ဟေ​ရှာ​ယ 50:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ သင်​တို့​တွင် မည်သူ​သည် ထာဝရဘုရား​ကို​ကြောက်ရွံ့​သနည်း​။ မည်သူ​သည် ကိုယ်တော့်​အစေအပါး​၏​စကား​ကို နားထောင်​သနည်း​။ မည်သူ​သည် အလင်း​မ​ရှိ​ဘဲ အမှောင်ထု​ထဲ၌ သွားလာ​သနည်း​။ သူ​သည် ထာဝရဘုရား​၏​နာမ​တော်​၌ ယုံကြည်ကိုးစား​ပါစေ​။ ဘုရားသခင်​၌ ကိုးစား​ပါစေ​။

Common Language Bible

¹⁰ ထာ​ဝ​ရ​ဘု​ရား​အား​ကြောက်​ရွံ့​ရို​သေ​၍၊ ကိုယ်​တော်​အ​စေ​ခံ​၏​စ​ကား​ကို​နား​ထောင်​သူ အ​ပေါင်း​တို့၊ သင်​တို့​လျှောက်​ရ​သည့်​လမ်း​သည်​မှောင်​လျက် နေ​ကောင်း​နေ​လိမ့်​မည်။ သို့​ရာ​တွင်​သင်​တို့​သည်​ထာ​ဝ​ရ​ဘု​ရား​ကို ယုံ​ကြည်​ကိုး​စား​ကြ​လော့။ သင်​တို့​၏​ဘု​ရား​သ​ခင်​ကို​မှီ​ခို​အား​ကိုး​ကြ​လော့။

Garrad Bible

¹⁰ သင် တို့ အ နက် ထာ ဝ ရ ဘု ရား ကို ခန့် ညား လျက်၊ ကျွန် တော် ရင်း စ ကား ကို နာ ခံ သူ မည် သူ နည်း။ အ လင်း ကင်း လျက် မှောင် မိုက်၌ သွား လာ သူ တိုင်း ထာ ဝ ရ ဘု ရား၏ နာ မ တော် အား ကိုး စား၍ ကိုယ့် ဘု ရား သ ခင် ကို တံ ကဲ ပြု ပါ စေ။

Judson Bible

¹⁰ သင်​တို့​တွင် အ​ဘယ်​သူ​သည် ထာ​ဝ​ရ​ဘု​ရား​ကို ကြောက်​ရွံ့​သ​နည်း။ ထို​သူ​သည် ကိုယ်​တော်​ကျွန်၏​စ​ကား​သံ​ကို နား​ထောင်​ပါ​စေ။ အ​ဘယ်​သူ​သည် အ​လင်း​မ​ရှိ​ဘဲ မှောင်​မိုက်၌ သွား​လာ​သ​နည်း။ ထို​သူ​သည် ထာ​ဝ​ရ​ဘု​ရား၏​နာ​မ​တော်​ကို ခို​လှုံ၍၊ မိ​မိ​ဘု​ရား​သ​ခင်​ကို အ​မှီ​ပြု​ပါ​စေ။

ဟေ​ရှာ​ယ 50:10 Referencias Cruzadas

၂ ရာ 22:29

အို ထာဝရဘုရား​၊ ကိုယ်တော်​သည် အကျွန်ုပ်​၏​မီးခွက်​ဖြစ်​တော်မူ​၏​။ ထာဝရဘုရား​သည် အကျွန်ုပ်​၏​မှောင်မိုက်​ကို လင်း​စေ​တော်မူ​၏​။

၁ ရာ​ချုပ် 5:20

သူ​တို့​သည် ဘုရားသခင်​ကို ယုံကြည်ကိုးစား​သဖြင့် စစ်တိုက်​သောအခါ ဘုရားသခင်​ထံ​အော်ဟစ်​ဆုတောင်း​လေ့​ရှိ​၏​။ ဘုရားသခင်​သည်​လည်း သူ​တို့​အသံ​ကို နားညောင်း​တော်မူ​၍ ဟာဂရိ​လူမျိုး​နှင့်​အပေါင်းပါ​အားလုံး​ကို သူ​တို့​လက်​သို့​အပ်​တော်မူ​၏​။

