ဟေ​ရှာ​ယ 48:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ သင်​ကြား​လည်း​မ​ကြား​၊ သိ​လည်း​မ​သိ​၊ အစ​ကတည်းက သင်​နား​ပိတ်​လျက်​နေ​၏​။ သင်​သည် အလွန်​သစ္စာမဲ့​၍ ဖွားစ​ကပင် သင့်​ကို ဆန့်ကျင်ပုန်ကန်​သော​သူ​ဟု​ခေါ်​ကြ​သည်​ကို ငါ​သိ​၏​။

Common Language Bible

⁸ သင်​တို့​အား​ယုံ​ကြည်​စိတ်​ချ​၍ မ​ရ​ကြောင်း​ကို​လည်း​ကောင်း၊ သင်​တို့​သည်​မွေး​ဖွား​လာ​ချိန်​မှ​ပင်​အ​စ​ပြု​၍ သူ​ပုန်​များ​ဟု​အ​ခေါ်​ခံ​ရ​ကြ​သည်​ကို​လည်း ကောင်း ငါ​သိ​၏။ ထို့​ကြောင့်​ဤ​အ​မှု​အ​ရာ​များ​အ​ကြောင်း​ကို သင်​တို့​သည်​အ​ဘယ်​အ​ခါ​က​မျှ​မ​ကြား​ခဲ့ နား​မ​လည်​ခဲ့။ ယ​ခင်​က​တည်း​က​သင်​တို့​သည်​လည်း​နား​မ​ပွင့်။

Garrad Bible

⁸ သင် သည် ဝမ်း တွင်း က ပင် လွန် ကျူး သူ ဟု အ ခေါ် ခံ ရ၍၊ သ စ္စာ ပျက် တတ် သည် ကို ငါ သိ သည့် အ လျောက်၊ နား မ ပွင့် ဘဲ၊ ကြား လည်း မ ကြား၊ သိ လည်း မ သိ၊ ကြာ မြင့် စွာ သင် နေ ခဲ့၏။

Judson Bible

⁸ အ​ကယ်​စင်​စစ် သင်​သည် မ​ကြား​မ​သိ​စ​ဖူး။ သင်၏​နား​သည် အ​ထက်​က မ​ပွင့်။ အ​ကြောင်း​မူ​ကား၊ သင်​သည် သ​စ္စာ​ပျက်​လိမ့်​မည်။ ဖွား​စ​က​ပင် သင့်​ကို​သူ​ပုန်​ဟူ၍ သ​မုတ်​ရ​လိမ့်​မည်​ကို ငါ​သိ၏။

ဟေ​ရှာ​ယ 48:8 Referencias Cruzadas

ဆာ​လံ 40:6

ကိုယ်တော်​သည် ယဇ်ကောင်​နှင့်​ပူဇော်သက္ကာ​ကို နှစ်သက်​တော်​မ​မူ​ပါ​။ ကိုယ်တော်​သည် အကျွန်ုပ်​၏​နား​ကို​ဖွင့်​ပေး​တော်မူ​၏​။ ကိုယ်တော်​သည် မီးရှို့ရာယဇ်​နှင့်​အပြစ်ဖြေရာယဇ်​ကို တောင်း​တော်​မ​မူ​ပါ​။

ဆာ​လံ 51:5

အကျွန်ုပ်​သည် ဒုစရိုက်​ထဲ၌​မွေးဖွား​လာ​ပါ​၏​။ အကျွန်ုပ်​၏​မိခင်​သည် အကျွန်ုပ်​ကို ကိုယ်ဝန်​ရ​စဉ်ကပင် အကျွန်ုပ်​သည် အပြစ်​ထဲ၌​ရှိ​ပါ​၏​။

ဆာ​လံ 58:3

ဆိုးယုတ်​သော​သူ​တို့​သည် အမိ​ဝမ်း​ထဲကပင် ဖောက်ပြန်​သော​သဘော​ရှိ​ကြ​၏​။ သူ​တို့​သည် မွေးစ​ကပင် လမ်းလွဲ​၍ လိမ်လည်​ပြောဆို​တတ်​ကြ​၏​။

