ဟေ​ရှာ​ယ 27:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² အို အစ္စရေး​အမျိုးသား​တို့​၊ ထို​နေ့ရက်​၌ ထာဝရဘုရား​သည် ယူဖရေးတီး​မြစ်​လက်တက်​မှ အီဂျစ်​ပြည်​စမ်းချောင်း​တိုင်အောင် သင်​တို့​ကို တလင်းနယ်​၍ တစ်​ယောက်​ပြီး​တစ်​ယောက် ကောက်သိမ်း​တော်မူ​မည်​။

Common Language Bible

¹² ထို​ကာ​လ​၌​ထာ​ဝ​ရ​ဘု​ရား​ကိုယ်​တော်​တိုင် ဥ​ဖ​ရတ်​မြစ်​မှ​အီ​ဂျစ်​ပြည်​နယ်​စပ်​အ​ထိ မိ​မိ​လူ​တို့​ကို​တစ်​ယောက်​ပြီး​တစ်​ယောက် ယူ​တော်​မူ​၍​ဂျုံ​စ​ပါး​အ​ကောင်း​နှင့် အ​ညံ့ ကို​စ​ပါး​နယ်​လျက်​ခွဲ​ခြား​သ​ကဲ့​သို့​ခွဲ ခြား​တော်​မူ​မည်။

Garrad Bible

¹² အို ဣ သ ရေ လ အ မျိုး သား တို့၊ ထို ကာ လ ထာ ဝ ရ ဘု ရား သည်၊ မြစ် ကြီး ရေ အ လျဉ် နှင့် အိ ဂျစ် ချောင်း အ ကြား တွင်၊ အ သီး သ ဖွယ် ရိုက် ခါ ၍ သင် တို့ ကို တစ် ယောက် နောက် တစ် ယောက် ကောက် သိမ်း တော် မူ လိမ့် မည်။

Judson Bible

¹² အို​ဣ​သ​ရေ​လ အ​မျိုး​သား​တို့၊ ထို​ကာ​လ၌​လည်း၊ ထာ​ဝ​ရ​ဘု​ရား​သည် မြစ်​ကြီး​မှ​စ၍၊ အဲ​ဂု​တ္တု​မြစ်​တိုင်​အောင် သစ်​သီး​များ​ကို သိမ်း​ယူ​တော်​မူ​သ​ဖြင့်၊ သင်​တို့​သည် တစ်​ယောက်​နောက်​တစ်​ယောက်၊ ကောက်​သိမ်း​ခြင်း​ကျေး​ဇူး​တော်​ကို ခံ​ရ​ကြ​လိမ့်​မည်။

ဟေ​ရှာ​ယ 27:12 Referencias Cruzadas

ကမ္ဘာ​ဦး 15:18

ထို​နေ့​၌ ထာဝရဘုရား​က အာဗြံ​အား “​အီဂျစ်​မြစ်​မှစ၍ ယူဖရေးတီး​မြစ်​ကြီး​တိုင်အောင် ဤ​ပြည်​ကို သင်​၏​သားစဉ်မြေးဆက်​အား ငါ​ပေး​၏​။

၃ ရာ 8:65

ထို​အချိန်​တွင်ပင် ရှောလမုန်​မင်းကြီး​သည် လီဘိုဟာမတ်​အရပ်​မှ အီဂျစ်​မြစ်​တိုင်အောင် အရပ်ရပ်​မှ​ရောက်လာ​သော အစ္စရေး​လူအုပ်ကြီး​နှင့်အတူ အကျွန်ုပ်​တို့​၏​ဘုရားသခင်​ထာဝရဘုရား​ရှေ့​တော်​၌ ခုနစ်​ရက်​ပြီး နောက်ထပ်​ခုနစ်​ရက် စုစုပေါင်း​တစ်ဆယ့်​လေး​ရက်​တိုင် ပွဲတော်​ကျင်းပ​လေ​၏​။

နေ​ဟ​မိ 1:9

သို့သော် သင်​တို့​သည် ငါ့​ထံ​ပြန်လာ​၍ ငါ့​ပညတ်​တို့​ကို လိုက်နာ​စောင့်ထိန်း​မည်​ဆို​လျှင် မိုးကောင်းကင်​အစွန်း​သို့ နှင်ထုတ်​ခြင်း​ခံရ​သော်လည်း ထို​အရပ်​မှ​ပြန်လည်​စုစည်း​၍ ငါ့​နာမ​တည်​စေရန် ငါ​ရွေးချယ်​ထား​သော​အရပ်​သို့ ပြန်လည်​ခေါ်ဆောင်​လာ​မည်​’​ဟု ကိုယ်တော်​မိန့်​တော်မူ​ခဲ့​သည်​ကို သတိရ​တော်မူ​ပါ​။

ဆာ​လံ 68:22

ဘုရားရှင်​က “​ငါ​သည် သူ​တို့​ကို ဗာရှန်​ပြည်​မှ ပြန်ခေါ်လာ​မည်​။ ပင်လယ်​၏​ရေနက်​ရာ​အရပ်​မှ ပြန်ခေါ်လာ​မည်​။

