ဟေ​ရှာ​ယ 42:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ တောကန္တာရ​နှင့် တောကန္တာရ​ရှိ​မြို့​များ​၊ ကေဒါ​အမျိုး​နေထိုင်​သော​ရွာ​များ​သည် မိမိ​တို့​အသံ​ကို လွှင့်​ကြ​ပါစေ​။ သေလ​မြို့သား​တို့​သည် ရွှင်လန်း​စွာ​သီချင်းဆို​ကြ​ပါစေ​။ တောင်​ထိပ်​တွင် ကြွေးကြော်​ကြ​ပါစေ​။

Common Language Bible

¹¹ တော​ကန္တာ​ရ​နှင့်​ထို​အ​ရပ်​ရှိ​မြို့​များ​သည် ဘု​ရား​သ​ခင်​အား​ထော​မ​နာ​ပြု​ကြ​စေ။ ကေ​ဒါ​အ​နွယ်​ဝင်​အ​ပေါင်း​တို့​သည်​ကိုယ်​တော် အား ထော​မ​နာ​ပြု​ကြ​စေ။ သေ​လ​မြို့​သူ​မြို့​သား​တို့​သည်​တောင်​ထိပ်​များ​မှ​နေ​၍ ရွှင်​လန်း​စွာ​ကြွေး​ကြော်​ကြ​စေ။

Garrad Bible

¹¹ သဲ တော နှင့် သဲ တော ရှိ မြို့ ရွာ များ၊ ကေ ဒါ အ မျိုး သား တို့ နေ ထိုင် ရာ ကျေး ရွာ များ၊ ကြွေး ကြော် ပါ စေ။ ကျောက် တောင် တွင် ခို သူ တို့ လည်း တောင် ထိပ် ပေါ် က ကျူး ဧ ကြွေး ကြော် ၍၊

Judson Bible

¹¹ တော​နှင့်​တ​ကွ တော၌​ရှိ​သော​မြို့​ရွာ၊ ကေ​ဒါ​အ​ရပ်​သား​တို့​သည် ကြွေး​ကြော်​ကြ​စေ။ ကျောက်၌​နေ​သော သူ​တို့​သည် သီ​ချင်း​ဆို​ကြ​စေ။ တောင်​ထိပ်​ပေါ်​က ကြွေး​ကြော်​ကြ​စေ။

ဟေ​ရှာ​ယ 42:11 Referencias Cruzadas

ကမ္ဘာ​ဦး 25:23

ထာဝရဘုရား​က “​သင်​၏​ဝမ်း​ထဲ၌ လူမျိုး​နှစ်​မျိုး​ရှိ​၏​။ သင့်​အထဲ​မှ လူမျိုး​နှစ်​မျိုး​ခွဲထွက်​လာ​လိမ့်မည်​။ လူမျိုး​တစ်​မျိုး​သည် အခြား​တစ်​မျိုး​ထက်​အင်အားကြီးမား​လိမ့်မည်​။ အကြီး​သည် အငယ်​ကို​အစေခံ​ရ​လိမ့်မည်​”​ဟု သူ့​အား မိန့်​တော်မူ​၏​။

ဆာ​လံ 120:5

ငါ​သည် မေရှက်​ပြည်​၌​တည်းခို​ပြီး ကေဒါ​အမျိုးသား​တို့​၏​တဲ​များ​တွင်​နေ​ရ​သောကြောင့် အမင်္ဂလာ​ရှိ​၏​။

ဟေ​ရှာ​ယ 12:5

ထာဝရဘုရား​ကို သီဆိုချီးမွမ်း​ကြ​လော့​။ အကြောင်းမူကား ကိုယ်တော်​သည် ကြီးမြတ်​သော​အမှု​ကို ပြု​တော်မူ​၏​။ ဤ​အမှု​ကို မြေကြီး​တစ်ပြင်လုံး သိ​စေ​ကြ​လော့​။

ဟေ​ရှာ​ယ 16:1

ပြည်​ကို​အုပ်စိုး​သော​မင်း​ထံ သိုးသငယ်​ကို ပို့​လိုက်​လော့​။ တောကန္တာရ​ကို​ဖြတ်​၍ သေလ​မြို့​မှ ဇိအုန်​သမီး​၏​တောင်​ပေါ်သို့ ပို့​လိုက်​လော့​။

