ဟေ​ရှာ​ယ 44:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² သင့်​ကို​ဖန်ဆင်း​သော​အရှင်​၊ သင့်​ကို ဝမ်း​ထဲကပင်​ပုံဖော်ဖန်ဆင်း​တော်မူ​၍ သင့်​ကို​ကူညီမစ​သော​ထာဝရဘုရား​က “​ငါ့​အစေအပါး ယာကုပ်​၊ ငါ​ရွေးချယ်​သော​ယေရှုရုန်​၊ မ​ကြောက်​နှင့်​။

Common Language Bible

² ငါ​သည်​သင်​တို့​ကို​ဖန်​ဆင်း​တော်​မူ​သော ဘု​ရား​သ​ခင်​ဖြစ်​၏။ သင်​တို့​မွေး​ဖွား​ချိန်​မှ​အ​စ​ပြု​၍​ငါ​သည် သင်​တို့​အား​ကူ​မ​ခဲ့​လေ​ပြီ။ မ​ကြောက်​ကြ​နှင့်၊ သင်​တို့​သည် ငါ​၏​အ​စေ​ခံ၊ ငါ​ချစ်​မြတ်​နိုး​၍​ရွေး​ချယ်​ထား​သည့် လူ​မျိုး​တော်​ဖြစ်​ကြ​၏။

Garrad Bible

² သင့် ကို ဖန် ဆင်း၍ ဝမ်း တွင်း က ပင် ပြု ပြင် ခဲ့ သည့် အ လျောက်၊ မ စ လ တ္တံ့ သော ထာ ဝ ရ ဘု ရား မိန့် တော် မူ သည် ကား၊ ငါ့ ကျွန် ရင်း ယာ ကုပ်၊ ငါ ရွေး ချယ် သူ ယေ ရှု ရုန်၊ မ ကြောက် လင့်။

Judson Bible

² သင့်​ကို ဖန်​ဆင်း​တော်​မူ​သော​ဘု​ရား၊ ဖွား​စ​က​ပင် သင့်​ကို​ပြု​ပြင်၍၊ နောင်၌​လည်း မ​စ​လ​တ္တံ့​သော ထာ​ဝ​ရ​ဘု​ရား မိန့်​တော်​မူ​သည်​ကား၊ ငါ့​ကျွန်​ယာ​ကုပ်၊ ငါ​ရွေး​ကောက်​သော​သူ ယေ​ရှု​ရုန်၊ မ​စိုး​ရိမ်​နှင့်။

ဟေ​ရှာ​ယ 44:2 Referencias Cruzadas

ဆာ​လံ 46:5

ဘုရားသခင်​သည် ထို​မြို့​တော်​အလယ်​၌ ရှိ​တော်မူ​သည်​ဖြစ်၍ ထို​မြို့​တော်​သည် တုန်လှုပ်​မည်​မ​ဟုတ်​။ နံနက်အချိန်​ရောက်​သောအခါ ဘုရားသခင်​သည် ထို​မြို့​တော်​ကို​ကူညီမစ​တော်မူ​လိမ့်မည်​။

ဆာ​လံ 71:6

အကျွန်ုပ်​သည် မွေးဖွား​ချိန်​မှစ၍ ကိုယ်တော်​ကို​မှီခိုအားထား​ပါ​၏​။ အကျွန်ုပ်​၏​မိခင်​ဝမ်း​ထဲမှ အကျွန်ုပ်​ကို​ထုတ်ဆောင်​ခဲ့​သော​အရှင်​မှာ ကိုယ်တော်​သာ​ဖြစ်​ပါ​၏​။ အကျွန်ုပ်​သည် ကိုယ်တော်​ကို အစဉ်​ချီးမွမ်း​ပါ​မည်​။

ဆာ​လံ 95:6

လာ​ကြ​၊ ရှိခိုးကိုးကွယ်​ကြ​စို့​။ ညွတ်တွား​ကြ​ကုန်စို့​။ ငါ​တို့​ကို​ဖန်ဆင်း​တော်မူ​သော ထာဝရဘုရား​၏ ရှေ့​တော်​၌ ဒူးထောက်​ကြ​ကုန်စို့​။