၂ ရာ​ချုပ် 20:12

အို အကျွန်ုပ်​တို့​၏​ဘုရားသခင်​၊ ကိုယ်တော်​သည် သူ​တို့​ကို စီရင်​တော်မူ​မည်​မ​ဟုတ်​လော​။ အကျွန်ုပ်​တို့​ကို တိုက်ခိုက်​လာ​သော​ဤ​စစ်တပ်ကြီး​ကို ရင်ဆိုင်​ဖို့ အကျွန်ုပ်​တို့​၌ အင်အား​မ​ရှိ​ပါ​။ အကျွန်ုပ်​တို့ မည်သို့​ပြု​ရ​မည်​ကို မ​သိ​သောကြောင့် ကိုယ်တော်​ကို​သာ မျှော်ကြည့်​နေ​ကြ​ပါ​၏​”​ဟု ဆုတောင်း​လေ​၏​။

၂ ရာ​ချုပ် 20:20

သူ​တို့​သည် နောက်တစ်နေ့​မနက်​စောစောထ​ပြီး တေကော​တောကန္တာရ​ဘက်​သို့ ချီသွား​ကြ​၏​။ ထိုသို့ သူ​တို့​ထွက်သွား​ချိန်​တွင် ယောရှဖတ်​မင်းကြီး​သည် ရပ်​လျက် “​ယုဒ​ပြည်သူ ဂျေရုဆလင်​မြို့သား​တို့​၊ နားထောင်​ကြ​ပါ​လော့​။ သင်​တို့​၏​ဘုရားသခင်​ထာဝရဘုရား​ကို ယုံကြည်​ကြ​လော့​။ သို့မှ သင်​တို့​ခံရပ်​နိုင်​မည်​။ ကိုယ်တော်​၏​ပရောဖက်​တို့​ကို​လည်း ယုံကြည်​ကြ​လော့​။ သို့မှ သင်​တို့ အောင်နိုင်​မည်​”​ဟု မိန့်မှာ​၏​။

ယောဘဝတ္တု။ 13:15

ငါ့​ကို ကွပ်မျက်​တော်မူ​မည်​ဆို​လျှင်ပင် ကိုယ်တော့်​ကို ငါ​မျှော်လင့်​နေ​ဦး​မည်​။ ငါ့​အမှု​ကို မျက်မှောက်​တော်​၌ လျှောက်လဲ​မည်​။

ယောဘဝတ္တု။ 29:3

ထိုစဉ်က ကိုယ်တော်​၏​မီးခွက်​သည် ငါ့​ဦးခေါင်း​ထက်​တွင် မီးခွက်​သဖွယ် ထွန်းလင်း​တော်မူ​သဖြင့် ထို​အလင်း​ဖြင့် မှောင်မိုက်​ထဲတွင် ငါ​သွားလာ​ရ​၏​။

ဆာ​လံ 111:10

ထာဝရဘုရား​ကို ကြောက်ရွံ့​ခြင်း​သည် ဉာဏ်ပညာ​၏​အရင်းအမြစ်​ဖြစ်​၏​။ ကိုယ်တော်​၏​ဥပဒေသ​တို့​ကို လိုက်နာ​သော​သူ အပေါင်း​တို့​သည် ကောင်း​သော​ဉာဏ်စွမ်း​ကို​ရရှိ​ကြ​၏​။ ကိုယ်တော်​၏​ဂုဏ်ကျေးဇူး​တော်​သည် ထာဝရ​တည်​၏​။

ဆာ​လံ 128:1

ထာဝရဘုရား​ကို ကြောက်ရွံ့​သော​သူ​၊ ကိုယ်တော်​၏​လမ်း​တော်​များ​အတိုင်း အသက်ရှင်​လျှောက်လှမ်း​သော​သူ​ရှိသမျှ​တို့​သည် မင်္ဂလာ​ရှိ​ကြ​၏​။

ဆာ​လံ 145:21

ငါ​၏​နှုတ်​သည် ထာဝရဘုရား​၏ ဂုဏ်ကျေးဇူး​တော်​ကို​မြွက်ဆို​မည်​။ သတ္တဝါ​အပေါင်း​တို့​သည် ကိုယ်တော်​၏ သန့်ရှင်း​သော​နာမ​တော်​ကို ကာလ​အစဉ်အဆက် ကောင်းချီးထောမနာ​ပြု​ကြ​ပါစေ​။

