ဟေ​ရှာ​ယ 11:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ထို​နေ့ရက်​၌ ယေရှဲ​၏​အမြစ်​သည် လူ​တို့​အတွက် အောင်လံ​သဖွယ်​ရပ်တည်​လိမ့်မည်​။ လူမျိုး​တို့​သည် သူ့​ကို မေးမြန်း​စူးစမ်း​ကြ​လိမ့်မည်​။ ကိန်းဝပ်​တော်မူ​ရာ​အရပ်​သည် ဘုန်းအသရေ​ရှိ​လိမ့်မည်​။

Common Language Bible

¹⁰ ဒါ​ဝိဒ်​မင်း​ဆက်​မှ​ပေါ်​ထွန်း​လာ​သည့်​ဘု​ရင် သည် လူ​မျိုး​တ​ကာ​တို့​အ​ဖို့​အ​ချက်​ပြ​အ​မှတ် လက္ခ​ဏာ​တစ်​ရပ်​ဖြစ်​သည့်​အ​ချိန်​ကာ​လ​ကျ ရောက်​လာ​လိမ့်​မည်။ သူ​တို့​သည်​သူ​၏​မြို့​တော် သို့​လာ​ရောက်​စု​ရုံး​ကြ​လျက် သူ့​အား​ဂုဏ်​ပြု ချီး​မြှင့်​ကြ​လိမ့်​မည်။-

Garrad Bible

¹⁰ ထို ကာ လ၊ လူ မျိုး တို့၏ အ လံ သ ဖွယ် တည် သော၊ ယေ ရှဲ၏ အ မြစ် အ ညွန့် ကို လူ မျိုး ခြား တို့ လိုက် ရှာ မေး မြန်း လျက်၊ ကိန်း ဝပ် တော် မူ ရာ အ ရပ် သည် ဘုန်း ကြီး လိမ့် မည်။

Judson Bible

¹⁰ ထို​ကာ​လ၌ ယေ​ရှဲ၏​အ​မြစ်​သည် ပေါက်၍၊ လူ​များ​အ​ဖို့​ထူ​သော​အ​လံ ဖြစ်​လိမ့်​မည်။ ထို​အ​လံ၌ တစ်​ပါး​အ​မျိုး​သား​တို့​သည် ဆည်း​ကပ်​ကြ​လိမ့်​မည်။ ကျိန်း​ဝပ်​တော်​မူ​ရာ​အ​ရပ်​သည်​လည်း ဘုန်း​ကြီး​လိမ့်​မည်။

ဟေ​ရှာ​ယ 11:10 Referencias Cruzadas

ကမ္ဘာ​ဦး 49:10

လူမျိုး​တို့​သည် ရှိလော​ကို​နာခံ​ကြ​လိမ့်မည်​။ သူ​မ​ရောက်လာ​မီ​တိုင်အောင် ရာဇလှံတံ​သည် ယုဒ​ထံမှ ထွက်သွား​မည်​မ​ဟုတ်​၊ ကျိုင်း​သည်​လည်း သူ့​ခြေထောက်​ကြား​မှ​ထွက်သွား​မည်​မ​ဟုတ်​။

၁ ရာ​ချုပ် 2:12

ဗောဇ​၏​သား​မှာ​ဩဗက်​၊ ဩဗက်​၏​သား​မှာ ယေရှဲ ဖြစ်​၏​။

ဆာ​လံ 116:7

အို ငါ​၏​စိတ်ဝိညာဉ်​၊ သင်​၏​ငြိမ်ဝပ်​ရာ​အရပ်​သို့​ပြန်လာ​လော့​။ အကြောင်းမူကား ထာဝရဘုရား​သည် သင့်​ကို​ကျေးဇူးပြု​တော်မူ​ပြီ​။

ဆာ​လံ 145:11

သူ​တို့​သည် ကိုယ်တော့်​နိုင်ငံ​၏ ဘုန်းအသရေ​တော်​အကြောင်း​ကို ပြောဆို​ကြ​ပါ​လိမ့်မည်​။ ကိုယ်တော်​၏​အစွမ်းတန်ခိုး​တော်​အကြောင်း​ကို​လည်း မြွက်ဆို​ကြ​ပါ​လိမ့်မည်​။

