ဟေ​ရှာ​ယ 14:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ အဆီးရီးယား​လူမျိုး​ကို ငါ့​ပြည်​တွင် ချိုးဖဲ့​မည်​။ ငါ့​တောင်​များ​ပေါ်တွင် ငါ​နင်းချေ​မည်​။ သူ​၏​ထမ်းပိုး​ကို အစ္စရေး​လူမျိုး​တို့​အပေါ်​မှ ဖယ်ရှား​မည်​။ သူ​၏​ဝန်​ကို အစ္စရေး​လူမျိုး​တို့​၏​ပခုံး​ပေါ်​မှ​ဖယ်ရှား​မည်​”​ဟု ကျိန်ဆို​တော်မူ​၏​။

Common Language Bible

²⁵ ငါ​သည်​မိ​မိ​၏​ဣ​သ​ရေ​လ​ပြည်​တော်​တွင် အာ​ရှု​ရိ​အ​မျိုး​သား​တို့​အား​သုတ်​သင်​ဖျက် ဆီး​၍၊ ငါ​၏​တောင်​ရိုး​များ​အ​ပေါ်​တွင်​သူ တို့​ကို​ခြေ​နှင့်​ကျော်​နင်း​ပစ်​မည်။ ငါ​၏​လူ​မျိုး တော်​အား သူ​တို့​ထမ်း​ရ​ကြ​သည့်​ထမ်း​ပိုး နှင့်​ဒုက္ခ​ဝန်​ထုပ်​များ​မှ​လွတ်​မြောက်​စေ​မည်။-

Judson Bible

²⁵ ငါ၏​မြေ​ပေါ်​မှာ အာ​ရှု​ရိ​မင်း​ကို ငါ​နှိပ်​စက်​မည်။ ငါ၏​တောင်​ရိုး​ပေါ်​မှာ ခြေ​ဖြင့်​ကျော်​နင်း​မည်​ဟု ငါ​ကြံ​စည်​သည်​အ​တိုင်း​ဖြစ်၍၊ ငါ​စီ​ရင်​ချက်​လည်း တည်​ရ​လိမ့်​မည်။ ထို​အ​ခါ သူ၏​ထမ်း​ပိုး​ကို သူ​တစ်​ပါး​အ​ပေါ်​က​ရွှေ့၍၊ သူ​တို့​ပ​ခုံး​ပေါ်​မှာ တင်​သော​ဝန်​ကို ချ​ရ​သော​အ​ခွင့်​ရှိ​လိမ့်​မည်။

ဟေ​ရှာ​ယ 14:25 Referencias Cruzadas

၂ ရာ​ချုပ် 32:21

ထိုအခါ ထာဝရဘုရား​သည် ကောင်းကင်တမန်​ကို​စေလွှတ်​၍ အဆီးရီးယား​ဘုရင်​၏​တပ်စခန်း​ရှိ စစ်သူရဲ​များ​၊ တပ်မှူး​များ​၊ စစ်သူကြီး​များ အားလုံး​ကို သုတ်သင်​ပစ်​လေ​၏​။ ထို့ကြောင့် အဆီးရီးယား​ဘုရင်​သည် မိမိ​ပြည်​သို့ အရှက်ရ​သော​မျက်နှာ​နှင့် ပြန်ဆုတ်​သွား​ပြီး မိမိ​ဘုရား​ဝတ်ကျောင်း​သို့​ဝင်သွား​လျှင် သား​တော်​အရင်း​တို့​ကပင် သူ့​ကို ဓား​ဖြင့်​ကွပ်မျက်​ပစ်​ကြ​လေ​၏​။

ဟေ​ရှာ​ယ 10:12

ဘုရားရှင်​သည် ဇိအုန်​တောင်​နှင့်​ဂျေရုဆလင်​မြို့​၌ ပြု​ရ​မည့်​အမှု​ရှိသမျှ​ကို ပြု​ပြီး​သောအခါ စိတ်နှလုံး​ခက်ထန်​သော​၊ မျက်နှာ​ထောင်လွှား​သော အဆီးရီးယား​ဘုရင်​ကို အပြစ်ဒဏ်​ပေး​မည်​။

ဟေ​ရှာ​ယ 14:5

လူ​တို့​ကို ဒေါသ​ဖြင့် တစ်ချိန်လုံး​ရိုက်နှက်​၍ တိုင်းနိုင်ငံ​တို့​ကို မငဲ့မညှာ​နှိပ်စက်​လျက် အမျက်​နှင့်​အုပ်စိုး​သောကြောင့် ထာဝရဘုရား​သည် ဆိုးယုတ်​သော​သူ​တို့​၏​တုတ်​၊ အုပ်စိုး​သူ​မင်း​တို့​၏​ရာဇလှံတံ​ကို ချိုး​တော်မူ​၏​။

ဟေ​ရှာ​ယ 33:1

ကိုယ်တိုင်​ဖျက်ဆီး​ခြင်း​မ​ခံရ​ဘဲ သူတစ်ပါး​ကို ဖျက်ဆီး​သော​သူ​၊ ကိုယ်တိုင် သစ္စာဖောက်​မ​ခံရ​ဘဲ သူတစ်ပါး​ကို သစ္စာဖောက်​သော​သူ​၊ သင်​သည် အမင်္ဂလာ​ရှိ​၏​။ သင်​သည် သူတစ်ပါး​ကို​ဖျက်ဆီး​ပြီး​လျှင် ပြန်​၍​အဖျက်ဆီး​ခံရ​မည်​။ သူတစ်ပါး​ကို သစ္စာဖောက်​ပြီး​လျှင် ပြန်​၍​သစ္စာအဖောက်​ခံရ​မည်​။

