ဟေ​ရှာ​ယ 22:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထို​နေ့ရက်​၌ ငိုကြွေး​မြည်တမ်း​ကြ​ရန်​နှင့် ခေါင်းတုံးတုံး​ပြီး လျှော်တေအဝတ်​ဝတ်​ကြ​ရန်​အတွက် ကောင်းကင်​ဗိုလ်ခြေ​အရှင်သခင်​ထာဝရဘုရား နှိုးဆော်​တော်မူ​၏​။

Common Language Bible

¹² ထို​စဉ်​အ​ခါ​က​အ​နန္တ​တန်​ခိုး​ရှင်​ထာ​ဝ​ရ ဘု​ရား​သည် သင့်​အား​ငို​ကြွေး​၍၊ ဝမ်းနည်း​သည့် အ​မှတ်​လက္ခ​ဏာ​ပြ​ရန်​နှင့်​ခေါင်း​တုံး​ရိတ်​၍ လျှော်​တေ​ကို​ဝတ်​ရန်​စေ​ခိုင်း​တော်​မူ​ခဲ့​၏။-

Garrad Bible

¹² ထို ကာ လ၊ ငို ကြွေး မြည် တမ်း ခြင်း၊ ဆံ ပယ် ခြင်း၊ လျှော် တေ ဝတ် ခြင်း များ ကို၊ ဗိုလ် ခြေ တို့ အ ရှင် ထာ ဝ ရ ဘုရား သ ခင် အ လို တော် ရှိ တော် မူ သော် လည်း၊

Judson Bible

¹² ထို​ကာ​လ၌ ငို​ကြွေး​မြည်​တမ်း​ခြင်း၊ ဆံ​ပင်​ကို ပယ်​ဖြတ်​ခြင်း၊ လျှော်​တေ​အ​ဝတ်​ကို ဝတ်​စည်း​ခြင်း​အ​လို​ငှာ၊ ကောင်း​ကင်​ဗိုလ်​ခြေ​သ​ခင် အ​ရှင်​ထာ​ဝ​ရ​ဘု​ရား​သည် နှိုး​ဆော်​တိုက်​တွန်း​တော်​မူ​သော်​လည်း၊

ဟေ​ရှာ​ယ 22:12 Referencias Cruzadas

၂ ရာ​ချုပ် 35:25

ယေရမိ​သည် ယောရှိ​မင်းကြီး​အတွက် ငိုချင်း​ကို ဖွဲ့​ခဲ့​၏​။ သီချင်းသည်​ယောက်ျား​မိန်းမ​အပေါင်း​တို့​သည်​လည်း ယောရှိ​မင်းကြီး​အတွက် ငိုချင်း​များ​ကို ယနေ့​တိုင် သီဆို​နေ​ကြ​၏​။ ထို​ငိုချင်း​တို့​ကို အစ္စရေး​ပြည်​၏​ဓလေ့ထုံးတမ်း​တစ်​ခု​အဖြစ်​ထားရှိ​ပြီး မြည်တမ်းစာ​၌​ရေးမှတ်​ထား​ကြ​၏​။

ဧ​ဇ​ရ 9:3

ထို​အကြောင်း​ကို​ကြား​လျှင် ငါ​သည် အတွင်းအင်္ကျီ​၊ အပြင်​ဝတ်လုံ​ကို​ဆွဲဆုတ်​ပြီး ဆံပင်​၊ မုတ်ဆိတ်​တို့​ကို ဆွဲနုတ်​ကာ လက်မှိုင်ချ​လျက်​ထိုင်​နေ​မိ​၏​။

နေ​ဟ​မိ 9:9

အီဂျစ်​ပြည်​တွင် အကျွန်ုပ်​တို့​၏​ဘိုးဘေး​များ ဖိစီးနှိပ်စက်မှု​ခံရ​သည်​ကို ကိုယ်တော်​သိမြင်​တော်မူ​ပါ​၏​။ ဧဒုံ​ပင်လယ်​နား​တွင် သူ​တို့​၏​အော်ဟစ်သံ​ကို ကိုယ်တော်​ကြား​တော်မူ​ပါ​၏​။

ယောဘဝတ္တု။ 1:20

ထိုအခါ ယောဘ​သည် ထ​၍ ဝတ်လုံ​ကို​ဆုတ်​လေ​၏​။ ဆံပင်​ကို​လည်း​ရိတ်​ပြီး မြေ​ပေါ်တွင် ပျပ်ဝပ်​ကိုးကွယ်​လျက်