ဆာ​လံ 149:5

သန့်ရှင်း​သူ​တို့​သည် ဘုန်းအသရေ​တော်​၌​ရွှင်မြူး​ကြ​ပါစေ​။ မိမိ​တို့​၏​အိပ်ရာ​ပေါ်၌ ရွှင်လန်း​စွာ​သီချင်းဆို​ကြ​ပါစေ​။

ဆာ​လံ 91:1

အမြင့်ဆုံး​သော​အရှင်​၏​ကွယ်ကာ​ရာ​အရပ်​၌ နေ​သော​သူ​သည် အနန္တတန်ခိုးရှင်​၏​အရိပ်​ကို ခို​ရ​လိမ့်မည်​။

ဆာ​လံ 91:4

ကိုယ်တော်​သည် မိမိ​၏​အတောင်​တော်​အမွေး​ဖြင့် သင့်​ကို​အုပ်မိုး​တော်မူ​လိမ့်မည်​။ သင်​သည်​လည်း ကိုယ်တော်​၏ အတောင်​တော်​အောက်​၌ ခိုလှုံ​ရ​လိမ့်မည်​။ ကိုယ်တော်​၏​သစ္စာ​တော်​သည် ဒိုင်းကာ​နှင့်​ဒိုင်းလွှား​ဖြစ်​၏​။

ဟေ​ရှာ​ယ 11:1

ယေရှဲ​၏​အငုတ်​မှ အတက်​ထွက်လာ​မည်​။ သူ​၏​အမြစ်​မှ​အကိုင်း​သည် အသီး​သီး​လိမ့်မည်​။

ဟေ​ရှာ​ယ 11:12

လူမျိုး​အပေါင်း​တို့​အတွက် အချက်ပြအလံ​လွှင့်ထူ​တော်မူ​မည်​။ နှင်ထုတ်​ခြင်း​ခံရ​သော​အစ္စရေး​လူမျိုး​တို့​ကို ပြန်​စုဝေး​စေ​တော်မူ​မည်​။ ကွဲလွင့်​နေ​သော​ယုဒ​အမျိုး​တို့​ကို မြေကြီး​အရပ်​လေး​မျက်နှာ​မှ ခေါ်ယူစုစည်း​တော်မူ​မည်​။

ဟေ​ရှာ​ယ 14:3

ထို​နေ့ရက်​၌ ထာဝရဘုရား​သည် သင်​၏​ဝမ်းနည်းပူဆွေး​ခြင်း​၊ ဆင်းရဲဒုက္ခ​၊ အလုပ်​ကြမ်း​လုပ်​ရ​ခြင်း​တို့​မှ သင့်​အား​လွတ်ငြိမ်းချမ်းသာ​ခွင့်​ကို​ပေး​တော်မူ​၍

ဟေ​ရှာ​ယ 2:11

ထို​နေ့ရက်​တွင် မျက်နှာ​မောက်မာ​သော​သူ​သည် မာန်စွယ်ကျိုး​သွား​ရ​မည်​။ ထောင်လွှား​သော​သူ​သည် ဦးကျိုး​သွား​ရ​မည်​။ ထာဝရဘုရား​တစ်ပါးတည်း​သာ ချီးမြှောက်​ခြင်း​ခံရ​မည်​။

ဟေ​ရှာ​ယ 2:2

နောက်ဆုံး​သော​ကာလ​၌ ထာဝရဘုရား​အိမ်​တော်​တည်​ရာ​တောင်​သည် တောင်​တို့​၏​အထွတ်အထိပ်​၌​တည်​၍ တောင်ကုန်း​တို့​အထက်​၌ ချီးမြှောက်​ခြင်း​ခံရ​လိမ့်မည်​။ လူမျိုး​အပေါင်း​တို့​သည်​လည်း ထို​တောင်​သို့ စုဝေး​လာ​ကြ​လိမ့်မည်​။

