ဟေ​ရှာ​ယ 15:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ပြည်သား​ရှိသမျှ​တို့​သည် လျှော်တေအဝတ်​ကို​ဝတ်​၍ လမ်း​များ​၊ ခေါင်မိုးပြင်​များ​၊ လူစည်ကား​ရာ​အရပ်​များ​၌ ညည်းတွားငိုကြွေး​၍ မျက်ရည်ချောင်းစီး​လေ​၏​။

Common Language Bible

³ လမ်း​များ​ပေါ်​ရှိ​လူ​တို့​သည်​လျှော်​တေ​ကို ဝတ်​ထား​ကြ​၏။ မြေ​ကွက်​လပ်​များ​နှင့်​အိမ် ခေါင်​မိုး​များ​အ​ပေါ်​၌​လည်း​ဝမ်း​နည်း ကြေ​ကွဲ​မှု​ကို​ပြ​၍​ငို​ကြွေး​ကြ​၏။-

Garrad Bible

³ လမ်း ပေါ် တွင် လျှော် တေ ဝတ်၍၊ အိမ် မိုး ပျဉ် ပေါ်၌ လည်း‌ ကောင်း၊ လမ်း ဆုံ၌ လည်း‌ ကောင်း၊ ရှိ သ မျှ တို့ သည် အော် ဟစ် လျက် သည်း စွာ ငို ကြွေး ကြ လေ ၏။

Judson Bible

³ လမ်း​ခ​ရီး​တို့​တွင် လျှော်​တေ​အ​ဝတ်​ကို ဝတ်​ကြ၍၊ အိမ်​မိုး​ပေါ်၌​လည်း​ကောင်း၊ လမ်း​မ၌​လည်း​ကောင်း ရှိ​သ​မျှ​သော​သူ​တို့​သည် ညည်း​တွား​မြည်​တမ်း၍၊ အ​လွန် မျက်​ရည်​ကျ​ကြ၏။

ဟေ​ရှာ​ယ 15:3 Referencias Cruzadas

၂ ရာ 3:31

ဒါဝိဒ်​မင်းကြီး​က ယွာဘ​နှင့် သူ့​လူ​အားလုံး​တို့​အား “​သင်​တို့​အဝတ်​ကို​ဆုတ်​၍ လျှော်တေအဝတ်​ကို​ဝတ်​ကြ​။ အာဗနာ​အဖို့ ငိုကြွေးမြည်တမ်း​ကြ​”​ဟု ဆို​ပြီး ဒါဝိဒ်​မင်းကြီး​ကိုယ်တော်တိုင် အသုဘ​လိုက်ပို့​လေ​၏​။

၄ ရာ 6:30

ထို​အမျိုးသမီး​၏​စကား​ကို ကြား​သောအခါ ရှင်ဘုရင်​သည် မိမိ​အဝတ်​ကို ဆွဲဆုတ်​ပစ်​၍ မြို့ရိုး​ပေါ်​လျှောက်သွား​တော်မူ​လျှင် ရှင်ဘုရင်​၏​ဝတ်လုံ​အောက် ကိုယ်​ပေါ်တွင် လျှော်တေအဝတ်​ဝတ်​ထား​သည်​ကို လူ​တို့​တွေ့မြင်​ရ​လေ​၏​။

ဟေ​ရှာ​ယ 15:2

မောဘ​ပြည်သား​တို့​သည် မြင့်ရာအရပ်​ရှိ အိမ်​တော်​သို့​၊ ဒိဘုန်​မြို့​သို့ တက်သွား​၍ ငိုကြွေး​ကြ​ပြီ​။ နေဗော​မြို့​၊ မေဒဘ​မြို့​အတွက် ညည်းတွားငိုကြွေး​ကြ​ပြီ​။ သူ​တို့​အားလုံး ခေါင်းတုံးတုံး​ကြ​၏​။ မုတ်ဆိတ်​ရိတ်​ကြ​၏​။

ဟေ​ရှာ​ယ 22:1

စိတ်အာရုံ​ချိုင့်ဝှမ်း​နှင့်ဆိုင်သော​ဗျာဒိတ်​တော်​။ မည်သည့်​အကြောင်း​ကြောင့် သင်​တို့​အားလုံး ခေါင်မိုးပြင်​ပေါ်သို့​တက်သွား​ကြ​သနည်း​။

ဟေ​ရှာ​ယ 22:4

“​ငါ့​ကို​မကြည့်​ကြ​နှင့်​။ အားရပါးရ​ငိုကြွေး​ပါရစေ​။ ငါ့​လူမျိုး​သမီးပျို​တို့ ပျက်စီး​သည်​ဖြစ်၍ ငါ့​ကို​နှစ်သိမ့်​ဖို့ မ​ကြိုးစား​ကြ​နှင့်​”​ဟု ငါ​ဆို​၏​။

ဟေ​ရှာ​ယ 3:24

အမွှေးနံ့သာ​အစား အပုပ်နံ့​၊ ခါးစည်း​အစား ကြိုး​၊ ဆံထုံး​အစား ခေါင်းတုံး​၊ ဝတ်ကောင်းစားလှ​အစား လျှော်တေအဝတ်​၊ လှပတင့်တယ်​ခြင်း​အစား အမာရွတ် ဖြစ်​စေ​မည်​။

