ဟေ​ရှာ​ယ 30:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ ကြည့်ရှု​လော့​။ ထာဝရဘုရား​၏​နာမ​တော်​သည် တောက်လောင်​နေ​သော​အမျက်​တော်​၊ ထူထပ်​သည့်​မီးခိုးလုံး​တို့​ဖြင့် ဝေးလံ​သော​အရပ်​မှ​လာ​၏​။ ကိုယ်တော်​၏​နှုတ်​သည် အမျက်ဒေါသ​နှင့်​ပြည့်​၏​။ ကိုယ်တော်​၏​လျှာ​သည် တောက်လောင်​နေ​သော​မီး​ကဲ့သို့​ဖြစ်​၏​။

Common Language Bible

²⁷ ဘု​ရား​သ​ခင်​၏​တန်​ခိုး​တော်​နှင့်​ဘုန်း​အ​သ​ရေ တော်​ကို​အ​ဝေး​မှ​ပင်​မြင်​နိုင်​ပါ​သည်​တ​ကား။ မီး​လျှံ​နှင့်​မီး​ခိုး​တို့​သည်​ကိုယ်​တော်​၏​အ​မျက် တော်​ကို​ဖော်​ပြ​ကြ​၏။ ကိုယ်​တော်​မိန့်​မြွက်​တော် မူ​သော​အ​ခါ​နှုတ်​တော်​ထွက်​စ​ကား​များ​သည် မီး​ကဲ့​သို့​လောင်​ကျွမ်း​စေ​တတ်​၏။-

Garrad Bible

²⁷ ထာ ဝ ရ ဘု ရား၏ နာ မ တော် အ ရှိန် သည် ဒေါ သ မီး လောင် လျက်၊ အ ခိုး မှိုင်း အုံ့ လျက်၊ ဝေး ကွာ ရာ မှ ရောက် လာ ပြီ။ ခံ တွင်း တော် သည် အ မျက် နှင့် ပြည့် လျှံ၍၊ လျှာ တော် သည် ကျွမ်း လောင် သော မီး သ ဖွယ် ဖြစ် ၏။

Judson Bible

²⁷ ကြည့်​ရှု​လော့။ ထာ​ဝ​ရ​ဘု​ရား၏​နာ​မ​တော်​သည် ဝေး​သော​အ​ရပ်​မှ လာ၏။ အ​မျက်​တော်​လောင်၍ မီး​လျှံ​ဟုန်း​လေ၏။ နှုတ်​တော်​သည် အ​မျက်​နှင့် ပြည့်၍၊ လျှာ​တော်​သည် မီး​ရှို့​သ​ကဲ့​သို့ ဖြစ်​လေ၏။

ဟေ​ရှာ​ယ 30:27 Referencias Cruzadas

ဆာ​လံ 79:5

အို ထာဝရဘုရား​၊ မည်သည့်​အချိန်​အထိ​နည်း​။ ကိုယ်တော်​သည် အစဉ် အမျက်ထွက်​တော်မူ​မည်လော​။ ကိုယ်တော်​၏​သဝန်တို​ခြင်း​သည် မီး​ကဲ့သို့ တောက်လောင်​လျက်​နေ​မည်လော​။

ဟေ​ရှာ​ယ 10:5

အဆီးရီးယား​လူမျိုး​သည် အမင်္ဂလာ​ရှိ​၏​။ ထို​လူမျိုး​သည် ငါ့​အမျက်​တော်​ကြိမ်လုံး​ဖြစ်​၏​။ သူ​တို့​ကိုင်ဆောင်​သော​တုတ်​သည် ငါ​၏​အမျက်​ဖြစ်​၏​။

ဟေ​ရှာ​ယ 13:5

ထာဝရဘုရား​နှင့် အမျက်​တော်​လက်နက်​သည် မြေ​တစ်ပြင်လုံး​ကို​ဖျက်ဆီး​ရန် ကောင်းကင်​အစွန်း​၊ ဝေးလံ​သော​အရပ်​မှ လာ​ကြ​ပြီ​။