ဟေ​ရှာ​ယ 21:16

ဘုရားရှင်​က ငါ့​အား “​သူရင်းငှား​၏​နှစ်ကာလ​အရ တစ်​နှစ်​အတွင်း​တွင် ကေဒါ​အမျိုး​၏​ဘုန်းအသရေ​အားလုံး ပျောက်ကွယ်​သွား​လိမ့်မည်​။

ဟေ​ရှာ​ယ 32:16

တရားမျှတ​ခြင်း​သည် တောကန္တာရ​၌​တည်​၍ ဖြောင့်မတ်​ခြင်း​သည် သီးနှံ​ဖြစ်ထွန်း​သော​မြေ​၌ တည်ရှိ​လိမ့်မည်​။

ဟေ​ရှာ​ယ 35:1

တောကန္တာရ​နှင့်​ခြောက်သွေ့​သော​အရပ်​သည် ရွှင်မြူး​ကြ​လိမ့်မည်​။ သဲကန္တာရ​သည် ရွှင်လန်း​၍ နှင်းဆီပန်း​ကဲ့သို့ ဖူးပွင့်​လိမ့်မည်​။

ဟေ​ရှာ​ယ 35:6

ခြေမသန်သူ​တို့​သည် သမင်​ကဲ့သို့​ခုန်ပေါက်​ကြ​လိမ့်မည်​။ ဆွံ့အ​သော​လျှာ​သည် ရွှင်လန်း​စွာ​သီချင်းဆို​လိမ့်မည်​။ တောကန္တာရ​၌​ရေ​ပန်းထွက်​၍ သဲကန္တာရ​၌​စမ်းချောင်း​စီး​လိမ့်မည်​။

ဟေ​ရှာ​ယ 40:3

ကြွေးကြော်​သံ​တစ်​ခု​မှာ “​တောကန္တာရ​၌ ထာဝရဘုရား​ကြွ​တော်မူ​မည့်​လမ်း​ကို ပြင်ဆင်​ကြ​လော့​။ သဲကန္တာရ​၌ ငါ​တို့​၏​ဘုရားသခင်​ကြွ​တော်မူ​မည့် လမ်းမကြီး​ကို ဖြောင့်တန်း​စေ​ကြ​လော့​။

ဟေ​ရှာ​ယ 43:19

ကြည့်ရှု​လော့​။ အသစ်​သော​အရာ​ကို ငါ​ပြု​မည်​။ ယခု ထို​အရာ ဖြစ်လာ​ပြီ​။ သင်​တို့ မ​သိ​ကြ​သလော​။ အကယ်စင်စစ် တောကန္တာရ​၌ လမ်း​ကို​လည်းကောင်း​၊ သဲကန္တာရ​၌ မြစ်​တို့​ကို​လည်းကောင်း ငါ​ဖြစ်​စေ​မည်​။

ဟေ​ရှာ​ယ 52:7

ကောင်းမြတ်​သော​သတင်း​ယူဆောင်​လာ​သော​သူ​တည်းဟူသော ငြိမ်းချမ်း​ခြင်း​အကြောင်း​ပြောကြား​သော​သူ​၊ ကောင်းမြတ်​သော​သတင်း​ယူဆောင်​လာ​သော​သူ​တည်းဟူသော ကယ်တင်​ခြင်း​အကြောင်း​ပြောကြား​သော​သူ​၊ “​သင်​၏​ဘုရားသခင်​သည် စိုးစံ​တော်မူ​၏​”​ဟု ဇိအုန်​မြို့​အား​ပြော​သော​သူ​၏​ခြေ​သည် တောင်​ပေါ်တွင် အလွန်​တင့်တယ်​စွ​ပါ​တကား​။

ဟေ​ရှာ​ယ 60:7

ကေဒါ​ပြည်​၏​သိုးစု​ရှိသမျှ​တို့​သည် သင့်​ထံ၌​စုဝေး​လိမ့်မည်​။ နဗာယုတ်​ပြည်​၏​သိုးထီး​တို့​သည် သင်​၏​အမှု​ကို​ထမ်းဆောင်​၍ လက်ခံဖွယ်​ရာ​ယဇ်​အဖြစ် ငါ​၏​ယဇ်ပလ္လင်​ပေါ်သို့ တက်​ကြ​ရ​လိမ့်မည်​။ ငါ​သည် ဂုဏ်ကျက်သရေ​ရှိ​သော​ငါ​၏​အိမ်​တော်​ကို ဘုန်းထင်ရှား​စေ​မည်​။

