ဟေ​ရှာ​ယ 60:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ သင့်​ကို​စွန့်ပစ်​မုန်းတီး​ကြ​ပြီး မည်သူ​မျှ​မ​ဖြတ်သန်း​ကြ​သော်လည်း ငါ​သည် သင့်​ကို ထာဝရ​ဂုဏ်ယူဝင့်ကြွားစရာ​၊ မျိုးဆက်အဆက်ဆက်​ပျော်ရွှင်စရာ​ဖြစ်စေ​မည်​။

Common Language Bible

¹⁵ ``သင်​သည်​လူ​သူ​ဆိတ်​ငြိမ်​လျက်​စွန့်​ပစ်​မုန်း​တီး ခြင်း​ကို ခံ​ရ​သော​မြို့​ဖြစ်​တော့​မည်​မ​ဟုတ်။ ငါ​သည်​သင့်​ကို​ခမ်း​နား​ကြီး​ကျယ်​လှ​ပ​စေ​၍ ကာ​လ​အ​စဉ်​အ​ဆက် ရွှင်​လန်း​ချမ်း​မြေ့​ဖွယ်​ကောင်း​သည့်​မြို့​ဖြစ်​စေ​မည်။

Garrad Bible

¹⁵ သင့် ကို မည် သူ မျှ မ ဖြတ် မ သွား လို သည့် တိုင် အောင်၊ ခံ ခဲ့ သော စွန့် ပစ် ရွံ ရှာ ခြင်း အ စား၊ ထာ ဝ ရ ဂုဏ် တော် တည် ရာ၊ လူ အ စဉ် အ ဆက် ရွှင် လန်း ရာ၊ ငါ ဖြစ် စေ လိမ့် မည်။

Judson Bible

¹⁵ သင့်​ကို အ​ဘယ်​သူ​မျှ လျှောက်၍​မ​သွား​ရ​မည်​အ​ကြောင်း၊ သူ​တစ်​ပါး​တို့​သည် သင့်​ကို စွန့်​ပစ်​ရွံ​ရှာ​ကြ​သည်​အ​တွက်၊ ငါ​သည် သင့်​ကို ထာ​ဝ​ရ​အ​ထွတ်​အ​မြတ် ဖြစ်​စေ​မည်။ လူ​မျိုး​အ​စဉ်​အ​ဆက် ဝမ်း​မြောက်​စ​ရာ အ​ကြောင်း​လည်း ဖြစ်​စေ​မည်။

ဟေ​ရှာ​ယ 60:15 Referencias Cruzadas

ဟေ​ရှာ​ယ 25:8

သေ​ခြင်း​ကို ထာဝရ​ပျက်စီး​စေ​တော်မူ​မည်​။ ဘုရားရှင်​ထာဝရဘုရား​သည် လူ​ခပ်သိမ်း​တို့​၏​မျက်နှာ​မှ မျက်ရည်​ကို သုတ်ပေး​တော်မူ​မည်​။ မိမိ​လူမျိုး​တော်​ခံရ​သော​ကဲ့ရဲ့ပြစ်တင်​ခြင်း​ကို မြေ​တစ်ပြင်လုံး​မှ​ဖယ်ရှား​တော်မူ​မည်​။ ထိုသို့ ထာဝရဘုရား​မိန့်​တော်မူ​ပြီ​။

ဟေ​ရှာ​ယ 35:10

ထာဝရဘုရား ရွေးနုတ်ကယ်တင်​တော်မူ​သော​သူ​တို့​သည် ပြန်လာ​ကြ​မည်​။ သီချင်းဆို​လျက် ဇိအုန်​မြို့​ထဲသို့ ဝင်လာ​ကြ​မည်​။ သူ​တို့​၏​ခေါင်း​ပေါ်၌ ဝမ်းမြောက်​ခြင်း​သရဖူ​ကို အစဉ်အမြဲ​ဆောင်း​ကြ​ရ​မည်​။ ဝမ်းနည်း​ခြင်း​၊ ညည်းတွား​ခြင်း​သည် ထွက်ပြေး​သွား​၍ ရွှင်မြူး​ခြင်း​၊ ဝမ်းမြောက်​ခြင်း​ကို ရရှိ​ကြ​မည်​။