ဟေ​ရှာ​ယ 2:3

လူ​များစွာ​တို့​သည်​လာ​ကြ​၍ “​လာ​ကြ​လော့​။ ထာဝရဘုရား​၏​တောင်​တော်​၊ ယာကုပ်​၏​ဘုရားသခင့်​အိမ်​တော်​သို့ တက်​ကြ​ကုန်​စို့​။ ကိုယ်တော်​သည် မိမိ​၏​နည်းလမ်း​တော်​တို့​ကို ငါ​တို့​အား​သွန်သင်​တော်မူ​၍ ငါ​တို့​သည် ကိုယ်တော်​၏​လမ်း​တော်​၌ လျှောက်လှမ်း​ကြ​မည်​”​ဟု ဆို​ကြ​လိမ့်မည်​။ ပညတ်တရား​သည် ဇိအုန်​တောင်​မှ ထွက်ပေါ်​လာ​လိမ့်မည်​။ ထာဝရဘုရား​၏​နှုတ်ကပတ်တော်​သည် ဂျေရုဆလင်​မြို့​မှ ထွက်ပေါ်​လာ​လိမ့်မည်​။

ဟေ​ရှာ​ယ 28:12

“​ဤ​အရပ်​သည် နားနေ​ရာ​အရပ်​ဖြစ်​၏​။ မောပန်း​သော​သူ​တို့​သည် အနားယူ​ကြ​စေ​။ ဤ​အရပ်​သည် ငြိမ်းချမ်း​ရာ​အရပ်​ဖြစ်​၏​”​ဟု မိန့်​တော်မူ​သော်လည်း သူ​တို့​သည် နား​မ​ထောင်​လို​ကြ​။

ဟေ​ရှာ​ယ 42:4

သူ​သည် အား​မ​လျော့​၊ စိတ်​မ​ပျက်​ဘဲ မြေကြီး​ပေါ်တွင် တရားမျှတမှု​ကို တည်​စေ​မည်​။ ကမ်းရိုးတန်းဒေသ​များ​သည် သူ​၏​တရားတော်​ကို မျှော်လင့်စောင့်စား​ကြ​လိမ့်မည်​။

ဟေ​ရှာ​ယ 49:22

ဘုရားရှင်​ထာဝရဘုရား​က “​ကြည့်ရှု​လော့​။ ငါ​သည် တိုင်းနိုင်ငံ​တို့​ကို လက်​မြှောက်ပြ​မည်​။ လူမျိုးတကာ​တို့​ကို အချက်ပြအလံ ထူပြ​မည်​။ သူ​တို့​သည် သင်​၏​သား​တို့​ကို လက်​ထဲ၌​ပွေ့ချီ​လာ​မည်​။ သင်​၏​သမီး​တို့​ကို ပခုံး​ပေါ်၌ ထမ်းလာ​ကြ​မည်​။

ဟေ​ရှာ​ယ 59:19

ထို့ကြောင့် သူ​တို့​သည် ထာဝရဘုရား​၏​နာမ​တော်​ကို အနောက်​အရပ်​မှ​လည်းကောင်း​၊ ဘုန်းအသရေ​တော်​ကို နေထွက်​ရာ​အရပ်​မှ​လည်းကောင်း ကြောက်ရွံ့​ကြ​လိမ့်မည်​။ အကြောင်းမူကား ထာဝရဘုရား​၏​ထွက်သက်လေ​မှုတ်ထုတ်​တော်မူ​၍ အရှိန်အဟုန်​နှင့်​စီးဆင်း​သော​မြစ်ရေ​ကဲ့သို့ ကိုယ်တော်​ကြွလာ​တော်မူ​မည်​။

ဟေ​ရှာ​ယ 60:3

လူမျိုးတကာ​တို့​သည် သင်​၏​အလင်း​သို့​လည်းကောင်း​၊ ရှင်ဘုရင်​တို့​သည် သင်​၌ ထွန်းလင်း​သော​ရောင်ခြည်​သို့​လည်းကောင်း လာ​ကြ​လိမ့်မည်​။

