ဟေ​ရှာ​ယ 41:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ ဆင်းရဲ​နွမ်းပါး​သော​သူ​တို့​သည် ရေ​ကို​ရှာ​ကြ​၏​။ ရေ​မ​ရှိ​သောကြောင့် သူ​တို့​သည် ရေငတ်​၍ အာခေါင်​ခြောက်ကပ်​သောအခါ ငါ​ထာဝရဘုရား​သည် သူ​တို့​ကို​ထူး​မည်​။ အစ္စရေး​လူမျိုး​၏​ဘုရားသခင် ငါ​သည် သူ​တို့​ကို စွန့်ပစ်​မည်​မ​ဟုတ်​။

Common Language Bible

¹⁷ ငါ​၏​လူ​မျိုး​တော်​သည်​ရေ​ကို​လို​၍ ရှာ​သော​အ​ခါ​၌​လည်း​ကောင်း၊ သူ​တို့​သည်​ရေ​ငတ်​သ​ဖြင့်​လည်​ချောင်း ခြောက်​သည့်​အ​ခါ​၌​လည်း​ကောင်း ငါ​ထာ​ဝ​ရ​ဘု​ရား​သည်​သူ​တို့​၏​ဆု​တောင်း ပတ္ထ​နာ​ကို နား​ညောင်း​တော်​မူ​မည်။ ဣ​သ​ရေ​လ​အ​မျိုး​သား​တို့​၏​ဘု​ရား​သ​ခင် တည်း​ဟူ​သော​ငါ​သည်​သူ​တို့​အား​အ​ဘယ် အ​ခါ​၌​မျှ စွန့်​ပစ်​လိမ့်​မည်​မဟုတ်။

Garrad Bible

¹⁷ ဆင်း ရဲ နွမ်း ပါး သူ တို့ သည် ရေ ငတ် သ ဖြင့်၊ လျှာ သွေ့ ခြောက် သည် နှင့် ရေ ရှာ၍ မ တွေ့ သော သော အ ခါ၊ ဣ သ ရေ လ လူ မျိုး၏ ဘု ရား သ ခင် ဖြစ် သော ငါ သည် စွန့် ပယ် မည် မ ဟုတ်။

Judson Bible

¹⁷ ဆင်း​ရဲ​သော​သူ​နှင့် ငတ်​မွတ်​သော​သူ​တို့​သည် ရေ​ကို​ရှာ၍ မ​တွေ့၊ ရေ​ငတ်၍ လျှာ​သွေ့​ခြောက်​သော​အ​ခါ၊ ငါ​ထာ​ဝ​ရ​ဘု​ရား​သည် သူ​တို့​စ​ကား​ကို နား​ထောင်​မည်။ ဣ​သ​ရေ​လ​အ​မျိုး၏ ဘု​ရား​သ​ခင်​ဖြစ်​သော ငါ​သည် သူ​တို့​ကို​မ​စွန့်။

ဟေ​ရှာ​ယ 41:17 Referencias Cruzadas

ကမ္ဘာ​ဦး 28:15

ကြည့်ရှု​လော့​။ ငါ​သည် သင်​နှင့်အတူ​ရှိ​၏​။ သင်​သွား​လေရာရာ​၌ သင့်​ကို​စောင့်ရှောက်​၍ ဤ​ပြည်​သို့ သင့်​ကို ပြန်ခေါ်လာ​ဦး​မည်​။ အကယ်စင်စစ် သင့်​အား​ငါ​ကတိပေး​သည့်​အရာ မ​ပြည့်စုံ​မ​ချင်း ငါ​သည် သင့်​ကို​စွန့်ပစ်​မည်​မ​ဟုတ်​”​ဟု မိန့်​တော်မူ​၏​။

၃ ရာ 17:8

ထိုအခါ ထာဝရဘုရား​၏​နှုတ်ကပတ်တော်​သည် သူ့​ထံသို့​ရောက်လာ​၍

၂ ရာ​ချုပ် 6:17

အို အစ္စရေး​လူမျိုး​၏​ဘုရားသခင်​ထာဝရဘုရား​၊ ကိုယ်တော်​၏​အစေအပါး ဒါဝိဒ်​မင်းကြီး​အား မိန့်ဆို​ခဲ့​သည့်​ကတိ​တော်​ကို ယခု အမှန်​ဖြစ်လာ​စေ​တော်မူ​ပါ​။

