ဟေ​ရှာ​ယ 63:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ ကိုယ်တော်​သည် အကျွန်ုပ်​တို့​၏​အဖ​ဖြစ်​တော်မူ​၏​။ အာဗြဟံ​သည် အကျွန်ုပ်​တို့​ကို​မ​သိ​။ အစ္စရေး​သည်​လည်း အကျွန်ုပ်​တို့​ကို​အသိအမှတ်​မ​ပြု​။ အို ထာဝရဘုရား​၊ ကိုယ်တော်​မူကား အကျွန်ုပ်​တို့​၏​အဖ​ဖြစ်​တော်မူ​၏​။ ရှေးကာလ​ကပင် ကိုယ်တော်​၏​နာမ​တော်​သည် “​အကျွန်ုပ်​တို့​ကို​ရွေးနုတ်​သော​အရှင်​” ဖြစ်​၏​။

Common Language Bible

¹⁶ ကိုယ်​တော်​ရှင်​သည်​ကျွန်​တော်​မျိုး​တို့​၏​အ​ဖ ဖြစ်​တော်​မူ​ပါ​၏။ ကျွန်​တော်​မျိုး​တို့​၏​ဘိုး​ဘေး များ​ဖြစ်​သော​အာ​ဗြ​ဟံ​နှင့်​ယာ​ကုပ်​တို့​ပင် လျှင် ကျွန်​တော်​မျိုး​တို့​အား​အ​သိ​အ​မှတ်​မ ပြု​နိုင်​ကြ​ပါ။ သို့​ရာ​တွင်​ထာ​ဝ​ရ​ဘု​ရား သည် ကျွန်​တော်​မျိုး​တို့​၏​အ​ဖ​ဖြစ်​တော်​မူ ပါ​၏။ ကျွန်​တော်​မျိုး​တို့​အား​ရှေး​ကာ​လ ထဲ​က အ​စဉ်​အ​မြဲ​ကယ်​ဆယ်​တော်​မူ​ခဲ့ သူ​မှာ​ကိုယ်​တော်​ရှင်​ပင်​ဖြစ်​ပါ​၏။-

Garrad Bible

¹⁶ အို ထာ ဝ ရ ဘု ရား၊ ကိုယ် တော် သည် အ ကျွန်ုပ် တို့ အ ဖ ဖြစ် တော် မူ ပါ၏။ အ ကျွန်ုပ် တို့ ကို အာ ဗြ ဟံ မ သိ မ ကျွမ်း၊ ဣ သ ရေ လ မ သိ မ မှတ် သော် လည်း၊ ကိုယ် တော် သည် အ ကျွန်ုပ် တို့ အ ဖ မှန် တော် မူ ပါ ၏။ နာ မ တော် ကား၊ ရှေး မ ဆွ က အ ကျွန်ုပ် တို့ ကို ရွေး နုတ် သော အ ရှင် ပေ တည်း။

Judson Bible

¹⁶ အာ​ဗြ​ဟံ​သည် အ​ကျွန်ုပ်​တို့​ကို မ​သိ၊ ဣ​သ​ရေ​လ​သည် လက်​မ​ခံ​သော်​လည်း၊ အ​ကယ်​စင်​စစ် ကိုယ်​တော်​သည် အ​ကျွန်ုပ်​တို့​အ​ဘ ဖြစ်​တော်​မူ၏။ အို ထာ​ဝ​ရ​ဘု​ရား၊ ကိုယ်​တော်​သည် အ​ကျွန်ုပ်​တို့​အ​ဘ ဖြစ်​တော်​မူ၏။ ရှေး​ကာ​လ​မှ​စ၍ အ​ကျွန်ုပ်​တို့​ကို ရွေး​နုတ်​သော​ဘု​ရား ဖြစ်​တော်​မူ၏။

ဟေ​ရှာ​ယ 63:16 Referencias Cruzadas

၁ ရာ​ချုပ် 29:10

ထို့နောက် ဒါဝိဒ်​မင်းကြီး​သည် လူထု​တစ်ရပ်လုံး​ရှေ့​တွင် ထာဝရဘုရား​ကို ချီးမွမ်းထောမနာ​ပြု​လေ​၏​။ ဒါဝိဒ်​မင်းကြီး​က​လည်း “​အကျွန်ုပ်​တို့​၏​ဘိုးဘေး အစ္စရေး​၏​ဘုရားသခင်​ထာဝရဘုရား​၊ ကိုယ်တော်​သည် ကမ္ဘာ​အဆက်ဆက် မင်္ဂလာရှိ​တော်မူ​ပါစေသော​။

