ဟေ​ရှာ​ယ 19:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ ထို​ကျောက်တိုင်​သည် အီဂျစ်​ပြည်​တွင် ကောင်းကင်​ဗိုလ်ခြေ​အရှင်​ထာဝရဘုရား​၏​အမှတ်လက္ခဏာ​သဖွယ်​၊ သက်သေ​သဖွယ် ဖြစ်​လိမ့်မည်​။ သူ​တို့​သည် ညှဉ်းဆဲ​ခြင်း​ခံရ​သောကြောင့် ထာဝရဘုရား​ထံ အော်ဟစ်​တောင်းလျှောက်​ကြ​သောအခါ ကိုယ်တော်​သည် ကယ်တင်​ပေး​သူ​၊ ကာကွယ်​ပေး​သူ​ကို သူ​တို့​ထံ​စေလွှတ်​တော်မူ​၍ သူ​တို့​ကို ကယ်တင်​တော်မူ​လိမ့်မည်​။

Common Language Bible

²⁰ ထို​အ​ရာ​တို့​သည်​အီ​ဂျစ်​ပြည်​တွင် အ​နန္တ​တန်​ခိုး ရှင်​ထာ​ဝ​ရ​ဘု​ရား​ရှိ​တော်​မူ​ကြောင်း​သက်​သေ ခံ​အ​မှတ်​လက္ခ​ဏာ​များ​ဖြစ်​လိမ့်​မည်။ ပြည်​သူ​တို့ သည်​ဖိ​နှိပ်​ချုပ်​ချယ်​ခြင်း​ကို​ခံ​ရ​၍ ထာ​ဝ​ရ ဘု​ရား​ထံ​တော်​သို့​ကူ​မ​တော်​မူ​ရန်​ဟစ်​အော် ကြ​သော​အ​ခါ ကိုယ်​တော်​သည်​သူ​တို့​အား ကယ်​တင်​မည့်​သူ​တစ်​ဦး​ကို​စေ​လွှတ်​တော် မူ​လိမ့်​မည်။-

Garrad Bible

²⁰ အိ ဂျစ် ပြည် တွင်၊ ဗိုလ် ခြေ တို့ အ ရှင် ထာ ဝ ရ ဘု ရား မှတ် မိ တော် မူ ရန်၊ သက် သေ လ က္ခ ဏာ ဖြစ် သည့် အ လျောက်၊ ထို လူ မျိုး သည် နှိပ် စက် သူ တို့ အ တွက် ထာ ဝ ရ ဘု ရား ကို ဟစ် ကြ လျှင်၊ ကယ် တင် ရာ သူ ရဲ ကို စေ လွှတ်၍ ကယ် မ တော် မူ လိမ့် မည်။

Judson Bible

²⁰ ထို​မှတ်​တိုင်​သည် အဲ​ဂု​တ္တု​ပြည်​တွင် နိ​မိတ်​လ​က္ခ​ဏာ​ဖြစ်​လိမ့်​မည်။ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား၏​သက်​သေ​လည်း ဖြစ်​လိမ့်​မည်။ အ​ကြောင်း​မူ​ကား၊ သူ​တို့​သည် ညှဉ်း​ဆဲ​ခြင်း​ကို​ခံ​ရ​သော​ကြောင့်၊ ထာ​ဝ​ရ​ဘု​ရား​ကို အော်​ဟစ်​ကြ​သည်​ရှိ​သော်၊ ကယ်​တင်​သော​အ​ရှင်၊ အ​မှု​စောင့်​သ​ခင်​ကို သူ​တို့​ရှိ​ရာ​သို့​စေ​လွှတ်​တော်​မူ၍၊ ထို​သ​ခင်​သည် ကယ်​တင်​တော်​မူ၏။

ဟေ​ရှာ​ယ 19:20 Referencias Cruzadas

ဆာ​လံ 50:15

ဆင်းရဲဒုက္ခ​ရောက်​သော​ကာလ​၌ ငါ့​ကို​ခေါ်​လော့​။ ငါ​သည် သင့်​ကို​ကယ်မ​မည်​။ သင်​သည်​လည်း ငါ့​ကို​ဂုဏ်ပြုချီးမွမ်း​လိမ့်မည်​။​”

