ဟေ​ရှာ​ယ 13:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

²² တောခွေး​တို့​သည် ထို​မြို့​၏​ခံတပ်​တို့​၌​လည်းကောင်း​၊ ခွေးအ​တို့​သည် ဇိမ်ခံ​ရာ​နန်းတော်​တို့​၌​လည်းကောင်း အူ​ကြ​လိမ့်မည်​။ ထိုသို့ ထို​မြို့​၏​အချိန်​သည် မကြာမီ​ရောက်လာ​မည်​။ ထို​မြို့​တည်​ရ​မည့်​နေ့ရက် ကြာရှည်​တော့​မည်​မ​ဟုတ်​။

Common Language Bible

²² မျှော်​စင်​များ​နှင့်​နန်း​တော်​အ​ဆောက်​အ​ဦး များ​သည်​တော​ခွေး​နှင့်​ခွေး​အ​များ​ဟောင်​ကြ သည့်​အ​သံ​ဖြင့် ပဲ့​တင်​ထပ်​လျက်​နေ​လိမ့်​မည်။ ဗာ​ဗု​လုန်​မြို့​အ​ပြစ်​ဒဏ်​သင့်​မည့်​နေ့​ရက်​ကာ လ​ရောက်​ရှိ​လာ​လေ​ပြီ။ ထို​မြို့​တည်​ရှိ​မည့် နေ့​ရက်​ကာ​လ​သည်​လည်း​ဆုံး​ခန်း​တိုင် ရောက်​လု​ပြီ။

Garrad Bible

²² တော ခွေး တို့ သည် ဘုံ ဗိ မာန် များ ၌ လည်း‌ ကောင်း၊ ခွေး အ တို့ သည် အ သ ရေ တိုက် များ၌လည်း‌ ကောင်း၊ အူ လျက်၊ မြည် လျက် နေ ကြ မည်။ အ ချိန် စေ့ လု ပြီ ဖြစ်၍ မြို့ သက် မ ရှည် ရ။

Judson Bible

²² တော​ခွေး​တို့​သည်​လည်း၊ ဘုံ​ဗိ​မာန်​များ၌​လည်း​ကောင်း၊ မြေ​ခွေး​တို့​သည်​လည်း၊ ကြက်​သ​ရေ​တိုက်​များ၌​လည်း​ကောင်း၊ အူ​ကြ၊ မြည်​ကြ​လိမ့်​မည်။ ထို​သို့​သော​ကာ​လ​နီး​လှ​ပြီ။ ထို​မြို့၏​အ​သက်​တာ မ​ရှည်​ရ။

ဟေ​ရှာ​ယ 13:22 Referencias Cruzadas

ဆာ​လံ 44:19

သို့သော် ကိုယ်တော်​သည် ခွေးအ​တို့​နေရာ​အရပ်​တွင် အကျွန်ုပ်​တို့​ကို​ကြေမွ​စေ​၍ သေ​ခြင်း​၏​အရိပ်​ဖြင့် အကျွန်ုပ်​တို့​ကို​ဖုံးလွှမ်း​ခဲ့​ပါ​၏​။

ဟေ​ရှာ​ယ 14:23

တစ်ဖန် ကောင်းကင်​ဗိုလ်ခြေ​အရှင်​ထာဝရဘုရား​က “​ငါ​သည် ထို​မြို့​ကို ဖြူကောင်​နေရာ​အရပ်​၊ ရေအိုင်ထွန်း​ရာ​အရပ်​ဖြစ်စေ​မည်​။ ဖျက်ဆီး​ခြင်း​တံမြက်စည်း​ဖြင့် လှည်းကျင်း​မည်​”​ဟု မိန့်​တော်မူ​၏​။

ဟေ​ရှာ​ယ 25:2

အကယ်စင်စစ် ကိုယ်တော်​သည် မြို့​ကို​ကျောက်ပုံ​ဖြစ်စေ​၍ ခိုင်ခံ့​သော​မြို့​ကို ပြိုပျက်​ရာ​ဖြစ်စေ​၏​။ တစ်ပါးအမျိုးသား​တို့​၏​နန်းတော်​တည်​ရာ​မြို့​သည် မြို့​အဖြစ်​ရှိ​တော့​မည်​မ​ဟုတ်​။ မည်သည့်​အခါ​မျှ ပြန်လည်​တည်ဆောက်​တော့​မည်​မ​ဟုတ်​။

