ဟေ​ရှာ​ယ 60:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ သင်​၌ နေ​ဝင်​ခြင်း​၊ လ​ကွယ်​ခြင်း ရှိ​တော့​မည်​မ​ဟုတ်​။ အကြောင်းမူကား ထာဝရဘုရား​သည် သင်​၌​ထာဝရ​အလင်း​ဖြစ်​တော်မူ​၍ သင်​ငိုကြွေးမြည်တမ်း​ရ​သော​နေ့ရက်​တို့ အဆုံးသတ်​လေ​ပြီ​။

Common Language Bible

²⁰ ငါ​ထာ​ဝ​ရ​ဘု​ရား​သည်​သင်​၏​အ​တွက်​နေ​လ​တို့​ထက် ပို​မို​တည်​တံ့​သည့်​ထာ​ဝ​စဉ်​အ​လင်း​ဖြစ်​လိမ့်​မည်။ ထို့​ကြောင့်​သင်​ဝမ်း​နည်း​ပူ​ဆွေး​ရာ​နေ့​ရက်​များ​သည် ကုန်​ဆုံး​၍​သွား​လိမ့်​မည်။

Garrad Bible

²⁰ သင် ၌ နေ ဝင် ခြင်း၊ လ ကွယ် ခြင်း ရှိ တော့ မည် မ ဟုတ်။ ထာ ဝ ရ ဘု ရား သည် သင့် အ ဖို့ နိ ယ မ အ လင်း ဖြစ် လျက်၊ သင့် မြည် တမ်း ရာ နေ့ ရက် ကာ လ ကုန် လွန် လိမ့် မည်။

Judson Bible

²⁰ နောက်​တစ်​ဖန် သင်၏​နေ​သည် မ​ဝင်​ရ။ သင်၏ လ​သည်​လည်း မ​ဆုတ်​ရ။ ထာ​ဝ​ရ​ဘု​ရား​သည် သင်၌ ထာ​ဝ​ရ​အ​လင်း​ဖြစ်​တော်​မူ၍၊ စိတ်​မ​သာ​ညည်း​တွား​ရာ ကာ​လ​ကုန်​လေ​ပြီ။

ဟေ​ရှာ​ယ 60:20 Referencias Cruzadas

ဆာ​လံ 27:1

ထာဝရဘုရား​သည် ငါ​၏​အလင်း​၊ ငါ့​ကို​ကယ်တင်​သော​အရှင်​ဖြစ်​တော်မူ​၏​။ ငါ​သည် မည်သူ့​ကို​ကြောက်​ရ​မည်နည်း​။ ထာဝရဘုရား​သည် ငါ့​အသက်​၏ မှီခို​ရာ​ဖြစ်​တော်မူ​၏​။ ငါ​သည် မည်သူ့​ကို​ကြောက်ရွံ့​ရ​မည်နည်း​။

ဆာ​လံ 84:11

အကြောင်းမူကား ဘုရားသခင်​ထာဝရဘုရား​သည် နေ​လည်း​ဖြစ်​တော်မူ​၏​။ ဒိုင်းလွှား​လည်း​ဖြစ်​တော်မူ​၏​။ ထာဝရဘုရား​သည် ကျေးဇူး​တော်​နှင့်​ဘုန်းအသရေ​တော်​ကို ပေး​တော်မူ​၏​။ အပြစ်တင်စရာမရှိ​အောင် အသက်ရှင်​လျှောက်လှမ်း​သော​သူ​တို့​အား ကောင်းမြတ်​သော​အရာ​ကို မပေး​ဘဲ​နေ​တော်မူ​မည်​မ​ဟုတ်​။

ဟေ​ရှာ​ယ 24:23

ကောင်းကင်​ဗိုလ်ခြေ​အရှင်​ထာဝရဘုရား​သည် ဇိအုန်​တောင်​ပေါ် ဂျေရုဆလင်​မြို့​၌​စိုးစံ​လျက် မိမိ​၏​သက်ကြီးဝါကြီး​များ​ရှေ့​တွင် ဘုန်းအသရေ​ထွန်းတောက်​တော်မူ​မည်​ဖြစ်၍ လ​သည် မျက်နှာပျက်​၍ နေ​သည်​လည်း အရှက်ကွဲ​လိမ့်မည်​။

ဟေ​ရှာ​ယ 25:8

သေ​ခြင်း​ကို ထာဝရ​ပျက်စီး​စေ​တော်မူ​မည်​။ ဘုရားရှင်​ထာဝရဘုရား​သည် လူ​ခပ်သိမ်း​တို့​၏​မျက်နှာ​မှ မျက်ရည်​ကို သုတ်ပေး​တော်မူ​မည်​။ မိမိ​လူမျိုး​တော်​ခံရ​သော​ကဲ့ရဲ့ပြစ်တင်​ခြင်း​ကို မြေ​တစ်ပြင်လုံး​မှ​ဖယ်ရှား​တော်မူ​မည်​။ ထိုသို့ ထာဝရဘုရား​မိန့်​တော်မူ​ပြီ​။

