ဟေ​ရှာ​ယ 25:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထို​ပြည်​၏​မြင့်မား​သော​ခံတပ်​မြို့ရိုး​ကို နှိမ့်ချ​ဖြိုလှဲ​တော်မူ​မည်​။ မြေ​တိုင်အောင်​၊ မြေမှုန့်​တိုင်အောင် ရောက်​စေ​တော်မူ​မည်​။

Common Language Bible

¹² ဘု​ရား​သ​ခင်​သည်​မြင့်​မား​သည့်​မော​ဘ​မြို့ ရိုး၊ ခံ​တပ်​များ​ကို​ဖျက်​ဆီး​ကာ​ဖုတ်​ထဲ​သို့ ပြို​ကျ​စေ​တော်​မူ​လိမ့်​မည်။

Garrad Bible

¹² သင် ၏ မြင့် သော ခံ တပ် မြို့ ရိုး များ ကို၊ မြေ မုန့် သို့ ရောက် သည့် တိုင် အောင်၊ ဖြို ဖျက် လှဲ ချ တော် မူ လိမ့် မည်။

Judson Bible

¹² သင်​တို့၏ မြို့​ရိုး​ပြ​အိုး အ​ထွတ်​ကို​ဖြို၍၊ မြေ​တိုင်​အောင် နှိမ့်​သ​ဖြင့်၊ မြေ​မှုန့်​ထဲ​မှာ ချ​တော်​မူ​လိမ့်​မည်။

ဟေ​ရှာ​ယ 25:12 Referencias Cruzadas

ဟေ​ရှာ​ယ 14:23

တစ်ဖန် ကောင်းကင်​ဗိုလ်ခြေ​အရှင်​ထာဝရဘုရား​က “​ငါ​သည် ထို​မြို့​ကို ဖြူကောင်​နေရာ​အရပ်​၊ ရေအိုင်ထွန်း​ရာ​အရပ်​ဖြစ်စေ​မည်​။ ဖျက်ဆီး​ခြင်း​တံမြက်စည်း​ဖြင့် လှည်းကျင်း​မည်​”​ဟု မိန့်​တော်မူ​၏​။

ဟေ​ရှာ​ယ 15:1

မောဘ​ပြည်​နှင့်ဆိုင်သော​ဗျာဒိတ်​တော်​။ မောဘ​ပြည်​၊ အာရ​မြို့​သည် ညတွင်းချင်း​ဖျက်ဆီး​ခြင်း​ခံရ​သဖြင့် ပျက်စီး​လေ​ပြီ​။ မောဘ​ပြည်​၊ ကိရ​မြို့​သည် ညတွင်းချင်း​ဖျက်ဆီး​ခြင်း​ခံရ​သဖြင့် ပျက်စီး​လေ​ပြီ​။

ဟေ​ရှာ​ယ 2:15

မြင့်မား​သော​မျှော်စင်​၊ ခိုင်ခံ့​သော​မြို့ရိုး​၊

ဟေ​ရှာ​ယ 25:2

အကယ်စင်စစ် ကိုယ်တော်​သည် မြို့​ကို​ကျောက်ပုံ​ဖြစ်စေ​၍ ခိုင်ခံ့​သော​မြို့​ကို ပြိုပျက်​ရာ​ဖြစ်စေ​၏​။ တစ်ပါးအမျိုးသား​တို့​၏​နန်းတော်​တည်​ရာ​မြို့​သည် မြို့​အဖြစ်​ရှိ​တော့​မည်​မ​ဟုတ်​။ မည်သည့်​အခါ​မျှ ပြန်လည်​တည်ဆောက်​တော့​မည်​မ​ဟုတ်​။

ဟေ​ရှာ​ယ 26:5

ကိုယ်တော်​သည် မြင့်ရာအရပ်​၌​နေ​သော​သူ​တို့​ကို နှိမ့်ချ​တော်မူ​၏​။ မြင့်မား​သော​မြို့​ကို နိမ့်ကျ​စေ​တော်မူ​၏​။ ထို​မြို့​ကို မြေကြီး​တိုင်အောင်​နိမ့်ကျ​စေ​တော်မူ​၏​။ မြေမှုန့်​တိုင်အောင်​ရောက်​စေ​တော်မူ​၏​။

