ဟေ​ရှာ​ယ 37:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ကြည့်ရှု​လော့​။ ငါ​သည် သူ​၌​အခြား​သော​စိတ်သဘော​ကို​သွင်းပေး​မည်​။ သူ​သည် သတင်း​တစ်​ခု​ကြား​၍ မိမိ​ပြည်​သို့ ပြန်သွား​လိမ့်မည်​။ ထို့နောက် သူ့​ပြည်​၌ သူ့​ကို ဓား​ဖြင့်​ကျဆုံး​စေ​မည်​’​ဟူ၍ မိန့်​တော်မူ​သည်​”​ဟု သူ​တို့​အား ဆင့်ဆို​၏​။

Common Language Bible

⁷ ထာ​ဝ​ရ​ဘု​ရား​သည်​ဧ​က​ရာဇ်​မင်း​အား မိ​မိ​၏​ပြည်​သို့​ပြန်​စေ​ရန် သ​တင်း​တစ်​စုံ​တစ် ရာ​ကို​ကြား​သိ​စေ​တော်​မူ​လိမ့်​မည်။ ထို​နောက် သူ့​ကို​ထို​ပြည်​၌​ပင်​အ​ဆုံး​စီ​ရင်​တော်​မူ ပေ​အံ့'' ဟု​ပြန်​ကြား​လိုက်​၏။

Garrad Bible

⁷ ထို မင်း သည် ငါ သွင်း သော မ နော ဖြင့် သ တင်း ဆိုး ကြား လျှင် ကြား ချင်း၊ ကိုယ့် ပြည် သို့ ဆုတ် ပြန် သည့် ကာ လ ဓား ဘေး ဖြင့် ကျ ဆုံး လ တ္တံ့ ဟူ သော ဗျာ ဒိတ် တော် ကို သင် တို့ သ ခင့် ထံ ပြန် ကြား လော့ ဟု မိန့် မှာ လေ၏။

Judson Bible

⁷ ထို​မင်း၌ အ​ခြား​သော​စိတ်​သ​ဘော​ကို ငါ​သွင်း​ပေး​မည်။ သူ​သည် သ​တင်း​ကြား၍ မိ​မိ​ပြည်​သို့ ပြန်​သွား​လိမ့်​မည်။ ထို​ပြည်၌ ဓား​ဖြင့် ငါ​ဆုံး​စေ​မည်​ဟူ​သော စ​ကား​တော်​ကို သင်​တို့၏​သ​ခင်​အား ပြန်​ကြား​ကြ​လော့​ဟု ပြော​ဆို၏။

ဟေ​ရှာ​ယ 37:7 Referencias Cruzadas

၄ ရာ 7:6

အကြောင်းမှာ ဘုရားရှင်​သည် ဆီးရီးယား​တပ်သား​တို့​အား စစ်ရထားသံ​၊ မြင်းခွာသံ​များ​ဖြင့် စစ်တပ်ကြီး​ချီလာ​သော​အသံ​ကို ကြား​ရ​စေ​တော်မူ​သဖြင့် သူ​တို့​က “​ကြည့်​ပါ​။ အစ္စရေး​ဘုရင်​သည် ငါ​တို့​ကို တိုက်ခိုက်​ရန် ဟိတ္တိ​ဘုရင်​၊ အီဂျစ်​ဘုရင်​တို့​ကို စစ်ကူတောင်း​ပြီး​ချီလာ​လေ​ပြီ​”​ဟု အချင်းချင်း​ပြောဆို​ကြ​လျက်

၂ ရာ​ချုပ် 32:21

ထိုအခါ ထာဝရဘုရား​သည် ကောင်းကင်တမန်​ကို​စေလွှတ်​၍ အဆီးရီးယား​ဘုရင်​၏​တပ်စခန်း​ရှိ စစ်သူရဲ​များ​၊ တပ်မှူး​များ​၊ စစ်သူကြီး​များ အားလုံး​ကို သုတ်သင်​ပစ်​လေ​၏​။ ထို့ကြောင့် အဆီးရီးယား​ဘုရင်​သည် မိမိ​ပြည်​သို့ အရှက်ရ​သော​မျက်နှာ​နှင့် ပြန်ဆုတ်​သွား​ပြီး မိမိ​ဘုရား​ဝတ်ကျောင်း​သို့​ဝင်သွား​လျှင် သား​တော်​အရင်း​တို့​ကပင် သူ့​ကို ဓား​ဖြင့်​ကွပ်မျက်​ပစ်​ကြ​လေ​၏​။

ယောဘဝတ္တု။ 15:21

ကြောက်မက်ဖွယ်​အသံ​များ​ကို​သာ သူ့​နား​တွင် ကြား​နေ​ရ​၏​။ ငြိမ်းချမ်း​နေ​ချိန်​တွင်ပင် သူ့​ထံ ဖျက်ဆီး​ခြင်း​ဘေး ရောက်လာ​တတ်​၏​။

ယောဘဝတ္တု။ 4:9

ဘုရားသခင်​ထံ​တော်​မှ ထွက်သက်လေ​တစ်ချက်တည်း​နှင့် ထို​သူ​တို့ ပျက်စီး​ရ​၏​။ အမျက်​တော်​အရှိန်​နှင့် ထို​သူ​တို့ ဘဝ​နိဂုံးချုပ်​ရ​၏​။

ဆာ​လံ 58:9

ဆူးလေပင်​နှင့်​မွှေး​သော​မီး​၏​အပူရှိန်​ကို သင်​တို့​အိုး​များ​မ​သိ​ရ​မီ ထို​ဆူး​များ​သည် စို​နေ​သည်​ဖြစ်စေ​၊ ခြောက်​နေ​သည်​ဖြစ်စေ ကိုယ်တော်​လွင့်ပါး​စေ​တော်မူ​လိမ့်မည်​။

ဟေ​ရှာ​ယ 37:29

သင်​သည် ငါ့​ကို​အမျက်ထွက်​သောကြောင့်​၊ သင်​စော်ကားပြောဆို​သော​စကား​ကို ငါ​ကြား​ရ​သောကြောင့် ငါ​သည် သင့်​ကို နဖားကြိုး​တပ်​မည်​၊ ဇက်ကြိုး​တပ်​မည်​။ သင်​လာ​သော​လမ်း​ဖြင့် သင့်​ကို​ပြန်​စေ​မည် ဟူ၍​မိန့်ဆို​ပြီ​’​ဟု မိန့်​တော်မူ​၏​။

ဟေ​ရှာ​ယ 37:9

“​အီသီယိုးပီးယား​ဘုရင်​တိရက္က​မင်းကြီး​သည် သင့်​ကို​တိုက်​ရန်​စစ်ချီ​လာ​ပြီ​”​ဟူသော သတင်း​ကို အဆီးရီးယား​ဘုရင် ကြား​ရ​၏​။ သို့သော် ဟေဇကိ​မင်းကြီး​ထံသို့ စေတမန်​တို့​ကို​စေလွှတ်​၍