ဟေ​ရှာ​ယ 30:19

ဂျေရုဆလင်​မြို့​တွင်​နေထိုင်​သော အို ဇိအုန်​မြို့သား​တို့​၊ သင်​တို့ ငိုကြွေး​ရ​တော့​မည်​မ​ဟုတ်​။ ကိုယ်တော်​သည် သင်​တို့​အော်ဟစ်​သောအခါ သင်​တို့​ကို အမှန်ပင်​သနား​တော်မူ​မည်​။ သင်​တို့​အော်ဟစ်​သံ​ကို ကြား​သောအခါ ထူး​တော်မူ​မည်​။

ဟေ​ရှာ​ယ 30:26

ထာဝရဘုရား​သည် မိမိ​လူမျိုး​တော်​၏​ဒဏ်ရာ​ကို ပတ်စည်း​ပေး​၍ မိမိ​ဒဏ်ခတ်​တော်မူ​သည့်​အနာ​ကို ပျောက်ကင်း​စေ​တော်မူ​သော​နေ့ရက်​၌ လ​၏​အလင်း​သည် နေ​၏​အလင်း​ကဲ့သို့​ဖြစ်​မည်​။ နေ​၏​အလင်း​သည် ခုနစ်ဆ​တိုး​၍ ခုနစ်​ရက်​အလင်း​ကဲ့သို့ လင်း​မည်​။

ဟေ​ရှာ​ယ 35:10

ထာဝရဘုရား ရွေးနုတ်ကယ်တင်​တော်မူ​သော​သူ​တို့​သည် ပြန်လာ​ကြ​မည်​။ သီချင်းဆို​လျက် ဇိအုန်​မြို့​ထဲသို့ ဝင်လာ​ကြ​မည်​။ သူ​တို့​၏​ခေါင်း​ပေါ်၌ ဝမ်းမြောက်​ခြင်း​သရဖူ​ကို အစဉ်အမြဲ​ဆောင်း​ကြ​ရ​မည်​။ ဝမ်းနည်း​ခြင်း​၊ ညည်းတွား​ခြင်း​သည် ထွက်ပြေး​သွား​၍ ရွှင်မြူး​ခြင်း​၊ ဝမ်းမြောက်​ခြင်း​ကို ရရှိ​ကြ​မည်​။

ဟေ​ရှာ​ယ 51:11

ထာဝရဘုရား ရွေးနုတ်ကယ်တင်​သော​သူ​တို့ ပြန်လာ​ကြ​မည်​။ သီချင်းဆို​လျက် ဇိအုန်​မြို့​ထဲသို့​ဝင်လာ​ကြ​မည်​။ သူ​တို့​၏​ခေါင်း​ပေါ်၌ ဝမ်းမြောက်​ခြင်း​သရဖူ​ကို အစဉ်အမြဲ​ဆောင်း​ကြ​ရ​မည်​။ ဝမ်းနည်း​ခြင်း​၊ ညည်းတွား​ခြင်း​သည် ထွက်ပြေး​သွား​၍ ရွှင်မြူး​ခြင်း​၊ ဝမ်းမြောက်​ခြင်း​ကို ရရှိ​ကြ​မည်​။

ဟေ​ရှာ​ယ 60:1

ထ​လော့​။ လင်း​လော့​။ သင်​၏​အလင်း​သည်​ရောက်လာ​ပြီ​။ ထာဝရဘုရား​၏​ဘုန်းအသရေ​တော်​သည် သင်​၌ ပေါ်ထွန်း​လေ​ပြီ​။

ဟေ​ရှာ​ယ 61:3

ငိုကြွေးမြည်တမ်း​နေ​သော ဇိအုန်​မြို့သား​တို့​အဖို့ ပြာ​အစား​ခေါင်းပေါင်း​၊ ငိုကြွေးမြည်တမ်း​ခြင်း​အစား ရွှင်မြူး​ခြင်း​ဆီ​၊ ညှိုးငယ်​သော​စိတ်​အစား ချီးမွမ်း​ခြင်း​အဝတ်​ကို စီရင်​ပေး​ရန် ငါ့​ကို​စေလွှတ်​တော်မူ​ပြီ​။ ဘုန်း​တော်​ထင်ရှား​စေရန် ထာဝရဘုရား​စိုက်ပျိုး​တော်မူ​သော ဖြောင့်မတ်​ခြင်း​ဝက်သစ်ချပင်​ဟု သူ​တို့​ကို ခေါ်ဝေါ်​ကြ​လိမ့်မည်​။