ယေ​ရ​မိ 48:1

မောဘ​ပြည်​နှင့်​ပတ်သက်၍ အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က “​နေဗော​မြို့​သည် အမင်္ဂလာ​ရှိ​၏​၊ ဖျက်ဆီး​ခံရ​ပြီ​။ ကိရယသိမ်​မြို့​သည် အရှက်ကွဲ​ပြီ​၊ သိမ်းပိုက်​ခံရ​ပြီ​။ ခံတပ်​မြို့​သည် အရှက်ကွဲ​ပြီ​၊ ပြိုကွဲ​ပြီ​။

ယေ​ရ​မိ 51:58

ကောင်းကင်​ဗိုလ်ခြေ​အရှင်​ထာဝရဘုရား​က “​ထုထည်​ကြီးမား​သော ဘေဘီလုံ​မြို့ရိုး​သည် လုံးလုံး​ဖြိုဖျက်​ခြင်း​ခံရ​လိမ့်မည်​။ မြင့်မား​သော​မြို့​တံခါး​တို့​သည်​လည်း မီး​ရှို့​ခံရ​လိမ့်မည်​။ လူ​တို့​သည် အချည်းနှီး​ကြိုးစား​အားထုတ်​ခဲ့​ကြ​ပြီ​။ လူမျိုးတကာ​တို့ ပင်ပန်း​ခဲ့​သမျှ မီးစာ​ဖြစ်သွား​ပြီ​”​ဟု မိန့်​တော်မူ​၏​။

ယေ​ရ​မိ 51:64

‘ငါ​သည် ထို​မြို့​ပေါ်သို့ ဘေးအန္တရာယ်​ကျရောက်​စေ​မည်​ဖြစ်၍ ထို​စာလိပ်​ကဲ့သို့ ဘေဘီလုံ​မြို့​သည် နစ်မြုပ်​ရ​လိမ့်မည်​။ ပြန်ပေါ်လာ​တော့​မည်​မ​ဟုတ်​။ သူ​တို့​သည် အားအင်​ကုန်ခန်း​ကြ​လိမ့်မည်​’​ဟူ၍ သင်​ဆို​ရ​မည်​”​ဟု မှာကြား​လေ​၏​။ ဤတွင် ယေရမိ​စကား ပြီးဆုံး​သတည်း​။

မြည်​တမ်း​စ​ကား 2:2

ဘုရားရှင်​သည် ယာကုပ်​အမျိုး​၏​နေရာ​ရှိသမျှ​ကို မ​ညှာ​မ​တာ​ဝါးမျို​တော်မူ​ပြီ​။ ယုဒ​သမီးပျို​၏​ခံတပ်​များ​ကို အမျက်​တော်​ဖြင့် ဖြိုဖျက်​တော်မူ​ပြီ​။ မြေ​တိုင်အောင် ရောက်​စေ​တော်မူ​ပြီ​။ နိုင်ငံ​နှင့်​အကြီးအကဲ​တို့​ကို​လည်း ရှုတ်ချ​တော်မူ​ပြီ​။

ယေ​ဇ​ကျေ​လ 28:17

သင့်​အလှ​ကြောင့် သင်​ဘဝင်မြင့်​လေ​ပြီ​။ သင့်​ခန့်ညားထည်ဝါမှု​ကြောင့် ပညာမဲ့​ဖြစ်​လေ​ပြီ​။ ငါ​သည် သင့်​ကို​မြေ​ပေါ်သို့​ပစ်ချ​မည်​။ ရှင်ဘုရင်​တို့​သည် သင့်​ကို​ကြည့်​၍ လှောင်ပြောင်​ကြ​လိမ့်မည်​။

ဟေ​ဗြဲ 11:30

ယုံကြည်​ခြင်း​အားဖြင့် ဂျေရိခေါ​မြို့​ကို ခုနစ်​ရက်​တိုင်တိုင် ဝိုင်းရံ​လှည့်ပတ်​ကြ​ရာ မြို့ရိုး​သည်​ပြိုကျ​လေ​၏။

ဗျာ​ဒိတ် 18:21

ထို့နောက် ခွန်အား​ကြီး​သော​ကောင်းကင်​တမန်​တစ်​ပါး​သည် ကြီးမား​သည့်​ကြိတ်ဆုံ​ကဲ့သို့သော​ကျောက်တုံး​တစ်​တုံး​ကို​ချီယူ​၍ ပင်လယ်​ထဲသို့​ပစ်ချ​ကာ “ဘေဘီလုံ​မြို့​ကြီး​သည် ဤကဲ့သို့ ကြမ်းတမ်း​စွာ​ပစ်ချ​ခြင်း​ကို​ခံရ​၍ လုံးဝ​တွေ့​ရ​တော့​မည်​မ​ဟုတ်။