ဟေ​ရှာ​ယ 4:2

ထို​နေ့ရက်​၌ ထာဝရဘုရား​၏​အကိုင်း​သည် လှပ​၍​ဘုန်းအသရေ​ရှိ​မည်​။ မြေ​၏​အသီးအနှံ​သည်​လည်း အသက်​ဘေးလွတ်​သော​အစ္စရေး​လူမျိုး​တို့​အတွက် ဂုဏ်ယူဝင့်ကြွားစရာ​ဖြစ်​လိမ့်မည်​။

ဟေ​ရှာ​ယ 6:11

ထိုအခါ ငါ​က “​အို ဘုရားရှင်​၊ မည်မျှ​ကြာ​ပါ​မည်နည်း​”​ဟု မေးလျှောက်​ရာ ကိုယ်တော်​က “​မြို့​တို့​သည်​ပျက်စီး​၍ နေထိုင်​သူ​မ​ရှိ​၊ အိမ်​တို့​တွင် လူ​မ​ရှိ​၊ တစ်ပြည်လုံး​သည် ပျက်စီး​၍ လူသူကင်းမဲ့​သည့်​တိုင်အောင်​၊

ဟေ​ရှာ​ယ 6:12

ထာဝရဘုရား​သည် လူ​တို့​ကို​ဝေး​ရာ​သို့ နှင်ထုတ်​တော်မူ​၍ ပြည်​ထဲ​၌ စွန့်ခွာ​ထား​သော​နေရာ​များ​သာ​ကျန်ရှိ​သည့်​တိုင်အောင် ဖြစ်​၏​။

ဟေ​ရှာ​ယ 61:7

အရှက်ကွဲ​ခြင်း​အစား ဝေစု​နှစ်ဆ​ပြန်​ရ​မည်​။ သူ​တို့​သည် အသရေပျက်​ခြင်း​အစား သူ​တို့​၏​ဝေစု​ကြောင့် ရွှင်လန်း​စွာ​သီချင်းဆို​ကြ​လိမ့်မည်​။ သူ​တို့​၏​မြေ​၌ ဝေစု​နှစ်ဆ​ပိုင်ဆိုင်​၍ ထာဝရ​ဝမ်းမြောက်​ခြင်း​ရှိ​လိမ့်မည်​။

ဟေ​ရှာ​ယ 62:4

သင့်​ကို “​စွန့်ပစ်​ခံရ​သူ​”​ဟု ခေါ်​တော့​မည်​မ​ဟုတ်​။ သင်​၏​မြေ​ကို​လည်း “​လူသူကင်းမဲ့​ရာ​အရပ်​”​ဟု ခေါ်​တော့​မည်​မ​ဟုတ်​။ သင့်​ကို “​ငါ​နှစ်သက်မြတ်နိုးသူ​”​ဟူ၍​လည်းကောင်း​၊ သင်​၏​မြေ​ကို “​လက်ထပ်​ပြီး​သူ​”​ဟူ၍​လည်းကောင်း ခေါ်ဝေါ်​ကြ​လိမ့်မည်​။ အကြောင်းမူကား ထာဝရဘုရား​သည် သင့်​ကို​နှစ်သက်မြတ်နိုး​တော်မူ​၏​။ သင်​၏​မြေ​သည်​လည်း လက်ထပ်​ခွင့်​ရ​လိမ့်မည်​။

ဟေ​ရှာ​ယ 65:18

ကြည့်ရှု​လော့​။ ဂျေရုဆလင်​မြို့​ကို ပျော်ရွှင်ဖွယ်​ရာ​မြို့​အဖြစ်​၊ မြို့သား​တို့​ကို ဝမ်းမြောက်​သော​သူ​များ​အဖြစ် ငါ​ဖန်ဆင်း​သည်​ဖြစ်၍ ငါ​ဖန်ဆင်း​သော​အရာ​၌ အစဉ်ထာဝရ​ဝမ်းမြောက်​ရွှင်လန်း​ကြ​လော့​။

ဟေ​ရှာ​ယ 66:5

ထာဝရဘုရား​၏​စကား​တော်​ကြောင့် စိုးရိမ်ထိတ်လန့်​သော​သူ​တို့​၊ စကား​တော်​ကို​နားထောင်​ကြ​လော့​။ သင်​တို့​ကို​မုန်း​၍ ငါ့​နာမ​ကြောင့် သင်​တို့​ကို​နှင်ထုတ်​သော ညီအစ်ကို​တို့​က ‘​သင်​တို့​ဝမ်းမြောက်​သည်​ကို ငါ​တို့​မြင်​ရ​မည့်​အကြောင်း ထာဝရဘုရား​သည် ဘုန်းထင်ရှား​ပါစေသော​’​ဟု ကဲ့ရဲ့ပြောဆို​ကြ​၏​။ သို့သော်လည်း သူ​တို့​သည် အရှက်ကွဲ​ကြ​လိမ့်မည်​”​ဟု မိန့်​တော်မူ​၏​။