ယောဘဝတ္တု။ 14:21

သူ့​သား​တို့​ချီးမြှောက်​ခံရ​လျှင်​လည်း သူ​မ​သိ​ရ​ပါ​။ သူ​တို့​အထင်သေး​ခံရ​လျှင်​လည်း သူ​နား​မ​လည်​ပါ​။

ထွက်​မြောက် 4:22

ထိုအခါ သင်​သည် ဖာရော​မင်းကြီး​အား ‘​ထာဝရဘုရား​က အစ္စရေး​လူမျိုး​သည် ငါ့​သား​၊ ငါ​၏​သားဦး​ဖြစ်​၏​။

ဒေသနာကျမ်း။ 9:5

အကြောင်းမူကား အသက်ရှင်​သော​သူ​တို့​သည် မိမိ​တို့​သေ​ရ​မည်​ကို သိ​ကြ​၏​။ သေ​သော​သူ​တို့​မူကား မည်သည့်​အရာ​ကို​မျှ​မ​သိ​ကြ​။ သူ​တို့​နှင့်ဆိုင်သော​အောက်မေ့စရာ​များ​ပင်လျှင် မေ့လျော့​ခြင်း​ခံရ​သည်​ဖြစ်၍ သူ​တို့​အတွက် ဆုလာဘ်​လည်း နောက်ထပ်​မ​ရှိ​တော့​ပေ​။

ဟေ​ရှာ​ယ 1:2

အို ကောင်းကင်​၊ နားထောင်​လော့​။ အို မြေကြီး​၊ စူးစိုက်​နားထောင်​လော့​။ ထာဝရဘုရား​က “​ငါ​သည် သားသမီး​တို့​ကို ကျွေးမွေး​ပြုစု​ခဲ့​သော်လည်း သူ​တို့​သည် ငါ့​ကို​ဆန့်ကျင်ပုန်ကန်​ကြ​ပြီ​။

ဟေ​ရှာ​ယ 29:22

အာဗြဟံ​ကို ရွေးနုတ်ကယ်တင်​သော​ထာဝရဘုရား​က ယာကုပ်​အမျိုးအနွယ်​အား “​ယာကုပ်​သည် အရှက်ကွဲ​ရ​တော့​မည်​မ​ဟုတ်​။ မျက်နှာပျက်​ရ​တော့​မည်​မ​ဟုတ်​။

ဟေ​ရှာ​ယ 41:14

“​အို ပိုးကောင်​ယာကုပ်​၊ အို အစ္စရေး​လူမျိုး​တို့​၊ မ​ကြောက်​နှင့်​။ သင့်​ကို ငါ​ကူညီမစ​မည်​”​ဟု ထာဝရဘုရား မိန့်​တော်မူ​၏​။ သင့်​ကို​ရွေးနုတ်​သော​သူ​သည် အစ္စရေး​လူမျိုး​၏​သန့်ရှင်း​သော​အရှင် ဖြစ်​တော်မူ​၏​။

ဟေ​ရှာ​ယ 41:8

သို့သော် ငါ့​အစေအပါး အစ္စရေး​၊ ငါ​ရွေးချယ်​သော​သူ ယာကုပ်​၊ ငါ့​မိတ်ဆွေ အာဗြဟံ​၏​သားစဉ်မြေးဆက်​၊

ဟေ​ရှာ​ယ 43:14

အစ္စရေး​လူမျိုး​၏​သန့်ရှင်း​သော​အရှင်​၊ သင်​တို့​ကို​ရွေးနုတ်​သော​အရှင် ထာဝရဘုရား​က “​သင်​တို့​အတွက် ဘေဘီလုံ​မြို့​သို့ စစ်သည်​တို့​ကို ငါ​စေလွှတ်​၍ ခါလဒဲ​လူမျိုး​အပါအဝင် ထို​မြို့​၌​ရှိ​သော​လူ​အားလုံး​တို့​ကို မိမိ​တို့​ဂုဏ်ယူ​ရ​သော​သင်္ဘော​ဖြင့် ထွက်ပြေး​စေ​မည်​။

