ဟေ​ရှာ​ယ 11:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ ထာဝရဘုရား​သည် အီဂျစ်​ပင်လယ်​ကွေ့​ကို အကုန်အစင်​ဖျက်ဆီး​တော်မူ​မည်​။ ယူဖရေးတီး​မြစ်​အပေါ်​ကို​လည်း ပြင်းထန်​သော​လေ​နှင့်အတူ လက်​တော်​ကို​ဝှေ့ယမ်း​တော်မူ​၍ ထို​မြစ်​ကို ချောင်း​ခုနစ်​သွယ်​ဖြစ်​အောင်​ရိုက်​တော်မူ​သဖြင့် လူ​တို့​သည် ဖိနပ်​စီး​လျက် ဖြတ်သွား​ကြ​လိမ့်မည်​။

Common Language Bible

¹⁵ ထာ​ဝ​ရ​ဘု​ရား​သည်​လေ​ပူ​ကို​တိုက်​စေ​၍ စူး​အက်​ပင်​လယ်​ကွေ့​နှင့်​ဥ​ဖ​ရတ်​မြစ်​တို့​ကို ခန်း​ခြောက်​စေ​တော်​မူ​ပြီး​လျှင် မည်​သူ​မ​ဆို လမ်း​လျှောက်​ကျော်​ဖြတ်​နိုင်​သည့်​ချောင်း​ငယ် က​လေး​ခု​နစ်​ခု​သာ​လျှင် ကျန်​ရှိ​စေ​တော် မူ​လိမ့်​မည်။-

Garrad Bible

¹⁵ ထာ ဝ ရ ဘု ရား သည် အိ ဂျစ် ပင် လယ် ဖျား ကို ခန်း ခြောက် စေ၍၊ ပူ ပြင်း သော လေ ဟုန် ဖြင့် မြစ် ကြီး ပေါ် တွင် လက် တော် ကို ဆန့် ရမ်း ရိုက် ခတ် ရာ၊ ချောင်း ခု နစ် သွယ် ပေါက် သည် နှင့် လူ တို့ သည် ဖိ နပ် စီး လျက် လျှောက် သွား ခွင့် ရ ကြ သ ဖြင့်၊

Judson Bible

¹⁵ ထာ​ဝ​ရ​ဘု​ရား​သည်​လည်း၊ အဲ​ဂု​တ္တု​ပင်​လယ်၏​လျှာ​ကို ဖျောက်​ဖျက်​တော်​မူ​မည်။ ပြင်း​စွာ​သော​လေ​တော်​နှင့်​တ​ကွ လက်​တော်​ကို မြစ်​ပေါ်​မှာ​လှုပ်၍၊ ချောင်း​ခု​နစ်​သွယ်​ဖြစ်​စေ​ခြင်း​ငှာ ရိုက်​ခတ်​တော်​မူ​သ​ဖြင့်၊ လူ​တို့​သည် ခြေ​နင်း​စီး​လျက် ကျော်​သွား​ကြ​လိမ့်​မည်။

ဟေ​ရှာ​ယ 11:15 Referencias Cruzadas

ထွက်​မြောက် 14:21

မောရှေ​သည် မိမိ​၏​လက်​ကို ပင်လယ်​အပေါ်​သို့​ဆန့်​လိုက်​သော် ထာဝရဘုရား​သည် အားကြီး​သော​အရှေ့​လေ​ဖြင့် ပင်လယ်​ကို တစ်ညလုံး တိုက်ထုတ်​တော်မူ​၏​။ ထိုအခါ ပင်လယ်​သည် ခြောက်သွေ့​သော​မြေ​ဖြစ်သွား​၍ ရေ​သည်​ကွဲပြတ်​လေ​၏​။

ထွက်​မြောက် 14:22

အစ္စရေး​အမျိုးသား​တို့​သည်​လည်း ပင်လယ်​ထဲ၌ ခြောက်သွေ့​သော​မြေ​ပေါ်တွင်​သွား​ရ​၏​။ ရေ​သည် သူ​တို့​၏​လက်ယာ​ဘက်​နှင့်​လက်ဝဲ​ဘက်​၌ တံတိုင်း​သဖွယ်​ဖြစ်​လျက်​နေ​၏​။