ဆာ​လံ 23:4

အကယ်၍ သေ​ခြင်း​၏​အရိပ်​လွှမ်းမိုး​သော​ချိုင့်ဝှမ်း​၌ လျှောက်သွား​ရ​သော်လည်း အကျွန်ုပ်​သည် ဘေးအန္တရာယ်​ကို​မ​ကြောက်​ပါ​။ အကြောင်းမူကား ကိုယ်တော်​သည် အကျွန်ုပ်​နှင့်အတူ​ရှိ​တော်မူ​၏​။ ကိုယ်တော်​၏​လှံတံ​တော်​နှင့်​တောင်ဝှေး​တော်​သည် အကျွန်ုပ်​ကို​နှစ်သိမ့်ပေး​ပါ​၏​။

ဆာ​လံ 25:12

ထာဝရဘုရား​ကို​ကြောက်ရွံ့​သော​သူ​သည် မည်သူ​နည်း​။ ကိုယ်တော်​သည် ထို​သူ​ရွေးချယ်​ရ​မည့်​လမ်း​ကို သူ့​အား​သွန်သင်ပြသ​တော်မူ​လိမ့်မည်​။

ဆာ​လံ 25:14

ထာဝရဘုရား​သည် မိမိ​ကို​ကြောက်ရွံ့​သော​သူ​တို့​နှင့်​ရင်းနှီးကျွမ်းဝင်​တော်မူ​၏​။ မိမိ​၏​ပဋိညာဉ်​တော်​ကို​လည်း သူ​တို့​အား သိ​စေ​တော်မူ​၏​။

ဆာ​လံ 28:7

ထာဝရဘုရား​သည် ငါ​၏​အစွမ်းသတ္တိ​၊ ငါ​၏​ဒိုင်းလွှား​ဖြစ်​တော်မူ​၏​။ ငါ​၏​စိတ်နှလုံး​သည် ကိုယ်တော်​ကို ယုံကြည်ကိုးစား​သဖြင့် ငါ​သည် ကူညီမစ​တော်မူ​ခြင်း​ကို​ခံရ​၏​။ ထို့ကြောင့် ငါ​၏​စိတ်နှလုံး​သည် ရွှင်မြူး​၏​။ ငါ​သည် ငါ့​သီချင်း​ဖြင့် ကိုယ်တော်​၏​ကျေးဇူးတော်​ကို​ချီးမွမ်း​မည်​။

ဆာ​လံ 42:11

အို ငါ​၏​စိတ်ဝိညာဉ်​၊ သင်​သည် အဘယ်ကြောင့်​ညှိုးငယ်​သနည်း​။ ငါ့​အထဲ​၌ အဘယ်ကြောင့်​မငြိမ်မသက်​ဖြစ်​သနည်း​။ ဘုရားသခင်​ကို မျှော်လင့်ကိုးစား​လော့​။ ငါ​သည် ငါ့​ကို​ကယ်တင်​တော်မူ​သော​အရှင်​၊ ငါ​၏​ဘုရားသခင်​ကို ထပ်၍​ချီးမွမ်း​မည်​။

ဆာ​လံ 62:8

အို လူ​များ​တို့​၊ ကိုယ်တော်​ကို အစဉ်အမြဲ​ယုံကြည်ကိုးစား​ကြ​လော့​။ သင်​တို့​၏​စိတ်နှလုံး​ကို ကိုယ်တော်​၏​ရှေ့​တော်​၌ ဖွင့်ဟ​ကြ​လော့​။ ဘုရားသခင်​သည် ငါ​တို့​၏​ခိုလှုံ​ရာ​ဖြစ်​တော်မူ​၏​။(​စေလာ)

ဒေသနာကျမ်း။ 12:13

အားလုံး​ကို​ကြား​ရ​ပြီးသည့်နောက် နိဂုံးချုပ်​စကား​ဟူမူကား ဘုရားသခင်​ကို​ကြောက်ရွံ့​၍ ကိုယ်တော်​၏​ပညတ်တော်​တို့​ကို​စောင့်ထိန်း​လော့​။ အဘယ်ကြောင့်​ဆိုသော် ဤ​အရာ​သည် လူ​တို့​ပြု​ရ​မည့်​အရာ​အလုံးစုံ​၏​အချုပ်​ဖြစ်​၏​။