ဟေ​ရှာ​ယ 21:2

“သစ္စာမဲ့​သော​သူ​သည် သစ္စာမဲ့​လျက်​နေ​၏​။ ဖျက်ဆီး​သော​သူ​သည်​လည်း ဖျက်ဆီး​လျက်​နေ​၏​။ ဧလံ​ပြည်သား​တို့​၊ တက်သွား​ကြ​လော့​။ မေဒိ​ပြည်သား​တို့​၊ ဝိုင်း​ထား​ကြ​လော့​။ ညည်းတွား​ခြင်း​ရှိသမျှ​ကို ငါ​အဆုံးသတ်​စေ​မည်”​ဟူသော ကြောက်မက်ဖွယ်​နိမိတ်​ကို ငါ​အား​ဖော်ပြ​တော်မူ​၏​။

ဟေ​ရှာ​ယ 26:11

အို ထာဝရဘုရား​၊ ကိုယ်တော်​သည် လက်​တော်​ကို​မြှောက်​သော်လည်း သူ​တို့​မ​မြင်​။ ကိုယ်တော်​၏​လူမျိုး​တော်​အတွက် ကိုယ်တော်​စိတ်အားထက်သန်​တော်မူ​သည်​ကို သူ​တို့​တွေ့မြင်​၍ ရှက်ကြောက်​ကြ​ပါစေ​။ ကိုယ်တော်​၏​ရန်သူ​တို့​ကို လောင်ကျွမ်း​မည့်​မီး​သည် သူ​တို့​ကို​လောင်ကျွမ်း​ပါစေ​။

ဟေ​ရှာ​ယ 33:1

ကိုယ်တိုင်​ဖျက်ဆီး​ခြင်း​မ​ခံရ​ဘဲ သူတစ်ပါး​ကို ဖျက်ဆီး​သော​သူ​၊ ကိုယ်တိုင် သစ္စာဖောက်​မ​ခံရ​ဘဲ သူတစ်ပါး​ကို သစ္စာဖောက်​သော​သူ​၊ သင်​သည် အမင်္ဂလာ​ရှိ​၏​။ သင်​သည် သူတစ်ပါး​ကို​ဖျက်ဆီး​ပြီး​လျှင် ပြန်​၍​အဖျက်ဆီး​ခံရ​မည်​။ သူတစ်ပါး​ကို သစ္စာဖောက်​ပြီး​လျှင် ပြန်​၍​သစ္စာအဖောက်​ခံရ​မည်​။

ဟေ​ရှာ​ယ 42:25

ထို့ကြောင့် ကိုယ်တော်​သည် ပြင်းစွာ​သော​အမျက်​တော်​၊ ပြင်းထန်​သော​စစ်ပွဲ​ကို သူ​တို့​အပေါ် ကျရောက်​စေ​တော်မူ​သဖြင့် သူ​တို့​ပတ်လည်​၌ မီး​တောက်လောင်​သော်လည်း သူ​တို့​မ​သိမှတ်​ကြ​။ သူ​တို့​ကို​မီးလောင်ကျွမ်း​သော်လည်း သူ​တို့​နှလုံး​မ​သွင်း​ကြ​။

ဟေ​ရှာ​ယ 46:8

ဆန့်ကျင်ပုန်ကန်​သူ​တို့​၊ ဤသည်ကို မှတ်သား​၍ ရဲရင့်တည်ကြည်​လော့​။ နှလုံးသွင်း​ဆင်ခြင်​လော့​။

ဟေ​ရှာ​ယ 47:11

ထို့ကြောင့် ဘေးအန္တရာယ်​သည် သင့်​အပေါ်​သက်ရောက်​မည်​။ ထို​ဘေးအန္တရာယ်​ကို ကာကွယ်​ပေး​မည့်​ဂါထာ​ကို သင်​သိ​မည်​မ​ဟုတ်​။ ဘေးဒုက္ခ​သည် သင့်​အပေါ်​ကျရောက်​မည်​။ သင်​တားဆီး​နိုင်​မည်​မ​ဟုတ်​။ သင်​မ​သိ​လိုက်​မီ​မှာပင် ဖျက်ဆီး​ခြင်း​ဘေး​သည် သင့်​အပေါ် ရုတ်တရက်​သက်ရောက်​မည်​။