ဟေ​ရှာ​ယ 44:6

အစ္စရေး​လူမျိုး​၏​ရှင်ဘုရင်​ထာဝရဘုရား​၊ အစ္စရေး​လူမျိုး​ကို​ရွေးနုတ်​သော ကောင်းကင်​ဗိုလ်ခြေ​အရှင်​ထာဝရဘုရား​က “​ငါ​သည် အဦးဆုံး​သော​သူ​ဖြစ်​၏​။ နောက်ဆုံး​သော​သူ​လည်း ဖြစ်​၏​။ ငါ​မှတစ်ပါး အခြား​ဘုရား​မ​ရှိ​။

ဟေ​ရှာ​ယ 45:11

အစ္စရေး​လူမျိုး​၏​သန့်ရှင်း​သော​အရှင်​၊ ထို​လူမျိုး​ကို​ပုံဖော်ဖန်ဆင်း​သော ထာဝရဘုရား​က “​ဖြစ်လာ​မည့်​အရာ​တို့​နှင့်​ပတ်သက်၍ ငါ့​ကို မေးခွန်းထုတ်​ကြ​သလော​။ ငါ့​သားသမီး​တို့​နှင့်​ပတ်သက်၍​၊ ငါ့​လက်​ပြု​သော​အမှု​နှင့်​ပတ်သက်၍ ငါ့​ကို အမိန့်ပေး​ကြ​သလော​။

ဟေ​ရှာ​ယ 51:2

သင်​တို့​အဖ အာဗြဟံ​၊ သင်​တို့​ကို​မွေးဖွား​သော​စာရာ​ကို ကြည့်​ကြ​လော့​။ ငါ​ခေါ်​စဉ်က အာဗြဟံ​တစ်ဦးတည်း​ရှိ​၏​။ ငါ​သည် သူ့​ကို ကောင်းချီးပေး​၍ များပြား​စေ​၏​။

ဟေ​ရှာ​ယ 54:5

အကြောင်းမူကား သင့်​ကို​ဖန်ဆင်း​တော်မူ​သော​အရှင်​သည် သင်​၏​ခင်ပွန်း​ဖြစ်​၏​။ နာမ​တော်​ကား ကောင်းကင်​ဗိုလ်ခြေ​အရှင်​ထာဝရဘုရား​ပေတည်း​။ သင့်​ကို​ရွေးနုတ်​တော်မူ​သော​အရှင်​သည် အစ္စရေး​လူမျိုး​၏​သန့်ရှင်း​သော​အရှင်​ဖြစ်​၏​။ မြေကြီး​တစ်ပြင်လုံး​၏​ဘုရား​ဟု ခေါ်ဝေါ်​ခြင်း​ခံရ​၏​။

ဟေ​ရှာ​ယ 60:16

သင်​သည် လူမျိုးတကာ​တို့​၏​နို့​ကို​စို့​ရ​လိမ့်မည်​။ ရှင်ဘုရင်​တို့​၏​သားမြတ်​ကို စို့​ရ​လိမ့်မည်​။ ငါ​ထာဝရဘုရား​သည် သင့်​ကို​ကယ်တင်​သော​အရှင်​၊ သင့်​ကို​ရွေးနုတ်​သော​အရှင်​၊ ယာကုပ်​အမျိုး​၏​တန်ခိုးကြီး​သော​အရှင်​ဖြစ်ကြောင်း​ကို သင်​သိ​ရ​လိမ့်မည်​။

ဟေ​ရှာ​ယ 63:12

ဘုန်းကြီး​သော​လက်ရုံး​တော်​ကို မောရှေ​၏​လက်ယာ​လက်​နှင့်အတူ ရှိ​စေ​သော​သူ​၊ နာမ​တော်​အစဉ်​ထင်ရှား​စေရန် သူ​တို့​ရှေ့​တွင် ရေ​ကို​ခွဲ​သော​သူ​၊

ဟေ​ရှာ​ယ 64:7

ကိုယ်တော်​သည် အကျွန်ုပ်​တို့​ထံမှ မျက်နှာ​တော်​ကို​လွှဲ​၍ ဒုစရိုက်​လက်​ထဲ၌ အကျွန်ုပ်​တို့​ကို နစ်မွန်း​စေ​သဖြင့် ကိုယ်တော်​၏​နာမ​တော်​ကို​ခေါ်​သော​သူ​၊ မိမိ​စိတ်​ကို နှိုးဆော်​၍ ကိုယ်တော်​ကို ဖက်တွယ်​သော​သူ​တစ်ယောက်မျှ​မ​ရှိ​။