ဟေ​ရှာ​ယ 65:19

ငါ​သည်​လည်း ဂျေရုဆလင်​မြို့​ကြောင့် ရွှင်လန်း​မည်​။ ငါ​၏​လူ​တို့​ကြောင့် ဝမ်းမြောက်​မည်​။ ထို​မြို့​၌ ငိုကြွေးသံ​၊ အော်ဟစ်သံ​ကို ကြား​ရ​တော့​မည်​မ​ဟုတ်​။

ယေ​ရ​မိ 31:12

သူ​တို့​သည် ဇိအုန်​တောင်ထိပ်​သို့​လာ​၍ ရွှင်လန်း​စွာ​ကြွေးကြော်​ကြ​လိမ့်မည်​။ ကောက်ပဲသီးနှံ​၊ စပျစ်ဝိုင်​အသစ်​၊ ဆီ​၊ သိုးသငယ်​၊ နွားသငယ် စသည်​တို့​ဖြင့် ထာဝရဘုရား​၏​ကောင်းမြတ်​ခြင်း​ကြောင့် ဝမ်းမြောက်​ကြ​လိမ့်မည်​။ သူ​တို့​၏​စိတ်ဝိညာဉ်​သည် ရေဝ​သော​ဥယျာဉ်​ကဲ့သို့​ဖြစ်​မည်​။ ဝမ်းနည်းပူဆွေး​ရ​တော့​မည်​မ​ဟုတ်​။

မြည်​တမ်း​စ​ကား 5:21

အို ထာဝရဘုရား​၊ အကျွန်ုပ်​တို့​ကို ကိုယ်တော့်​ထံသို့ ပြန်လာ​စေ​တော်မူ​ပါ​။ သို့ပြုလျှင် အကျွန်ုပ်​တို့​ပြန်လာ​ကြ​ပါ​မည်​။ ရှေးကာလ​က​ကဲ့သို့ အကျွန်ုပ်​တို့​၏​နေ့ရက်​များ​ကို အသစ်​ဖြစ်​စေ​တော်မူ​ပါ​။

အာ​မုတ် 8:9

ထို​နေ့ရက်​တွင် မွန်းတည့်ချိန်​၌ နေ​ဝင်​စေ​မည်​။ နေသာ​သော​နေ့​တွင် မြေကြီး​ကို မှောင်မိုက်​စေ​မည်​။

ဇာ​ခ​ရိ 14:7

ထို​နေ့ရက်​သည် နေ့​လည်း​မ​ဟုတ်​၊ ည​လည်း​မ​ဟုတ်​။ နေဝင်ချိန်​၌​ပင် အလင်းရောင်​ရှိ​လိမ့်မည်​။ ထာဝရဘုရား​သာ သိ​တော်မူ​သော​နေ့​တစ်​နေ့ ဖြစ်​မည်​။

မာ​လ​ခိ 4:2

“ငါ​၏​နာမ​တော်​ကို ကြောက်ရွံ့ရိုသေ​သော သင်​တို့​အဖို့ ဖြောင့်မတ်​ခြင်း​နေမင်း​သည် ကုသ​ခြင်း​တောင်ပံ​နှင့်တကွ ပေါ်ထွန်း​လာ​လိမ့်မည်​။ သင်​တို့​သည်​လည်း တင်းကုပ်​မှ နွားသငယ်​ကဲ့သို့ ခုန်ပေါက်​လျက် ထွက်လာ​မည်​။

ဗျာ​ဒိတ် 21:23

ဘုရားသခင်​၏​ဘုန်း​အသရေ​တော်​သည် ထို​မြို့​ကို​ထွန်းလင်း​စေ​၍ သိုးသငယ်​တော်​သည် ထို​မြို့​၏​ဆီမီး​ဖြစ်​သောကြောင့် ထို​မြို့​ကို​ထွန်းလင်း​စေရန် နေ​နှင့်​လ​တို့​ကို မ​လိုအပ်​ပေ။

ဗျာ​ဒိတ် 21:4

ကိုယ်တော်​သည် သူ​တို့​၏​မျက်စိ​မှ​မျက်ရည်​ရှိသမျှ​တို့​ကို သုတ်​ပေး​တော်မူ​လိမ့်မည်။ သေ​ခြင်း​သည် ရှိ​တော့မည်​မ​ဟုတ်။ ဝမ်းနည်း​ကြေကွဲ​ခြင်း၊ အော်ဟစ်​ငိုကြွေး​ခြင်း​နှင့် နာကျင်​ခြင်း​ဝေဒနာ​တို့​သည်​လည်း ရှိ​တော့မည်​မ​ဟုတ်။ အကြောင်းမူကား ယခင်​ဖြစ်​ခဲ့​သော​အရာ​တို့​သည် ပျောက်ကွယ်​သွား​ကြ​ပြီ”​ဟု ဆို​သည်​ကို ငါ​ကြား​ရ​၏။