ဒေသနာကျမ်း။ 3:11

ကိုယ်တော်​သည် ခပ်သိမ်း​သော​အရာ​တို့​ကို သူ့​အချိန်​နှင့်​သူ​လှပ​အောင်​ပြင်ဆင်​တော်မူ​ပြီး လူ​၏​စိတ်နှလုံး​ထဲ၌ ထာဝရ​ကာလ​ကို​လည်း ထည့်သွင်း​ထား​တော်မူ​၏​။ သို့သော် အစ​မှ​အဆုံး​အထိ​ဘုရားသခင်​ပြု​တော်မူ​သော​အမှု​ကို လူ​သည် ရှာဖွေ​၍​မ​တွေ့​နိုင်​။

ဒေသနာကျမ်း။ 3:4

ငိုကြွေး​ရ​သော​အချိန်​နှင့် ရယ်မော​ရ​သော​အချိန်​ရှိ​၏​။ မြည်တမ်း​ရ​သော​အချိန်​နှင့် ကခုန်​ရ​သော​အချိန်​ရှိ​၏​။

ဟေ​ရှာ​ယ 15:2

မောဘ​ပြည်သား​တို့​သည် မြင့်ရာအရပ်​ရှိ အိမ်​တော်​သို့​၊ ဒိဘုန်​မြို့​သို့ တက်သွား​၍ ငိုကြွေး​ကြ​ပြီ​။ နေဗော​မြို့​၊ မေဒဘ​မြို့​အတွက် ညည်းတွားငိုကြွေး​ကြ​ပြီ​။ သူ​တို့​အားလုံး ခေါင်းတုံးတုံး​ကြ​၏​။ မုတ်ဆိတ်​ရိတ်​ကြ​၏​။

ဟေ​ရှာ​ယ 26:10

ဆိုးယုတ်​သော​သူ​သည် သနား​ခြင်း​ကို​ခံရ​သော်လည်း ဖြောင့်မတ်​ခြင်း​တရား​ကို မ​သင်ယူ​။ သူ​သည် တရား​သော​ပြည်​၌ မတရား​သဖြင့်​ပြု​လျက် ထာဝရဘုရား​၏​ဘုန်းတန်ခိုး​တော်​ကို မ​မြင်​။

ဟေ​ရှာ​ယ 29:1

အရေလ​မြို့​၊ အရေလ​မြို့​၊ ဒါဝိဒ်​မင်းကြီး​စခန်းချ​ရာ​မြို့​သည် အမင်္ဂလာ​ရှိ​၏​။ တစ်​နှစ်​ပြီး​တစ်​နှစ် ထပ်၍​ထပ်၍ ပွဲ​တို့​ကို အလှည့်ကျ​ကျင်းပ​ကြ​ပါစေ​ဦး​။

ဟေ​ရှာ​ယ 3:24

အမွှေးနံ့သာ​အစား အပုပ်နံ့​၊ ခါးစည်း​အစား ကြိုး​၊ ဆံထုံး​အစား ခေါင်းတုံး​၊ ဝတ်ကောင်းစားလှ​အစား လျှော်တေအဝတ်​၊ လှပတင့်တယ်​ခြင်း​အစား အမာရွတ် ဖြစ်​စေ​မည်​။

ဟေ​ရှာ​ယ 32:11

မိမိကိုယ်မိမိ အားရကျေနပ်​နေ​သော​မိန်းမ​တို့​၊ ကြောက်ရွံ့တုန်လှုပ်​ကြ​လော့​။ မိမိကိုယ်မိမိ ယုံကြည်စိတ်ချ​နေ​သော​သူ​တို့​၊ ထိတ်လန့်တုန်လှုပ်​ကြ​လော့​။ အဝတ်​ချွတ်​၍ ကိုယ်ဗလာကျင်း နေ​ကြ​လော့​။ ခါး​စည်း​ကြ​လော့​။

ဟေ​ရှာ​ယ 37:1

ဟေဇကိ​မင်းကြီး​သည် ထို​စကား​ကို​ကြား​လျှင် မိမိ​အဝတ်​ကို​ဆုတ်ဖြဲ​၍ လျှော်တေအဝတ်​ကို​ဝတ်​ပြီး ထာဝရဘုရား​၏​အိမ်​တော်​သို့ သွား​လေ​၏​။

ဟေ​ရှာ​ယ 37:2

မင်းကြီး​သည် လျှော်တေအဝတ်​ဝတ်​ထား​သည့် နန်းတော်အုပ်​ဧလျာကိမ်​၊ စာရေးတော်ကြီး​ရှေဗန​၊ အသက်ကြီး​သော​ယဇ်ပုရောဟိတ်​တို့​ကို အာမုတ်​၏​သား ပရောဖက်​ဟေရှာယ​ထံသို့ စေလွှတ်​၏​။