ဟေ​ရှာ​ယ 27:11

အကိုင်းအခက်​တို့​သည် ခြောက်သွေ့​လျှင် ချိုး​ပစ်​ခြင်း​ခံရ​လိမ့်မည်​။ မိန်းမ​တို့​သည် လာ​၍ ချိုးယူ​မီးဆိုက်​ကြ​လိမ့်မည်​။ ဤ​လူမျိုး​သည် အသိဉာဏ်​မ​ရှိ​သောကြောင့် သူ့​ကို​ဖန်ဆင်း​သော​အရှင်​သည် သူ့​ကို​သနား​တော်မူ​မည်​မ​ဟုတ်​။ သူ့​ကို​ပုံဖော်ဖန်ဆင်း​သော​အရှင်​သည် သူ့​ကို​မျက်နှာသာပေး​တော်မူ​မည်​မ​ဟုတ်​။

ဟေ​ရှာ​ယ 41:10

မ​ကြောက်​နှင့်​၊ ငါ​သည် သင်​နှင့်အတူ​ရှိ​၏​။ မ​စိုးရိမ်​နှင့်​။ ငါ​သည် သင်​၏​ဘုရားသခင်​ဖြစ်​၏​။ အကယ်စင်စစ် သင့်​ကို ခိုင်ခံ့​စေ​မည်​။ သင့်​ကို ကူညီမစ​မည်​။ ငါ​၏​ဖြောင့်မတ်​သော​လက်ယာ​လက်​ဖြင့် သင့်​ကို ငါ​ထောက်မ​မည်​။

ဟေ​ရှာ​ယ 41:14

“​အို ပိုးကောင်​ယာကုပ်​၊ အို အစ္စရေး​လူမျိုး​တို့​၊ မ​ကြောက်​နှင့်​။ သင့်​ကို ငါ​ကူညီမစ​မည်​”​ဟု ထာဝရဘုရား မိန့်​တော်မူ​၏​။ သင့်​ကို​ရွေးနုတ်​သော​သူ​သည် အစ္စရေး​လူမျိုး​၏​သန့်ရှင်း​သော​အရှင် ဖြစ်​တော်မူ​၏​။

ဟေ​ရှာ​ယ 41:8

သို့သော် ငါ့​အစေအပါး အစ္စရေး​၊ ငါ​ရွေးချယ်​သော​သူ ယာကုပ်​၊ ငါ့​မိတ်ဆွေ အာဗြဟံ​၏​သားစဉ်မြေးဆက်​၊

ဟေ​ရှာ​ယ 43:1

အို ယာကုပ်​အမျိုး​၊ သင့်​ကို​ဖန်ဆင်း​သော​အရှင်​ထာဝရဘုရား ဤသို့​မိန့်​တော်မူ​၏​။ အို အစ္စရေး​လူမျိုး​၊ သင့်​ကို​ပုံဖော်ဖန်ဆင်း​သော​အရှင်​ထာဝရဘုရား​က “​မ​ကြောက်​နှင့်​။ သင့်​ကို ငါ​ရွေးနုတ်​ပြီ​။ သင့်​ကို အမည်​ဖြင့် ငါ​ခေါ်​ပြီ​။ သင့်​ကို ငါ​ပိုင်​ပြီ​။

ဟေ​ရှာ​ယ 43:21

ငါ​၏​ဂုဏ်ကျေးဇူး​တော်​ကို ပြောကြား​ဖို့​ရန် လူမျိုး​တော်​ကို ငါ​ပုံဖော်ဖန်ဆင်း​ခဲ့​၏​။

ဟေ​ရှာ​ယ 43:5

မ​ကြောက်​နှင့်​။ ငါ​သည် သင်​နှင့်အတူ​ရှိ​၏​။ အရှေ့​အရပ်​မှ သင်​၏​အမျိုးအနွယ်​ကို ငါ​ဆောင်​ခဲ့​မည်​။ အနောက်​အရပ်​မှ သင့်​ကို ငါ​စုစည်း​မည်​။

ဟေ​ရှာ​ယ 43:7

သူ​တို့​အားလုံး​ကို ငါ့​နာမ​ဖြင့် ငါ​ခေါ်​၏​။ ငါ​၏​ဘုန်းအသရေ​အတွက် ငါ​ဖန်ဆင်း​၏​။ ငါ​ပုံဖော်ဖန်ဆင်း​၍ ငါ​ဖြစ်တည်​စေ​၏​”​ဟု မိန့်​တော်မူ​၏​။

ဟေ​ရှာ​ယ 44:21

အို ယာကုပ်​အမျိုး​၊ ဤ​အရာ​တို့​ကို သတိရ​လော့​။ အို အစ္စရေး​လူမျိုး​၊ သင်​သည် ငါ​၏​အစေအပါး​ဖြစ်​၏​။ သင့်​ကို ငါ​ပုံဖော်ဖန်ဆင်း​သည်​ဖြစ်၍ သင်​သည် ငါ​၏​အစေအပါး​ဖြစ်​၏​။ အို အစ္စရေး​လူမျိုး​၊ သင့်​ကို ငါ​မေ့လျော့​မည်​မ​ဟုတ်​။