ဟေ​ရှာ​ယ 48:4

သင်​၏​လည်ပင်း​သည် သံချောင်း​ကဲ့သို့​၊ သင်​၏​နဖူး​သည် ကြေးဝါ​ကဲ့သို့​ဖြစ်၍ သင်​သည် ခေါင်းမာ​သော​သူ​ဖြစ်ကြောင်း ငါ​သိ​သောကြောင့်

ဟေ​ရှာ​ယ 48:7

ထို​အရာ​တို့​သည် ရှေးယခင်​က​မ​ဟုတ် ယခုပင် ဖန်ဆင်း​ခြင်း​ခံရ​၏​။ ယနေ့​ထိ သင်​မ​ကြား​ဖူး​သေး​။ ထို့ကြောင့် ‘​ကြည့်ရှု​လော့​။ ထို​အရာ​တို့​ကို ငါ​သိ​နှင့်​ပြီ​’​ဟု သင်​ပြော​၍​မ​ရ​။

ဟေ​ရှာ​ယ 50:5

ဘုရားရှင်​ထာဝရဘုရား​သည် နာခံ​တတ်​သော​သဘော​ကို​ပေး​တော်မူ​သဖြင့် ငါ​သည် ဖီဆန်​ခြင်း​မ​ပြု​၊ ကျောခိုင်း​၍​မ​သွား​။

ဟေ​ရှာ​ယ 57:4

သင်​တို့​သည် မည်သူ့​ကို သရော်​ကြ​သနည်း​။ မည်သူ့​ကို​ပါးစပ်​ဟ​၍ လျှာ​ထုတ်​ပြ​ကြ​သနည်း​။ သင်​တို့​သည် အပြစ်​ကျူးလွန်​သော​သားသမီး​များ​၊ မုသား​ပြောဆို​သော​အမျိုးအနွယ်​များ ဖြစ်​ကြ​သည်​မ​ဟုတ်​လော​။

ယေ​ရ​မိ 3:20

သို့သော် အို အစ္စရေး​လူမျိုး​၊ မိန်းမ​သည် မိမိ​ယောက်ျား​ကို သစ္စာမဲ့​သကဲ့သို့ သင်​တို့​သည် ငါ့​ကို သစ္စာမဲ့​လေ​ပြီ​”​ဟု ထာဝရဘုရား​မိန့်​တော်မူ​၏​။

ယေ​ရ​မိ 5:11

အကယ်စင်စစ် အစ္စရေး​အမျိုးအနွယ်​နှင့်​ယုဒ​အမျိုးအနွယ်​တို့​သည် ငါ့​ကို သစ္စာမဲ့​ကြ​ပြီ​”​ဟု ထာဝရဘုရား​မိန့်​တော်မူ​၏​။

ယေ​ရ​မိ 5:21

‘​မျက်စိ​ရှိ​သော်လည်း မ​မြင်​၊ နား​ရှိ​သော်လည်း မ​ကြား​၊ မိုက်မဲ​၍ အသိဉာဏ်​မ​ရှိ​သော​လူ​တို့​၊ ယခု ဤ​စကား​ကို​နားထောင်​ကြ​လော့​။

ယေ​ရ​မိ 6:10

သူ​တို့​သည် အကျွန်ုပ်​၏​စကား​ကို​နားထောင်​ကြ​မည့်​အကြောင်း မည်သူ့​ကို​ပြော​ရ​မည်နည်း​၊ မည်သူ့​ကို​သတိပေး​ရ​မည်နည်း​။ သူ​တို့​၏​နား​သည် အရေဖျားလှီး​ခြင်း​မ​ခံ​သော​နား​ဖြစ်၍ နား​မ​ထောင်​နိုင်​ကြ​။ ထာဝရဘုရား​၏​နှုတ်ကပတ်တော်​ကို မ​နှစ်သက်​၊ ပြက်ရယ်ပြု​ကြ​၏​။