ယေ​ရ​မိ 21:13

“မည်သူ​သည် ငါ​တို့​ရှိ​ရာ​သို့​ဆင်းလာ​နိုင်​သနည်း​။ မည်သူ​သည် ငါ​တို့​၏​ခိုလှုံ​ရာ​အရပ်​သို့​ဝင်​နိုင်​သနည်း”​ဟု ပြောဆို​တတ်​သော “အို ချိုင့်ဝှမ်း​၌​နေ​သော​သူ​၊ အို ကျောက်​ကုန်းရိုး​၌​နေ​သော​သူ​၊ ကြည့်ရှု​လော့​။ သင့်​ကို ငါ​စီရင်​မည်”​ဟု ထာဝရဘုရား​မိန့်​တော်မူ​၏​။

ယေ​ရ​မိ 48:28

အို မောဘ​ပြည်သား​တို့​၊ ချောက်ကမ်းပါး​၌ အသိုက်​ကို​လုပ်​တတ်​သော ချိုးငှက်​ကဲ့သို့ မြို့​တို့​ကို​စွန့်​၍ ကျောက်ဆောင်​၌​နေထိုင်​ကြ​လော့​။

ယေ​ရ​မိ 49:16

အို ကျောက်ဆောင်​ကြား​များ​၌​နေထိုင်​သူ​၊ ကုန်း​မြင့်​၌​နေရာယူသူ​၊ သင့်​ကို ကြောက်ရွံ့​ကြ​သောကြောင့် သင့်​မာန​သည် သင့်​ကို​လှည့်စား​လေ​ပြီ​။ သင်​သည် လင်းယုန်​ကဲ့သို့ အမြင့်​၌ အသိုက်​ကို​ဆောက်​သော်လည်း ထို​နေရာ​မှ သင့်​ကို ငါ​ဆွဲချ​မည်​”​ဟု မိန့်​တော်မူ​၏​။

ယေ​ရ​မိ 49:31

ထာဝရဘုရား​က “​ထ​ကြ​။ ကိုယ့်ကိုယ်ကိုယ် ယုံကြည်စိတ်ချ​ပြီး စိုးရိမ်ကြောင့်ကြမှု​မ​ရှိ​သော​လူမျိုး​၊ မြို့​တံခါး​မ​ရှိ​၊ ကန့်လန့်ကျင်​မ​ရှိ​၊ တသီးတခြား​နေထိုင်​သော​လူမျိုး​ထံ စစ်ချီ​ကြ​”​ဟု မိန့်​တော်မူ​၏​။

ယေ​ဇ​ကျေ​လ 27:21

အာရေဗျ​ပြည်​၊ ကေဒါ​ပြည်​တို့​မှ ခေါင်းဆောင်​တို့​သည် သင့်​လက်စွဲ​ကုန်သည်​များ​ဖြစ်​ကြ​၏​။ သင့်​ထံမှ​ထွက်​သော​ကုန်ပစ္စည်း​များ​ကို သိုးသငယ်​၊ သိုးထီး​၊ ဆိတ်ထီး​တို့​နှင့် လဲလှယ်​ကြ​၏​။

သြ​ဗ​ဒိ 1:3

ကျောက်ဆောင်​များ​ကြား မြင့်မား​သော​နေရာ​၌​နေ​၍ ‘မည်သူ​သည် ငါ့​ကို မြေကြီး​ပေါ်​ဆွဲချ​နိုင်​မည်နည်း’​ဟု သင်​တွေး​၏​။ သင့်​မာန​က သင့်​ကို​လှည့်စား​လေ​ပြီ​။

နာ​ဟုံ 1:15

ကြည့်ရှု​လော့​။ ကောင်းမြတ်​သော​သတင်း​ကို ယူဆောင်​လာ​သူ​၊ ငြိမ်သက်​ခြင်း​သတင်း​ကြားပြော​သူ​၏​ခြေ​တို့​ကို တောင်​များ​ပေါ်တွင် တွေ့​ရ​၏​။ အို ယုဒ​၊ ပွဲတော်​များ​ကို ကျင်းပ​လော့​။ ကတိသစ္စာဝတ်​ကို ဖြေ​လော့​။ ဆိုးညစ်​သော​သူ​ကို သုတ်သင်​ပစ်​ပြီ​ဖြစ်၍ သင့်​ထံ ဝင်ရောက်ကျူးကျော်​နိုင်​တော့​မည်​မ​ဟုတ်​။