အိမ်​အားလုံး​ကို​လည်း မီး​ရှို့​လေ​၏​။

ဆာ​လံ 119:94

ကိုယ်တော်​သည် အကျွန်ုပ်​ကို​ပိုင်​တော်မူ​၏​။ အကျွန်ုပ်​သည် ကိုယ်တော်​၏​ဥပဒေသ​တို့​ကို ရှာမှီး​ပြီ​ဖြစ်၍ အကျွန်ုပ်​ကို​ကယ်တင်​တော်မူ​ပါ​။

ဆာ​လံ 38:1

အို ထာဝရဘုရား​၊ ကိုယ်တော်​၏​အမျက်​တော်​ဖြင့် အကျွန်ုပ်​ကို ဆုံးမ​တော်​မ​မူ​ပါ​နှင့်​။ ကိုယ်တော်​၏​အမျက်ဒေါသ​ဖြင့် အကျွန်ုပ်​ကို ပဲ့ပြင်​တော်​မ​မူ​ပါ​နှင့်​။

ဆာ​လံ 6:1

အို ထာဝရဘုရား​၊ ကိုယ်တော်​၏​အမျက်​တော်​ဖြင့် အကျွန်ုပ်​ကို​ဆုံးမ​တော်​မ​မူ​ပါ​နှင့်​။ ကိုယ်တော်​၏​အမျက်ဒေါသ​ဖြင့် အကျွန်ုပ်​ကို​ပဲ့ပြင်​တော်​မ​မူ​ပါ​နှင့်​။

ဆာ​လံ 79:13

ထိုအခါ ကိုယ်တော်​၏​လူမျိုး​တော်​နှင့် ကိုယ်တော်​၏​စားကျက်​မှ​သိုးစု​ဖြစ်​သော အကျွန်ုပ်​တို့​သည် ကိုယ်တော်​ကို အစဉ်အမြဲ​ချီးမွမ်း​၍ ကိုယ်တော်​၏​ဂုဏ်ကျေးဇူး​တော်​ကို မျိုးဆက်​အစဉ်အဆက်​ပြောကြား​ကြ​ပါ​မည်​။

ဟေ​ရှာ​ယ 43:25

ငါ​ကိုယ်တော်တိုင် သင်​ကျူးလွန်​သော​အပြစ်​တို့​ကို ငါ့​အဖို့ ငါ​ပယ်ဖျက်​၏​။ သင်​၏​အပြစ်​တို့​ကို ငါ​အောက်မေ့​မည်​မ​ဟုတ်​။

ဟေ​ရှာ​ယ 57:17

မတရား​အကျိုးစီးပွား​ရှာ​သော​အပြစ်​ကြောင့် ငါ​သည် အမျက်ထွက်​၍ သူ့​ကို​ရိုက်​၏​။ ငါ​သည် အမျက်ထွက်​၍ မျက်နှာ​လွှဲ​သော်လည်း သူ​သည် မိမိ​စိတ်​အလိုရှိ​ရာ​လမ်း​သို့ ဆက်သွား​၍ လမ်းလွဲ​လျက်​ရှိ​၏​။

ဟေ​ရှာ​ယ 60:10

တိုင်းတစ်ပါးသား​တို့​သည် သင်​၏​မြို့ရိုး​တို့​ကို​တည်ဆောက်​ကြ​ရ​မည်​။ သူ​တို့​၏​ရှင်ဘုရင်​တို့​သည် သင်​၏​အမှု​ကို​ထမ်းဆောင်​ကြ​ရ​မည်​။ အကြောင်းမူကား ငါ​သည် သင့်​ကို အမျက်ထွက်​၍ ဒဏ်ခတ်​သော်လည်း ကရုဏာထား​၍ ကျေးဇူးပြု​ဦး​မည်​။

ဟေ​ရှာ​ယ 63:18

ကိုယ်တော်​၏​သန့်ရှင်း​သော​လူမျိုး​တော်​တို့ ခဏသာ​ပိုင်ဆိုင်​ရ​ပြီး ရန်သူ​တို့​သည် ကိုယ်တော်​၏​သန့်ရှင်းရာဌာန​တော်​ကို နင်းချေ​ကြ​ပြီ​။

ဟေ​ရှာ​ယ 63:19

အကျွန်ုပ်​တို့​သည် ရှေးကာလ​ကပင် ကိုယ်တော်​မ​အုပ်စိုး​သော​သူ​များ​၊ ကိုယ်တော်​၏​နာမ​တော်​ဖြင့် ခေါ်ဝေါ်​ခြင်း​မ​ခံရ​သော​သူ​များ​ဖြစ်​ကြ​ပါ​၏​။