ဆာ​လံ 72:8

သူ​သည် ပင်လယ်​တစ်​ခု​မှ အခြား​ပင်လယ်​တစ်​ခု​တိုင်အောင်​လည်းကောင်း​၊ မြစ်​တစ်​စင်း​မှ ကမ္ဘာမြေ​အစွန်း​တိုင်အောင်​လည်းကောင်း အုပ်စိုး​ပါစေသော​။

ဟေ​ရှာ​ယ 17:6

သံလွင်သီး​ကို​ရိုက်ခြွေ​သောအခါ အပင်​ထိပ်ဖျား​၌ သံလွင်သီး​နှစ်​လုံး​သုံး​လုံး​၊ အသီး​များ​သော အခက်အလက်​တို့​၌ လေး​ငါး​လုံး ကောက်သင်းကောက်​ရန်​ကြွင်းကျန်​သကဲ့သို့ ကြွင်းကျန်​ကြ​လိမ့်မည်​”​ဟု မိန့်​တော်မူ​၏​။

ဟေ​ရှာ​ယ 49:5

ငါ့​ကို အမိ​ဝမ်း​ထဲကပင် မိမိ​၏​အစေအပါး​အဖြစ် ပုံဖော်ဖန်ဆင်း​တော်မူ​သော ထာဝရဘုရား​က အစ္စရေး​လူမျိုး​တို့ အထံ​တော်​၌​စုဝေး​ကြ​မည့်​အကြောင်း ယာကုပ်​အမျိုး​ကို အထံ​တော်​သို့​ပြန်ခေါ်ဆောင်​လာ​ရန် မိန့်မှာ​တော်မူ​ခဲ့​၏​။ ငါ​သည် ထာဝရဘုရား​၏​မျက်မှောက်​တော်​၌ ဂုဏ်ပြုချီးမွမ်း​ခြင်း​ခံရ​သူ​ဖြစ်​၏​။ ဘုရားသခင်​သည် ငါ​၏​ခွန်အား​ဖြစ်​တော်မူ​၏​။

ဟေ​ရှာ​ယ 56:8

နှင်ထုတ်​ခံရ​သော​အစ္စရေး​လူမျိုး​တို့​ကို စုစည်း​တော်မူ​သော ဘုရားရှင်​ထာဝရဘုရား​က “​စုစည်း​ပြီး​သော​သူ​တို့​အပြင် အခြား​သော​သူ​တို့​ကို အစ္စရေး​လူမျိုး​တို့​ထံ၌ ငါ​ထပ်၍​စုစည်း​မည်​”​ဟု မိန့်​တော်မူ​၏​။

ယေ​ရ​မိ 3:14

အို လမ်းလွဲ​သော​သားသမီး​တို့​၊ ပြန်လာ​ကြ​လော့”​ဟု မိန့်​တော်မူ​၏။ ထာဝရဘုရား​က “ငါ​သည် သင်​တို့​၏​ခင်ပွန်း​ဖြစ်​၏​။ သင်​တို့​ကို မြို့​တစ်​မြို့​လျှင်​တစ်ယောက်​၊ မျိုးနွယ်စု​တစ်​စု​လျှင်​နှစ်​ယောက် ရွေးယူ​၍ ဇိအုန်​မြို့​သို့​ပို့ဆောင်​မည်​။

ယေ​ရ​မိ 44:28

ဓားဘေး​မှ​လွတ်မြောက်​သော​သူ​အနည်းငယ်​တို့​သည် အီဂျစ်​ပြည်​မှ​ယုဒ​ပြည်​သို့ ပြန်လာ​ကြ​လိမ့်မည်​။ ထိုအခါ သူ​တို့​စကား​တည်​သလော​၊ ငါ့​စကား​တည်​သလော​။ မည်သူ့​စကား​တည်​သည်​ကို အီဂျစ်​ပြည်​သို့ သွားရောက်​နေထိုင်​သော ယုဒ​လူ​အကြွင်းအကျန်​ရှိသမျှ​တို့ သိ​ရ​ကြ​လိမ့်မည်​။

ယေ​ဇ​ကျေ​လ 20:34

ငါ​သည် အမျက်​တော်​ကို​သွန်ချ​၍ လက်ရုံး​တော်​ကို​ဆန့်​လျက် တန်ခိုးကြီး​သော​လက်​တော်​ဖြင့် သင်​တို့​ကို လူမျိုး​တကာ​တို့​ထံမှ ထုတ်ဆောင်​လာ​မည်​၊ သင်​တို့​ကွဲလွင့်​ရာ​အရပ်ရပ်​တို့​မှ ပြန်လည်​စုစည်း​မည်​။

