ဟေ​ရှာ​ယ 3:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ သင်​တို့​သည် မည်သည့်​အကြောင်း​ကြောင့် ငါ​၏​လူမျိုး​တော်​ကို ချိုးဖဲ့ခြေမွှ​၍ ဆင်းရဲသား​တို့​၏​မျက်နှာ​ကို ကြိတ်​ကြ​ရ​သနည်း​”​ဟု ကောင်းကင်​ဗိုလ်ခြေ​အရှင်သခင်​ထာဝရဘုရား မိန့်​တော်မူ​၏​။

Common Language Bible

¹⁵ သူ​တို့​တွင်​ငါ​၏​လူ​မျိုး​တော်​အား​ဤ​သို့ နှိပ်​စက်​ပိုင်​ခွင့်၊ ဆင်း​ရဲ​သူ​တို့​အ​ပေါ်​၌​အ​ခွင့် ကောင်း​ယူ​ပိုင်​ခွင့်​လည်း​မ​ရှိ။ ဤ​ကား​အ​နန္တ တန်​ခိုး​ရှင်​ငါ​ထာ​ဝ​ရ​ဘု​ရား​မြွက်​ဆို တော်​မူ​သော​စ​ကား​ဖြစ်​၏'' ဟု​မိန့်​တော် မူ​၏။

Garrad Bible

¹⁵ လူ မျိုး တော် ကို နှိပ် စက် ခြင်း၊ ဆင်း ရဲ သား တို့ မျက် နှာ ကို ထောင်း ထု ခြင်း ကား အ သို့ နည်း ဟု၊ ဗိုလ် ခြေ တို့ အ ရှင် ထာ ဝ ရ ဘု ရား သ ခင် မိန့် တော် မူ၏။

Judson Bible

¹⁵ ငါ၏​လူ​တို့​ကို အ​ဘယ်​ကြောင့် နှိပ်​စက်​ကြ​သ​နည်း။ ဆင်း​ရဲ​သား​တို့၏​မျက်​နှာ​ကို အ​ဘယ်​ကြောင့် ကြိတ်​ကြ​သ​နည်း​ဟု ကောင်း​ကင်​ဗိုလ်​ခြေ​သ​ခင် အ​ရှင်​ထာ​ဝ​ရ​ဘု​ရား မိန့်​တော်​မူ၏။

ဟေ​ရှာ​ယ 3:15 Referencias Cruzadas

ဆာ​လံ 94:5

အို ထာဝရဘုရား​၊ သူ​တို့​သည် ကိုယ်တော်​၏​လူမျိုး​တော်​ကို နှိမ်နင်း​၍ ကိုယ်တော်​၏​အမွေ​တော်​ကို နှိပ်စက်​ကြ​ပါ​၏​။

ထွက်​မြောက် 5:14

ဖာရော​မင်းကြီး​၏​အဓမ္မ​စေခိုင်း​သူ​များ​သည် မိမိ​တို့​ခန့်ထား​သော​အစ္စရေး​အမျိုးသား​အလုပ်ကြီးကြပ်သူ​များ​ကို​လည်း ရိုက်နှက်​ကာ “​သင်​တို့​သည် ယခင်​က​ကဲ့သို့ သင်​တို့​လုပ်​ရ​မည့်​အုတ်​ကို သတ်မှတ်ချက်​အတိုင်း မနေ့​ရော​ယနေ့​ပါ အဘယ်ကြောင့် မ​ပြီးစီး​ကြ​သနည်း​”​ဟု ဆို​ကြ​၏​။

သုတ္တံကျမ်း။ 30:14

အဖိနှိပ်​ခံရ​သော​သူ​တို့​ကို မြေကြီး​ပေါ်မှ​လည်းကောင်း​၊ နွမ်းပါး​သော​သူ​တို့​ကို လူထု​ထဲမှ​လည်းကောင်း ဝါးမျို​ပစ်​ရန် သန်လျက်​ကဲ့သို့သော​သွား​နှင့် ဓား​ကဲ့သို့သော​အစွယ်​ရှိ​သော​သူ​များ​ရှိ​၏​။

ဟေ​ရှာ​ယ 14:30

ဆင်းရဲ​သော​သူ​တို့​၏​သားဦး​တို့​သည် ကျွေးမွေး​ခြင်း​ခံရ​ကြ​လိမ့်မည်​။ နွမ်းပါး​သော​သူ​တို့​သည် ဘေးကင်းလုံခြုံ​စွာ​အိပ်​ရ​ကြ​လိမ့်မည်​။ သို့သော် သင်​၏​အမြစ်​ကို ငတ်မွတ်ခေါင်းပါး​ခြင်း​ဘေး​ဖြင့် ငါ​သေ​စေ​မည်​။ သင်​၏​အကြွင်းအကျန်​သည်​လည်း သတ်ဖြတ်​ခြင်း​ခံရ​မည်​။

ဟေ​ရှာ​ယ 26:6

ခြေ​သည် ထို​မြို့​ကို​နင်းချေ​လိမ့်မည်​။ အဖိနှိပ်​ခံရ​သော​သူ​တို့​၏​ခြေ​၊ ဆင်းရဲ​သော​သူ​တို့​၏​ခြေ​တို့​သည် ထို​မြို့​ကို​နင်းချေ​လိမ့်မည်​”​ဟု သီဆို​ကြ​လိမ့်မည်​။