ဟေ​ရှာ​ယ 32:14

အကြောင်းမူကား နန်းတော်​သည် စွန့်ထား​ခြင်း​ခံရ​၍ လူ​စည်ကား​သော​မြို့​သည် စွန့်ခွာ​ခြင်း​ခံရ​မည်​။ ရဲတိုက်​၊ ကင်းစောင့်မျှော်စင်​တို့​သည် သားရဲ​တို့​အစဉ်​ခိုအောင်းရာ ဖြစ်သွား​လိမ့်မည်​။ မြည်းရိုင်း​များ​နေပျော်​ရာ​၊ တိရစ္ဆာန်​တို့​ကျက်စား​ရာ ဖြစ်​လိမ့်မည်​။

ဟေ​ရှာ​ယ 34:13

ထို​ပြည်​၏​ခံတပ်​များ​၌ ဆူးပင်​များ​ပေါက်​လိမ့်မည်​။ ရဲတိုက်​များ​၌ ဖက်ယားပင်​၊ ဆူးချုံရိုင်း​များ ပေါက်​လိမ့်မည်​။ ထို​ပြည်​သည် ခွေးအ​တို့​ကျက်စား​ရာ​၊ ငှက်ကုလားအုတ်​တို့​နေထိုင်​ရာ ဖြစ်​လိမ့်မည်​။

ဟေ​ရှာ​ယ 34:14

ထို​အရပ်​၌ ကန္တာရ​သတ္တဝါ​နှင့် တောခွေး​တို့ ဆုံ​ကြ​လိမ့်မည်​။ တောဆိတ်​တို့​သည် တစ်​ကောင်​နှင့်​တစ်​ကောင် အသံ​ပေး​ကြ​လိမ့်မည်​။ ငှက်ဆိုး​သည် လာနား​လိမ့်မည်​။ နားခို​ရာ​ကို တွေ့ရှိ​လိမ့်မည်​။

ဟေ​ရှာ​ယ 35:7

ခြစ်ခြစ်တောက်​ပူ​သော​သဲမြေ​သည် ရေအိုင်​ဖြစ်​လိမ့်မည်​။ ခြောက်ကပ်​သော​မြေ​သည် စမ်းရေတွင်း​ဖြစ်​လိမ့်မည်​။ ခွေးအ​တို့​ကျက်စား​ရာ​နေရာ​၊ လဲလျောင်း​ရာ​နေရာ​၌ မြက်ပင်​နှင့်အတူ ကျူပင်​နှင့်​ကျူပင်ကြီး​တို့ ပေါက်​လိမ့်မည်​။

ဟေ​ရှာ​ယ 43:20

ငါ​ရွေးချယ်​သော ငါ့​လူမျိုး​တို့​သောက်​ဖို့​ရန် တောကန္တာရ​၌​ရေ​များ​ကို​လည်းကောင်း​၊ သဲကန္တာရ​၌ မြစ်​တို့​ကို​လည်းကောင်း ငါ​ပေး​သောကြောင့် ခွေးအ​များ​၊ ငှက်ကုလားအုတ်​များ​နှင့် တောရိုင်းတိရစ္ဆာန်​တို့​သည် ငါ့​ကို ဂုဏ်ပြုချီးမွမ်း​ကြ​လိမ့်မည်​။

ယေ​ရ​မိ 48:16

“​မောဘ​ပြည်​ခံရ​မည့်​ဘေးဒုက္ခ နီးကပ်​လာ​ပြီ​။ သူ​ခံရ​မည့်​ဘေးအန္တရာယ် အမြန်ဆုံး​ရောက်လာ​မည်​။

ယေ​ရ​မိ 51:33

အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က “​ဘေဘီလုံ​သမီးပျို​သည် တလင်းနယ်​ချိန်​၌ နင်းနယ်​ခံရ​သော​ကောက်နယ်တလင်း​နှင့်​တူ​၏​။ တစ်ခဏချင်း​တွင် ရိတ်သိမ်း​ချိန်​ရောက်လာ​လိမ့်မည်​”​ဟု မိန့်​တော်မူ​၏​။