ဟေ​ရှာ​ယ 64:8

သို့ရာတွင် အို ထာဝရဘုရား​၊ ကိုယ်တော်​သည် အကျွန်ုပ်​တို့​၏​အဖ​ဖြစ်​တော်မူ​၏​။ အကျွန်ုပ်​တို့​သည် မြေစေး​ဖြစ်​၏​။ ကိုယ်တော်​သည် အိုးထိန်း​ဖြစ်​တော်မူ​၏​။ အကျွန်ုပ်​တို့​အားလုံး​သည် ကိုယ်တော်​၏​လက်​တော်​ဖြင့် ဖန်ဆင်း​ထား​သော​သူ​များ ဖြစ်​ကြ​ပါ​၏​။

ဟေ​ရှာ​ယ 9:6

အကြောင်းမူကား သူငယ်​သည် ငါ​တို့​အဖို့ ဖွားမြင်​တော်မူ​ပြီ​။ ငါ​တို့​အား သား​ကို​ပေး​တော်မူ​ပြီ​။ သူ​၏​ပခုံး​ပေါ်၌ အာဏာစက်​ရှိ​လိမ့်မည်​။ နာမ​တော်​ကို အံ့ဩဖွယ်​၊ တိုင်ပင်ဖက်​၊ တန်ခိုးကြီး​သော​ဘုရားသခင်​၊ ထာဝရ​အဖ​၊ ငြိမ်သက်​ခြင်း​အရှင်​ဟု ခေါ်ဝေါ်​ကြ​လိမ့်မည်​။

ယေ​ရ​မိ 3:19

သို့သော် ‘​ငါ​သည် သင့်​ကို သား​တို့​တွင် မည်သို့​နေရာပေး​ရ​မည်နည်း​။ သာယာ​သော​ပြည်​နှင့် လူမျိုး​အားလုံး​တို့​၏​လှပ​သော​အမွေ​ကို သင့်​အား မည်သို့​ပေး​ရ​မည်နည်း’​ဟု ငါ​ဆို​ခဲ့​၏​။ ‘သင်​သည် ငါ့​ကို အကျွန်ုပ်​၏​အဖ​ဟု ခေါ်ဆို​ပြီး ငါ့​ထံမှ ပြန်လှည့်​သွား​မည် မ​ဟုတ်​’​ဟု ငါ​ထင်​ခဲ့​၏​။

ယေ​ရ​မိ 3:23

အကယ်စင်စစ် တောင်ကြီး​၊ တောင်ငယ်​များ​ပေါ်မှ ဆူညံ​သော​အသံ​သည် လှည့်ဖြား​ခြင်း​သာ​ဖြစ်​၏​။ အကယ်စင်စစ် အကျွန်ုပ်​တို့​၏​ဘုရားသခင်​ထာဝရဘုရား​သည် အစ္စရေး​လူမျိုး​ကို​ကယ်တင်​သော​အရှင် ဖြစ်​တော်မူ​၏​။

ယေ​ရ​မိ 31:9

သူ​တို့​သည် ငိုကြွေး​လျက် ပြန်လာ​ကြ​လိမ့်မည်​။ သူ​တို့​ကို နှစ်သိမ့်​လျက် ငါ​ပြန်ခေါ်​လာ​မည်​။ သူ​တို့​ကို စမ်းချောင်း​နား​၊ သူ​တို့​ခလုတ်​မ​တိုက်​နိုင်​သည့် ဖြောင့်ဖြူး​သော​လမ်း​ဖြင့် ငါ​ပို့ဆောင်​မည်​။ ငါ​သည် အစ္စရေး​လူမျိုး​၏​အဖ​ဖြစ်​၏​။ ဧဖရိမ်​အမျိုး​သည် ငါ​၏​သားဦး​ဖြစ်​၏​”​ဟု မိန့်​တော်မူ​၏​။

ဟော​ရှေ 1:10

သို့သော် အစ္စရေး​အမျိုးသား​တို့​သည် မ​ခြင်တွယ်​နိုင်​၊ မ​ရေတွက်​နိုင်​လောက်အောင် ပင်လယ်​သဲပွင့်​ကဲ့သို့ များပြား​လိမ့်မည်​။ “သင်​တို့​သည် ငါ​၏​လူမျိုး​တော်​မ​ဟုတ်”​ဟု သူ​တို့​အား ပြော​ရာ​အရပ်​၌​ပင် “သူ​တို့​သည် အသက်ရှင်​သော​ဘုရားသခင်​၏​သား​များ”​ဟု ခေါ်ဝေါ်​ခြင်း​ခံရ​လိမ့်မည်​။