ဟေ​ရှာ​ယ 10:20

ထို​နေ့ရက်​တွင် ကြွင်းကျန်​သော​အစ္စရေး​လူမျိုး​နှင့် အသက်​ဘေးလွတ်​သော​ယာကုပ်​အမျိုးအနွယ်​တို့​သည် မိမိ​တို့​အား ရိုက်နှက်​သော​သူ​ကို နောက်တစ်ဖန်​မ​ကိုးစား​တော့​ဘဲ အစ္စရေး​လူမျိုး​၏​သန့်ရှင်း​သော​အရှင် ထာဝရဘုရား​ကို အမှန်ပင်​ကိုးစား​ကြ​လိမ့်မည်​။

ဟေ​ရှာ​ယ 12:2

ကြည့်ရှု​လော့​။ ဘုရားသခင်​သည် ငါ့​ကို​ကယ်တင်​သော​အရှင် ဖြစ်​တော်မူ​၏​။ ငါ​သည် ကြောက်ရွံ့​ခြင်း​မ​ရှိ​ဘဲ ယုံကြည်ကိုးစား​မည်​။ အကြောင်းမူကား ထာဝရဘုရား​သည် ငါ​၏​ခွန်အား​၊ ငါ​၏​တေးသီချင်း​၊ ငါ့​ကို ကယ်တင်​သော​အရှင်​ဖြစ်​တော်မူ​၏​”​ဟု ဆို​လိမ့်မည်​။

ဟေ​ရှာ​ယ 26:9

အကျွန်ုပ်​၏​စိတ်ဝိညာဉ်​သည် ညအချိန်​၌ ကိုယ်တော်​ကို တောင့်တ​ပါ​၏​။ အကျွန်ုပ်​အထဲ​ရှိ ဝိညာဉ်​သည်​လည်း ကိုယ်တော့်​ကို ကြိုးစားရှာ​ပါ​၏​။ ကမ္ဘာမြေကြီး​ကို ကိုယ်တော်​တရားစီရင်​တော်မူ​သောအခါ လောကသား​တို့​သည် ဖြောင့်မတ်​ခြင်း​တရား​ကို သင်ယူ​ကြ​ပါ​၏​။

ဟေ​ရှာ​ယ 42:1

ဤ​သူ​ကား ငါ​ထောက်မ​သော ငါ့​အစေအပါး​၊ ငါ​ရွေးကောက်​သော​၊ ငါ​နှစ်သက်မြတ်နိုး​သော​သူ​ပင်တည်း​။ ငါ့​ဝိညာဉ်​ကို သူ့​အပေါ် တည်​စေ​ပြီ​။ သူ​သည် တရားမျှတမှု​ကို လူမျိုးတကာ​တို့​ထံသို့ ယူဆောင်​လာ​မည်​။

ဟေ​ရှာ​ယ 50:4

မောပန်း​သော​သူ​အမောပြေ​စေရန် မည်သို့​ပြောဆို​ရ​မည်​ကို သိရှိ​ဖို့ ဘုရားရှင်​ထာဝရဘုရား​သည် ငါ့​အား နှုတ်မှုပညာ​ကို​သွန်သင်​ပေး​တော်မူ​၏​။ နံနက်တိုင်း ငါ့​ကို​နှိုးဆော်​တော်မူ​၏​။ စာသင်သား​ကဲ့သို့ နားထောင်​ဖို့ ငါ့​ကို​နှိုးဆော်​တော်မူ​၏​။

ဟေ​ရှာ​ယ 53:11

သူ​သည် မိမိ​စိတ်ဝိညာဉ်​ခံစား​ရ​သော ဒုက္ခဝေဒနာ​၏​အကျိုး​ကို​မြင်​၍ အားရကျေနပ်​မည်​။ ဖြောင့်မတ်​သော​ငါ​၏​အစေအပါး​သည် သူ​၏​အသိပညာ​အားဖြင့် လူ​များစွာ​တို့​ကို ဖြောင့်မတ်​သော​သူ​ဖြစ်စေ​မည်​။ သူ​တို့​၏​ဒုစရိုက်​များ​ကို ထမ်းသွား​မည်​။