ဟေ​ရှာ​ယ 63:8

ကိုယ်တော်​က “​စင်စစ် သူ​တို့​သည် ငါ​၏​လူမျိုး​တော်​ဖြစ်​၏​။ သူ​တို့​သည် သစ္စာ​မ​ပျက်​သော​သားသမီး​များ​ဖြစ်​ကြ​လိမ့်မည်​”​ဟု မိန့်​တော်မူ​၏​။ ကိုယ်တော်​သည်​လည်း သူ​တို့​၏​ကယ်တင်ရှင်​ဖြစ်​တော်မူ​၏​။

ယေ​ရ​မိ 10:24

အို ထာဝရဘုရား​၊ အကျွန်ုပ်​ကို​ပဲ့ပြင်​တော်မူ​သောအခါ အမျက်​တော်​ဖြင့်​မ​ဟုတ်​ဘဲ တရားမျှတမှု​ဖြင့် ပဲ့ပြင်​တော်မူ​ပါ​။ သို့မဟုတ်လျှင် အကျွန်ုပ်​အကျိုးနည်း​ရ​ပါ​လိမ့်မည်​။

ယေ​ရ​မိ 3:12

ထို့ကြောင့် သင်​သည် မြောက်အရပ်​သို့​သွား​၍ ဤ​သတင်းစကား​တို့​ကို ဟစ်ကြော်​ပြောဆို​လော့​။ ‘​အို လမ်းလွဲဖောက်ပြန်​သော​အစ္စရေး​လူမျိုး​၊ ပြန်လာ​လော့​’​ဟု ထာဝရဘုရား​မိန့်​တော်မူ​၏​။ ‘​ငါ​သည် ကရုဏာ​ထား​သည်​ဖြစ်၍ သင့်​အပေါ် အမျက်​ကျရောက်​စေ​မည်​မ​ဟုတ်​’​ဟု ထာဝရဘုရား​မိန့်​တော်မူ​၏​။ ‘​ငါ​သည် အမျက်​အစဉ်​ထွက်​မည်​မ​ဟုတ်​။

ယေ​ရ​မိ 44:21

“​သင်​တို့​နှင့် သင်​တို့​၏​ဘိုးဘေး​များ​၊ ရှင်ဘုရင်​များ​၊ အကြီးအကဲ​များ​နှင့် ပြည်သူပြည်သား​တို့​သည် ယုဒ​ပြည်​၊ ဂျေရုဆလင်​မြို့​လမ်း​များ​ပေါ်တွင် နံ့သာပေါင်း​မီးရှို့ပူဇော်​ခဲ့​ကြ​သည်​ကို ထာဝရဘုရား မ​အောက်မေ့​ဘဲ​နေ​တော်မူ​မည်လော​။ မ​မှတ်​ဘဲ​နေ​တော်မူ​မည်လော​။

မြည်​တမ်း​စ​ကား 2:7

ဘုရားရှင်​သည် ယဇ်ပလ္လင်​ကို​စွန့်ပယ်​တော်မူ​ပြီ​။ သန့်ရှင်းရာဌာန​ကို စက်ဆုပ်​တော်မူ​ပြီ​။ နန်းတော်​တံတိုင်း​တို့​ကို​လည်း ရန်သူ့​လက်​သို့ အပ်လိုက်​တော်မူ​ပြီ​။ ရန်သူ​တို့​သည် ပွဲတော်​နေ့​ကဲ့သို့ပင် ထာဝရဘုရား​၏​အိမ်​တော်​၌ ကြွေးကြော်​ကြ​လေ​ပြီ​။

မြည်​တမ်း​စ​ကား 5:18

ဇိအုန်​တောင်​ပေါ်၌ လူသူကင်းမဲ့​သောကြောင့် တောခွေး​တို့ သွားလာ​နေ​ကြ​ပါ​၏​။

မြည်​တမ်း​စ​ကား 5:20

အကျွန်ုပ်​တို့​ကို အဘယ်ကြောင့် အစဉ်​မေ့လျော့​တော်မူ​ပါ​သနည်း​။ အဘယ်ကြောင့် အချိန်​ကြာမြင့်​စွာ စွန့်ပစ်​တော်မူ​ပါ​သနည်း​။

