ဟေ​ရှာ​ယ 26:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ကိုယ်တော်​သည် မြင့်ရာအရပ်​၌​နေ​သော​သူ​တို့​ကို နှိမ့်ချ​တော်မူ​၏​။ မြင့်မား​သော​မြို့​ကို နိမ့်ကျ​စေ​တော်မူ​၏​။ ထို​မြို့​ကို မြေကြီး​တိုင်အောင်​နိမ့်ကျ​စေ​တော်မူ​၏​။ မြေမှုန့်​တိုင်အောင်​ရောက်​စေ​တော်မူ​၏​။

Common Language Bible

⁵ ကိုယ်​တော်​သည်​မာန်​မာ​န​ကြီး​သူ​တို့​ကို ရှုတ်​ချ​တော်​မူ​ပြီး​လျှင်၊ သူ​တို့​နေ​ထိုင်​ရာ​ခိုင်​ခန့်​သည့်​မြို့​ကို ဖျက်​ဆီး​တော်​မူ​၍၊ မြို့​ရိုး​များ​ကို​ဖုတ်​ထဲ​သို့​ပြို​ကျ​စေ​တော်​မူ​လေ​ပြီ။

Garrad Bible

⁵ မြင့် ရာ အ ရပ်၌ နေ ထိုင် သူ တို့ ကို နှိမ့် ချ တော် မူ ပြီ။ မြင့် မြတ် သော မြို့ ကို မြေ မုန့် သို့ ရောက် သည့် တိုင် အောင် ဖြို ဖျက် လှဲ ချ တော် မူ သည် ဖြစ်၍၊ ဆင်း ရဲ နွမ်း ပါး သူ တို့ ခြေ နင်း နှိပ် ရာ ဖြစ် လေ ပြီ။

Judson Bible

⁵ မြင့်​သော​အ​ရပ်၌ နေ​သော​သူ​တို့​ကို ရှုတ်​ချ​တော်​မူ၏။ မြင့်​မြတ်​သော​မြို့​ကို ဖြို၍၊ မြေ​တိုင်​အောင် နှိမ့်​ချ​လျက် မြေ​မှုန့်​ထဲ​မှာ ထား​တော်​မူ၏။

ဟေ​ရှာ​ယ 26:5 Referencias Cruzadas

ဆာ​လံ 79:8

ယခင်​က​ဒုစရိုက်​များ​ကို အကျွန်ုပ်​တို့​အပေါ်​မှတ်​တော်​မ​မူ​ပါ​နှင့်​။ အကျွန်ုပ်​တို့​သည် အခြေအနေ အလွန်​နိမ့်ပါး​လျက်​ရှိ​သည်​ဖြစ်၍ ကိုယ်တော်​၏​သနားစုံမက်​ခြင်း​သည် အကျွန်ုပ်​တို့​ကို​ကြိုဆို​ရန် အလျင်အမြန်​ရောက်လာ​ပါစေသော​။

ဟေ​ရှာ​ယ 13:11

ဆိုးညစ်​သော​ကမ္ဘာကြီး​၊ ဆိုးယုတ်​သော​ဒုစရိုက်သမား​တို့​ကို ငါ​ဒဏ်ခတ်​မည်​။ မာနထောင်လွှား​သော​သူ​တို့​၏​မာန​ကို ငါ​ချုပ်ငြိမ်း​စေ​မည်​။ ကြမ်းကြုတ်​သော​သူ​တို့​၏​မာန​ကို ငါ​ချိုး​ပစ်​မည်​။

ဟေ​ရှာ​ယ 14:13

သင်​က “​ကောင်းကင်​သို့​ငါ​တက်​မည်​။ ဘုရားသခင်​၏​ကြယ်​တို့​အထက်​၌ ငါ့​ပလ္လင်​ကို​ငါ​တည်​မည်​။ မြောက်ဘက်​စွန်း​ရှိ တွေ့ဆုံစည်းဝေးရာ​တောင်​ပေါ်မှာ ငါ​ထိုင်​မည်​။

ဟေ​ရှာ​ယ 2:12

အကယ်စင်စစ် ကောင်းကင်​ဗိုလ်ခြေ​အရှင်​ထာဝရဘုရား​၌ နေ့ရက်​တစ်​ရက်​ရှိ​၏​။ ထို​နေ့ရက်​၌ မောက်မာ​ထောင်လွှား​သော​သူ​၊ ကိုယ့်ကိုယ်ကိုယ်​ချီးမြှောက်​သော​သူ​အပေါင်း​တို့​၏​မာန်စွယ်​ကို ချိုး​တော်မူ​မည်​။

ဟေ​ရှာ​ယ 24:10

ဖရိုဖရဲ​ဖြစ်​နေ​သော​မြို့​သည် ပြိုပျက်​လေ​ပြီ​။ လူ​တို့​မ​ဝင်​နိုင်​အောင် အိမ်​တိုင်း​ပိတ်​ထား​ကြ​ပြီ​။

