ဟေ​ရှာ​ယ 26:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ သေ​သော​သူ​တို့​သည် ပြန်​မ​ရှင်​။ သေသောသူ​တို့​၏​ဝိညာဉ်​သည် မ​ထမြောက်​။ အကြောင်းမူကား ကိုယ်တော်​သည် သူ​တို့​ကို​အပြစ်ဒဏ်​ပေး​၍ ဖျက်ဆီး​တော်မူ​၏​။ သူ​တို့​နှင့်ဆိုင်သည့်​အမှတ်တရ​အားလုံး​ကို ဖယ်ရှား​တော်မူ​၏​။

Common Language Bible

¹⁴ ထို​သူ​တို့​သည်​ယ​ခု​အ​ခါ​ကွယ်​လွန်​သွား ကြ​ပါ​ပြီ။ တစ်​ဖန်​ပြန်​၍​အ​သက်​ရှင်​ကြ​တော့​မည်​မ​ဟုတ်​ပါ။ ကိုယ်​တော်​ရှင်​သည်​သူ​တို့​အား​အ​ပြစ်​ဒဏ်​ခတ်​၍၊ သုတ်​သင်​ပယ်​ရှင်း​တော်​မူ​လိုက်​ပြီ​ဖြစ်​သ​ဖြင့်၊ သူ​တို့​၏​ဝိညာဉ်​များ​သည်​လည်း​သင်္ချိုင်း​ထဲ​မှ ထ​ကြ​လိမ့်​မည်​မ​ဟုတ်​ပါ။ သူ​တို့​အား​အ​ဘယ်​သူ​မျှ​လည်း သ​တိ​မ​ရ​ကြ​တော့​ပါ။

Garrad Bible

¹⁴ ထို လူ သေ တို့ သည် ရှင် ပြန် ခြင်း၊ သင်္ချိုင်း သား တို့ သည် ထ မြောက် ခြင်း မ ခံ ရ သည် နှင့် အ ညီ၊ အ မှတ် မျှ ပင် မ ရ သည့် တိုင် အောင်၊ ထို သူ တို့ ကို စီ ရင် ဖျက် ဆီး တော် မူ လေ ပြီ။

Judson Bible

¹⁴ ထို​သ​ခင်​တို့​သည် သေ​ကြ​ပါ​ပြီ။ တစ်​ဖန် အ​သက်​မ​ရှင်​ရ​ကြ​ပါ။ သင်္ချိုင်း​သား​ဖြစ်၍ ထ​မြောက်​ခြင်း မ​ရှိ​ရ​ကြ​ပါ။ သူ​တို့​ကို ကြည့်​ရှု​ဖျက်​ဆီး၍၊ သူ​တို့၏​အ​မှတ်​မျှ မ​ရှိ​စေ​ခြင်း​ငှာ ပယ်​ရှင်း​တော်​မူ​ပြီ။

ဟေ​ရှာ​ယ 26:14 Referencias Cruzadas

ယောဘဝတ္တု။ 18:17

မြေကြီး​ပေါ်တွင် သူ့​ကို​အမှတ်ရစရာ​မကျန်​။ လမ်း​ပေါ်တွင် သူ့​နာမည်​ကျန်​တော့​မည်​မ​ဟုတ်​။

ယောဘဝတ္တု။ 24:20

သူ့​မိခင်​သည်​ပင် သူ့​ကို မေ့လျော့​ပြီး လောက်ကောင်​များ​သည် သူ့​အသား​ကို မြိန်ရှက်​စွာ​စားသောက်​သွား​သဖြင့် သူ့​ကို သတိရ​ကြ​တော့​မည်​မ​ဟုတ်​။ မတရား​သော​သူ​သည် သစ်ပင်​ကဲ့သို့ ကျိုးပဲ့​သွား​ရ​လိမ့်မည်​။

ယောဘဝတ္တု။ 7:9

လေလွင့်​ပျောက်ကွယ်​သွား​တတ်​သော​မိုးတိမ်​ကဲ့သို့ မရဏာနိုင်ငံ​သို့​ဆင်းသွား​သော​သူ​လည်း ပြန်တက်လာ​နိုင်​မည်​မ​ဟုတ်​။

ဆာ​လံ 106:28

တစ်ဖန် သူ​တို့​သည် ဗာလပေဂုရ​ဘုရား​ကို မှီဝဲဆည်းကပ်​၍ လူသေ​တို့​အား​ပူဇော်​သော​ယဇ်​ကို စား​ကြ​၏​။