ဟေ​ရှာ​ယ 29:19

စိတ်နှိမ့်ချ​သော​သူ​တို့​သည် ထာဝရဘုရား​၌ တစ်ဖန်​ဝမ်းမြောက်​ကြ​လိမ့်မည်​။ လူ​တို့​တွင် နွမ်းပါး​သော​လူ​သည် အစ္စရေး​လူမျိုး​၏​သန့်ရှင်း​သော​အရှင်​၌ ရွှင်လန်း​ကြ​လိမ့်မည်​။

ဟေ​ရှာ​ယ 30:12

ထို့ကြောင့် အစ္စရေး​လူမျိုး​၏​သန့်ရှင်း​သော​အရှင်​က “​သင်​တို့​သည် ဤ​နှုတ်ကပတ်တော်​ကို​ပယ်​၍ ဖိနှိပ်ချုပ်ချယ်​သူ​၊ သွေဖည်လွဲမှား​သူ​တို့​ကို ကိုးစား​မှီဝဲ​ကြ​၏​။

ဟေ​ရှာ​ယ 32:6

မိုက်မဲ​သော​သူ​သည် မိုက်မဲ​သော​စကား​ကို​ပြောဆို​တတ်​၏​။ သူ​၏​စိတ်နှလုံး​သည် ဒုစရိုက်​ကို​ကြံစည်​တတ်​၏​။ သူတော်ကောင်း​ယောင်ဆောင်​ပြီး ထာဝရဘုရား​အကြောင်း​ကို မဟုတ်မမှန်​ပြောဆို​တတ်​၏​။ ဆာလောင်မွတ်သိပ်​သော​သူ​ကို အစာ​မကျွေး​၊ ရေငတ်​သော​သူ​ကို ရေ​မ​တိုက်​။

ဟေ​ရှာ​ယ 5:7

ကောင်းကင်​ဗိုလ်ခြေ​အရှင်​ထာဝရဘုရား​၏​စပျစ်ခြံ​ကား အစ္စရေး​အမျိုးအနွယ်​ပေတည်း​။ ကိုယ်တော်​နှစ်သက်​တော်မူ​သော​အပင်​ကား ယုဒ​အမျိုးသား​ပေတည်း​။ ကိုယ်တော်​သည် တရားမျှတမှု​ကို စောင့်မျှော်​တော်မူ​သော်လည်း ကြည့်ရှု​လော့​။ သတ်ဖြတ်မှု​သာ​ဖြစ်​ပါ​သည်​တကား​။ ဖြောင့်မတ်​ခြင်း​အစား အော်ဟစ်ငိုကြွေး​ခြင်း​သာ​ရှိ​ပါ​သည်​တကား​။

ဟေ​ရှာ​ယ 58:4

သင်​တို့​သည် အငြင်းပွား​လျက်​၊ ခိုက်ရန်​ဖြစ်​လျက်​၊ လက်သီး​ဖြင့်​ကြမ်းကြမ်းတမ်းတမ်း​ထိုးကြိတ်​လျက် အစာရှောင်​ကြ​၏​။ ထိုသို့ အစာ​မ​ရှောင်​ကြ​နှင့်​။ သင်​တို့​၏​အသံ​ကို အထက်အရပ်​က နားထောင်​မည်​မ​ဟုတ်​။

ဟေ​ရှာ​ယ 63:8

ကိုယ်တော်​က “​စင်စစ် သူ​တို့​သည် ငါ​၏​လူမျိုး​တော်​ဖြစ်​၏​။ သူ​တို့​သည် သစ္စာ​မ​ပျက်​သော​သားသမီး​များ​ဖြစ်​ကြ​လိမ့်မည်​”​ဟု မိန့်​တော်မူ​၏​။ ကိုယ်တော်​သည်​လည်း သူ​တို့​၏​ကယ်တင်ရှင်​ဖြစ်​တော်မူ​၏​။

ယေ​ဇ​ကျေ​လ 18:2

“​အစ္စရေး​ပြည်​နှင့်​ပတ်သက်ပြီး ‘​ဖခင်​တို့​က ချဉ်​သော​စပျစ်သီး​ကို​စား​၍ သား​တို့​က သွား​ကျိန်း​၏​’​ဟု သင်​တို့​ပြောဆို​သော ဤ​စကားပုံ​ကား မည်သို့​နည်း​။

ယော​န 1:6

မာလိန်မှူး​သည် သူ့​ထံသို့​သွား​၍ “​သင် အဘယ်ကြောင့် အိပ်မောကျ​နေ​သနည်း​။ ထ​ပြီး သင့်​ဘုရား​ထံ ဆုတောင်း​ပါ​လော့​။ ငါ​တို့ သေကျေပျက်စီး​မ​သွား​အောင် သင့်​ဘုရား​သည် ငါ​တို့​ကို ကယ်တင်​ကောင်း​ကယ်တင်​လိမ့်မည်​”​ဟု ဆို​၏​။