ဆာ​လံ 22:15

အကျွန်ုပ်​၏​ခွန်အား​သည် အိုးခြမ်းပဲ့​ကဲ့သို့​ခန်းခြောက်​၍ အကျွန်ုပ်​၏​လျှာ​သည် အာခေါင်​၌​ကပ်​နေ​ပါ​၏​။ ကိုယ်တော်​သည် အကျွန်ုပ်​ကို သေ​ခြင်း​မြေမှုန့်​ထဲ၌​ထား​တော်မူ​၏​။

ဆာ​လံ 34:6

အဖိနှိပ်​ခံရ​သော​ဤ​သူ ခေါ်​သောအခါ ထာဝရဘုရား​သည် နားထောင်​၍ သူ​၏​ဆင်းရဲဒုက္ခ​အပေါင်း​တို့​မှ သူ့​ကို​ကယ်တင်​တော်မူ​၏​။

ဆာ​လံ 37:25

ငါ​သည် လူငယ်​တစ်​ဦး​ဖြစ်​ခဲ့​ပြီး ယခု​အသက်ကြီး​လေ​ပြီ​။ သို့သော် ဖြောင့်မတ်​သော​သူ​သည် စွန့်ပစ်​ခြင်း​ခံရ​သည်​ကို​လည်းကောင်း​၊ သူ​၏​သားမြေး​တို့​သည် အစာ​တောင်းရမ်း​နေ​ကြ​ရ​သည်​ကို​လည်းကောင်း မ​တွေ့​မ​မြင်​ဖူး​ပေ​။

ဆာ​လံ 42:2

ငါ​၏​စိတ်ဝိညာဉ်​သည် ဘုရားသခင်​တည်းဟူသော အသက်ရှင်​တော်မူ​သော​ဘုရား​ကို ဆာငတ်​၏​။ ငါ​သည် မည်သည့်​အချိန်​မှ​လာ​၍ ဘုရားသခင်​၏​မျက်နှာ​တော်​ကို​ဖူးမြင်​ရ​မည်နည်း​။

ဆာ​လံ 50:15

ဆင်းရဲဒုက္ခ​ရောက်​သော​ကာလ​၌ ငါ့​ကို​ခေါ်​လော့​။ ငါ​သည် သင့်​ကို​ကယ်မ​မည်​။ သင်​သည်​လည်း ငါ့​ကို​ဂုဏ်ပြုချီးမွမ်း​လိမ့်မည်​။​”

ဆာ​လံ 74:21

ဖိနှိပ်ချုပ်ချယ်​ခြင်း​ခံရ​သော​သူ​သည် အသရေပျက်​၍ ပြန်လှည့်​လာ​ရ​ခြင်း မ​ရှိ​ပါစေ​နှင့်​။ အဖိနှိပ်​ခံရ​သော​သူ​နှင့် နွမ်းပါး​သော​သူ​သည် ကိုယ်တော်​၏​နာမ​တော်​ကို ချီးမွမ်း​ကြ​ပါစေသော​။

ဆာ​လံ 94:14

အကြောင်းမူကား ထာဝရဘုရား​သည် မိမိ​လူမျိုး​တော်​ကို ပစ်ပယ်​တော်မူ​မည်​မ​ဟုတ်​။ မိမိ​၏​အမွေ​တော်​ကို​လည်း စွန့်ပစ်​တော်မူ​မည်​မ​ဟုတ်​။

ထွက်​မြောက် 17:3

ထို​အရပ်​၌ လူ​တို့​သည် ရေ​ငတ်​ကြ​သဖြင့် မောရှေ​အား “​ငါ​တို့​နှင့်တကွ ငါ​တို့​၏​သားသမီး​များ​၊ တိရစ္ဆာန်​များ​ကို ရေငတ်​၍​သေ​စေရန် ငါ​တို့​ကို အဘယ်ကြောင့် အီဂျစ်​ပြည်​မှ ထုတ်ဆောင်​ခဲ့​သနည်း​”​ဟု ညည်းညူ​ပြ​ကြ​၏​။

ထွက်​မြောက် 17:6

ကြည့်ရှု​လော့​။ ငါ​သည် ဟောရပ်​တောင်​ရှိ​ကျောက်ဆောင်​ပေါ်တွင် သင့်​ရှေ့​၌ ရပ်​နေ​မည်​။ သင်​သည် ထို​ကျောက်ဆောင်​ကို​ရိုက်​လော့​။ ထို​ကျောက်ဆောင်​မှ ရေ​ထွက်လာ​သဖြင့် လူ​တို့​သည် ရေသောက်​ရ​လိမ့်မည်​”​ဟု မိန့်​တော်မူ​၏​။ မောရှေ​သည်​လည်း အစ္စရေး​သက်ကြီးဝါကြီး​တို့​၏​မျက်မှောက်​၌ ထိုအတိုင်း​ပြု​လေ​၏​။