ဟေ​ရှာ​ယ 58:3

သူ​တို့​က “​အကျွန်ုပ်​တို့ အဘယ်ကြောင့် အစာရှောင်​ရ​မည်နည်း​။ အကျွန်ုပ်​တို့​အစာရှောင်​သည်​ကို ကိုယ်တော်​မြင်​တော်​မ​မူ​။ အကျွန်ုပ်​တို့ ကိုယ့်ကိုယ်ကိုယ် အဘယ်ကြောင့်​နှိမ့်ချ​ရ​မည်နည်း​။ အကျွန်ုပ်​တို့ ကိုယ့်ကိုယ်ကိုယ် နှိမ့်ချ​သည်​ကို ကိုယ်တော်​သိမှတ်​တော်​မ​မူ​”​ဟု ဆို​ကြ​၏​။ အကယ်စင်စစ် သင်​တို့​သည် အစာရှောင်​ရာ​နေ့​၌ ကိုယ့်​အလိုရှိ​ရာ​ကို ကိုယ်​လုပ်​ကြ​၏​။ အလုပ်သမား​များ​ကို အဓမ္မ​စေခိုင်း​ကြ​၏​။

ယေ​ရ​မိ 16:6

ထာဝရဘုရား​က “ဤ​ပြည်​ရှိ လူ​အယုတ်အမြတ်​၊ အကြီး​အငယ်​မ​ရွေး သေ​ကြ​ရ​မည်​။ သို့သော် သင်္ဂြိုဟ်​ခံရ​မည်​မ​ဟုတ်​။ သူ​တို့​အတွက် ငိုကြွေးမြည်တမ်း​မည့်​သူ​၊ ကိုယ့်​အသား​ကို ကိုယ်​မွှမ်း​မည့်​သူ​၊ ခေါင်းတုံးတုံး​မည့်​သူ ရှိ​မည်​မ​ဟုတ်​။

ယေ​ရ​မိ 16:8

ထို့အတူ စားသောက်ပွဲခံရာ​အိမ်​သို့ မ​ဝင်​နှင့်​။ သူ​တို့​နှင့်အတူ ထိုင်​၍​မ​စား​မ​သောက်​နှင့်”​ဟု မိန့်​တော်မူ​၏​။

ယေ​ရ​မိ 4:8

ထို့ကြောင့် လျှော်တေအဝတ်​ကို​ဝတ်​၍ ငိုကြွေး​မြည်တမ်း​ကြ​လော့​။ အကြောင်းမူကား ထာဝရဘုရား​၏​ပြင်းထန်​သော​အမျက်​တော်​သည် ငါ​တို့​ထံမှ ပြန်လှည့်​မ​သွား​သေး​ပေ​။

ယေ​ရ​မိ 7:29

သင်​တို့​၏​ဆံပင်​ကို​ရိတ်​၍ လွှင့်ပစ်​လော့​။ တောင်ကတုံး​များ​ပေါ်၌ မြည်တမ်း​ခြင်း​ပြု​ကြ​လော့​။ အကြောင်းမူကား ထာဝရဘုရား​သည် အမျက်​တော်​ခံထိုက်​သော​မျိုးဆက်​ကို ပယ်​တော်မူ​ပြီ​၊ စွန့်ပစ်​တော်မူ​ပြီ’​ဟူ၍ ပြောကြား​ရ​မည်”​ဟု မိန့်​တော်မူ​၏​။

ယေ​ဇ​ကျေ​လ 27:31

ခေါင်းတုံးတုံး​၍ လျှော်တေအဝတ်​ကို ဝတ်​ကြ​လေ​ပြီ​။ ခါးခါးသီးသီး​ငိုကြွေး​မြည်တမ်း​ကြ​လေ​ပြီ​။

ဒံ​ယေ​လ 5:1

ဗေလရှာဇာ​မင်းကြီး​သည် မှူးမတ်​တစ်ထောင်​အတွက် စားသောက်ပွဲ​ကြီး​ကို ကျင်းပ​၍ သူ​တို့​နှင့်အတူ စပျစ်ဝိုင်​ကို သောက်​လျက်​နေ​၏​။

ဟော​ရှေ 9:1

အို အစ္စရေး​၊ လူမျိုးခြား​တို့​ကဲ့သို့ မ​ရွှင်လန်း​၊ မ​ဝမ်းမြောက်​နှင့်​။ သင်​တို့​သည် ဖောက်ပြန်မှားယွင်း​ကြ​ပြီ​။ ဘုရားသခင်​ကို စွန့်ပစ်​ကြ​ပြီ​။ ကောက်နယ်တလင်း​ရှိသမျှ​တို့​တွင် ပြည့်တန်ဆာ​လုပ်​၍​ရ​သော​အခ​ကို နှစ်သက်​လေ​ပြီ​။