ယေ​ရ​မိ 9:11

“ငါ​သည် ဂျေရုဆလင်​မြို့​ကို ကျောက်ပုံ​ဖြစ်​စေ​မည်​၊ ခွေးအ​တို့​ခိုအောင်း​ရာ ဖြစ်စေ​မည်​။ ယုဒ​မြို့​များ​ကို နေထိုင်​သူ​မ​ရှိ​၊ လူသူကင်းမဲ့​ရာ​အရပ် ဖြစ်​စေ​မည်​။”

မြည်​တမ်း​စ​ကား 4:3

ခွေးအ​တို့​ပင်လျှင် သားပေါက်​ကို နို့တိုက်​တတ်​၏​။ ငါ့​လူမျိုး​သမီးပျို​တို့​မူကား ကန္တာရ​ငှက်ကုလားအုတ်​ကဲ့သို့ ရက်စက်​တတ်​ပါ​သည်​တကား​။

မိက္ခာ 1:8

ထို့အတွက်ကြောင့် အကျွန်ုပ်​ငိုကြွေး​မြည်တမ်း​မည်​။ ဖိနပ်မစီး​၊ အဝတ်မဝတ်​ဘဲ သွားလာ​မည်​။ ခွေးအ​ကဲ့သို့​အူ​ပြီး ငှက်ကုလားအုတ်​ကဲ့သို့ အော်မြည်​မည်​။

ဟ​ဗက္ကုတ် 2:3

အကြောင်းမူကား ဤ​ဗျာဒိတ်နိမိတ်​သည် အချိန်တန်​လျှင် ဖြစ်လာ​မည်​။ နှုတ်ထွက်​စကား​အတိုင်း အဆုံးသတ်​ချိန် မလွဲမသွေ​ရောက်လာ​မည်​။ ကြာ​သော်လည်း စောင့်မျှော်​လော့​။ နောက်​မ​ကျ​ဘဲ ဧကန်အမှန် ရောက်လာ​မည်​။

ဇေဖနိ 2:14

ထို​နေရာ​သည် လူမျိုးတကာ​တို့​၏​သိုးအုပ်​များ​၊ တိရစ္ဆာန်​များ လဲလျောင်း​ရာ ဖြစ်​လိမ့်မည်​။ ငှက်ကြီးဝန်ပို​၊ ငဟစ်ငှက်​တို့​လည်း အပြိုအပျက်​များ​ကြားတွင် ခိုအောင်း​၍ ပြတင်းပေါက်​များ​တွင် အော်မြည်​ကြ​လိမ့်မည်​။ စင်စစ် သစ်ကတိုးသား​များ​ကို ဖျက်ဆီး​မည်​ဖြစ်၍ တံခါးဝ​တွင် အပျက်အစီး​တို့ ပုံ​နေ​လိမ့်မည်​။

တ​ရား​ဟော 32:35

လက်စားချေ​ခြင်း​၊ လက်တုံ့ပြန်​ခြင်း​သည် ငါ​နှင့်​ဆိုင်​၏​။ သူ​တို့​သည် အချိန်တန်​လျှင် ခြေ​ချော်​လိမ့်မည်​။ သူ​တို့​၏​ဘေးဒုက္ခ​နေ့ရက်​သည်​နီး​ပြီ​။ သူ​တို့​ကြုံ​ရ​မည့်​အမှု​သည် အလျင်အမြန်​ရောက်လာ​လိမ့်မည်​။

၂ ပေ 2:3

သူ​တို့​သည် လောဘ​စိတ်​ဖြင့် လုပ်ကြံ​ဖန်တီး​သော​စကား​များ​ကို​ပြောဆို​လျက် သင်​တို့​အပေါ် အမြတ်ထုတ်​ကြ​လိမ့်မည်။ သူ​တို့​ခံရ​မည့် ပြစ်ဒဏ်​စီရင်​ခြင်း​သည် ရှေးယခင်​က​ပင် ဖင့်နှေး​ခြင်း​မ​ရှိ။ သူ​တို့​၏​ပျက်စီး​ခြင်း​သည်​လည်း ငိုက်မျဉ်း​ခြင်း​မ​ရှိ။