ထွက်​မြောက် 14:29

အစ္စရေး​အမျိုးသား​တို့​မူကား ပင်လယ်​ထဲ၌ ခြောက်သွေ့​သော​မြေ​ပေါ်တွင် လျှောက်သွား​ရ​၏​။ ရေ​သည် သူ​တို့​၏​လက်ယာ​ဘက်​နှင့်​လက်ဝဲ​ဘက်​၌ တံတိုင်း​သဖွယ်​ဖြစ်​လျက်​နေ​၏​။

ဟေ​ရှာ​ယ 19:16

ထို​နေ့ရက်​၌ အီဂျစ်​ပြည်သား​တို့​သည် မိန်းမ​ကဲ့သို့​ဖြစ်​ကြ​လိမ့်မည်​။ ကောင်းကင်​ဗိုလ်ခြေ​အရှင်​ထာဝရဘုရား​သည် လက်​တော်​ကို ဝှေ့​တော်မူ​သောကြောင့် သူ​တို့​သည် ထိတ်လန့်​တုန်လှုပ်​ကြ​လိမ့်မည်​။

ဟေ​ရှာ​ယ 43:16

ပင်လယ်ပြင်​၌ လမ်းမ​ကို​လည်းကောင်း​၊ လှိုင်းထန်​သော​ရေပြင်​၌ လမ်း​ကို​လည်းကောင်း ဖြစ်​စေ​တော်မူ​သော​၊

ဟေ​ရှာ​ယ 44:27

ငါ​သည် သမုဒ္ဒရာ​ကို ‘​ခန်းခြောက်​လော့​။ သင်​၏​မြစ်​တို့​ကို​လည်း ငါ​ခြောက်သွေ့​စေ​မည်​’​ဟု မိန့်ဆို​၏​။

ဟေ​ရှာ​ယ 50:2

ငါ​လာ​သောအခါ အဘယ်ကြောင့် လူ​တစ်ယောက်​မျှ​မ​ရှိ​သနည်း​။ ငါ​ခေါ်​သောအခါ အဘယ်ကြောင့် ထူး​သော​သူ​မ​ရှိ​သနည်း​။ ငါ့​လက်​သည် မ​ရွေးနုတ်​နိုင်​လောက်အောင် တိုလွန်း​သလော​။ ငါ​၌ ကယ်တင်​နိုင်​သော​တန်ခိုး​မ​ရှိ​သလော​။ ငါ​ဆုံးမ​သဖြင့် ပင်လယ်​သည် ခန်းခြောက်​၏​။ ငါ​သည် မြစ်​တို့​ကို တောကန္တာရ​ဖြစ်စေ​၍ ငါး​တို့​သည် ရေ​မ​ရှိ​သောကြောင့် အပုပ်နံ့ထွက်​ကြ​၏​။ ရေငတ်​၍​သေ​ကြ​၏​။

ဟေ​ရှာ​ယ 51:11

ထာဝရဘုရား ရွေးနုတ်ကယ်တင်​သော​သူ​တို့ ပြန်လာ​ကြ​မည်​။ သီချင်းဆို​လျက် ဇိအုန်​မြို့​ထဲသို့​ဝင်လာ​ကြ​မည်​။ သူ​တို့​၏​ခေါင်း​ပေါ်၌ ဝမ်းမြောက်​ခြင်း​သရဖူ​ကို အစဉ်အမြဲ​ဆောင်း​ကြ​ရ​မည်​။ ဝမ်းနည်း​ခြင်း​၊ ညည်းတွား​ခြင်း​သည် ထွက်ပြေး​သွား​၍ ရွှင်မြူး​ခြင်း​၊ ဝမ်းမြောက်​ခြင်း​ကို ရရှိ​ကြ​မည်​။

