ဟေ​ရှာ​ယ 17:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ကြည့်ရှု​လော့​။ နေဝင်​ချိန်​၌ ထိတ်လန့်ဖွယ်ဘေး​ရောက်လာ​သောကြောင့် နံနက်​ရောက်သော် သူ​တို့​မ​ရှိ​တော့​ချေ​။ ဤသည်ကား ငါ​တို့​ကို တိုက်ခိုက်လုယက်​ခဲ့​သော​သူ​တို့​၏​ဝေစု​၊ ငါ​တို့​ကို သိမ်းပိုက်​ခဲ့​သော​သူ​တို့​၏​ပေါက်မဲ ဖြစ်​၏​။

Common Language Bible

¹⁴ သူ​တို့​သည်​လူ​တို့​အား​ညဥ့်​ဦး​ယံ​၌ တုန်​လှုပ် ချောက်​ချား​စေ​ကြ​သော်​လည်း မိုး​သောက်​ယံ​၌ မ​ရှိ​ကြ​တော့​ပါ​တ​ကား။ ဤ​ကား​ငါ​တို့​ပြည် ကို​လု​ယက်​တိုက်​ခိုက်​သူ​မှန်​သ​မျှ​တို့​၏​ကံ ကြမ္မာ​ပင်​ဖြစ်​လေ​သည်။

Garrad Bible

¹⁴ ညဉ့် ဦး၌ ဘေး သင့် ၍၊ မိုး မ သောက် မီ ကွယ် ပျောက် ကြ လေ ပြီ။ ငါ တို့ ကို လု ယူ ဖျက် ဆီး တတ် သူ တို့ ဝေ ပုံ ကား၊ ထို သို့ ပင် ဖြစ် သ တည်း။

Judson Bible

¹⁴ ညဉ့်​ဦး​ယံ၌ ဘေး​ရောက်၍၊ နံ​နက်​ယံ​မ​တိုင်​မီ ပျောက်​ရှ​ကြ​လိမ့်​မည်။ ငါ​တို့​ကို ညှဉ်း​ဆဲ​သော​သူ​တို့​သည် ထို​သို့​သော​အ​ကျိုး၊ ငါ​တို့​ကို လု​ယူ​ဖျက်​ဆီး​သော​သူ​တို့​သည်၊ ထို​သို့​သော အ​မွေ​ဥ​စ္စာ​ကို​ခံ​ရ​ကြ​လိမ့်​မည်။

ဟေ​ရှာ​ယ 17:14 Referencias Cruzadas

၄ ရာ 19:3

သူ​တို့​က ဟေရှာယ​အား “​ဟေဇကိ​မင်းကြီး​က ‘ယနေ့​သည် ဆင်းရဲဒုက္ခ​ရောက်​သော​နေ့​၊ ဆုံးမ​ခြင်း​ခံရ​သော​နေ့​၊ အရှက်ကွဲ​ရ​သော​နေ့ ဖြစ်​၏​။ သားဖွားချိန်​ရောက်​သော်လည်း သားဖွား​ရန်​ခွန်အား​မ​ရှိ​။

၄ ရာ 19:35

ထို​ည​မှာပင် ထာဝရဘုရား​၏​ကောင်းကင်တမန်​သည် ထွက်လာ​၍ အဆီးရီးယား​တပ်စခန်း​ထဲတွင် စစ်သည်​တစ်သိန်း​ရှစ်သောင်း​ငါး​ထောင်​ကို သတ်​လေ​၏​။ နံနက်​စောစောထ​ကြ​သောအခါ အလောင်းကောင်​များ​ကို​သာ တွေ့​ရ​၏​။

ယောဘဝတ္တု။ 20:29

ဤသည်ကား ဆိုးယုတ်​သော​သူ​အဖို့ ဘုရားသခင်​ထံမှ ဝေစု​ဖြစ်​၏​။ သူ့​အဖို့ ဘုရားသခင်​သတ်မှတ်​ထား​သော​အမွေ​လည်း ဖြစ်​၏​”​ဟု ဆို​လေ​၏​။

ဆာ​လံ 37:36

သို့သော် သူ​သည်​ကွယ်ပျောက်​သွား​၏​။ ကြည့်ရှု​လော့​။ သူ​မ​ရှိ​တော့​ပေ​။ သူ့​ကို ငါ​ရှာ​သော်လည်း မ​တွေ့​ရ​တော့​ပေ​။

သုတ္တံကျမ်း။ 22:23

အကြောင်းမူကား ထာဝရဘုရား​သည် သူ​တို့​၏​အမှုကိစ္စ​ကို ရင်ဆိုင်ဖြေရှင်း​ပေး​၍ သူ​တို့​ထံမှ​လုယူ​သော​သူ​တို့​၏​အသက်​ကို လုယူ​တော်မူ​လိမ့်မည်​။