ဟေ​ရှာ​ယ 60:5

သင်​သည် မြင်​၍ ဝမ်းသာ​ပီတိ​ဖြစ်​မည်​။ ဝမ်းမြောက်ဝမ်းသာ​ဖြစ်၍ စိတ်​လှုပ်ရှား​မည်​။ အကြောင်းမူကား ပင်လယ်​၏​စည်းစိမ်ဘဏ္ဍာ​သည် သင့်​ထံသို့​လှည့်လာ​၍ လူမျိုးတကာ​တို့​၏​ဥစ္စာပစ္စည်း​သည် သင့်​ထံသို့​ရောက်လာ​မည်​။

ဟေ​ရှာ​ယ 62:10

ဖြတ်သွား​ကြ​။ မြို့​တံခါး​ကို ဖြတ်သွား​ကြ​။ လူမျိုးတကာ​တို့​သွား​ရာ​လမ်း​ကို​ပြင်​ကြ​။ ဖို့​ကြ​။ လမ်းမကြီး​ကို​ဖို့​ကြ​။ ကျောက်ခဲ​ကို​ဖယ်​ကြ​။ လူမျိုးတကာ​တို့​အတွက် အချက်ပြအလံ​ကို​လွှင့်ထူ​ကြ​။

ဟေ​ရှာ​ယ 66:19

သူ​တို့​တွင် နိမိတ်လက္ခဏာ​ပြ​မည်​။ အသက်ရှင်​ကျန်ရစ်​သော​သူ​တို့​ကို တာရှု​ပြည်​၊ ပုလ​ပြည်​၊ လေးပစ်ကျွမ်းကျင်​သော​လုဒ​ပြည်​၊ တုဗလ​ပြည်​၊ ယာဝန်​ပြည်​၊ ဝေးလံ​သော​ကမ်းရိုးတန်းဒေသ​များ​စသော ငါ​၏​ဂုဏ်​သတင်း​ကို​မ​ကြား​ဖူး​၊ ဘုန်းအသရေ​ကို​လည်း မ​မြင်​ဖူး​သည့်​လူမျိုး​များ​ထံသို့ ငါ​စေလွှတ်​မည်​။ ထို​လူမျိုး​များ​တွင် ငါ​၏​ဘုန်းအသရေ​ကို သူ​တို့​ပြောကြား​ကြ​လိမ့်မည်​။

ယေ​ရ​မိ 6:16

ထာဝရဘုရား​က “​လမ်း​များ​၌​ရပ်​၍ ကြည့်​ကြ​လော့​။ ရှေးလမ်းဟောင်း​ကို ရှာဖွေ​လျက် ကောင်း​သော​လမ်း​အဘယ်မှာ​ရှိ​သနည်း​ဟု မေးမြန်း​၍ ထို​လမ်း​ကို​လိုက်​လျှင် သင်​တို့​၏​စိတ်ဝိညာဉ် သက်သာ​ရာ​ရ​လိမ့်မည်​။ သို့သော် သူ​တို့​က ‘​ထို​လမ်း​သို့ ငါ​တို့​မ​လိုက်​’​ဟု ဆို​ကြ​၏​။

ဟ္ဂဲ 2:9

‘ဤ​အိမ်​တော်​၏​ဘုန်းအသရေ​သည် ယခင်​အိမ်​တော်​ထက် သာ၍​ကြီးမြတ်​လိမ့်မည်’​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​ပြီ​။ ‘ဤ​အရပ်​၌​လည်း ငြိမ်သက်​ခြင်း​ကို ငါ​ပေး​မည်’​ဟူ၍ ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​ပြီ”​ဟု မိန့်ဆို​၏​။

ဇာ​ခ​ရိ 6:13

သူ​သည် ထာဝရဘုရား​၏​ဗိမာန်တော်​ကို​တည်ဆောက်​ပြီး ဘုန်းအသရေ​ကို​ဆောင်​လျက် ရာဇပလ္လင်​တော်​ပေါ်တွင် စံမြန်း​၍ အုပ်စိုး​လိမ့်မည်​။ ရာဇပလ္လင်​ပေါ်တွင် ယဇ်ပုရောဟိတ်​အဖြစ် စံမြန်း​လိမ့်မည်​။ ထို​အမှု​နှစ်ခုစလုံး သဟဇာတ​ဖြစ်​အောင် စီမံအုပ်ချုပ်​လိမ့်မည်”​ဟူ၍ မိန့်​တော်မူ​၏’​ဟု ပြောကြား​လော့​။