ဟေ​ရှာ​ယ 33:12

လူ​တို့​သည် ထုံးမှုန့်​ဖြစ်​သည်​အထိ လောင်မြိုက်​ခြင်း​ခံရ​မည်​။ ဆူးပင်​ကို​ခုတ်လှဲ​၍ မီး​ရှို့​လိုက်​သကဲ့သို့ ဖြစ်​မည်​။

ဟေ​ရှာ​ယ 33:14

ဇိအုန်​မြို့​ရှိ​အပြစ်သား​တို့​သည် ကြောက်ရွံ့​ကြ​လေ​ပြီ​။ ထိတ်လန့်တုန်လှုပ်​ခြင်း​သည် ဘုရားတရားမဲ့​သူ​တို့​ကို လွှမ်းမိုး​လေ​ပြီ​။ သူ​တို့​က “​ငါ​တို့​တွင် မည်သူ​သည် တောက်လောင်​သော​မီး​ထဲ၌ နေ​နိုင်​သနည်း​။ ငါ​တို့​တွင် မည်သူ​သည် ထာဝရ​မီးတောက်​ထဲ၌ နေ​နိုင်​သနည်း​”​ဟု ဆို​ကြ​၏​။

ဟေ​ရှာ​ယ 34:9

ဧဒုံ​ပြည်​၏​ချောင်း​တို့​သည် ကတ္တရာစေး​အဖြစ်​သို့ ပြောင်းသွား​လိမ့်မည်​၊ မြေမှုန့်​သည် ကန့်​အဖြစ်​သို့ ပြောင်းသွား​လိမ့်မည်​။ ထို​ပြည်​သည် လောင်ကျွမ်း​နေ​သော​ကတ္တရာစေး ဖြစ်​သွား​လိမ့်မည်​။

ဟေ​ရှာ​ယ 43:2

သင်​သည် ရေ​ကို​ဖြတ်ကူး​သောအခါ သင်​နှင့်အတူ​ငါ​ရှိ​မည်​။ မြစ်​ကို​ဖြတ်ကူး​သောအခါ သင့်​ကို ရေလွှမ်း​မည်​မ​ဟုတ်​။ မီး​ထဲ​လျှောက်​သောအခါ သင့်​ကို​မီးလောင်​မည်​မ​ဟုတ်​။ မီးလျှံ​သည် သင့်​ကို ဟပ်​မည်​မ​ဟုတ်​။

ဟေ​ရှာ​ယ 59:19

ထို့ကြောင့် သူ​တို့​သည် ထာဝရဘုရား​၏​နာမ​တော်​ကို အနောက်​အရပ်​မှ​လည်းကောင်း​၊ ဘုန်းအသရေ​တော်​ကို နေထွက်​ရာ​အရပ်​မှ​လည်းကောင်း ကြောက်ရွံ့​ကြ​လိမ့်မည်​။ အကြောင်းမူကား ထာဝရဘုရား​၏​ထွက်သက်လေ​မှုတ်ထုတ်​တော်မူ​၍ အရှိန်အဟုန်​နှင့်​စီးဆင်း​သော​မြစ်ရေ​ကဲ့သို့ ကိုယ်တော်​ကြွလာ​တော်မူ​မည်​။

ဟေ​ရှာ​ယ 66:14

ထိုသို့ သင်​တို့​တွေ့မြင်​သောအခါ သင်​တို့​၏​စိတ်နှလုံး​သည် ဝမ်းမြောက်​လိမ့်မည်​။ သင်​တို့​၏​အရိုး​များ​သည်​လည်း မြက်​ကဲ့သို့ သန်​လိမ့်မည်​။ ထာဝရဘုရား​၏​လက်​တော်​သည် မိမိ​အစေအပါး​တို့​ထံ ထင်ရှား​မည်​။ မိမိ​၏​ရန်သူ​တို့​ကို​မူ အမျက်ထွက်​တော်မူ​မည်​။