ဟေ​ရှာ​ယ 44:24

သင့်​ကို ရွေးနုတ်​တော်မူ​သော​အရှင်​၊ သင့်​ကို အမိ​ဝမ်း​ထဲကပင် ပုံဖော်ဖန်ဆင်း​တော်မူ​သော​အရှင်​ထာဝရဘုရား​က “​ငါ​ထာဝရဘုရား​သည် အရာ​ခပ်သိမ်း​ကို​ဖန်ဆင်း​၏​။ မိုးကောင်းကင်​ကို ငါ​တစ်ပါးတည်း​ဖြန့်ကြက်​၏​။ မြေကြီး​ကို ငါ​တစ်ပါးတည်း​ခင်းကျင်း​၏​။

ဟေ​ရှာ​ယ 45:11

အစ္စရေး​လူမျိုး​၏​သန့်ရှင်း​သော​အရှင်​၊ ထို​လူမျိုး​ကို​ပုံဖော်ဖန်ဆင်း​သော ထာဝရဘုရား​က “​ဖြစ်လာ​မည့်​အရာ​တို့​နှင့်​ပတ်သက်၍ ငါ့​ကို မေးခွန်းထုတ်​ကြ​သလော​။ ငါ့​သားသမီး​တို့​နှင့်​ပတ်သက်၍​၊ ငါ့​လက်​ပြု​သော​အမှု​နှင့်​ပတ်သက်၍ ငါ့​ကို အမိန့်ပေး​ကြ​သလော​။

ဟေ​ရှာ​ယ 49:1

ကမ်းရိုးတန်းဒေသ​တို့​၊ ငါ့​စကား​ကို နားထောင်​ကြ​လော့​။ ရပ်ဝေး​ရှိ​လူမျိုး​တို့​၊ အာရုံစိုက်​နားထောင်​ကြ​လော့​။ ထာဝရဘုရား​သည် ငါ​မ​မွေး​မီ​ကပင် ငါ့​ကို​ခေါ်​တော်မူ​၏​။ အမိ​ဝမ်း​ထဲ​ရှိ​စဉ်​ကပင် ငါ​၏​နာမည်​ကို​မှတ်​တော်မူ​၏​။

ဟေ​ရှာ​ယ 49:5

ငါ့​ကို အမိ​ဝမ်း​ထဲကပင် မိမိ​၏​အစေအပါး​အဖြစ် ပုံဖော်ဖန်ဆင်း​တော်မူ​သော ထာဝရဘုရား​က အစ္စရေး​လူမျိုး​တို့ အထံ​တော်​၌​စုဝေး​ကြ​မည့်​အကြောင်း ယာကုပ်​အမျိုး​ကို အထံ​တော်​သို့​ပြန်ခေါ်ဆောင်​လာ​ရန် မိန့်မှာ​တော်မူ​ခဲ့​၏​။ ငါ​သည် ထာဝရဘုရား​၏​မျက်မှောက်​တော်​၌ ဂုဏ်ပြုချီးမွမ်း​ခြင်း​ခံရ​သူ​ဖြစ်​၏​။ ဘုရားသခင်​သည် ငါ​၏​ခွန်အား​ဖြစ်​တော်မူ​၏​။

ယေ​ရ​မိ 1:5

“​သင့်​ကို အမိ​ဝမ်း​ထဲမှာ ပုံ​မ​သွင်း​မီ​ကပင် သင့်​ကို​ငါ​သိ​၏​။ သင်​မ​မွေး​မီ​ကပင် သင့်​ကို​ငါ​သန့်ရှင်း​စေ​ပြီ​။ လူမျိုးတကာ​တို့​အတွက် ပရောဖက်​အဖြစ် ငါ​ခန့်ထား​ပြီ​”​ဟု မိန့်ဆို​သော်

