ဟေ​ရှာ​ယ 2:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ထာဝရဘုရား​၏​ကြောက်မက်ဖွယ်​အမှု​နှင့် ဘုန်းတန်ခိုး​အရှိန်အဝါ​ရှေ့​မှ ပုန်းရှောင်​ရန် ကျောက်ဆောင်​ထဲသို့​ဝင်​၍ မြေကြီး​ထဲ၌​ပုန်း​နေ​ကြ​လော့​။

Common Language Bible

¹⁰ ထာ​ဝ​ရ​ဘု​ရား​၏​အ​မျက်​တော်၊ ကိုယ်​တော် ၏​တန်​ခိုး​တော်​နှင့်​ဘုန်း​အ​သ​ရေ​တော်​တို့​၏ အ​ရှိန်​အ​ဝါ​မှ​ကင်း​လွတ်​ကြ​စေ​ရန် သူ​တို့ သည်​ကျောက်​တောင်​လှိုဏ်​ဂူ​များ​၌​သော်​လည်း ကောင်း၊ မြေ​တွင်း​တူး​၍​သော်​လည်း​ကောင်း​ပုန်း အောင်း​နေ​ကြ​လိမ့်​မည်။-

Garrad Bible

¹⁰ ဘုန်း အာ နု ဘော် ကြီး၍ ကြောက် မက် ဖွယ် သော ထာ ဝ ရ ဘု ရား မျက် မှောက် တော် မှ၊ ကျောက် တောင်၌ ခို ဝင် ခြင်း၊ မြေ မုန့် တွင် ပုန်း အောင်း ခြင်း ပြု လော့။

Judson Bible

¹⁰ ထာ​ဝ​ရ​ဘု​ရား​သည် မြေ​ကြီး​ကို ခြောက်​လှန့်​အံ့​သော​ငှာ​ထ​တော်​မူ​သော ထို​အ​ခါ၊ ဘု​ရား​ကို​ကြောက်​ခြင်း​အ​ရှိန်၊ ဘုန်း​တန်​ခိုး အာ​နု​ဘော်​တော် အ​ရှိန်​ကြောင့်၊ ကျောက်​ထဲ​သို့ ဝင်​လော့။ မြေ​မှုန့်၌ ပုန်း၍​နေ​လော့။

ဟေ​ရှာ​ယ 2:10 Referencias Cruzadas

ယောဘဝတ္တု။ 31:23

ဘုရားသခင်​ထံမှ​လာ​မည့်​ဘေးဒုက္ခ​ကို ငါ​ကြောက်​၏​။ ဘုန်း​တော်​ကြောင့် မည်သည့်​အမှု​ကို​မျှ ငါ​မ​ပြု​ဝံ့​ပါ​။

ယောဘဝတ္တု။ 40:13

သူ​တို့​ကို မြေမှုန့်​ထဲမှာ အတူ​မြှုပ်​ပစ်​လိုက်​ပါ​။ မှောင်မိုက်​ထဲ၌ သူ​တို့​မျက်နှာ​ကို စည်းထား​လိုက်​ပါ​။

ဆာ​လံ 145:12

ဤသို့ဖြင့် ကိုယ်တော်​၏​အစွမ်းတန်ခိုး​တော်​များ​နှင့် ကိုယ်တော့်​နိုင်ငံ​၏​ဘုန်းအသရေ​ခန့်ညားထည်ဝါမှု​ကို လူသား​တို့​အား သိမြင်​စေ​ကြ​ပါ​လိမ့်မည်​။

ဆာ​လံ 90:11

ကိုယ်တော့်​အမျက်​တော်​တန်ခိုး​ကို​လည်းကောင်း​၊ အမျက်ထွက်​သည့်​ပမာဏ​နှင့်အညီ ကြောက်ရွံ့​ရ​ကြောင်း​ကို​လည်းကောင်း မည်သူ​သိ​နိုင်​ပါ​သနည်း​။

ဟေ​ရှာ​ယ 10:3

စစ်ကြောစီရင်​ရာ​နေ့​၊ ဝေး​သော​အရပ်​မှ​ဖျက်ဆီး​ခြင်း​ဘေး ရောက်လာ​သော​နေ့​၌ သင်​တို့​မည်သို့​ပြု​ကြ​မည်နည်း​။ မည်သူ့​ထံ​ပြေး​၍ အကူအညီ​တောင်း​ကြ​မည်နည်း​။ သင်​တို့​၏​စည်းစိမ်ဥစ္စာ​များ​ကို မည်သည့်​နေရာ​၌​ထားခဲ့​ကြ​မည်နည်း​။

ဟေ​ရှာ​ယ 25:11

ရေကူး​သော​သူ​သည် ရေကူး​ရန်​လက်​ကို​ဆန့်​သကဲ့သို့ မောဘ​ပြည်​သည် ပြည်​အလယ်​၌ မိမိ​လက်​ကို​ဆန့်​လိမ့်မည်​။ သို့သော် ကိုယ်တော်​သည် ထို​ပြည်​၏​မာန်မာန​၊ ထို​ပြည်​၏​လက်စွမ်း​ကို ချိုးနှိမ်​တော်မူ​မည်​။