ထွက်​မြောက် 2:23

ကာလ​အတန်ကြာ​ပြီးနောက် အီဂျစ်​ဘုရင်​သည်​လည်း အနိစ္စရောက်​လေ​၏​။ အစ္စရေး​အမျိုးသား​တို့​သည်​လည်း ကျွန်ပြု​ခံရ​သောကြောင့် ညည်းတွား​၍ အော်ဟစ်​ကြ​၏​။ ထိုသို့ ကျွန်ပြု​ခံရ​သောကြောင့် အော်ဟစ်​သော​သူ​တို့​၏​အသံ​သည် ဘုရားသခင်​အထံ​တော်​သို့ ရောက်​လေ​၏​။

ထွက်​မြောက် 3:7

ထာဝရဘုရား​က “​အီဂျစ်​ပြည်​၌​ရှိ​သော​ငါ့​လူမျိုး​တော်​ခံရ​သည့် ဖိစီးနှိပ်စက်မှု​ကို အမှန်တကယ် ငါ​မြင်​ပြီ​။ အဓမ္မ​စေခိုင်း​သူ​များ​ကြောင့် သူ​တို့​၏​အော်ဟစ်ငိုကြွေးသံ​ကို​လည်း ငါ​ကြား​ပြီ​။ အကယ်စင်စစ် သူ​တို့​၏​ဒုက္ခဝေဒနာ​များ​ကို ငါ​သိ​ပြီ​။

ဟေ​ရှာ​ယ 19:4

အီဂျစ်​ပြည်သား​တို့​ကို ကြမ်းကြုတ်​သော​သခင်​တို့​၏​လက်​သို့ ငါ​အပ်​မည်​။ ခက်ထန်​သော​ဘုရင်​သည် သူ​တို့​ကို​အုပ်စိုး​လိမ့်မည်​”​ဟု ကောင်းကင်​ဗိုလ်ခြေ​အရှင်သခင်​ထာဝရဘုရား မိန့်​တော်မူ​၏​။

ဟေ​ရှာ​ယ 20:4

အဆီးရီးယား​ဘုရင်​သည် အီဂျစ်​ပြည်​သုံ့ပန်း​များ​နှင့် အီသီယိုးပီးယား​ပြည်​မှ​ဖမ်းဆီးခေါ်ဆောင်​သွား​ခြင်း​ခံရ​သူ လူကြီး​လူငယ်​တို့​ကို အဝတ်မပါ​၊ ဖိနပ်မပါ​၊ တင်ပါး​ကို​လည်း​မဖုံး​စေ​ဘဲ ခေါ်ဆောင်​သွား​လိမ့်မည်​။ အီဂျစ်​ပြည်​၏​အရှက်ရစရာ​ဖြစ်​၏​။

ဟေ​ရှာ​ယ 37:36

ထာဝရဘုရား​၏​ကောင်းကင်တမန်​သည် ထွက်လာ​၍ အဆီးရီးယား​တပ်စခန်း​ထဲတွင် စစ်သည်​တစ်သိန်း​ရှစ်သောင်း​ငါးထောင်​ကို သတ်​လေ​၏​။ နံနက်​စောစောထ​ကြ​သောအခါ အလောင်းကောင်​များ​သာ တွေ့​ရ​၏​။

ဟေ​ရှာ​ယ 43:11

ငါ​သာလျှင် ထာဝရဘုရား​ဖြစ်​၏​။ ငါ​မှတစ်ပါး ကယ်တင်​သော​အရှင်​မ​ရှိ​။

ဟေ​ရှာ​ယ 43:3

အကြောင်းမူကား ငါ​သည် သင်​၏​ဘုရားသခင် ထာဝရဘုရား​ဖြစ်​၏​။ အစ္စရေး​လူမျိုး​၏​သန့်ရှင်း​သော​ဘုရား​ဖြစ်​၏​။ သင်​၏​ကယ်တင်ရှင်​ဖြစ်​၏​။ သင့်​ကို ရွေးနုတ်စရာ​အဖိုးအခ​အဖြစ် အီဂျစ်​ပြည်​ကို​လည်းကောင်း​၊ သင့်​ကိုယ်စား အီသီယိုးပီးယား​ပြည်​နှင့် သေဘ​ပြည်​တို့​ကို​လည်းကောင်း ငါ​ပေးအပ်​လိုက်​၏​။

ဟေ​ရှာ​ယ 45:15

အို အစ္စရေး​လူမျိုး​တို့​၏​ဘုရားသခင် ကယ်တင်ရှင်​၊ အကယ်စင်စစ် ကိုယ်တော်​သည် လျှို့ဝှက်နက်နဲ​သော​ဘုရား ဖြစ်​တော်မူ​၏​။