ဟေ​ရှာ​ယ 59:9

ထို့ကြောင့် တရားမျှတမှု​သည် ငါ​တို့​နှင့်​ဝေး​၏​။ ဖြောင့်မတ်​ခြင်း​သည် ငါ​တို့​ကို​မ​မီ​။ ငါ​တို့​သည် အလင်း​ကို​စောင့်မျှော်​သော်လည်း အမှောင်​သာ​တွေ့​၏​။ တောက်ပ​သော​အလင်း​ကို​စောင့်မျှော်​သော်လည်း မှောင်မိုက်​ထဲ၌​သာ လျှောက်​ရ​၏​။

ဟေ​ရှာ​ယ 8:17

ယာကုပ်​အမျိုးအနွယ်​ထံမှ မျက်နှာ​လွှဲ​တော်မူ​သော​ထာဝရဘုရား​ကို ငါ​မျှော်လင့်​စောင့်စား​မည်​။

ဟေ​ရှာ​ယ 9:2

အမှောင်​ထဲ၌ လျှောက်လှမ်း​သော​လူ​တို့​သည် ကြီးမား​သော​အလင်း​ကို​မြင်​ရ​ပြီ​။ သေမင်းအရိပ်​လွှမ်းမိုး​သော​ပြည်​၌​နေထိုင်​သော​သူ​တို့​တွင် အလင်း​ထွန်းလင်း​ပြီ​။

မြည်​တမ်း​စ​ကား 3:2

ကိုယ်တော်​သည် ငါ့​ကို​နှင်ထုတ်​တော်မူ​ပြီ​။ အလင်း​မ​ရှိ​သော မှောင်မိုက်​၌ သွားလာ​စေ​တော်မူ​ပြီ​။

ဒံ​ယေ​လ 3:28

နေဗုခဒ်နေဇာ​မင်းကြီး​က​လည်း “​ရှာဒရက်​၊ မေရှက်​၊ အဗေဒနေဂေါ​တို့​၏​ဘုရားသခင်​သည် မင်္ဂလာ​ရှိ​ပါစေသော​။ သူ​တို့​သည် မိမိ​တို့​ဘုရား​မှတစ်ပါး အခြား​ဘုရား​ကို မ​ကိုးကွယ်​မ​ရှိခိုး​။ ဘုရင့်​အမိန့်​အား ဆန့်ကျင်​၍ မိမိ​တို့​အသက်​ကို​ပင် စတေး​ခဲ့​ကြ​ပြီ​။ ကိုယ်တော်​သည်​လည်း သူ့​ကို​ယုံကြည်ကိုးစား​သော သူ့​အစေအပါး​တို့​အား ကောင်းကင်တမန်​ကို စေလွှတ်​၍​ကယ်​တော်မူ​ပြီ​။

နာ​ဟုံ 1:7

ထာဝရဘုရား​သည် ကောင်းမြတ်​တော်မူ​၏​။ ဆင်းရဲဒုက္ခ​ရောက်​ချိန်​၌ မှီခို​ရာ​ဖြစ်​တော်မူ​၏​။ ကိုယ်တော်​၌ ခိုလှုံ​သော​သူ​တို့​ကို စောင်မ​တော်မူ​၏​။

ဇေဖနိ 3:12

အဖိနှိပ်​ခံရ​သူ​များ​၊ ဆင်းရဲသား​များ​ကို သင့်​ထံ​တွင် ငါ​ချန်ထား​မည်​။ သူ​တို့​သည် ထာဝရဘုရား​၏​နာမ​တော်​၌ ခိုလှုံ​ကြ​လိမ့်မည်​။