ဟေ​ရှာ​ယ 25:2

အကယ်စင်စစ် ကိုယ်တော်​သည် မြို့​ကို​ကျောက်ပုံ​ဖြစ်စေ​၍ ခိုင်ခံ့​သော​မြို့​ကို ပြိုပျက်​ရာ​ဖြစ်စေ​၏​။ တစ်ပါးအမျိုးသား​တို့​၏​နန်းတော်​တည်​ရာ​မြို့​သည် မြို့​အဖြစ်​ရှိ​တော့​မည်​မ​ဟုတ်​။ မည်သည့်​အခါ​မျှ ပြန်လည်​တည်ဆောက်​တော့​မည်​မ​ဟုတ်​။

ဟေ​ရှာ​ယ 32:19

မိုးသီးကျ​၍ တောအုပ်​သည် ပြိုလဲ​သွား​မည်​။ မြို့​သည် မြေ​နှင့်​တစ်ညီတည်း​ပြိုကျပျက်စီးသွား​မည်​။

ဟေ​ရှာ​ယ 47:1

အို ဘေဘီလုံ​သမီး​ပျို​၊ မြေမှုန့်​ပေါ်တွင် ဆင်း​ထိုင်​လော့​။ အို ခါလဒဲ​သမီး​၊ ရာဇပလ္လင်​ပေါ်​မ​ဟုတ်​၊ မြေကြီး​ပေါ်တွင် ထိုင်​လော့​။ သင့်​ကို နူးညံ့​သိမ်မွေ့​သော​သူ​ဟု ခေါ်​တော့​မည်​မ​ဟုတ်​။

ယေ​ရ​မိ 51:37

ဘေဘီလုံ​ပြည်​သည် နေထိုင်​သူ​မ​ရှိ​ဘဲ အပျက်အစီးပုံကြီး​၊ ခွေးအ​တို့​ခိုအောင်း​ရာ​၊ ထိတ်လန့်စရာ​၊ ကဲ့ရဲ့စရာ ဖြစ်​မည်​။

ယေ​ရ​မိ 51:64

‘ငါ​သည် ထို​မြို့​ပေါ်သို့ ဘေးအန္တရာယ်​ကျရောက်​စေ​မည်​ဖြစ်၍ ထို​စာလိပ်​ကဲ့သို့ ဘေဘီလုံ​မြို့​သည် နစ်မြုပ်​ရ​လိမ့်မည်​။ ပြန်ပေါ်လာ​တော့​မည်​မ​ဟုတ်​။ သူ​တို့​သည် အားအင်​ကုန်ခန်း​ကြ​လိမ့်မည်​’​ဟူ၍ သင်​ဆို​ရ​မည်​”​ဟု မှာကြား​လေ​၏​။ ဤတွင် ယေရမိ​စကား ပြီးဆုံး​သတည်း​။

မြည်​တမ်း​စ​ကား 2:2

ဘုရားရှင်​သည် ယာကုပ်​အမျိုး​၏​နေရာ​ရှိသမျှ​ကို မ​ညှာ​မ​တာ​ဝါးမျို​တော်မူ​ပြီ​။ ယုဒ​သမီးပျို​၏​ခံတပ်​များ​ကို အမျက်​တော်​ဖြင့် ဖြိုဖျက်​တော်မူ​ပြီ​။ မြေ​တိုင်အောင် ရောက်​စေ​တော်မူ​ပြီ​။ နိုင်ငံ​နှင့်​အကြီးအကဲ​တို့​ကို​လည်း ရှုတ်ချ​တော်မူ​ပြီ​။

ယေ​ဇ​ကျေ​လ 26:11

လမ်း​ရှိသမျှ​သည် မြင်းခွာရာ​များ ထပ်​နေ​လိမ့်မည်​။ သင်​၏​လူ​များ​ကို ဓား​ဖြင့်​သတ်​လိမ့်မည်​။ ခိုင်ခံ့​သော​ကျောက်တိုင်​များ​လည်း မြေ​ပေါ်​လဲကျ​ရ​လိမ့်မည်​။

ယေ​ဇ​ကျေ​လ 28:17

သင့်​အလှ​ကြောင့် သင်​ဘဝင်မြင့်​လေ​ပြီ​။ သင့်​ခန့်ညားထည်ဝါမှု​ကြောင့် ပညာမဲ့​ဖြစ်​လေ​ပြီ​။ ငါ​သည် သင့်​ကို​မြေ​ပေါ်သို့​ပစ်ချ​မည်​။ ရှင်ဘုရင်​တို့​သည် သင့်​ကို​ကြည့်​၍ လှောင်ပြောင်​ကြ​လိမ့်မည်​။

ဗျာ​ဒိတ် 18:2

သူ​သည် ကျယ်လောင်​သော​အသံ​ဖြင့်​ကြွေးကြော်​လျက် “ဘေဘီလုံ​မြို့​ကြီး​သည် ပြိုလဲ​ပြီ၊ ပြိုလဲ​ပြီ။ ၎င်း​သည် နတ်ဆိုး​တို့​နေထိုင်​ရာ​အရပ်၊ ညစ်ညူး​သော​နတ်​အပေါင်း​တို့​၏​ခိုအောင်း​ရာ​အရပ်၊ ညစ်ညူး​သော​ငှက်​အမျိုးမျိုး​တို့​၏​ခိုအောင်း​ရာ​အရပ်​နှင့် ညစ်ညူး​၍​ရွံရှာ​ဖွယ်​ကောင်း​သော​သတ္တဝါ​အပေါင်း​တို့​၏​ခိုအောင်း​ရာ​အရပ် ဖြစ်​လေ​ပြီ။