ယေ​ဇ​ကျေ​လ 20:41

သင်​တို့​ကို လူမျိုး​တကာ​တို့​ထံမှ ထုတ်ဆောင်​လာ​၍ ကွဲလွင့်​ရာ​အရပ်ရပ်​မှ ပြန်လည်​စုစည်း​သောအခါ ငါ​သည် သင်​တို့​ကို မွှေးကြိုင်​သော​ရနံ့​အဖြစ် လက်ခံ​မည်​။ ငါ​သည် သန့်ရှင်း​သော​ဘုရား​ဖြစ်ကြောင်း​ကို လူမျိုးခြား​တို့​ရှေ့​တွင် ငါ​ထင်ရှား​ပြ​မည်​။

ယေ​ဇ​ကျေ​လ 39:25

ထို့ကြောင့် ဘုရားရှင်​ထာဝရဘုရား​က ‘ဖမ်းခေါ်​သွား​ခြင်း​ခံရ​သော​ယာကုပ်​အမျိုး​ကို ယခု ငါ​ပြန်ခေါ်​လာ​မည်​။ အစ္စရေး​တစ်မျိုးနွယ်လုံး​ကို သနားစုံမက်​မည်​။ သန့်ရှင်း​သော​ငါ့​နာမ​အတွက် ငါ​သဝန်တို​မည်​။

ယေ​ဇ​ကျေ​လ 47:19

တောင်​ဘက်ခြမ်း​တွင် တာမာ​အရပ်​မှ ကာဒေရှ​အရပ်​ရှိ​မေရိဘ​စမ်းရေ​နား​အထိ​၊ ထိုမှ အီဂျစ်​ချောင်း​အတိုင်း​ဆက်သွား​ကာ မြေထဲပင်လယ်​အထိ ရောက်​၏​။ ဤသည်ကား တောင်ဘက်​နယ်နိမိတ်​ဖြစ်​၏​။

အာ​မုတ် 9:9

“ကြည့်ရှု​လော့​။ ငါ​မိန့်ဆို​ပြီ​။ လူမျိုး​တကာ​တို့​အလယ်​တွင် အစ္စရေး​အမျိုးအနွယ်​ကို ဆန်ခါ​ခါ​သကဲ့သို့ ခါချ​မည်​။ ဆန်တစ်စေ့​မျှ မြေကြီး​ပေါ် မ​ကျ​ရ​။

ဇာ​ခ​ရိ 8:7

ကောင်းကင်​ဗိုလ်ခြေ​အရှင်​ထာဝရဘုရား​က ‘ကြည့်ရှု​လော့​။ နေထွက်​ရာ​အရပ်​၊ နေဝင်​ရာ​အရပ်​တို့​မှ ငါ့​လူမျိုး​တော်​တို့​ကို ငါ​ကယ်နုတ်​မည်​။

လုကာ 15:4

“သင်​တို့​ထဲမှ တစ်စုံတစ်ဦး​၌ သိုး​အကောင်​တစ်ရာ​ရှိ​ပြီး ၎င်း​တို့​ထဲမှ တစ်​ကောင်​သည်​ပျောက်ဆုံး​လျှင် သူ​သည် ကိုးဆယ့်ကိုး​ကောင်​ကို တော​ကန္တာရ​၌​ထား​ခဲ့​၍ ပျောက်ဆုံး​သော​သိုး​ကို​မတွေ့မချင်း​လိုက်ရှာ​မည်​မ​ဟုတ်​လော။

ရှင်ယောဟန် 10:16

ငါ​၌ ဤ​သိုး​ခြံ​ထဲမှ​မ​ဟုတ်​သော အခြား​သိုး​တို့​ရှိ​သေး​၏။ ထို​သိုး​တို့​ကို​လည်း ငါ​ခေါ်ဆောင်​ခဲ့​ရ​မည်။ သူ​တို့​သည်​လည်း ငါ့​အသံ​ကို​နားထောင်​ကြ​သဖြင့် သိုး​အုပ်​တစ်အုပ်တည်း၊ သိုးထိန်း​တစ်ပါးတည်း​ဖြစ်​လိမ့်မည်။

ရှင်ယောဟန် 6:37

ငါ့​အား​ခမည်းတော်​ပေး​တော်မူ​သော​သူ​မှန်သမျှ​သည် ငါ့​ထံသို့​လာ​မည်။ ငါ့​ထံသို့​လာ​သော​သူ​ကို​လည်း ငါ​သည် မည်သည့်​အခါ​မျှ​နှင်ထုတ်​မည်​မ​ဟုတ်။

ယော​ရှု 15:4

ထိုမှ​တစ်ဖန် အာဇမုန်​အရပ်​ကို​ကျော်​၍ အီဂျစ်​ချောင်း​အတိုင်း​ဆက်သွား​ကာ ပင်လယ်​၌ နယ်နိမိတ်​ဆုံး​၏​။ ဤသည်ကား ယုဒ​အမျိုးအနွယ်​တို့​၏​တောင်ဘက်​နယ်နိမိတ်​ဖြစ်​၏​။