ဟေ​ရှာ​ယ 52:2

အို ဂျေရုဆလင်​မြို့​၊ မြေမှုန့်​ကို​ခါချ​၍ ထ​လော့​။ အို ဖမ်းခေါ်​သွား​ခြင်း​ခံရ​သော​ဇိအုန်​သမီးပျို​၊ သင့်​လည်ပင်း​မှ​ကြိုး​ကို​ဖြေ​လော့​။

ဟေ​ရှာ​ယ 9:4

အကြောင်းမူကား ကိုယ်တော်​သည် မိဒျန်​လူမျိုး​လက်​မှ​ကယ်တင်​ခဲ့​စဉ်က ပြု​သကဲ့သို့ သူ​ထမ်း​ရ​သော​ထမ်းပိုး​၊ သူ့​ကျော​ကို​ရိုက်​သော​တုတ်​၊ သူ့​ကို​ညှဉ်းဆဲ​သော​ကြိမ်လုံး​တို့​ကို ချိုး​တော်မူ​ပြီ​။

ယေ​ဇ​ကျေ​လ 32:22

ထို​အရပ်​တွင် အဆီးရီးယား​ဘုရင်​နှင့် သူ​၏​ပြည်သူပြည်သား​အားလုံး​ရှိ​၏​။ ဘုရင်​၏​ပတ်ပတ်လည်​တွင် သူ့​လူ​တို့​၏​သင်္ချိုင်းဂူ​များ ဝိုင်းရံ​ထား​လျက်​ရှိ​၏​။ သူ​တို့​အားလုံး ဓား​ဖြင့်​အသတ်ခံရ​၍ သေဆုံး​သွား​သော​သူ​များ​ဖြစ်​၏​။

ယေ​ဇ​ကျေ​လ 39:4

သင်​နှင့်​သင်​၏​စစ်သည်​အားလုံး​အပါအဝင် သင်​၌​ရှိ​သော​လူ​တို့​သည် အစ္စရေး​တောင်​များ​ပေါ်တွင် ကျဆုံး​ကြ​လိမ့်မည်​။ သင့်​ကို အသားစားငှက်​အမျိုးမျိုး​နှင့် တောရိုင်းတိရစ္ဆာန်​တို့​၏​အစာ ဖြစ်​စေ​မည်​။

မိက္ခာ 5:5

သူ​သည် ငြိမ်းချမ်း​ခြင်း​အကြောင်း ဖြစ်​လိမ့်မည်​။ အဆီးရီးယား​လူမျိုး​တို့​သည် ငါ​တို့​ပြည်​သို့ ချီလာ​၍ ငါ​တို့​၏​ခံတပ်​များ​ထဲသို့ ကျူးကျော်​ဝင်ရောက်​သောအခါ သူ​တို့​ကို တိုက်ခိုက်​မည့် သိုးထိန်း​ခုနစ်​ပါး​၊ မင်းညီမင်းသား​ရှစ်​ပါး​ကို ငါ​တို့​တင်မြှောက်​ကြ​မည်​။

မိက္ခာ 5:6

သူ​တို့​သည် အဆီးရီးယား​ပြည်​ကို ဓား​ဖြင့်​စောင့်ကြပ်​လိမ့်မည်​။ နိမ်ရောဒ​ပြည်​အဝင်ဝ​တို့​၌​လည်း စောင့်ကြပ်​လိမ့်မည်​။ အဆီးရီးယား​လူမျိုး​တို့​သည် ငါ​တို့​ပြည်​သို့​လာ​၍ ငါ​တို့​နယ်နိမိတ်​ထဲသို့ ကျူးကျော်​ဝင်ရောက်​သောအခါ သူ​တို့​သည် ငါ​တို့​ကို အဆီးရီးယား​လူမျိုး​တို့​လက်​မှ ကယ်တင်​လိမ့်မည်​။

နာ​ဟုံ 1:13

သင့်​အပေါ်​တင်​ထား​သော သူ​၏​ထမ်းပိုး​ကို ငါ​ချိုး​ပစ်​မည်​။ သင့်​ကို ချည်နှောင်​ထား​သော​ကြိုး​များ​ကို ငါ​ဖြတ်ပစ်​မည်​”​ဟု မိန့်​တော်မူ​၏​။

ဇာ​ခ​ရိ 10:11

သူ​တို့​သည် ဒုက္ခ​ပင်လယ်​ကို ဖြတ်ကျော်​၍ ပင်လယ်​လှိုင်းတံပိုး​တို့​ကို ဒဏ်ခတ်​လိမ့်မည်​။ နိုင်း​မြစ်​ရေထုကြီး​လည်း ခန်းခြောက်​သွား​လိမ့်မည်​။ အဆီးရီးယား​ပြည်​၏​မာန ချိုးဖျက်​ခံရ​လိမ့်မည်​။ အီဂျစ်​ပြည်​၏​ရာဇလှံတံ​လည်း ကွယ်ပျောက်​ရ​လိမ့်မည်​။