ဟေ​ရှာ​ယ 66:15

ကြည့်ရှု​လော့​။ ထာဝရဘုရား​သည် မီး​နှင့်​ကြွလာ​တော်မူ​မည်​။ လေပွေ​ကဲ့သို့ စစ်ရထား​နှင့်​ကြွလာ​တော်မူ​မည်​။ ရန်သူ​တို့​ကို အမျက်ပြင်း​စွာ​တုံ့ပြန်​မည်​။ မီးလျှံ​ဖြင့်​ဆုံးမ​မည်​။

ဟေ​ရှာ​ယ 9:5

စစ်မြေပြင်​၌​စီး​သော​စစ်သည်ဖိနပ်​၊ သွေး​လူး​သော​အဝတ်​ရှိသမျှ​တို့​သည် လောင်စာ​ဖြစ်​ရ​ကြ​လိမ့်မည်​။

ယေ​ရ​မိ 4:4

ယုဒ​ပြည်သူ​ဂျေရုဆလင်​မြို့သား​တို့​၊ အရေဖျားလှီး​ခြင်း​ကို​ခံ​၍ သင်တို့ကိုယ်သင်တို့ ထာဝရဘုရား​ထံ​ဆက်ကပ်​ကြ​လော့​။ သင်​တို့​၏​စိတ်နှလုံး​အရေဖျား​ကို ဖယ်ရှား​ကြ​လော့​။ သို့မဟုတ်လျှင် သင်​တို့​၏​ဆိုးညစ်​သော​လုပ်ရပ်​ကြောင့် ငါ့​အမျက်​သည် မီး​ကဲ့သို့ မည်သူ​မျှ​မ​ငြှိမ်း​နိုင်​အောင် တောက်လောင်​လိမ့်မည်​။

ယေ​ဇ​ကျေ​လ 22:31

ထို့ကြောင့် ငါ့​အမျက်​ဒေါသ​ကို သူ​တို့​အပေါ် သွန်ချ​မည်​။ ငါ့​အမျက်​မီး​ဖြင့် သူ​တို့​ကို လောင်ကျွမ်း​စေ​မည်​။ သူ​တို့​ပြုကျင့်​ခဲ့​သည့်​အတိုင်း သူ​တို့​ခေါင်း​ပေါ်သို့ ပြန်ရောက်​စေ​မည်​”​ဟု ဘုရားရှင်​ထာဝရဘုရား မိန့်ဆို​၏​။

ဒံ​ယေ​လ 7:10

မီး​မြစ်​တစ်​စင်း​သည် ရှေ့​တော်​မှ စီး​ထွက်​၏​။ အထောင်ထောင်​သော​လူ​တို့​သည် အမှု​တော်​ကို ထမ်း​ကြ​၏​။ အသောင်းသောင်း​သော​လူ​တို့​သည် ရှေ့​တော်​တွင် ရပ်​လျက်​နေ​၏​။ တရားစီရင်​ချိန်​ကျရောက်​သဖြင့် စာအုပ်​များ​ကို ဖွင့်​ထား​၏​။

ဒံ​ယေ​လ 7:9

ငါ​ကြည့်​လျက်​နေ​စဉ် ပလ္လင်​များ​ကို​ခင်းကျင်း​၍ သက်တော်ကြီးရင့်​သော​အရှင် ထိုင်​တော်မူ​၏​။ အဝတ်​တော်​သည် နှင်းပွင့်​ကဲ့သို့​ဖြူ​၏​။ ဦးခေါင်း​တော်​မှ​ဆံပင်​သည်​လည်း သိုးမွေး​ကဲ့သို့ ဖြူ​၏​။ ပလ္လင်​တော်​သည် မီး​လျှံ​၊ ဘီး​တော်​တို့​သည် မီးတောက် ဖြစ်​၏​။

