ဟေ​ရှာ​ယ 47:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ သင်​သည် မှော်အတတ်​မည်မျှပင်​တတ်​သော်လည်း​၊ သင်​၏​ဂါထာမန္တန်​မည်မျှပင်​စွမ်း​သော်လည်း သားသမီး​ဆုံးရှုံး​ခြင်း​၊ မုဆိုးမ​ဖြစ်​ခြင်း နှစ်မျိုးလုံး​သည် တစ်နေ့တည်း တစ်ခဏချင်း​တွင် သင့်​ထံ​ရောက်လာ​မည်​။ မလွဲမသွေ​ရောက်လာ​မည်​။

Common Language Bible

⁹ သို့​ရာ​တွင်၊သင်​သည်​တစ်​နေ့​အ​တွင်း​တ​ခ​ဏ ခြင်း​၌ ဤ​အ​မှု​နှစ်​ရပ်​စ​လုံး​နှင့်​ကြုံ​တွေ့​ရ​လိမ့်​မည်။ မှော်​အ​တတ်​မှန်​မျှ​ကို​အ​သုံး​ပြု​ပါ​သော်​လည်း သင်​သည်​သား​သ​မီး​များ​ကို​ဆုံး​ရှုံး​ရ​လျက်၊ မု​ဆိုး​မ​ဘ​ဝ​သို့​ရောက်​လိမ့်​မည်။

Garrad Bible

⁹ တစ် နေ့ ချင်း ပင် သား ဆုံး ခြင်း၊ လင် ဆုံး ခြင်း တည်း ဟူ သော ဘေး နှစ် မျိုး သည်၊ ရှောင် တ ခင် သင့် ရောက် လိမ့် မည်။ သင်၌ မ န္တာန် မြောက် မြား ၍၊ ဝိ ဇ္ဇာ အ တတ် လွန် ကဲ သော် လည်း အ ကုန် အ စင် သင့် ရောက် လိမ့် မည်။

Judson Bible

⁹ သင်​သည် ပြု​စား​သော​အ​တတ်​နှင့် နတ်​ဝိ​ဇ္ဇာ​အ​တတ်​များ​တို့​ကို အ​လွန်​ပြု​စု​သော်​လည်း၊ တစ်​နေ့​တစ်​ခ​ဏ​ခြင်း​တွင် သား​ဆုံး​ခြင်း​နှင့် လင်​ဆုံး​ခြင်း​တည်း​ဟူ​သော ဘေး​နှစ်​ပါး​တို့​သည် သင်၌​ရောက်​လိမ့်​မည်။ သင်၏​အ​ပေါ်၌ အ​ကုန်​အ​စင် သင့်​ရောက်​လိမ့်​မည်။

ဟေ​ရှာ​ယ 47:9 Referencias Cruzadas

ဆာ​လံ 73:19

သူ​တို့​သည် ချက်ချင်းပင် ကြီးစွာ​သော​ပျက်စီး​ခြင်း​သို့​ရောက်​၍ ထိတ်လန့်ဖွယ်​ရာ​များ​ဖြင့် အကုန်အစင် ဖယ်ရှား​ခြင်း​ခံ​ကြ​ရ​ပါ​သည်​တကား​။

ဟေ​ရှာ​ယ 13:16

သူ​တို့​ကလေးငယ်​များ​သည် သူ​တို့​မျက်စိ​ရှေ့​တွင် ကိုင်ပေါက်​ခံရ​လိမ့်မည်​။ သူ​တို့​အိမ်​သည် တိုက်ခိုက်လုယက်​ခံရ​၍ သူ​တို့​မယား​သည်​လည်း အဓမ္မပြုကျင့်​ခြင်း​ခံရ​လိမ့်မည်​။

ဟေ​ရှာ​ယ 21:9

ယခု မြင်း​အတွဲလိုက်​စီးလာသူ​ကို တွေ့​ရ​ပါ​၏​”​ဟု ခြင်္သေ့​ကဲ့သို့ ဟစ်ကြော်​လေ​၏​။ ထို့နောက် “​ပြိုလဲ​ပြီ​။ ဘေဘီလုံ​မြို့ ပြိုလဲ​ပြီ​။ သူ​၏​ဘုရား​ရုပ်တုဆင်းတု​ရှိသမျှ​တို့​သည်​လည်း မြေကြီး​ပေါ်သို့ ကျိုးပဲ့ကျ​ကြ​ပြီ​”​ဟု ဆို​လေ​၏​။