မာ​လ​ခိ 1:6

အို နာမ​တော်​ကို​မထီမဲ့မြင်ပြု​သော​ယဇ်ပုရောဟိတ်​တို့​၊ သား​သည် ဖခင်​ကို​လည်းကောင်း​၊ ကျွန်​သည် သခင်​ကို​လည်းကောင်း ရိုသေလေးစား​တတ်​၏​။ ငါ​သည် ဖခင်​ဆိုလျှင် ငါ့​ကို မည်သူ​ရိုသေလေးစား​သနည်း​။ ငါ​သည် သခင်​ဆိုလျှင် ငါ့​ကို မည်သူ​ကြောက်ရွံ့​သနည်း​ဟု ကောင်းကင်​ဗိုလ်ခြေ​အရှင်​ထာဝရဘုရား​မေး​တော်မူ​လျှင် သင်​တို့​က ‘အကျွန်ုပ်​တို့​သည် ကိုယ်တော်​၏​နာမ​တော်​ကို မည်သို့​မထီမဲ့မြင်ပြု​ပါ​သနည်း’​ဟု ပြန်​မေးလျှောက်​ကြ​၏​။

မာ​လ​ခိ 2:10

ငါ​တို့​အားလုံး​၌ ဖခင်​တစ်ဦးတည်း ရှိ​သည်​မ​ဟုတ်​လော​။ ငါ​တို့​ကို ဖန်ဆင်း​တော်မူ​သော​ဘုရားသခင် တစ်ပါးတည်း ရှိ​သည်​မ​ဟုတ်​လော​။ ငါ​တို့​သည် အဘယ်ကြောင့် ငါ​တို့​ဘိုးဘေး​တို့​နှင့်​ဖွဲ့​တော်မူ​သော​ပဋိညာဉ်​ကို ချိုးဖောက်​ပြီး တစ်ယောက်​ကို​တစ်ယောက်​သစ္စာဖောက်​ကြ​မည်နည်း​။

မဿဲ 6:9

ထို့ကြောင့် ဤသို့​ဆုတောင်း​ကြ​လော့။ ကောင်းကင်​ဘုံ​၌​ရှိ​တော်မူ​သော အကျွန်ုပ်​တို့​အဖ၊ ကိုယ်တော်​၏​နာမ​တော်​သည် ရိုသေလေးမြတ်​ခြင်း​ခံရ​ပါစေသော။

ရှင်ယောဟန် 8:41

သင်​တို့​သည် သင်​တို့​အဖ​ပြု​သော​အမှု​များ​ကို ပြု​ကြ​၏”​ဟု မိန့်​တော်မူ​လျှင် ထို​သူ​တို့​က “အကျွန်ုပ်​တို့​သည် တရားနှင့်မညီ​မေထုန်ပြု​ခြင်း​အားဖြင့် မွေး​လာ​သော​သူ​များ​မ​ဟုတ်။ အကျွန်ုပ်​တို့​၌ တစ်ပါးတည်း​သော​အဖ​ဘုရားသခင်​ရှိ​သည်”​ဟု ဆို​ကြ​၏။

တ​ရား​ဟော 14:1

သင်​တို့​သည် သင်​တို့​၏​ဘုရားသခင်​ထာဝရဘုရား​၏​သားသမီး​များ​ဖြစ်​ကြ​၏​။ သေဆုံး​သူ​အတွက် ကိုယ့်​အသား ကိုယ်​မ​မွှမ်း​ရ​၊ သင်​တို့​၏​ဦးစွန်း​ကို​မ​ရိတ်​ရ​။

တ​ရား​ဟော 32:6

အို မိုက်မဲ​သော​လူမျိုး​၊ ပညာမဲ့​သော​လူမျိုး​၊ ဤနည်းဖြင့် ထာဝရဘုရား​ကို ကျေးဇူးဆပ်​ရ​သလော​။ ကိုယ်တော်​သည် သင်​၏​ဖခင်​၊ သင့်​ကို​ဖန်ဆင်း​သော​အရှင် ဖြစ်​တော်မူ​သည်​မ​ဟုတ်​လော​။ ကိုယ်တော်​သည် သင့်​ကို​ဖန်ဆင်း​၍ ပုံဖော်​ဖြစ်တည်​စေ​တော်မူ​သည်​မ​ဟုတ်​လော​။