ဟေ​ရှာ​ယ 30:19

ဂျေရုဆလင်​မြို့​တွင်​နေထိုင်​သော အို ဇိအုန်​မြို့သား​တို့​၊ သင်​တို့ ငိုကြွေး​ရ​တော့​မည်​မ​ဟုတ်​။ ကိုယ်တော်​သည် သင်​တို့​အော်ဟစ်​သောအခါ သင်​တို့​ကို အမှန်ပင်​သနား​တော်မူ​မည်​။ သင်​တို့​အော်ဟစ်​သံ​ကို ကြား​သောအခါ ထူး​တော်မူ​မည်​။

ဟေ​ရှာ​ယ 42:16

ငါ​သည် မျက်မမြင်​တို့​ကို သူ​တို့​မ​သိ​သော​ခရီး​ဖြင့် ပို့ဆောင်​မည်​။ သူ​တို့​မ​သိ​သော​လမ်း​ဖြင့် လမ်းပြ​မည်​။ သူ​တို့​ရှေ့​၌ အမှောင်​ကို အလင်း​ဖြစ်စေ​မည်​။ ကြမ်းတမ်း​သော​နေရာ​များ​ကို ချောမွေ့​စေ​မည်​။ ဤ​အရာ​တို့​ကို ငါ​ပြု​မည်​။ ငါ​သည် သူ​တို့​ကို မ​စွန့်ပစ်​။

ဟေ​ရှာ​ယ 43:20

ငါ​ရွေးချယ်​သော ငါ့​လူမျိုး​တို့​သောက်​ဖို့​ရန် တောကန္တာရ​၌​ရေ​များ​ကို​လည်းကောင်း​၊ သဲကန္တာရ​၌ မြစ်​တို့​ကို​လည်းကောင်း ငါ​ပေး​သောကြောင့် ခွေးအ​များ​၊ ငှက်ကုလားအုတ်​များ​နှင့် တောရိုင်းတိရစ္ဆာန်​တို့​သည် ငါ့​ကို ဂုဏ်ပြုချီးမွမ်း​ကြ​လိမ့်မည်​။

ဟေ​ရှာ​ယ 44:3

အကြောင်းမူကား ငါ​သည် ရေငတ်​နေ​သော​ပြည်​အပေါ် ရေ​ကို​သွန်းလောင်း​မည်​။ ခြောက်သွေ့​သော​မြေ​ပေါ်တွင် စမ်းရေ​စီး​စေ​မည်​။ သင်​၏​သားစဉ်မြေးဆက်​အပေါ် ငါ့​ဝိညာဉ်​ကို သွန်းလောင်း​မည်​။ သင်​၏​သားမြေး​တို့​အပေါ် ငါ့​ကောင်းချီးမင်္ဂလာ​ကို သွန်းလောင်း​မည်​။

ဟေ​ရှာ​ယ 48:21

သူ​တို့​ကို တောကန္တာရ​ထဲတွင် ပို့ဆောင်​တော်မူ​စဉ် သူ​တို့​သည် ရေ​မ​ငတ်​ရ​ကြ​။ ကိုယ်တော်​သည် သူ​တို့​အဖို့ ကျောက်ဆောင်​ထဲမှ ရေ​စီးဆင်း​စေ​တော်မူ​၏​။ ကျောက်ဆောင်​ကို​ခွဲ​တော်မူ​သဖြင့် ရေ​စီးထွက်​လေ​၏​။

ဟေ​ရှာ​ယ 49:10

သူ​တို့​သည် ဆာလောင်​မည်​မ​ဟုတ်​၊ ရေငတ်​မည်​မ​ဟုတ်​။ အပူဒဏ်​၊ နေ​ဒဏ်​ကို​လည်း မ​ခံရ​။ အကြောင်းမူကား သူ​တို့​ကို​သနား​သော​သူ​သည် သူ​တို့​ကို​ဦးဆောင်​ပေး​လိမ့်မည်​။ စမ်းရေတွင်း​သို့ လမ်းပြ​ပေး​လိမ့်မည်​။