ဟေ​ရှာ​ယ 10:25

အကြောင်းမူကား သင်​တို့​အပေါ် ထား​သော​ငါ့​အမျက်​သည် မကြာမီ​ပြေ​လိမ့်မည်​။ ငါ​၏​အမျက်​ဒေါသ​သည် သူ​တို့​ဖက်​သို့​ရောက်​၍ သူ​တို့​ကို​ဖျက်ဆီး​ပစ်​မည်​”​ဟု မိန့်​တော်မူ​၏​။

ဟေ​ရှာ​ယ 21:12

ကင်းစောင့်​က “​နံနက်​ရောက်လာ​ပါ​၏​။ ည​လည်း​ရောက်လာ​ပါ​၏​။ မေးမြန်း​လို​လျှင် မေးမြန်း​ကြ​ပါ​လော့​။ ပြန်လာ​ကြ​လော့​။ ပြန်လာ​ကြ​လော့​”​ဟု ပြန်ပြော​၏​။

ဟေ​ရှာ​ယ 29:2

သို့သော် ငါ​သည် အရေလ​မြို့​ကို အကျပ်အတည်း​ထဲသို့​ရောက်​စေ​မည်​။ ထို​မြို့​၌ ဝမ်းနည်း​ခြင်း​၊ မြည်တမ်း​ခြင်း ရှိ​လိမ့်မည်​။ ထို​မြို့​သည် ငါ့​အဖို့ အရေလ​ကဲ့သို့ ဖြစ်​မည်​။

ဟေ​ရှာ​ယ 29:5

သို့သော် သင့်​ရန်သူ​အလုံးအရင်း​သည် ဖုန်မှုန့်​ကဲ့သို့​ဖြစ်​မည်​။ ကြမ်းကြုတ်​သူ​အလုံးအရင်း​သည် လွင့်မျော​နေ​သော​ဖွဲ​ကဲ့သို့ ဖြစ်​မည်​။ ထိုကဲ့သို့ ရုတ်ခြည်း​ဖြစ်​မည်​။

ဟေ​ရှာ​ယ 29:7

အရေလ​မြို့​ကို တိုက်ခိုက်​လာ​ကြ​သော တိုင်းနိုင်ငံ​အသီးသီး​မှ​လူအလုံးအရင်း​၊ ထို​မြို့​၏​ခံတပ်​ကို​တိုက်ခိုက်​၍ ထို​မြို့​ကို​အကျပ်အတည်း​ထဲသို့​ရောက်​စေ​သော​သူ​အပေါင်း​တို့​သည် ည​အိပ်မက်​ဗျာဒိတ်နိမိတ်​ကဲ့သို့ ဖြစ်​ကြ​လိမ့်မည်​။

ဟေ​ရှာ​ယ 30:28

ကိုယ်တော်​၏​ထွက်သက်လေ​သည် လည်ပင်း​အထိ​ရောက်​သည့် တစ်ဟုန်ထိုးစီးဆင်း​သော​မြစ်ရေ​ကဲ့သို့​ဖြစ်​၏​။ တိုင်းနိုင်ငံ​တို့​ကို ဖျက်ဆီး​ခြင်း​ဆန်ခါ​ဖြင့် စစ်ချ​မည်​။ လမ်းလွဲ​စေ​သော​ဇက်ကြိုး​ကို လူ​တို့​၏​မေးရိုး​၌ တပ်​ထား​မည်​။

ဟေ​ရှာ​ယ 33:1

ကိုယ်တိုင်​ဖျက်ဆီး​ခြင်း​မ​ခံရ​ဘဲ သူတစ်ပါး​ကို ဖျက်ဆီး​သော​သူ​၊ ကိုယ်တိုင် သစ္စာဖောက်​မ​ခံရ​ဘဲ သူတစ်ပါး​ကို သစ္စာဖောက်​သော​သူ​၊ သင်​သည် အမင်္ဂလာ​ရှိ​၏​။ သင်​သည် သူတစ်ပါး​ကို​ဖျက်ဆီး​ပြီး​လျှင် ပြန်​၍​အဖျက်ဆီး​ခံရ​မည်​။ သူတစ်ပါး​ကို သစ္စာဖောက်​ပြီး​လျှင် ပြန်​၍​သစ္စာအဖောက်​ခံရ​မည်​။

ဟေ​ရှာ​ယ 33:18

“​စာရေးတော်ကြီး အဘယ်မှာ​ရှိ​သနည်း​၊ အခွန်ကောက်ခံ​သူ အဘယ်မှာ​ရှိ​သနည်း​၊ ပြအိုး​ရေတွက်​သူ အဘယ်မှာ​ရှိ​သနည်း​”​ဟု သင့်​စိတ်နှလုံး​သည် ကြောက်ရွံ့ထိတ်လန့်ဖွယ်​ရာ​ကို ပြန်တွေး​လိမ့်မည်​။

