ဟေ​ရှာ​ယ 48:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ‘​ငါ​၏​ရုပ်တု​သည် ထို​အရာ​တို့​ကို​ပြု​ခဲ့​၏​။ ငါ​၏​သစ်သား​ရုပ်တု​၊ ကြေးရုပ်တု​တို့​သည် ထို​အရာ​တို့​ကို အမိန့်ပေး​ခဲ့​ကြ​၏​’​ဟု သင်​မ​ပြော​နိုင်​အောင် ရှေးမဆွ​ကပင် သင့်​ကို ငါ​ပြော​ခဲ့​၏​။ မ​ဖြစ်လာ​မီ​ကပင် သင့်​ကို ကြားသိ​စေ​ခဲ့​၏​။

Common Language Bible

⁵ ငါ​သည်​အ​မှု​အ​ရာ​များ​မ​ဖြစ်​ပျက်​မီ​က ပင်​လျှင် ကြို​တင်​၍၊သင်​တို့​၏​အ​နာ​ဂတ်​ကို ဟော​ကြား​ခဲ့​ပေ​သည်။ ယင်း​သို့​ပြု​ရ​ခြင်း​မှာ​ဤ​အ​မှု​အ​ရာ​များ​ကို သင်​တို့​လုပ်​သည့်​ရုပ်​တု​များ​က​ဖြစ်​ပေါ်​စေ​သည်​ဟု သင်​တို့​မ​ပြော​မ​ဆို​နိုင်​ကြ​စေ​ရန်​ပင်​ဖြစ်​၏။

Garrad Bible

⁵ ကိုယ့် ရုပ် ပွား ဆင်း တု ဘု ရား စီ မံ ပြု လုပ် ပြီ ဟု၊ သင် ဆို ခွင့် မ ရ စေ ရန်၊ မ ဖြစ် ပျက် မီ၊ ယ မန် က ပင်၊ ငါ ကြား ပြော ဖော် ပြ လေ ပြီ။

Judson Bible

⁵ အ​ထက်​က သင့်​အား​ငါ​ဟော​ပြီ။ အ​မှု​မ​ဖြစ်​မီ ငါ​ဖော်​ပြ​ပြီ။ သို့​ဖြစ်၍ သင်​က၊ ငါ၏​ရုပ်​တု​သည် ဤ​အ​မှု​ကို​ပြု​ပြီ။ ငါ​ထု​သော​ရုပ်​တု၊ ငါ​သွန်း​သော​ရုပ်​တု​သည် ဤ​အ​မှု​ကို စီ​ရင်​ပြီ​ဟု ပြော​ရ​သော​အ​ခွင့် မ​ရှိ။

ဟေ​ရှာ​ယ 48:5 Referencias Cruzadas

ဟေ​ရှာ​ယ 43:19

ကြည့်ရှု​လော့​။ အသစ်​သော​အရာ​ကို ငါ​ပြု​မည်​။ ယခု ထို​အရာ ဖြစ်လာ​ပြီ​။ သင်​တို့ မ​သိ​ကြ​သလော​။ အကယ်စင်စစ် တောကန္တာရ​၌ လမ်း​ကို​လည်းကောင်း​၊ သဲကန္တာရ​၌ မြစ်​တို့​ကို​လည်းကောင်း ငါ​ဖြစ်​စေ​မည်​။

ဟေ​ရှာ​ယ 44:7

ရှေးခေတ်​လူမျိုး​ကို ငါ​တည်​စေ​သည့်​ကာလ​မှစ၍ မည်သူ​သည် ငါ​နှင့်​တူ​သနည်း​။ ထို​သူ ဖော်ပြ​ပါစေ​၊ ပြောပြ​ပါစေ​၊ ငါ့​ရှေ့​၌ အစီအစဉ်​တကျ​ချပြ​ပါစေ​။ သူ​တို့​သည် ဖြစ်ဆဲ​နှင့်​ဖြစ်လာ​မည့်​အရာ​များ​ကို​လည်း ကြိုပြော​ကြ​ပါစေ​။

ဟေ​ရှာ​ယ 44:8

မ​ကြောက်​ကြ​နှင့်​။ မ​စိုးရိမ်​ကြ​နှင့်​။ ရှေးယခင်​ကတည်းက သင်​တို့​ကို ငါ​ပြောကြား​ခဲ့​ပြီ​၊ ကြားသိ​စေ​ခဲ့​ပြီ​မ​ဟုတ်​လော​။ သင်​တို့​သည် ငါ​၏​သက်သေ​များ​ဖြစ်​ကြ​၏​။ ငါ​မှတစ်ပါး အခြား​ဘုရား​ရှိ​သလော​။ အခြား​ကျောက်ဆောင်​မ​ရှိ​၊ ရှိ​သည်​ကို ငါ​မ​သိ​။

ဟေ​ရှာ​ယ 45:20

လူမျိုး​အပေါင်း​တို့​လက်​မှ ထွက်ပြေး​လွတ်မြောက်​လာ​သော​သူ​တို့​၊ စုရုံး​၍ လာ​ကြ​လော့​။ အတူတကွ ချဉ်းကပ်​ကြ​လော့​။ သစ်သား​ရုပ်တုဆင်းတု​ကို ဆောင်​ထား​သော​သူ​၊ မ​ကယ်တင်​နိုင်​သော​ဘုရား​ထံ ဆုတောင်း​သော​သူ​တို့​သည် အသိဉာဏ်​မ​ရှိ​။

ဟေ​ရှာ​ယ 46:10

အစအဦး​ကပင် အဆုံး​ကို​ဖော်ပြ​သော​အရှင်​၊ ရှေးကာလ​ကပင် မ​ဖြစ်​သေး​သော​အရာ​တို့​ကို​ဖော်ပြ​သော​အရှင်​က “​ငါ့​အကြံအစည်​သည် တည်​မည်​။ ငါ​အလို​ရှိသမျှ​ကို ငါ​ပြု​မည်​”​ဟု မိန့်​တော်မူ​၏​။

ဟေ​ရှာ​ယ 48:3

ထာဝရဘုရား​က “​ယခင်​ဖြစ်ပျက်​ခဲ့​သော​အရာ​တို့​ကို ရှေးမဆွ​ကပင် ငါ​ပြောကြား​ခဲ့​ပြီ​။ ငါ့​နှုတ်​မှ​ထွက်ဆို​ခဲ့​ပြီ​။ ငါ​ကြားသိ​စေ​ခဲ့​ပြီ​။ ငါ​ချက်ချင်း​လုပ်ဆောင်​၍ ထို​အရာ​တို့ ဖြစ်လာ​ခဲ့​ပြီ​။

တမန်တော်ဝတ္ထု 15:18

ရှေး​ကာလ​မှစ၍ ဤ​အမှုအရာ​များ​ကို သိ​စေ​တော်မူ​သော​ထာဝရ​ဘုရား မိန့်​တော်မူ​၏’​ဟူ၍ ရေး​ထား​သည့်​အတိုင်း​ဖြစ်​၏။