ယေ​ရ​မိ 19:13

သူ​တို့​သည် ခေါင်မိုး​များ​ပေါ်တွင် ကောင်းကင်​တန်ဆာ​ရှိသမျှ​အား နံ့သာပေါင်း​မီးရှို့ပူဇော်​၏​။ အခြား​သော​ဘုရား​များ​ရှေ့​တွင် သွန်းလောင်းရာပူဇော်သက္ကာ​ကို​ပူဇော်​၏​။ ထို့ကြောင့် ဂျေရုဆလင်​မြို့​ရှိ​အိမ်​များ​၊ ယုဒ​ဘုရင်​တို့​၏​နန်းတော်​များ​သည် တောဖက်​အရပ်​ကဲ့သို့ ညစ်ညူး​လိမ့်မည်​ဟု မိန့်​တော်မူ​ပြီ’​ဟူ၍ ဆင့်ဆို​လော့”​ဟု မိန့်​တော်မူ​၏​။

ယေ​ရ​မိ 48:37

“​သူ​တို့​အားလုံး ခေါင်းတုံးတုံး​၍ မုတ်ဆိတ်​ရိတ်​ကြ​၏​၊ လက်​ကို​မွှမ်း​၍ ခါး​၌​လျှော်တေအဝတ်​ကို​ဝတ်​ပြီးလျှင်

မြည်​တမ်း​စ​ကား 2:10

ဇိအုန်​သမီးပျို​၏​သက်ကြီးဝါကြီး​တို့​သည် လျှော်တေအဝတ်​ကို​ဝတ်​လျက်​၊ မြေကြီး​ပေါ်၌ တိတ်ဆိတ်​စွာ​ထိုင်​လျက်​၊ မိမိ​တို့​ခေါင်း​ပေါ်သို့ မြေမှုန့်​ကို​ပစ်တင်​ကြ​ပြီ​။ ဂျေရုဆလင်​အပျိုကညာ​တို့​သည် မြေကြီး​သို့ ခေါင်း​ငိုက်စိုက်ကျ​လေ​ပြီ​။

ယေ​ဇ​ကျေ​လ 7:18

လျှော်တေအဝတ်​ကို​ဝတ်​လျက် ခေါင်းတုံးတုံး​ကြ​ရ​လိမ့်မည်​။ ကြောက်ရွံ့စိတ်​တို့​ကြီးစိုး​လျက် အရှက်ကွဲ​ရ​လိမ့်မည်​။

အာ​မုတ် 8:10

ထို့ပြင် သင်​တို့​၏​ပျော်ပွဲ​များ​ကို ငိုပွဲ​များ ဖြစ်စေ​မည်​။ သင်​တို့​၏​သီချင်း​များ​ကို ငိုချင်း ဖြစ်စေ​မည်​။ သင်​တို့​အားလုံး​ကို လျှော်တေ​ဝတ်​စေ​၍ ခေါင်းတုံး ဖြစ်စေ​မည်​။ တစ်ဦးတည်း​သော​သား​အတွက် ငိုကြွေးမြည်တမ်း​ရ​သကဲ့သို့ ဖြစ်စေ​မည်​။ နိဂုံး​သည်​လည်း ခါးသီး​သော​နေ့ရက် ဖြစ်​လိမ့်မည်”​ဟု ဘုရားရှင်​ထာဝရဘုရား​မိန့်​တော်မူ​၏​။

မဿဲ 11:21

“ခေါရာဇိန်​မြို့၊ သင်​သည် အမင်္ဂလာရှိ​၏။ ဗက်ဇဲဒ​မြို့၊ သင်​သည် အမင်္ဂလာရှိ​၏။ အကြောင်းမူကား သင်​တို့​၌​ပြု​ခဲ့​သော​တန်ခိုး​လက္ခဏာ​များ​ကို တိုင်ရာ​မြို့​နှင့်​ဆီဒုန်​မြို့​တို့​၌​ပြု​ခဲ့​လျှင် သူ​တို့​သည် ရှေးယခင်​က​ပင် လျှော်တေ​အဝတ်​ကို​ဝတ်​လျက် ပြာ​နှင့်​လူး​ကာ နောင်တရ​ခဲ့​ကြ​ပေ​လိမ့်မည်။

တ​ရား​ဟော 22:8

တစ်စုံတစ်ယောက်​သည် သင့်​အိမ်​ပေါ်မှ​ပြုတ်ကျ​၍ သင့်​အိမ်​၌​လူသတ်​သော​အပြစ် မ​ကျရောက်​စေရန် သင်​သည် အိမ်​အသစ်​ဆောက်​သောအခါ သင်​၏​ခေါင်မိုးပြင်​၌ အကာအရံ​လုပ်​ရ​မည်​။

ယာ​ကုပ် 5:1

ချမ်းသာ​သော​သူ​တို့၊ ယခု​နားထောင်​ကြ​လော့။ သင်​တို့​အပေါ်​သက်ရောက်​လာ​မည့် ဒုက္ခ​ဆင်းရဲ​ခြင်း​များ​အတွက် အော်ဟစ်​ငိုကြွေး​ကြ​လော့။

၁ ရာ 5:12

အသက်​မ​သေ​ဘဲ ကျန်ရစ်​သူ​တို့​မှာ ပလိပ်ရောဂါ​ဖြင့် ဒဏ်ခတ်​ခံရ​သောကြောင့် တစ်မြို့လုံး​၏​အော်ဟစ်သံ​သည် မိုးကောင်းကင်​အထိ ရောက်​လေ​၏​။