ဟော​ရှေ 5:7

သူ​တို့​သည် ထာဝရဘုရား​အပေါ် သစ္စာမဲ့​၍ တရားမဝင်​သားသမီး​များ​ကို မွေး​ကြ​ပြီ​။ ထို့ကြောင့် လဆန်း​နေ့​တွင် သူ​တို့​နှင့်အတူ သူ​တို့​၏​အမွေမြေ​သည်​လည်း ဝါးမျို​ခြင်း​ခံရ​လိမ့်မည်​။

ဟော​ရှေ 6:7

သို့သော် သူ​တို့​သည် အာဒံ​ကဲ့သို့ပင် ပဋိညာဉ်​ကို​ချိုးဖောက်​ပြီး ထို​အရပ်​တွင် ငါ့​ကို သစ္စာဖောက်​ကြ​ပြီ​။

ဟော​ရှေ 7:9

တစ်ပါးအမျိုးသား​တို့​သည် သူ့​အင်အား​ကို ဝါးမျို​နေ​ကြောင်း သူ​မ​သိ​။ သူ့​ခေါင်း​၌ ဆံပင်ဖြူ​များ ပြန့်ကြဲ​နေ​ကြောင်း​ကို​လည်း သူ​မ​သိ​။

မာ​လ​ခိ 2:11

ယုဒ​အမျိုး​သည် သစ္စာမရှိ​။ အစ္စရေး​ပြည်​တွင်​လည်းကောင်း​၊ ဂျေရုဆလင်​မြို့​တွင်​လည်းကောင်း စက်ဆုပ်ရွံရှာဖွယ်​အမှု​ကို​ပြု​ကြ​လေ​ပြီ​။ အကယ်စင်စစ် ယုဒ​အမျိုး​သည် တိုင်းတစ်ပါး​ဘုရား​ကို​ကိုးကွယ်​သော​သမီးပျို​တို့​နှင့် စုံဖက်​ခြင်း​ဖြင့် ထာဝရဘုရား​မြတ်နိုး​တော်မူ​သော​သန့်ရှင်းစင်ကြယ်​ခြင်း​ကို ညစ်ညူး​စေ​လေ​ပြီ​။

ဧ​ဖက် 2:3

ငါ​တို့​အားလုံး​သည်​လည်း တစ်ချိန်က ထို​သူ​တို့​ထဲတွင်​ပါ​လျက် မိမိ​တို့​သွေးသား​ဇာတိ​၏​တပ်မက်​ခြင်း​များ​ထဲ၌ အသက်ရှင်​နေထိုင်​ခဲ့​ပြီး ကိုယ်ကာယ​နှင့်​စိတ်နှလုံး​တို့​၏​အလို​အတိုင်း​ပြု​၍ အခြား​သော​သူ​တို့​ကဲ့သို့​ပင် သဘာဝ​အလျောက် အမျက်​တော်​ခံ​ထိုက်​သော​သူ​များ​ဖြစ်​ကြ​၏။

တ​ရား​ဟော 31:16

ထာဝရဘုရား​က မောရှေ​အား “​ကြည့်ရှု​လော့​။ သင်​၏​ဘိုးဘေး​တို့​နှင့်အတူ သင်​အိပ်ပျော်​ပြီး​နောက်တွင် ဤ​လူမျိုး​တို့​သည် သူ​တို့​ဝင်ရောက်​မည့်​ပြည်​ရှိ​တိုင်းတစ်ပါးသား​တို့​၏​ဘုရား​များ​နှင့် ထ​၍​ဖောက်ပြန်မှားယွင်း​ကြ​မည်​။ ငါ​ကို​စွန့်ပယ်​ကြ​မည်​။ သူ​တို့​နှင့်​ငါ​ဖွဲ့​ခဲ့​သော ပဋိညာဉ်​ကို ချိုးဖောက်​ကြ​လိမ့်မည်​။

တ​ရား​ဟော 31:18

သူ​တို့​သည် အခြား​ဘုရား​များ​ထံသို့​လှည့်သွား​၍ သူ​တို့​ပြု​သော​မကောင်းမှု​အားလုံး​ကြောင့် ထို​နေ့ရက်​၌ စင်စစ်​ငါ​မျက်နှာ​လွှဲ​မည်​။