ဟေ​ရှာ​ယ 63:12

ဘုန်းကြီး​သော​လက်ရုံး​တော်​ကို မောရှေ​၏​လက်ယာ​လက်​နှင့်အတူ ရှိ​စေ​သော​သူ​၊ နာမ​တော်​အစဉ်​ထင်ရှား​စေရန် သူ​တို့​ရှေ့​တွင် ရေ​ကို​ခွဲ​သော​သူ​၊

ဟေ​ရှာ​ယ 7:20

ထို​နေ့ရက်​၌ ဘုရားရှင်​သည် ယူဖရေးတီး​မြစ်​တစ်ဖက်​မှ အဆီးရီးယား​ဘုရင်​တည်းဟူသော သင်တုန်းဓား​ကို​ငှား​၍ ခေါင်း​နှင့်​ခြေ​မွေး​ကို ရိတ်​တော်မူ​လိမ့်မည်​။ မုတ်ဆိတ်​ကို​လည်း သုတ်သင်​တော်မူ​လိမ့်မည်​။

ဟေ​ရှာ​ယ 8:7

ကြည့်ရှု​လော့​။ ဘုရားရှင်​သည် အဆီးရီးယား​ဘုရင်​နှင့် သူ​၏​အင်အား​ရှိသမျှ​တည်းဟူသော အဟုန်ပြင်း​၍​များပြား​သော မြစ်​ရေ​တို့​ကို သူ​တို့​ထံ​ရောက်​စေ​တော်မူ​မည်​။ မြစ်ချောင်း​၊ ကမ်းပါး​ရှိသမျှ​ကို ဖုံးလွှမ်း​လျှံတက်​သွား​လိမ့်မည်​။

ယေ​ဇ​ကျေ​လ 29:10

ကြည့်ရှု​လော့​။ ငါ​သည် သင်​နှင့် မြစ်ချောင်း​တို့​ကို ဖျက်ဆီး​မည်​။ မိဂဒေါလ​ပြည်​၊ သုဏေ​ပြည်​မှ အီသီယိုးပီးယား​ပြည်​၏​နယ်နိမိတ်​တိုင်အောင် အီဂျစ်​ပြည်​ကို ပြိုပျက်​ရာ​၊ တိတ်ဆိတ်​ခြောက်ကပ်​ရာ ဖြစ်​စေ​မည်​။

ယေ​ဇ​ကျေ​လ 30:12

မြစ်ချောင်း​များ​ကို ခန်းခြောက်​စေ​မည်​။ ပြည်​ကို လူဆိုး​တို့​လက်​သို့ အပ်​လိုက်​မည်​။ တစ်ပါးအမျိုးသား​တို့​လက်ချက်​ဖြင့် ပြည်​တစ်ပြည်လုံး​ကို ဖျက်ဆီး​ပစ်​မည်​ဟု ငါ​ထာဝရဘုရား မိန့်ဆို​ပြီ’​ဟု မိန့်​တော်မူ​၏​။

ဇာ​ခ​ရိ 10:11

သူ​တို့​သည် ဒုက္ခ​ပင်လယ်​ကို ဖြတ်ကျော်​၍ ပင်လယ်​လှိုင်းတံပိုး​တို့​ကို ဒဏ်ခတ်​လိမ့်မည်​။ နိုင်း​မြစ်​ရေထုကြီး​လည်း ခန်းခြောက်​သွား​လိမ့်မည်​။ အဆီးရီးယား​ပြည်​၏​မာန ချိုးဖျက်​ခံရ​လိမ့်မည်​။ အီဂျစ်​ပြည်​၏​ရာဇလှံတံ​လည်း ကွယ်ပျောက်​ရ​လိမ့်မည်​။

ဗျာ​ဒိတ် 16:12

ဆဋ္ဌမ​ကောင်းကင်​တမန်​သည် သူ​၏​ဖလား​ကို ကြီးမား​သော​ယူဖရေးတီး​မြစ်​ပေါ်သို့​သွန်းလောင်း​သောအခါ အရှေ့​ပြည်​မှ​ဘုရင်​များ​အတွက် လမ်း​ကို​ပြင်ဆင်​ပေး​ရန် မြစ်​ရေ​သည်​ခန်းခြောက်​သွား​လေ​၏။