ဟေ​ရှာ​ယ 42:22

ဤ​လူမျိုး​သည် သိမ်းသွား​ခြင်း​ခံရ​၏​။ တိုက်ခိုက်လုယက်​ခြင်း​ခံရ​၏​။ သူ​တို့​အားလုံး​သည် တွင်း​ထဲ၌ ထောင်ချောက်​မိ​၏​။ ထောင်​ထဲတွင် လှောင်​ထား​ခြင်း​ခံရ​၏​။ သူ​တို့​သည် သားကောင်​ကဲ့သို့​ဖြစ်​၍ ကယ်နုတ်​မည့်​သူ​မ​ရှိ​။ လုယက်ပစ္စည်း​ဖြစ်၍ “​ပြန်ပေး​လော့​”​ဟု ပြော​မည့်​သူ​မ​ရှိ​။

ယေ​ရ​မိ 10:10

ထာဝရဘုရား​မူကား စစ်မှန်​သော​ဘုရား​ဖြစ်​၏​။ ကိုယ်တော်​သည် အသက်ရှင်​တော်မူ​သော​ဘုရား​၊ ထာဝရ​ဘုရင်​ဖြစ်​တော်မူ​၏​။ ကိုယ်တော်​အမျက်ထွက်​တော်မူ​လျှင် မြေကြီး​တုန်ခါ​ပါ​၏​။ လူမျိုး​အပေါင်း​တို့​သည် အမျက်​တော်​ကို မ​ခံနိုင်​ကြ​ပါ​။

ယေ​ရ​မိ 10:7

အို လူမျိုးတကာ​တို့​၏​ဘုရင်​၊ ကိုယ်တော်​သည် ကြောက်ရွံ့ရိုသေ​ခြင်း​ကို ခံထိုက်​တော်မူ​ပါ​၏​။ မည်သူ​သည် ကိုယ်တော့်​ကို မ​ကြောက်ရွံ့​ဘဲ​နေ​ပါ​သနည်း​။ လူမျိုးတကာ​တို့​၏​ပညာရှိ​အပေါင်း​တို့​တွင်​လည်းကောင်း​၊ တိုင်းနိုင်ငံ​ရှိသမျှ​တို့​တွင်​လည်းကောင်း ကိုယ်တော်​နှင့်​တူ​သော​သူ​တစ်ယောက်​မျှ​မ​ရှိ​ပါ​။

ယေ​ရ​မိ 13:9

ထာဝရဘုရား​က “ယုဒ​ပြည်​၏​မာန​၊ ဂျေရုဆလင်​မြို့​၏​မာန​ကြီး​ခြင်း​ကို ထို​ခါးပတ်​ကဲ့သို့ ငါ​ဖျက်ဆီး​မည်​။

ဟော​ရှေ 10:8

အစ္စရေး​အပြစ်​ပြု​ရာ​ဖြစ်​သည့် အာဝင်​မြို့​ရှိ​အထွတ်အမြတ်​ထား​ရာ​နေရာ​တို့​သည် ဖျက်ဆီး​ခြင်း​ခံရ​မည်​။ သူ​တို့​၏​ယဇ်ပလ္လင်​များ​ကို​လည်း ဆူးပင်​နှင့် ဆူးလေပင်​များ​က ဖုံးလွှမ်း​နေ​လိမ့်မည်​။ ထိုအခါ သူ​တို့​က တောင်​များ​အား “​ငါ​တို့​ကို ဖုံးအုပ်​ကြ​ပါ​” တောင်ကုန်း​များ​အား “​ငါ​တို့​အပေါ် ပြိုကျ​ကြ​ပါ​”​ဟု ဆို​ကြ​လိမ့်မည်​။

နာ​ဟုံ 3:11

သင်​သည်​လည်း ရန်သူ​ကြောင့် ပုန်းခို​နေ​ရ​၍ မူးနောက်​နေ​လိမ့်မည်​။ ခိုလှုံ​ရာ​ကို​လည်း ရှာ​ရ​လိမ့်မည်​။

လုကာ 12:5

သင်​တို့​ကြောက်​ရ​မည့်​သူ​ကို သင်​တို့​အား ငါ​ပြောပြ​မည်။ ကိုယ်ခန္ဓာ​ကို​သတ်​ပြီးနောက် ငရဲ​ထဲသို့​ပစ်ချ​ပိုင်ခွင့်​ရှိ​သော​သူ​ကို ကြောက်​ကြ​လော့။ မှန်​ပေ​၏။ ထို​သူ​ကို​ကြောက်​ကြ​လော့​ဟု သင်​တို့​အား ငါ​ဆို​၏။

လုကာ 23:30

ထိုအခါ လူ​တို့​သည် တောင်​များ​အား ‘ငါ​တို့​အပေါ်သို့​ပြိုကျ​ကြ​ပါ’​ဟူ၍​လည်းကောင်း၊ တောင်ကုန်း​များ​အား ‘ငါ​တို့​ကို​ဖုံးအုပ်​ကြ​ပါ’​ဟူ၍​လည်းကောင်း ဆို​ကြ​လိမ့်မည်။

၂ သက် 1:9

ထို​သူ​တို့​သည် သခင်​ဘုရား​ကြွလာ​တော်မူ​သောအခါ ကိုယ်တော်​၏​ရှေ့​တော်​မှ​လည်းကောင်း၊ ကိုယ်တော်​၏​အစွမ်းသတ္တိ​နှင့်​ပြည့်စုံ​သော​ဘုန်း​အသရေ​တော်​မှ​လည်းကောင်း ဖယ်ရှား​ခြင်း​ခံရ​လျက် ထာဝရ​ပျက်စီး​ခြင်း​အပြစ်ဒဏ်​ကို ခံ​ကြ​ရ​လိမ့်မည်။