ဟ္ဂဲ 1:12

ထိုအခါ ရှာလသေလ​၏​သား ဇေရုဗဗေလ​၊ ယောဇဒက်​၏​သား ယဇ်ပုရောဟိတ်​မင်း​ယောရှု​နှင့် ကြွင်းကျန်​သော​လူ​အပေါင်း​တို့​သည် မိမိ​တို့​၏​ဘုရားသခင်​ထာဝရဘုရား​၏​စကား​တော်​ကို​လည်းကောင်း​၊ မိမိ​တို့​၏​ဘုရားသခင်​ထာဝရဘုရား​စေလွှတ်​တော်မူ​သော​ပရောဖက်​ဟဂ္ဂဲ ဆင့်ဆို​သည့်​စကား​ကို​လည်းကောင်း နားထောင်​ကြ​၏​။ လူ​အပေါင်း​တို့​သည်​လည်း ထာဝရဘုရား​ကို ကြောက်ရွံ့ရိုသေ​ကြ​၏​။

မာ​လ​ခိ 3:16

ထို​အချိန်​တွင် ထာဝရဘုရား​ကို ကြောက်ရွံ့ရိုသေ​သော​သူ​တို့​အချင်းချင်း​ပြောဆို​သော​စကား​ကို ထာဝရဘုရား​နားထောင်​၍ ကြား​တော်မူ​၏​။ ထာဝရဘုရား​ကို ကြောက်ရွံ့ရိုသေ​ပြီး နာမ​တော်​ကို ကြည်ညို​လေးစား​သော​သူ​တို့​နှင့်​ပတ်သက်၍ ရှေ့​တော်​၌ အောက်မေ့စရာ​မှတ်တမ်း​စာလိပ်​တွင် ရေးမှတ်​ထား​၏​။

ရှင်ယောဟန် 12:46

ငါ့​ကို​ယုံကြည်​သော​သူ​တိုင်း မှောင်မိုက်​ထဲ၌​မ​နေ​ရ​စေရန် ငါ​သည် အလင်း​အဖြစ် ဤ​လောက​သို့​ကြွလာ​ပြီ။

ရှင်ယောဟန် 8:12

တစ်ဖန် ယေရှု​သည် လူ​တို့​အား​မြွက်ဆို​တော်မူ​၍“ငါ​သည် ဤ​လောက​၏​အလင်း​ဖြစ်​၏။ ငါ့​နောက်​သို့​လိုက်​သော​သူ​သည် မည်သည့်​အခါ​မျှ မှောင်မိုက်​၌​သွားလာ​ခြင်း​မ​ရှိ​ဘဲ အသက်​၏​အလင်း​ကို​ရရှိ​မည်”​ဟု မိန့်​တော်မူ​၏။

ဧ​ဖက် 5:8

အဘယ်ကြောင့်​ဆိုသော် တစ်ချိန်က သင်​တို့​သည် အမှောင်​ဖြစ်​ခဲ့​သော်လည်း ယခု​အခါ သခင်​ဘုရား​၌ အလင်း​ဖြစ်​ကြ​၏။ အလင်း​၏​သားသမီး​များ​ကဲ့သို့ အသက်ရှင်​လျှောက်လှမ်း​ကြ​လော့။

ဟေ​ဗြဲ 5:9

စုံလင်​ခြင်း​သို့​ရောက်​ပြီးလျှင် မိမိ​ကို​နာခံ​သော​သူ​အပေါင်း​တို့​အား ထာဝရ​ကယ်တင်​ခြင်း​ကို​ပေး​သော​အရှင်​ဖြစ်လာ​၍

၁ ပေ 5:7

ဘုရားသခင်​သည် သင်​တို့​ကို ဂရုစိုက်​တော်မူ​သည်​ဖြစ်၍ သင်​တို့​၏​စိုးရိမ်​ပူပန်​ခြင်း​ရှိသမျှ​တို့​ကို အထံ​တော်​၌ အပ်နှံ​ကြ​လော့။

၁ ရာ 30:6

လူ​အပေါင်း​တို့​သည် မိမိ​တို့​၏​သား​သမီး​များ​အတွက် စိတ်သောက​ရောက်​လျက် ဒါဝိဒ်​ကို ခဲ​နှင့်​ပေါက်သတ်​ရန် ပြောဆို​ကြ​သဖြင့် ဒါဝိဒ်​မှာ အလွန်​စိတ်ဒုက္ခ​ရောက်​ရ​လေ​၏​။ သို့သော် သူ​သည် သူ​၏​ဘုရားသခင်​ထာဝရဘုရား​ထံ​တော်​မှ အားယူ​လေ​၏​။