ဟေ​ရှာ​ယ 37:29 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁹ သင်​သည် ငါ့​ကို​အမျက်ထွက်​သောကြောင့်​၊ သင်​စော်ကားပြောဆို​သော​စကား​ကို ငါ​ကြား​ရ​သောကြောင့် ငါ​သည် သင့်​ကို နဖားကြိုး​တပ်​မည်​၊ ဇက်ကြိုး​တပ်​မည်​။ သင်​လာ​သော​လမ်း​ဖြင့် သင့်​ကို​ပြန်​စေ​မည် ဟူ၍​မိန့်ဆို​ပြီ​’​ဟု မိန့်​တော်မူ​၏​။

Common Language Bible

²⁹ သင်​အ​မျက်​ထွက်​ပုံ၊ မာန်​မာ​န​ကြီး​ပုံ​တို့ ကို​ငါ​ကြား​သိ​ရ​လေ​ပြီ။ သို့​ဖြစ်​၍၊ ငါ​သည် သင့်​ကို​နှာ​ရှုတ်​တပ်​၍​ဇက်​ခွံ့​ပြီး​လျှင်​လာ လမ်း​အ​တိုင်း​ပြန်​စေ​မည်။''

Garrad Bible

²⁹ ထို သို့ ထ ကြွ ခြင်း နှင့် ငါ ကြား ရ သော စော် ကား ခြင်း များ ကြောင့် သင့် ကို နှာ ကွင်း တပ်၍၊ ဇက် ခွံ့ လျက် လာ လမ်း ဖြင့် ပြန် စေ မည် ဟူ၍ တည်း။

Judson Bible

²⁹ ငါ၌ သင်၏​အ​မျက်​ဟုန်း​ခြင်း၊ စော်​ကား​ခြင်း​ကို ငါ​ကြား​ရ​သော​ကြောင့်၊ သင့်​ကို နှာ​ရှုတ်​တပ်၍ ဇက်​ခွံ့​ပြီး​မှ၊ သင်​လာ​သော​လမ်း​ဖြင့် ပြန်​စေ​မည်။

ဟေ​ရှာ​ယ 37:29 Referencias Cruzadas

ယောဘဝတ္တု။ 41:2

သူ့​နှာခေါင်း​ထဲသို့ ကြိုး​လျှိုသွင်း​နိုင်​သလော​။ သူ့​မေးရိုး​ကို သံချိတ်​နှင့် ဖောက်​နိုင်​သလော​။

ဆာ​လံ 32:9

အသိဉာဏ်​မ​ရှိ​သော​မြင်း​၊ သို့မဟုတ် လား​ကဲ့သို့​မ​ဖြစ်​နှင့်​။ ၎င်း​တို့​ကို ဇက်သွား​နှင့်​ဇက်ကြိုး​တန်ဆာ​ဖြင့် ထိန်း​ရ​၏​။ သို့မဟုတ်လျှင် သင့်​ထံသို့​လာ​လိမ့်မည်​မ​ဟုတ်​။

ဆာ​လံ 46:6

လူမျိုးတကာ​တို့​သည် မငြိမ်မသက်​ဖြစ်​ကြ​၏​။ တိုင်းနိုင်ငံ​တို့​သည် တုန်လှုပ်​ကြ​၏​။ ကိုယ်တော်​သည် မိမိ​အသံ​ကို​လွှင့်​တော်မူ​သောအခါ ကမ္ဘာမြေကြီး​သည် အရည်ပျော်​လေ​၏​။

ဆာ​လံ 74:23

ကိုယ်တော့်​ရန်သူ​တို့​၏​အသံ​တည်းဟူသော ကိုယ်တော်​တစ်ဖက်​၌​ထကြွ​သော​သူ​တို့​ထံမှ အစဉ်မပြတ်​ထွက်ပေါ်​လာ​သည့် အုတ်အုတ်ကျက်ကျက်​အသံ​ကို မေ့လျော့​တော်​မ​မူ​ပါ​နှင့်​။

ဆာ​လံ 74:4

ကိုယ်တော်​၏​ရန်သူ​တို့​သည် ကိုယ်တော်​၏ တွေ့ဆုံစည်းဝေးရာ​နေရာ​တွင် အော်ဟစ်​ကြ​ပါ​၏​။ သူ​တို့​၏​အောင်လံ​များ​ကို အမှတ်လက္ခဏာ​အဖြစ်​စိုက်ထူ​ကြ​ပါ​ပြီ​။