ဆာ​လံ 109:13

သူ​၏​နောင်လာနောက်သား​သည် မျိုးပြတ်​သွား​ပါစေ​။ ထို​နောင်လာနောက်သား​တို့​၏​နာမည်​သည် နောက်​မျိုးဆက်​၌​ပင်လျှင် ပယ်ဖျက်​ခြင်း​ခံ​ကြ​ရ​ပါစေ​။

ဆာ​လံ 135:17

နား​ရှိ​သော်လည်း မ​ကြား​နိုင်​ကြ​။ ၎င်း​တို့​၏​ပါးစပ်​၌​လည်း ထွက်သက်ဝင်သက်​မ​ရှိ​။

ဆာ​လံ 36:12

ကြည့်​လော့​။ အပြစ်ဒုစရိုက်​ပြု​သော​သူ​တို့​သည် လဲကျ​သွား​ကြ​ပြီ​။ သူ​တို့​သည် တွန်းချ​ခံရ​၍ ပြန်​မ​ထ​နိုင်​ကြ​ပါ​။

ဆာ​လံ 59:5

ကောင်းကင်​ဗိုလ်ခြေ​အရှင် ဘုရားသခင်​ထာဝရဘုရား​၊ ကိုယ်တော်​သည် အစ္စရေး​လူမျိုး​၏​ဘုရားသခင်​ဖြစ်​ပါ​၏​။ လူမျိုး​အပေါင်း​တို့​ကို​ဒဏ်ခတ်​ရန် ထ​တော်မူ​ပါ​။ သစ္စာမဲ့​သော​ယုတ်ညံ့​သူ​တစ်စုံတစ်ဦး​ကို​မျှ သနား​တော်​မ​မူ​ပါ​နှင့်​။(​စေလာ)

ဆာ​လံ 9:6

ရန်သူ​တို့​သည် ထာဝရ​ပျက်စီး​ခြင်း​ထဲ၌ ပျက်စီး​ကုန်ဆုံး​ကြ​ပါ​ပြီ​။ မြို့​တို့​ကို​ဖြိုဖျက်​တော်မူ​သဖြင့် ၎င်း​တို့​နှင့်​ပတ်သက်​သည့်​အောက်မေ့စရာ​သည် ပျောက်ကွယ်​သွား​ပါ​ပြီ​။

ထွက်​မြောက် 14:30

ဤသို့ဖြင့် ထာဝရဘုရား​သည် ထို​နေ့​၌ အစ္စရေး​လူမျိုး​တို့​ကို အီဂျစ်​လူမျိုး​တို့​လက်​မှ ကယ်တင်​တော်မူ​၏​။ အီဂျစ်​လူမျိုး​တို့​မူကား ပင်လယ်​ကမ်းစပ်​၌ အတုံးအရုံး​လဲသေ​နေ​သည်​ကို အစ္စရေး​လူမျိုး​တို့ တွေ့မြင်​ရ​လေ​၏​။

သုတ္တံကျမ်း။ 10:7

ဖြောင့်မတ်​သော​သူ​နှင့်ဆိုင်သော​အောက်မေ့စရာ​သည် ကောင်းချီးမင်္ဂလာ​ဖြစ်​၏​။ ဆိုးယုတ်​သော​သူ​၏​အမည်​မူကား ပျောက်ပျက်​သွား​လိမ့်မည်​။

ဒေသနာကျမ်း။ 9:5

အကြောင်းမူကား အသက်ရှင်​သော​သူ​တို့​သည် မိမိ​တို့​သေ​ရ​မည်​ကို သိ​ကြ​၏​။ သေ​သော​သူ​တို့​မူကား မည်သည့်​အရာ​ကို​မျှ​မ​သိ​ကြ​။ သူ​တို့​နှင့်ဆိုင်သော​အောက်မေ့စရာ​များ​ပင်လျှင် မေ့လျော့​ခြင်း​ခံရ​သည်​ဖြစ်၍ သူ​တို့​အတွက် ဆုလာဘ်​လည်း နောက်ထပ်​မ​ရှိ​တော့​ပေ​။