ဟေ​ရှာ​ယ 52:5

ယခု ငါ​ဘာ​ပြု​ရ​မည်နည်း​။ ငါ့​လူမျိုး​တော်​ကို အကြောင်းမဲ့ ခေါ်ဆောင်​သွား​ကြ​ပြီ​။ သူ​တို့​ကို​အုပ်စိုး​သော​သူ​တို့​သည် ဟစ်ကြွေး​ကြ​၏​။ ငါ့​နာမ​ကို တစ်နေ့လုံး မထီလေးစား​ပြု​ကြ​၏​။

ဟေ​ရှာ​ယ 55:13

ဆူးချုံ​အစား ထင်းရှူးပင်​ပေါက်​၍ နှင်းဆီရိုင်းပင်​အစား မုရတုပင် ပေါက်​လိမ့်မည်​။ ဤ​အမှု​သည် ထာဝရဘုရား​အတွက်​အထိမ်းအမှတ်​၊ ဖျက်ဆီး​၍​မ​ရ​သော ထာဝရ​အမှတ်လက္ခဏာ​ဖြစ်​လိမ့်မည်​”​ဟု မိန့်​တော်မူ​၏​။

ဟေ​ရှာ​ယ 60:16

သင်​သည် လူမျိုးတကာ​တို့​၏​နို့​ကို​စို့​ရ​လိမ့်မည်​။ ရှင်ဘုရင်​တို့​၏​သားမြတ်​ကို စို့​ရ​လိမ့်မည်​။ ငါ​ထာဝရဘုရား​သည် သင့်​ကို​ကယ်တင်​သော​အရှင်​၊ သင့်​ကို​ရွေးနုတ်​သော​အရှင်​၊ ယာကုပ်​အမျိုး​၏​တန်ခိုးကြီး​သော​အရှင်​ဖြစ်ကြောင်း​ကို သင်​သိ​ရ​လိမ့်မည်​။

ဟေ​ရှာ​ယ 63:8

ကိုယ်တော်​က “​စင်စစ် သူ​တို့​သည် ငါ​၏​လူမျိုး​တော်​ဖြစ်​၏​။ သူ​တို့​သည် သစ္စာ​မ​ပျက်​သော​သားသမီး​များ​ဖြစ်​ကြ​လိမ့်မည်​”​ဟု မိန့်​တော်မူ​၏​။ ကိုယ်တော်​သည်​လည်း သူ​တို့​၏​ကယ်တင်ရှင်​ဖြစ်​တော်မူ​၏​။

လုကာ 2:11

ယနေ့​တွင် ဒါဝိဒ်​၏​မြို့​၌ သခင်​ခရစ်တော်​တည်းဟူသော​ကယ်တင်ရှင်​သည် သင်​တို့​အတွက် ဖွားမြင်​တော်မူ​ပြီ။

တိ​တု 2:13

ကြီးမြတ်​သည့်​ဘုရားသခင်​ဖြစ်​တော်မူ​သော ငါ​တို့​၏​ကယ်တင်ရှင်​ယေရှု​ခရစ်တော်​၏​ဘုန်း​တော်​ပေါ်ထွန်း​ခြင်း​တည်းဟူသော မင်္ဂလာရှိ​သော​မျှော်လင့်​ခြင်း​ကို စောင့်မျှော်​ရန်​လည်းကောင်း ဆုံးမ​သွန်သင်​လျက်​ရှိ​၏။

ယာ​ကုပ် 5:4

ကြည့်​ကြ​လော့။ သင်​တို့​လယ်ကွင်း​၌​ရိတ်သိမ်း​ပေး​သည့် အလုပ်သမား​တို့​ကို သင်​တို့​လိမ်ညာ​၍​မ​ပေး​ဘဲ​နေ​သော လုပ်အားခ​များ​သည် အော်ဟစ်​နေ​ကြ​၏။ ရိတ်သိမ်း​သော​သူ​တို့​၏​အော်ဟစ်​သံ​များ​သည်​လည်း ကောင်းကင်​ဗိုလ်ခြေ​အရှင်​ထာဝရ​ဘုရား​၏​နား​တော်​သို့ ရောက်​လေ​ပြီ။

ယော​ရှု 22:34

ရုဗင်​သားမြေး​နှင့်​ဂဒ်​သားမြေး​တို့​က “​ထာဝရဘုရား​သည် ဘုရားသခင်​ဖြစ်​တော်မူ​ကြောင်း ထို​ယဇ်ပလ္လင်​သည် ငါ​တို့​တွင် သက်သေ​ဖြစ်​၏​”​ဟု ဆို​၍ ထို​ယဇ်ပလ္လင်​ကို “​သက်သေ​”​ဟု ခေါ်ဝေါ်​ကြ​၏​။