မြည်​တမ်း​စ​ကား 5:22

သို့မဟုတ် ကိုယ်တော်​သည် အကျွန်ုပ်​တို့​ကို အမှန်ပင်​စွန့်ပစ်​တော်မူ​မည်လော​။ ကျွန်ုပ်​တို့​ကို အမျက်​ပြင်းစွာ​ထွက်​တော်မူ​မည်လော​။

ယေ​ဇ​ကျေ​လ 29:16

အီဂျစ်​ပြည်​သည် အစ္စရေး​အမျိုးအနွယ်​တို့​အတွက် အားကိုးစရာ​ဖြစ်​တော့​မည်​မ​ဟုတ်​။ သူ​တို့​သည် အီဂျစ်​ပြည်​ကို အားကိုး​မိ​ခြင်း​အတွက် မိမိ​တို့​မှား​ကြောင်း​ကို သိ​ရ​ကြ​လိမ့်မည်​။ သို့မှ ငါ​သည် ဘုရားရှင်​ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

ဝတ်​ပြု 26:31

ငါ​သည် သင်​တို့​၏​မြို့​များ​ကို ပြိုပျက်​စေ​၍ သင်​တို့​၏​သန့်ရှင်းရာဌာန​ကို လူသူကင်းမဲ့​စေ​မည်​။ သင်​တို့​၏​မွှေးကြိုင်​သော​ရနံ့​ကို​လည်း ငါ​ခံယူ​မည်​မ​ဟုတ်​။

ဟ​ဗက္ကုတ် 3:2

အို ထာဝရဘုရား​၊ ကိုယ်တော့်​အကြောင်း​ကို​ကြား​ရ​၍ အကျွန်ုပ်​ကြောက်​ပါ​၏​။ အို ထာဝရဘုရား​၊ ကိုယ်တော်​ပြု​တော်မူ​သော​အမှု​များ​ကို အကျွန်ုပ်​တို့​ခေတ်​ကာလ​တွင် ထပ်မံ​ပြု​တော်မူ​ပါ​။ အကျွန်ုပ်​တို့​ခေတ်​ကာလ​တွင် ထင်ရှား​စေ​တော်မူ​ပါ​။ အမျက်​ထွက်​သော်လည်း ကရုဏာ​တော်​ကို ပြန်လည်​အောက်မေ့​တော်မူ​ပါ​။

မာ​လ​ခိ 1:4

ဧဒုံ​ပြည်သား​တို့​က​လည်း “​ငါ​တို့ ဖျက်ဆီး​ခံရ​လျှင် ငါ​တို့​ပြန်လာ​၍ အပြိုအပျက်​တို့​ကို ပြန်လည်​တည်ဆောက်​မည်​”​ဟု ဆို​ကြ​၏​။ ကောင်းကင်​ဗိုလ်ခြေ​အရှင်​ထာဝရဘုရား​က​လည်း “​သူ​တို့ ပြန်လည်​တည်ဆောက်​လျှင် ငါ​ဖြိုဖျက်​မည်​။ သူ​တို့​ပြည်​သည် ဆိုးယုတ်​သော​ပြည်​၊ သူ​တို့​သည် ထာဝရဘုရား​၏​အမျက်​တော်​သင့်​ခြင်း​ကို ခံရ​သော​လူမျိုး​ဟု အစဉ်​အခေါ်​ခံရ​ကြ​လိမ့်မည်​။

၂ ပေ 2:17

ထို​သူ​တို့​သည် ခန်းခြောက်​သော​စမ်းရေ​တွင်း​များ၊ မုန်တိုင်း​ဖြင့်​လွင့်ပါ​သွား​သည့်​မိုးတိမ်​များ​ဖြစ်​ကြ​၏။ သူ​တို့​အတွက် မှောင်မည်း​သော​အမှောင်​ကို ထိန်းသိမ်း​ထား​လျက်​ရှိ​၏။

ဗျာ​ဒိတ် 20:10

သူ​တို့​ကို​လှည့်ဖြား​သော​မာရ်နတ်​သည်​လည်း သားရဲ​နှင့်​ပရောဖက်​အတုအယောင်​တို့​ရှိ​ရာ ကန့်​နှင့်​ရော​သော​မီး​အိုင်​ထဲသို့ ပစ်ချ​ခြင်း​ခံရ​၏။ သူ​တို့​သည် ထို​နေရာ​၌ နေ့​ရော​ည​ပါ ကမ္ဘာ​အဆက်ဆက် ညှဉ်းဆဲ​ခြင်း​ကို​ခံရ​ကြ​လိမ့်မည်။