ဟေ​ရှာ​ယ 10:3

စစ်ကြောစီရင်​ရာ​နေ့​၊ ဝေး​သော​အရပ်​မှ​ဖျက်ဆီး​ခြင်း​ဘေး ရောက်လာ​သော​နေ့​၌ သင်​တို့​မည်သို့​ပြု​ကြ​မည်နည်း​။ မည်သူ့​ထံ​ပြေး​၍ အကူအညီ​တောင်း​ကြ​မည်နည်း​။ သင်​တို့​၏​စည်းစိမ်ဥစ္စာ​များ​ကို မည်သည့်​နေရာ​၌​ထားခဲ့​ကြ​မည်နည်း​။

ဟေ​ရှာ​ယ 26:19

ကိုယ်တော်​၌ သေဆုံး​သော​သူ​တို့​သည် ပြန်ရှင်​ကြ​မည်​။ ငါ​နှင့်​သက်ဆိုင်သော​အသေကောင်​သည် ထမြောက်​မည်​။ မြေမှုန့်သား​တို့​၊ နိုး​လော့​။ ရွှင်လန်း​စွာ​သီချင်းဆို​ကြ​လော့​။ အကြောင်းမူကား ကိုယ်တော်​၏​နှင်း​သည် နံနက်ခင်း​နှင်း​ကဲ့သို့​ဖြစ်​၏​။ မြေကြီး​သည် သေသူ၏ဝိညာဉ်​ကို မွေးဖွား​စေ​လိမ့်မည်​။

ဟေ​ရှာ​ယ 29:6

ကောင်းကင်​ဗိုလ်ခြေ​အရှင်​ထာဝရဘုရား​သည် မိုးချုန်း​ခြင်း​၊ ငလျင်လှုပ်​၍​အသံ​မြည်ဟည်းခြင်း​၊ လေပွေ​နှင့်​မုန်တိုင်း​တိုက်ခတ်​ခြင်း​၊ မီးတောက်​မီးလျှံ​လောင်ကျွမ်း​ခြင်း​တို့​ဖြင့် သင့်​ကို ဒဏ်ခတ်​မည်​။

ဟေ​ရှာ​ယ 37:19

သူ​တို့​၏​ဘုရား​များ​ကို​လည်း မီး​ထဲသို့​လွှင့်ပစ်​ကြ​ပြီ​။ ထို​ဘုရား​တို့​သည် ဘုရား​မ​ဟုတ်​၊ လူ့​လက်​ဖြင့်​လုပ်​သော သစ်သား​၊ ကျောက်​များ​သာ​ဖြစ်​သောကြောင့် ပျက်စီး​ကြ​လေ​ပြီ​။

ဟေ​ရှာ​ယ 8:19

“​တီးတိုး​ရွတ်ဆို​တတ်​သော နတ်ဝင်သည်​၊ နတ်ထိန်းသည်​တို့​ထံ မေးမြန်း​ကြ​လော့​”​ဟု လူ​တို့​က သင်​တို့​အား​ပြောလာ​လျှင် လူ​သည် မိမိ​ဘုရားသခင်​ကို​သာ မေးမြန်း​သင့်​သည်​မ​ဟုတ်​လော​။ အသက်ရှင်​သော​သူ​အတွက် သေ​သော​သူ​ကို မေးမြန်း​သင့်​သလော​။

မဿဲ 2:20

“ထ​လော့။ သူငယ်​တော်​နှင့်​မယ်တော်​တို့​ကို​ခေါ်​၍ အစ္စရေး​ပြည်​သို့​ပြန်​သွား​လော့။ အကြောင်းမူကား သူငယ်​တော်​၏​အသက်​ကို ရန်ရှာ​ခဲ့​သော​သူ​တို့​သည် သေဆုံး​ကြ​လေ​ပြီ”​ဟု မြွက်ဆို​၏။

တ​ရား​ဟော 4:28

သင်​တို့​သည် ထို​အရပ်​၌ လူ့​လက်​ဖြင့်​လုပ်​၍ မ​မြင်​နိုင်​၊ မ​ကြား​နိုင်​၊ မ​စား​နိုင်​၊ အနံ့​မ​ရ​နိုင်​သော သစ်သား​ဘုရား​၊ ကျောက်​ဘုရား​တို့​ကို ဝတ်ပြု​ရ​လိမ့်မည်​။

ဗျာ​ဒိတ် 20:5

အခြား​သော​သေလွန်​သူ​တို့​သည် အနှစ်​တစ်ထောင်​ကုန်ဆုံး​သည်​အထိ အသက်​ပြန်​မ​ရှင်​ကြ​ပေ။ ဤ​သည်​ကား ပထမ​ရှင်ပြန်​ထမြောက်​ခြင်း​ဖြစ်​၏။