ဟေ​ရှာ​ယ 47:11

ထို့ကြောင့် ဘေးအန္တရာယ်​သည် သင့်​အပေါ်​သက်ရောက်​မည်​။ ထို​ဘေးအန္တရာယ်​ကို ကာကွယ်​ပေး​မည့်​ဂါထာ​ကို သင်​သိ​မည်​မ​ဟုတ်​။ ဘေးဒုက္ခ​သည် သင့်​အပေါ်​ကျရောက်​မည်​။ သင်​တားဆီး​နိုင်​မည်​မ​ဟုတ်​။ သင်​မ​သိ​လိုက်​မီ​မှာပင် ဖျက်ဆီး​ခြင်း​ဘေး​သည် သင့်​အပေါ် ရုတ်တရက်​သက်ရောက်​မည်​။

ယေ​ရ​မိ 15:9

“​သား​ခုနစ်​ယောက်​မိခင်​သည် အားလျော့​၍ အသက်ငင်​လေ​ပြီ​။ နေ့​အချိန်​၌ပင် သူ့​ဘဝ​နေဝင်ချိန်​ရောက်​လေ​ပြီ​။ သူ​သည် အရှက်ကွဲ​သော​သူ​၊ မျက်နှာပျက်​သော​သူ ဖြစ်​ရ​လေ​ပြီ​။ သူ​တို့​ထဲမှ​ကြွင်းကျန်​သော​သူ​တို့​ကို​လည်း သူ​တို့​ရန်သူ​တို့​၏​ဓား​ဖြင့် ဆုံး​စေ​မည်​”​ဟု ထာဝရဘုရား​မိန့်​တော်မူ​၏​။

ယေ​ရ​မိ 51:29

ကမ္ဘာမြေကြီး တုန်ခါ​လေ​ပြီ​၊ တုန်လှုပ်​လေ​ပြီ​။ အကြောင်းမူကား ဘေဘီလုံ​မြို့​ကို နေထိုင်​သူ​မ​ရှိ​၊ လူသူကင်းမဲ့​ရာ​အရပ်​ဖြစ်​စေ​မည်​ဟူသော ထာဝရဘုရား​၏​အကြံအစည်​တော်​အတိုင်း ထို​မြို့​၌ ဖြစ်လာ​လေ​ပြီ​။

ဒံ​ယေ​လ 2:2

ထို့ကြောင့် ရှင်ဘုရင်​၏​အိပ်မက်​များ​ကို ဖော်ပြ​ရန် ရှင်ဘုရင်​သည် နတ်ဝိဇ္ဇာဆရာ​များ​၊ ဂမ္ဘီရဆရာ​များ​၊ မှော်ဆရာ​များ​နှင့်​ခါလဒဲ​ပညာရှိ​တို့​ကို ဆင့်ခေါ်​စေ​၏​။ သူ​တို့​သည်​လည်း ရှင်ဘုရင်​ရှေ့မှောက်​၌ လာ​၍​ရပ်​နေ​ကြ​၏​။

ဒံ​ယေ​လ 4:7

မှော်ဆရာ​များ​၊ ဗေဒင်ဆရာ​များ​၊ ခါလဒဲ​ပညာရှိ​များ​၊ နက္ခတ်ဗေဒ​ပညာရှင်​များ​အား ငါ့​အိပ်မက်​ကို ပြောပြ​သော်လည်း မည်သူ​မျှ​အိပ်မက်​အနက်အဓိပ္ပာယ်​ကို မ​ဖော်ပြ​ပေး​နိုင်​ကြ​။