ဆာ​လံ 83:2

အကြောင်းမူကား ကိုယ်တော်​၏​ရန်သူ​တို့​သည် ဆူပူသောင်းကျန်း​ကြ​ပြီး ကိုယ်တော်​ကို​မုန်း​သော​သူ​တို့​သည် ခေါင်း​ထောင်​လာ​ကြ​ပါ​၏​။

ဟေ​ရှာ​ယ 10:12

ဘုရားရှင်​သည် ဇိအုန်​တောင်​နှင့်​ဂျေရုဆလင်​မြို့​၌ ပြု​ရ​မည့်​အမှု​ရှိသမျှ​ကို ပြု​ပြီး​သောအခါ စိတ်နှလုံး​ခက်ထန်​သော​၊ မျက်နှာ​ထောင်လွှား​သော အဆီးရီးယား​ဘုရင်​ကို အပြစ်ဒဏ်​ပေး​မည်​။

ဟေ​ရှာ​ယ 30:28

ကိုယ်တော်​၏​ထွက်သက်လေ​သည် လည်ပင်း​အထိ​ရောက်​သည့် တစ်ဟုန်ထိုးစီးဆင်း​သော​မြစ်ရေ​ကဲ့သို့​ဖြစ်​၏​။ တိုင်းနိုင်ငံ​တို့​ကို ဖျက်ဆီး​ခြင်း​ဆန်ခါ​ဖြင့် စစ်ချ​မည်​။ လမ်းလွဲ​စေ​သော​ဇက်ကြိုး​ကို လူ​တို့​၏​မေးရိုး​၌ တပ်​ထား​မည်​။

ဟေ​ရှာ​ယ 36:10

ထာဝရဘုရား​အခွင့်​မ​ရှိ​ဘဲ ဤ​ပြည်​ကို ငါ​လာ​၍​ဖျက်ဆီး​သည်​ဟု ထင်​သလော​။ ထာဝရဘုရား​က ‘​ထို​ပြည်​သို့​စစ်ချီ​၍​ဖျက်ဆီး​လော့​’​ဟူ၍ ငါ့​အား​မိန့်​တော်မူ​ပြီ​”​ဟု ဆို​၏​။

ဟေ​ရှာ​ယ 36:4

ရာဗရှာခ​က သူ​တို့​အား “​ဟေဇကိ​မင်းကြီး​အား ပြန်လျှောက်​ကြ​လော့​။ အဆီးရီးယား​ဘုရင်မင်းမြတ်​ကြီး​က ‘သင်​သည် အဘယ်အရာ​ကို ကိုးစား​၍ စိတ်အေးလက်အေး​နေ​နိုင်​သနည်း​။

ဟေ​ရှာ​ယ 37:10

“​သင်​တို့​သည် ယုဒ​ဘုရင်​ဟေဇကိ​မင်းကြီး​အား ဤသို့​ပြောကြား​လော့​။ သင်​ယုံကြည်ကိုးစား​သော​သင်​၏​ဘုရားသခင်​က ‘ဂျေရုဆလင်​မြို့​သည် အဆီးရီးယား​ဘုရင်​၏​လက်​သို့ ရောက်​မည်​မ​ဟုတ်’​ဟု မိန့်ဆို​၍ လှည့်စား​သည်​ကို သင်​မ​ခံ​နှင့်​။

ဟေ​ရှာ​ယ 37:34

ထာဝရဘုရား​က ‘​သူ​သည် လာ​သော​လမ်း​ဖြင့် ပြန်သွား​ရ​မည်​။ ဤ​မြို့​ထဲသို့ ဝင်​ရ​မည်​မ​ဟုတ်​။

ဟေ​ရှာ​ယ 37:7

ကြည့်ရှု​လော့​။ ငါ​သည် သူ​၌​အခြား​သော​စိတ်သဘော​ကို​သွင်းပေး​မည်​။ သူ​သည် သတင်း​တစ်​ခု​ကြား​၍ မိမိ​ပြည်​သို့ ပြန်သွား​လိမ့်မည်​။ ထို့နောက် သူ့​ပြည်​၌ သူ့​ကို ဓား​ဖြင့်​ကျဆုံး​စေ​မည်​’​ဟူ၍ မိန့်​တော်မူ​သည်​”​ဟု သူ​တို့​အား ဆင့်ဆို​၏​။