ဟေ​ရှာ​ယ 55:1

အို ရေငတ်​သော​သူ​အပေါင်း​တို့​၊ ရေ​ရှိ​ရာ​သို့​လာ​ကြ​လော့​။ မိမိ​၌​ငွေ​မ​ရှိ​သော​သူ​တို့​၊ လာ​ကြ​။ ဝယ်​၍​စား​ကြ​လော့​။ ငွေ​မ​ပါ​ဘဲ​၊ အဖိုးအခ​မ​ပေး​ဘဲ စပျစ်ဝိုင်​၊ နို့​တို့​ကို လာ​၍​ဝယ်​ကြ​လော့​။

ဟေ​ရှာ​ယ 58:11

ထာဝရဘုရား​သည် သင့်​ကို အစဉ်​လမ်းပြ​တော်မူ​မည်​။ ပူပြင်း​ခြောက်သွေ့​သော​အရပ်​၌ သင့်​ကို​ဝပြော​စေ​လျက် သင်​၏​အရိုး​တို့​ကို သန်မာ​စေ​တော်မူ​မည်​။ သင်​သည် ရေဝ​သော​ဥယျာဉ်​ကဲ့သို့​၊ ရေ​မ​ပြတ်​သော​စမ်းရေတွင်း​ကဲ့သို့ ဖြစ်​မည်​။

ဟေ​ရှာ​ယ 61:1

ဘုရားရှင်​ထာဝရဘုရား​၏​ဝိညာဉ်​တော်​သည် ငါ့​အပေါ်​တည်​တော်မူ​၏​။ အကြောင်းမူကား ဆင်းရဲသား​တို့​အား ကောင်းမြတ်​သော​သတင်း​ကို​ဟောပြော​ရန် ထာဝရဘုရား​သည် ငါ့​ကို​ဘိသိက်ပေး​တော်မူ​ပြီ​။ စိတ်နှလုံး​ကြေကွဲ​သော​သူ​တို့​ကို ဖြေသိမ့်​ပေး​ရန်​၊ ဖမ်းဆီးချုပ်နှောင်​ခံရ​သူ​တို့​အား လွတ်မြောက်​ခြင်း​တရား​ကို​ဟောပြော​ရန်​၊ အကျဉ်းချ​ခံရ​သော​သူ​တို့​အား လွတ်ငြိမ်း​ခြင်း​တရား​ဟောပြော​ရန် ငါ့​ကို​စေလွှတ်​တော်မူ​ပြီ​။

ဟေ​ရှာ​ယ 62:12

သူ​တို့​ကို “​ထာဝရဘုရား​ရွေးနုတ်​တော်မူ​သည့် သန့်ရှင်း​သော​လူမျိုး​”​ဟု ခေါ်​ကြ​လိမ့်မည်​။ သင့်​ကို “​စွန့်ပစ်​မ​ခံရ​ဘဲ ပြန်ရှာ​ထား​သော​မြို့​”​ဟု ခေါ်​ကြ​လိမ့်မည်​။

ဟေ​ရှာ​ယ 65:13

ထို့ကြောင့် အရှင်​ထာဝရဘုရား​က “​ကြည့်ရှု​လော့​။ ငါ့​အစေအပါး​တို့​စား​ရ​သော်လည်း သင်​တို့​ဆာလောင်မွတ်သိပ်​ကြ​လိမ့်မည်​။ ငါ့​အစေအပါး​တို့​သောက်​ရ​သော်လည်း သင်​တို့​ရေငတ်​ကြ​လိမ့်မည်​။ ငါ့​အစေအပါး​တို့​ဝမ်းမြောက်​ရ​သော်လည်း သင်​တို့​အရှက်ကွဲ​ကြ​လိမ့်မည်​။

ဟေ​ရှာ​ယ 65:24

သူ​တို့​မ​ခေါ်​မီ ငါ​ထူး​မည်​။ သူ​တို့​တောင်းလျှောက်​နေစဉ် ငါ​နားထောင်​မည်​။

ဟေ​ရှာ​ယ 66:2

ထာဝရဘုရား​က “​အလုံးစုံ​ကို ငါ့​လက်​ဖြင့်​ဖန်ဆင်း​၍ အလုံးစုံ​သည် ဖြစ်တည်​လေ​ပြီ​။ စိတ်နှိမ့်ချ​သော​သူ​၊ နောင်တရ​သော​သူ​၊ ငါ့​နှုတ်ထွက်စကား​ကြောင့် စိုးရိမ်ထိတ်လန့်​သော​သူ​ကို ငါ​ကြည့်ရှု​မည်​။

ယေ​ရ​မိ 31:25

ငါ​သည် ပင်ပန်း​နွမ်းနယ်​သူ​ကို နှစ်သိမ့်​ပေး​မည်​။ အားငယ်​သူ​အပေါင်း​တို့​ကို အားပေး​မည်​”​ဟု မိန့်​တော်မူ​၏​။