ဒံ​ယေ​လ 5:30

ထို​ည​တွင်​ပင် ခါလဒဲ​ဘုရင် ဗေလရှာဇာ​မင်းကြီး ကွပ်မျက်​ခံရ​လေ​၏​။

ဒံ​ယေ​လ 5:7

ရှင်ဘုရင်​သည် ဗေဒင်ဆရာ​များ​၊ ခါလဒဲ​ပညာရှိ​များ​၊ နက္ခတ်ဗေဒ​ဆရာ​များ​ကို ခေါ်သွင်း​ရန် အော်ဟစ်​ပြီးလျှင် ဘေဘီလုံ​ပညာရှိ​တို့​အား “​ဤ​စာ​ကို​ဖတ်​ပြီး အနက်အဓိပ္ပာယ်​ကို ဖွင့်ပြ​ပေး​နိုင်​သူ မည်သူမဆို ခရမ်းရောင်​ဝတ်ရုံ​ကို ဝတ်ဆင်​စေ​၍ လည်​တွင် ရွှေ​စလွယ်​ဆင်​ကာ တတိယ​အကြီးဆုံး​ပုဂ္ဂိုလ်​အဖြစ် နိုင်ငံ​ကို အုပ်ချုပ်​ခွင့်​ပေး​မည်​”​ဟု မိန့်ဆို​လေ​၏​။

နာ​ဟုံ 3:4

အကြောင်းမှာ သူ​သည် ရာဂစိတ်​ပြင်းထန်​သော​ပြည့်တန်ဆာမ​၊ အဆင်းလှ​၍ ပြုစား​တတ်​သော​မှော်ဆရာမ ဖြစ်​သည်​နှင့်အညီ ပြည့်တန်ဆာအလုပ်​၊ မှော်အတတ်​တို့​ဖြင့် လူ​အမျိုးမျိုး​အနွယ်နွယ်​တို့​ကို ကျွန်ပြု​သောကြောင့် ဖြစ်​၏​။

၁ သက် 5:3

“ငြိမ်းချမ်း​မှု​နှင့်​လုံခြုံ​မှု​ရှိ​သည်”​ဟု လူ​တို့​ပြောဆို​နေ​ကြ​သည့်​အချိန်​၌ပင် ကိုယ်ဝန်ဆောင်​အမျိုးသမီး​၌ သားဖွား​ခြင်း​ဝေဒနာ​ရောက်လာ​သကဲ့သို့ ပျက်စီး​ခြင်း​သည် သူ​တို့​အပေါ် ရုတ်တရက်​ရောက်လာ​၍ သူ​တို့​သည် လုံးဝ​လွတ်မြောက်​နိုင်​မည်​မ​ဟုတ်။

ဗျာ​ဒိတ် 21:8

သို့သော် ကြောက်​တတ်​သူ​များ၊ မ​ယုံကြည်​သူ​များ၊ ရွံရှာ​ဖွယ်​ကောင်း​သူ​များ၊ လူသတ်သူ​များ၊ တရားနှင့်မညီ​မေထုန်ပြု​သူ​များ၊ ပြုစား​သော​သူ​များ၊ ရုပ်တု​ကိုးကွယ်​သူ​များ​နှင့် လိမ်လည်​သော​သူ​အပေါင်း​တို့​သည် ကန့်​နှင့်​လောင်​သော​မီး​အိုင်​ထဲ၌ မိမိ​တို့​အဖို့​ကို​ရ​ကြ​လိမ့်မည်။ ဤသည်ကား ဒုတိယ​သေ​ခြင်း​ဖြစ်​၏”​ဟု မိန့်​တော်မူ​၏။

ဗျာ​ဒိတ် 22:15

အပြင်​၌​ကား ခွေး​များ၊ ပြုစား​သော​သူ​များ၊ တရားနှင့်မညီ​မေထုန်ပြု​သူ​များ၊ လူသတ်သူ​များ၊ ရုပ်တု​ကိုးကွယ်​သူ​များ​နှင့် မုသား​ကို​နှစ်သက်​၍ ကျင့်သုံး​သော​သူ​အပေါင်း​တို့​ရှိ​ကြ​၏။

ရု​သ 1:20

နောမိ​က​လည်း “​အကျွန်ုပ်​ကို နောမိ​ဟု မ​ခေါ်​ပါ​နှင့်​။ မာရ​ဟု ခေါ်​ပါ​။ အနန္တတန်ခိုးရှင်​သည် အကျွန်ုပ်​အား ခါးသီး​စွာ​ခံစား​ရ​စေ​တော်မူ​ပြီ​။

ရု​သ 1:5

ထို့နောက် မဟာလုန်​နှင့် ခိလျုန် နှစ်ယောက်စလုံး​လည်း သေဆုံး​သွား​သဖြင့် နောမိ​သည် သား​နှစ်​ယောက်​မ​ရှိ​၊ ခင်ပွန်းသည်​မ​ရှိ​ဘဲ ကျန်ရစ်​ခဲ့​ရ​၏​။