ဇေဖနိ 3:8

ထို့ကြောင့် ငါ​ထ​၍ လုယက်​တိုက်ခိုက်​မည့်​နေ့​ကို စောင့်​နေ​လော့​။ အကယ်စင်စစ် ငါ​သည် တိုင်းနိုင်ငံ​အရပ်ရပ်​မှ လူမျိုးတကာ​တို့​ကို ခေါ်ယူ​စုစည်း​ပြီး တရားစီရင်​မည်​။ ပြင်းထန်​သော ငါ့​အမျက်​၊ ငါ့​ဒေါသမီး​အလုံးအရင်း​ကို သူ​တို့​အပေါ်​သို့​သွန်ချ​မည်​။ ငါ့​ဒေါသ​မီး​အရှိန်​ကြောင့် မြေ​တစ်ပြင်လုံး​လောင်ကျွမ်း​သွား​လိမ့်မည်​။

မာ​လ​ခိ 1:11

“အကယ်စင်စစ် နေထွက်​ရာ​အရပ်​မှ နေ​ဝင်ရာအရပ်​တိုင်အောင် လူမျိုးတကာ​တို့​တွင် ငါ့​နာမ​သည် ဘုန်းကြီး​လိမ့်မည်​။ ငါ့​နာမ​သည် လူမျိုးတကာ​တို့​တွင် ဘုန်းကြီး​သောကြောင့်​ငါ့​နာမ​အဖို့ အရပ်ရပ်​မှ နံ့သာပေါင်း​များ​၊ သန့်ရှင်း​သော​ပူဇော်သက္ကာ​များ​ကို ယူဆောင်​လာ​ကြ​လိမ့်မည်”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

တ​ရား​ဟော 32:22

ငါ့​အမျက်​မီး​သည် စွဲ​၍ မရဏာနိုင်ငံ​အောက်ဆုံး​ထိ​တိုင်အောင် တောက်လောင်​လိမ့်မည်​။ မြေကြီး​နှင့် မြေကြီး​အသီးအနှံ​တို့​ကို ဝါးမျို​၍ တောင်​များ​၏​အခြေအမြစ်​တို့​ကို လောင်ကျွမ်း​လိမ့်မည်​။

တ​ရား​ဟော 33:2

မောရှေ​က “​ထာဝရဘုရား​သည် သိနာ​တောင်​မှ ကြွလာ​တော်မူ​၏​။ စိရ​တောင်​မှ ထွန်းလင်း​တော်မူ​၏​။ ပါရန်​တောင်​မှ ရောင်ခြည်လွှတ်​တော်မူ​၏​။ လက်ယာ​လက်​တော်​၌ ဥပဒေသမီး​ပါ​လျက် သန့်ရှင်း​သူ​အထောင်အသောင်း​တို့​နှင့် ကြွလာ​တော်မူ​၏​။

တ​ရား​ဟော 4:24

သင်​တို့​၏​ဘုရားသခင်​ထာဝရဘုရား​သည် လောင်​သော​မီး​၊ သဝန်တို​သော​ဘုရား​ဖြစ်​တော်မူ​၏​။

၂ သက် 2:8

ထို့နောက် တရားမဲ့​သော​သူ​သည် ထင်ရှား​လာ​လိမ့်မည်။ သခင်​ယေရှု​သည် ထို​သူ​ကို မိမိ​နှုတ်​တော်​မှ​ထွက်သက်လေ​အားဖြင့် ကွပ်မျက်​၍ မိမိ​ကြွလာ​တော်မူ​ခြင်း​၏​ရောင်ခြည်​အားဖြင့် ပယ်ဖျက်​တော်မူ​လိမ့်မည်။

ဟေ​ဗြဲ 12:29

အကြောင်းမူကား ငါ​တို့​၏​ဘုရားသခင်​သည် လောင်ကျွမ်း​သော​မီး​ဖြစ်​တော်မူ​၏။