မြည်​တမ်း​စ​ကား 4:4

နို့စို့ကလေးငယ်​သည် နို့ဆာ​သောကြောင့် သူ​၏​လျှာ​သည် အာခေါင်​၌ ကပ်​နေ​၏​။ ကလေးသူငယ်​တို့​သည် မုန့်​ကို​တောင်း​သော်လည်း ပေး​မည့်​သူ​တစ်ယောက်မျှ​မ​ရှိ​။

ယေ​ဇ​ကျေ​လ 47:8

ထို​သူ​က ငါ့​အား “​ဤ​မြစ်​ရေ​သည် အရှေ့ဘက်​အရပ်​သို့​ဦးတည်​ပြီး အရာဗ​လွင်ပြင်​ကို​ဖြတ်​ကာ ပင်လယ်​ထဲသို့ စီးဝင်​သွား​၏​။ ပင်လယ်​ထဲသို့ ရောက်သွား​သောအခါ ပင်လယ်​ရေ​သည် ရေချို​ဖြစ်​သွား​၏​။

မဿဲ 5:3

“စိတ်​ဝိညာဉ်​ဆင်းရဲ​နွမ်းပါး​သော​သူ​တို့​သည် မင်္ဂလာရှိ​ကြ​၏။ အကြောင်းမူကား ကောင်းကင်​နိုင်ငံ​တော်​သည် သူ​တို့​၏​နိုင်ငံ​ဖြစ်​၏။

မဿဲ 5:6

ဖြောင့်မတ်​ခြင်း​ကို ဆာလောင်​မွတ်သိပ်​သော​သူ​တို့​သည် မင်္ဂလာရှိ​ကြ​၏။ အကြောင်းမူကား သူ​တို့​သည် ဝပြော​ခြင်း​သို့​ရောက်​ကြ​လိမ့်မည်။

လုကာ 16:24

ထိုအခါ သူ​က ‘အဖ​အာဗြဟံ၊ အကျွန်ုပ်​ကို​သနား​ပါ။ အကျွန်ုပ်​သည် ဤ​မီးလျှံ​ထဲတွင် ဝေဒနာ​ပြင်းစွာ​ခံစား​နေ​ရ​သောကြောင့် လာဇရု​သည် သူ​၏​လက်​ဖျား​ကို​ရေ​၌​နှစ်​၍ အကျွန်ုပ်​၏​လျှာ​ကို​အေး​စေဖို့ရန် သူ့​ကို​စေလွှတ်​ပေး​ပါ’​ဟု အော်ဟစ်​ပြောဆို​လေ​၏။

၂ ကော 12:9

သို့သော် ကိုယ်တော်​က“ငါ​၏​ကျေးဇူး​တော်​သည် သင့်​အတွက်​လုံလောက်​ပေ​၏။ အကြောင်းမူကား ငါ​၏​တန်ခိုး​သည် အားနည်း​ခြင်း​အဖြစ်​၌ ပြည့်စုံ​တတ်​၏”​ဟု ငါ့​အား မိန့်​တော်မူ​၏။ ထို့ကြောင့် ခရစ်တော်​၏​တန်ခိုး​သည် ငါ့​အပေါ်​တည်နေ​မည့်​အကြောင်း ငါ​သည် ငါ​၏​အားနည်း​ခြင်း​၌ သာ၍​ဝမ်းမြောက်​စွာ​ဝါကြွား​မည်။

ဗျာ​ဒိတ် 21:6

တစ်ဖန် “အမှု​ပြီးမြောက်​ပြီ။ ငါ​သည် အာလဖာ​နှင့်​အိုမီဂါ​ဖြစ်​၏။ အစ​နှင့်​အဆုံး​ဖြစ်​၏။ ရေငတ်​သော​သူ​အား အသက်​စမ်းရေ​ကို အခမဲ့​ငါ​ပေး​မည်။

ဗျာ​ဒိတ် 22:17

ဝိညာဉ်​တော်​နှင့်​သတို့သမီး​တို့​က “ကြွလာ​တော်မူ​ပါ”​ဟု ဆို​ကြ​၏။ ကြားနာ​သော​သူ​က​လည်း “ကြွလာ​တော်မူ​ပါ”​ဟု ဆို​ပါစေ။ ရေငတ်​သော​သူ​သည် လာ​ပါစေ။ အလိုရှိ​သော​သူ​သည် အသက်​ရေ​ကို အခမဲ့​ယူ​ပါစေ။