ယေ​ရ​မိ 30:10

ထာဝရဘုရား​က “​အို ငါ့​အစေအပါး​ယာကုပ်​၊ မ​ကြောက်​နှင့်​။ အို အစ္စရေး​၊ စိတ်​မ​ပျက်​နှင့်​။ သင့်​ကို ဝေး​သော​အရပ်​မှ​၊ သင်​၏​အမျိုးအနွယ်​ကို သုံ့ပန်း​အဖြစ်​နေ​ရ​သော​ပြည်​မှ ငါ​ကယ်တင်​မည်​။ ယာကုပ်​သည် ပြန်လာ​၍ ခြိမ်းခြောက်​မည့်​သူ​မ​ရှိ​ဘဲ ငြိမ်းချမ်း​သာယာ​စွာ နေ​ရ​လိမ့်မည်​”​ဟု မိန့်​တော်မူ​၏​။

လုကာ 12:32

သိုးစု​ငယ်၊ မ​ကြောက်​နှင့်။ အကြောင်းမူကား သင်​တို့​အဖ​သည် သင်​တို့​အား နိုင်ငံ​တော်​ပေး​ရ​သည်​ကို နှစ်သက်​တော်မူ​၏။

ရော​မ 8:30

ထိုသို့​ကြိုတင်​သတ်မှတ်​ထား​တော်မူ​သော​သူ​တို့​ကို ဘုရားသခင်​သည် ခေါ်ယူ​တော်မူ​ပြီး ခေါ်ယူ​တော်မူ​သော​သူ​တို့​ကို ဖြောင့်မတ်​သည်​ဟု​အသိအမှတ်ပြု​တော်မူ​၍ ဖြောင့်မတ်​သည်​ဟု​အသိအမှတ်ပြု​တော်မူ​သော​သူ​တို့​ကို ချီးမြှောက်​တော်မူ​၏။

ဧ​ဖက် 1:4

ငါ​တို့​သည် ရှေ့​တော်​၌ သန့်ရှင်း​၍ အပြစ်​အနာအဆာ​ကင်း​သော​သူ​ဖြစ်​ကြ​မည့်​အကြောင်း ဘုရားသခင်​သည် ကမ္ဘာ​မ​တည်​မ​ရှိ​မီ​က​ပင် ငါ​တို့​ကို ခရစ်တော်​၌​ရွေးကောက်​တော်မူ​ပြီး

တ​ရား​ဟော 32:15

အို ယေရှုရုန်​၊ သင်​သည် ဝဖြိုး​လာ​သဖြင့် ခြေစုံကန်​လေ​ပြီ​။ ဝဖြိုး​တုတ်ခဲ​ပြီး ဖောင်းကား​လာ​သောအခါ မိမိ​ကို​ဖန်ဆင်း​တော်မူ​သော​ဘုရားသခင်​ကို ပစ်ပယ်​လေ​ပြီ​။ မိမိ​၏​ကယ်တင်​ရာ​ကျောက်ဆောင်​ကို မထီမဲ့မြင်ပြု​လေ​ပြီ​။

တ​ရား​ဟော 33:26

အို ယေရှုရုန်​၊ သင်​၏​ဘုရား​နှင့်​တူ​သော​ဘုရား​မ​ရှိ​။ ကိုယ်တော်​သည် သင့်​ကို​ကူညီမစ​ရန် မိုးကောင်းကင်​ကို​စီးနင်း​တော်မူ​၏​၊ မိမိ​အာနုဘော်​တော်​ဖြင့်​မိုးတိမ်​ကို စီးနင်း​တော်မူ​၏​။

တ​ရား​ဟော 33:5

လူမျိုး​တော်​အကြီးအမှူး​တို့​သည် အစ္စရေး​မျိုးနွယ်​တို့​နှင့်အတူ စုဝေး​ကြ​သောအခါ ကိုယ်တော်​သည် ယေရှုရုန်​အမျိုး​၌ ရှင်ဘုရင်​ဖြစ်​တော်မူ​၏​။

၁ သက် 1:4

ဘုရားသခင်​ချစ်​တော်မူ​သော​ညီအစ်ကို​တို့၊ သင်​တို့​သည် ရွေးကောက်​တော်မူ​ခြင်း​ခံရ​ကြောင်း​ကို ငါ​တို့​သိ​ကြ​၏။

ဟေ​ဗြဲ 4:16

ထို့ကြောင့် ငါ​တို့​သည် ကရုဏာ​တော်​နှင့်​ကျေးဇူး​တော်​တို့​ကို​ခံစား​ရ​လျက် သင့်လျော်​သော​အချိန်​၌ ကူညီမစ​မှု​ကို​ရရှိ​မည့်​အကြောင်း ယုံကြည်​စိတ်ချ​စွာ​ဖြင့် ကျေးဇူး​တော်​ပလ္လင်​သို့ တိုးဝင်​ချဉ်းကပ်​ကြ​ကုန်​စို့။