ဟေ​ရှာ​ယ 34:17

ထို​အကောင်​တို့​အတွက် နေရာ​ချ​ပေး​တော်မူ​ပြီ​။ ကိုယ်တော်​၏​လက်​တော်​သည် မျဉ်းကြိုး​တန်း​၍ နေရာ​ခွဲဝေ​ပေး​တော်မူ​ပြီ​။ ထို​အကောင်​တို့​သည် ထို​ပြည်​ကို အစဉ်အမြဲ​ပိုင်ဆိုင်​၍ မျိုးဆက်အဆက်ဆက် နေထိုင်​ကြ​လိမ့်မည်​။

ဟေ​ရှာ​ယ 41:12

သင့်​ကို ရန်မူ​သော​သူ​တို့​ကို သင်​ရှာ​သော်လည်း တွေ့​လိမ့်မည်​မ​ဟုတ်​။ သင့်​ကို တိုက်ခိုက်​သော​သူ​တို့​သည် ဘာမျှမဟုတ်​သော​သူ​၊ အရာမရောက်​သော​သူ​ကဲ့သို့ ဖြစ်သွား​ကြ​လိမ့်မည်​။

ယေ​ရ​မိ 13:25

ထာဝရဘုရား​က “​သင်​သည် ငါ့​ကို​မေ့လျော့​၍ အချည်းနှီး​သော​အရာ​ကို ယုံကြည်ကိုးစား​သောကြောင့် ဤသည်ကား သင့်​ကို ငါ​ခွဲဝေ​ပေး​သော ဝေစု​ဖြစ်​၏​။

ယေ​ရ​မိ 2:3

အစ္စရေး​လူမျိုး​သည် ထာဝရဘုရား​အဖို့ သန့်ရှင်း​သော​လူမျိုး​၊ ကိုယ်တော်​၏​အသီးအနှံ​တို့​တွင် အသီးဦး​ဖြစ်​၏​။ သူ့​ကို ဝါးမျို​သော​သူ​အပေါင်း​တို့​အပေါ် အပြစ်​သက်ရောက်​မည်​၊ ဘေးအန္တရာယ်​ကျရောက်​မည်’​ဟူ၍ ထာဝရဘုရား​မိန့်​တော်မူ​သည်”​ဟု မိန့်ဆို​၏​။

ယေ​ရ​မိ 49:10

သို့သော် ငါ​သည် ဧသော​ကို ပြောင်တလင်းခါ​စေ​မည်​။ သူ​သည် ပုန်းရှောင်​၍​မ​ရ​အောင် သူ​၏​ပုန်းခို​ရာ​ကို ငါ​ဖော်ပြ​မည်​။ သူ​၏​သားမြေး​၊ ညီအစ်ကို​၊ အိမ်နီးချင်း​တို့​ပျက်စီး​လိမ့်မည်​။ သူ​လည်း ရှိ​တော့​မည်​မ​ဟုတ်​။

ယေ​ဇ​ကျေ​လ 39:10

ကွင်းပြင်​မှ​ထင်း​များ​ကို စုသိမ်း​စရာ​မ​လို​၊ တော​ထဲမှ ထင်း​များ​ကို ခုတ်ယူစရာ​မ​လို​။ ထို​လက်နက်​များ​ကို လောင်စာ​အဖြစ် အသုံးပြု​ကြ​လိမ့်မည်​။ သူ​တို့​ထံ လုယူ​ခဲ့​သော​အရာ​များ​ကို သူ​တို့​ပြန်လည်​လုယူ​ကြ​လိမ့်မည်​။ သူ​တို့​ထံ သိမ်းယူ​သွား​သော​အရာ​တို့​ကို သူ​တို့​ပြန်လည်​သိမ်းယူ​ကြ​လိမ့်မည်’​ဟု မိန့်​တော်မူ​၏​။

ဇာ​ခ​ရိ 2:12

ထာဝရဘုရား​သည် သန့်ရှင်း​ရာ​ပြည်​၌ မိမိ​၏​ဝေစု​အဖြစ် ယုဒ​ပြည်​ကို သိမ်းယူ​လိမ့်မည်​။ ဂျေရုဆလင်​မြို့​ကို​လည်း ပြန်လည်​ရွေးချယ်​တော်မူ​လိမ့်မည်​။

သူ​ကြီး 5:31

အို ထာဝရဘုရား​၊ ကိုယ်တော်​၏​ရန်သူ​အလုံးစုံ ပျက်စီး​ကြ​ပါစေ​။ ကိုယ်တော့်​ကို​ချစ်​သော​သူ​တို့​မူကား အရှိန်အဝါ​နှင့်​ထွက်လာ​သော​နေမင်း​ကဲ့သို့​ဖြစ်​ပါစေ​”​ဟူ၍ သီဆို​ကြ​၏​။ ထို့နောက်တွင် တိုင်းပြည်​သည် အနှစ်​လေးဆယ်​ပတ်လုံး​ငြိမ်းချမ်း​လေ​၏​။