ယော​လ 1:13

အို ယဇ်ပုရောဟိတ်​တို့​၊ လျှော်တေအဝတ်​ကို​ဝတ်​၍ မြည်တမ်း​ကြ​လော့​။ ယဇ်ပလ္လင်​၏​အမှုထမ်း​တို့​၊ ညည်းတွား​ကြ​လော့​။ ငါ​၏​ဘုရားသခင်​အမှု​တော်​ကို​ထမ်းဆောင်​သော​သူ​တို့​၊ လာ​ကြ​။ တစ်ညလုံး လျှော်တေအဝတ်​ကို​ဝတ်အိပ်​ကြ​လော့​။ အကြောင်းမူကား သင်​တို့​ဘုရားသခင်​၏​အိမ်​တော်​တွင် ဘောဇဉ်ပူဇော်သက္ကာ​၊ သွန်းလောင်းရာပူဇော်သက္ကာ​တို့ ကုန်ခန်း​လေ​ပြီ​။

ယော​လ 1:8

လျှော်တေအဝတ်​ကို​ဝတ်​ပြီး ခင်ပွန်းလောင်း​အတွက် ငိုကြွေးမြည်တမ်း​နေ​သော​အပျိုကညာ​ကဲ့သို့ ငိုကြွေးမြည်တမ်း​လော့​။

ယော​လ 2:12

ထာဝရဘုရား​က “​ယခုပင် ငါ့​ထံသို့ စိတ်နှလုံး​အကြွင်းမဲ့ ပြန်လာ​၍ အစာရှောင်​လျက် ငိုကြွေး​မြည်တမ်း​ကြ​လော့”​ဟု မိန့်​တော်မူ​၏​။

ယော​လ 2:17

ထာဝရဘုရား​၏​အမှု​တော်​ဆောင် ယဇ်ပုရောဟိတ်​တို့​သည် ဆင်ဝင်ပေါက်​နှင့်​ယဇ်ပလ္လင်​ကြား​တွင် ငိုကြွေး​လျက် “​အို ထာဝရဘုရား​၊ ကိုယ်တော်​၏​လူမျိုး​တော်​ကို သနား​တော်မူ​ပါ​။ ကိုယ်တော်​၏​အမွေ​တော်​ကို လူမျိုးခြား​တို့​အလယ်​တွင် ကဲ့ရဲ့စရာ​၊ ပုံခိုင်းစရာ​ဖြစ်​အောင် ပြု​တော်​မ​မူ​ပါ​နှင့်​။ လူမျိုးခြား​တို့​က ‘သူ​တို့​၏​ဘုရားသခင်​သည် အဘယ်မှာ​ရှိ​သနည်း’​ဟူ၍ လူမျိုးတကာ​၏​အလယ်​တွင် အဘယ်ကြောင့် ဆို​ရ​ပါ​မည်နည်း​”​ဟု လျှောက်​ကြ​စေ​။

အာ​မုတ် 8:10

ထို့ပြင် သင်​တို့​၏​ပျော်ပွဲ​များ​ကို ငိုပွဲ​များ ဖြစ်စေ​မည်​။ သင်​တို့​၏​သီချင်း​များ​ကို ငိုချင်း ဖြစ်စေ​မည်​။ သင်​တို့​အားလုံး​ကို လျှော်တေ​ဝတ်​စေ​၍ ခေါင်းတုံး ဖြစ်စေ​မည်​။ တစ်ဦးတည်း​သော​သား​အတွက် ငိုကြွေးမြည်တမ်း​ရ​သကဲ့သို့ ဖြစ်စေ​မည်​။ နိဂုံး​သည်​လည်း ခါးသီး​သော​နေ့ရက် ဖြစ်​လိမ့်မည်”​ဟု ဘုရားရှင်​ထာဝရဘုရား​မိန့်​တော်မူ​၏​။

ယော​န 3:6

နိနေဝေ​ဘုရင်​သည် ထို​အကြောင်း​ကို​ကြား​သောအခါ ရာဇပလ္လင်​ပေါ်မှ​ဆင်း​ပြီး မင်းဝတ်တန်ဆာ​ကို​ချွတ်​ကာ လျှော်တေအဝတ်​ကို​ခြုံ​၍ ပြာပုံ​တွင် ထိုင်​လေ​၏​။

မိက္ခာ 1:16

သင်​ချစ်မြတ်နိုး​သော​သားသမီး​တို့​သည် ဖမ်းခေါ်​သွား​ခြင်း​ခံရ​မည်​ဖြစ်​သောကြောင့် ဆံပင်ညှပ်​၍ ခေါင်းတုံးတုံး​လော့​။ လင်းယုန်ငှက်​ကဲ့သို့ သင့်​ခေါင်း​ကို ပြောင်​စေ​လော့​။

ယာ​ကုပ် 5:1

ချမ်းသာ​သော​သူ​တို့၊ ယခု​နားထောင်​ကြ​လော့။ သင်​တို့​အပေါ်​သက်ရောက်​လာ​မည့် ဒုက္ခ​ဆင်းရဲ​ခြင်း​များ​အတွက် အော်ဟစ်​ငိုကြွေး​ကြ​လော့။