ယေ​ဇ​ကျေ​လ 29:4

ငါ​သည် သင့်​မေးရိုး​ကို ချိတ်​များ​နှင့်​ချိတ်​မည်​။ မြစ်ချောင်း​ထဲရှိ​ငါး​များ​ကို သင့်​အကြေးခွံ​၌ ကပ်​နေ​စေ​မည်​။ သင့်​ကို မြစ်ချောင်း​ထဲ​မှ ဆွဲထုတ်​သောအခါ မြစ်ချောင်း​ထဲရှိ​ငါး​အားလုံး သင့်​အကြေးခွံ​၌ ကပ်ပါ​လာ​လိမ့်မည်​။

ယေ​ဇ​ကျေ​လ 35:13

သင့်​နှုတ်​ဖြင့် ငါ့​အား ဆန့်ကျင်​ပုတ်ခတ်​သော​စကား​၊ မောက်မောက်မာမာ​ပြောဆို​ခဲ့​သော​စကား​အလုံးစုံ​ကို ငါ​ကြား​၏’​ဟု မိန့်​တော်မူ​၏​။

ယေ​ဇ​ကျေ​လ 38:4

သင့်​မေးရိုး​ကို ချိတ်​နှင့်​ချိတ်​ပြီး ပြန်​လှည့်လာ​စေ​မည်​။ သင်​နှင့်အတူ စစ်လက်နက်​အပြည့်အစုံ​ဝတ်ဆင်​ထား​သော သင်​၏​စစ်သည်​အားလုံး​၊ မြင်း​၊ မြင်းစီးသူရဲ​တို့​အပါအဝင် ဒိုင်းလွှားကြီး​ဒိုင်းလွှားငယ်​ကိုင်ဆောင်​သော လူအုပ်ကြီး​၊ ဓားလက်နက်​စွဲကိုင်​သူ​အားလုံး​ကို​ပါ ထုတ်ဆောင်​သွား​မည်​။

အာ​မုတ် 4:2

ဘုရားရှင်​ထာဝရဘုရား​သည် မိမိ​သန့်ရှင်း​ခြင်း​ကို တိုင်တည်ကျိန်ဆို​၍ “​ကြည့်ရှု​လော့​။ သင်​တို့​ကို ချိတ်​များ​ဖြင့်​လည်းကောင်း​၊ ကြွင်းကျန်သူ​တို့​ကို ငါးမျှားချိတ်​များ​ဖြင့်​လည်းကောင်း ဖမ်းခေါ်​သွား​သော​နေ့ ရောက်လာ​လိမ့်မည်​။

မဿဲ 27:24

ထိုအခါ ပိလတ်​မင်း​သည် မည်သည့်​အကျိုး​မျှ​မ​ရှိ​ဘဲ ရုန်းရင်းဆန်ခတ်​သာ​ဖြစ်လာ​သည်​ကို​မြင်​၍ လူထု​ပရိသတ်​ရှေ့တွင် ရေ​ကို​ယူ​ပြီး လက်​ကို​ဆေး​ကာ “ဤ​သူ​၏​သွေး​နှင့် ငါ​ကင်းရှင်း​၏။ သင်​တို့​အမှု​ကို သင်​တို့​ဖြေရှင်း​ရ​မည်”​ဟု ဆို​၏။

တမန်တော်ဝတ္ထု 22:22

လူ​တို့​သည် သူ့​စကား​ကို ဤမျှ​အထိ နားထောင်​ကြ​ပြီးလျှင် မိမိ​တို့​အသံ​ကို​ကျယ်စွာပြု​၍ “ဤသို့​သော​သူ​ကို မြေ​ပေါ်မှ သုတ်သင်​လိုက်​ပါ။ အကြောင်းမူကား သူ​သည် အသက်​မ​ရှင်​သင့်​ပေ”​ဟု ဆို​ကြ​၏။

တမန်တော်ဝတ္ထု 9:4

သူ​သည် မြေ​ပေါ်သို့​လဲကျ​သွား​ရာ“ရှောလု၊ ရှောလု၊ အဘယ်ကြောင့် ငါ့​ကို​ညှဉ်းဆဲ​သနည်း”​ဟု သူ့​အား​ပြော​သော​အသံ​ကို​ကြား​ရ​၏။