ယေ​ရ​မိ 30:17

ထာဝရဘုရား​က “​ထို​သူ​တို့​သည် သင့်​ကို ‘​အပယ်​ခံရ​သော​သူ​၊ မည်သူမျှ​ဂရု​မ​စိုက်​သော​ဇိအုန်​မြို့​’​ဟု ခေါ်​ကြ​သောကြောင့် ငါ​သည် သင့်​ကို ပြန်လည်​ကျန်းမာ​စေ​မည်​။ သင့်​အနာ​ကို ကုသ​ပေး​မည်​”​ဟု မိန့်​တော်မူ​၏​။

ယေ​ရ​မိ 33:11

ဝမ်းမြောက်​ရွှင်မြူး​ခြင်း​အသံ​၊ သတို့သား​သတို့သမီး​အသံ​၊ ထာဝရဘုရား​သည် ကောင်းမြတ်​တော်မူ​၍ မေတ္တာကရုဏာ​တော်​အစဉ်အမြဲ​တည်​သောကြောင့် ကောင်းကင်​ဗိုလ်ခြေ​အရှင်​ထာဝရဘုရား​၏​ကျေးဇူး​တော်​ကို ချီးမွမ်း​ကြ​လော့​ဟု ဆို​လျက် ထာဝရဘုရား​၏​အိမ်​တော်​သို့ ကျေးဇူးတော်​ချီးမွမ်း​ခြင်း​ယဇ်​ကို ယူဆောင်​လာ​သော​သူ​တို့​၏​အသံ​ကို ကြား​ရ​လိမ့်မည်​။ အကြောင်းမူကား ဖမ်းခေါ်​သွား​ခြင်း​ခံရ​သော​ပြည်သား​တို့​ကို ငါ​ပြန်လာ​စေ​၍ ယခင်​က​ကဲ့သို့ ပြန်လည်​နေထိုင်​စေ​မည်’​ဟု မိန့်​တော်မူ​၏​။

နာ​ဟုံ 2:2

လုယက်ဖျက်ဆီး​သော​သူ​တို့​သည် အကိုင်းအခက်​များ​ပါ​မကျန် လုယက်​ဖျက်ဆီး​ခဲ့​သော်လည်း စင်စစ် ထာဝရဘုရား​သည် အစ္စရေး​လူမျိုး​၏​ဘုန်းတန်ခိုး​ကဲ့သို့ ယာကုပ်​အမျိုး​၌ ဘုန်းတန်ခိုး​ပြန်ပေး​တော်မူ​မည်​။

ဇာ​ခ​ရိ 7:14

ထို့ပြင် သူ​တို့​မ​သိ​သော​လူမျိုးခြား​တို့​နေရာ​အရပ်ရပ်​သို့ သူ​တို့​အား​လေပွေ​နှင့်အတူ ငါ​လွင့်သွား​စေ​၏​။ သူ​တို့​ပြည်​သည် လူသူကင်းမဲ့​ရာ​အဖြစ် ကျန်ရစ်​လေ​ပြီ​။ ဖြတ်သန်းသွားလာ​သော​သူ​လည်း မ​ရှိ​။ သာယာ​သော​ပြည်​သည် လူသူကင်းမဲ့​လေ​ပြီ”​ဟု မိန့်ဆို​၏​။

ဗျာ​ဒိတ် 11:2

သို့သော် ဗိမာန်​တော်​၏​အပြင်​ဘက်​၌​ရှိ​သည့်​တံတိုင်း​သည် လူမျိုးခြား​တို့​အား​ပေး​ထား​သည်​ဖြစ်၍ ၎င်း​ကို​မ​တိုင်း​ဘဲ​ချန်ထား​လော့။ ထို​သူ​တို့​သည် သန့်ရှင်း​သော​မြို့​တော်​ကို လေးဆယ့်​နှစ်​လ​တိုင်တိုင် နင်းချေ​ကြ​လိမ့်မည်။