တော​လည် 10:33

အစ္စရေး​အမျိုးသား​တို့​သည် ထာဝရဘုရား​၏​တောင်​တော်​မှ သုံး​ရက်​ခရီးပြု​ကြ​၏​။ ထို​သုံး​ရက်​ခရီး​တွင် ထာဝရဘုရား​၏​ပဋိညာဉ်​သေတ္တာ​တော်​သည် သူ​တို့​နားနေ​ရာ​အရပ်​ကို​ရှာ​ရန် သူ​တို့​၏​ရှေ့​မှ​သွား​လေ​၏​။

မဿဲ 12:21

လူမျိုးခြား​တို့​သည် သူ​၏​နာမ​၌ မျှော်လင့်​အားထား​ကြ​လိမ့်မည်”​ဟူ၍ ဖြစ်​၏။

မဿဲ 8:11

သင်​တို့​အား ငါ​ဆို​သည်​ကား များစွာ​သော​လူ​တို့​သည် အရှေ့​အရပ်​နှင့်​အနောက်​အရပ်​တို့​မှ​လာ​၍ ကောင်းကင်​နိုင်ငံ​တော်​၌ အာဗြဟံ၊ ဣဇက်၊ ယာကုပ်​တို့​နှင့်အတူ စားသောက်ပွဲ​၌​ထိုင်​ကြ​လိမ့်မည်။

ရှင်ယောဟန် 12:32

ငါ​သည်​လည်း မြေ​မှ မြှောက်​ထား​ခြင်း​ခံရ​သောအခါ လူ​ခပ်သိမ်း​တို့​ကို ငါ့​ထံသို့​ဆွဲငင်​မည်”​ဟု မိန့်​တော်မူ​၏။

တမန်တော်ဝတ္ထု 11:18

သူ​တို့​သည် ထို​စကား​ကို​ကြား​သောအခါ တိတ်ဆိတ်​သွား​ကြ​၏။ ထို့နောက် ဘုရားသခင်​၏​ဘုန်း​တော်​ကို​ချီးမွမ်း​လျက် “သို့ဖြစ်လျှင် ဘုရားသခင်​သည် အသက်ရှင်​ခြင်း​သို့​ရောက်​စေ​သည့်​နောင်တ​တရား​ကို လူမျိုးခြား​တို့​အား​လည်း ပေး​တော်မူ​ပြီ”​ဟု ဆို​ကြ​၏။

တမန်တော်ဝတ္ထု 28:28

ထို့ကြောင့် ဘုရားသခင်​၏ ဤ​ကယ်တင်​ခြင်း​တရား​သည် လူမျိုးခြား​တို့​ထံ စေလွှတ်​ခြင်း​ခံရ​၍ သူ​တို့​သည် နားထောင်​ကြ​မည်​ဖြစ်ကြောင်း သင်​တို့​သိမှတ်​ကြ​လော့”​ဟူသော​စကား​တစ်​ခွန်း​ကို ပြော​လိုက်​လေ​၏။

ဟေ​ဗြဲ 4:1

ထို့ကြောင့် ဘုရားသခင်​၏​ငြိမ်ဝပ်​ရာ​ချမ်းသာ​ထဲသို့ ဝင်​ရ​မည့်​ကတိ​တော်​ရှိ​နေ​သေး​လျက်​နှင့် သင်​တို့​ထဲမှ မ​ဝင်​လိုက်​ရ​ဘဲ​နေ​မည့်​သူ​တစ်စုံတစ်ဦး​မျှ​မ​ရှိ​စေရန် သတိထား​ကြ​ကုန်စို့။

၁ ပေ 5:10

သင်​တို့​ကို မိမိ​၏​ထာဝရ​ဘုန်း​အသရေ​တော်​ထဲသို့ ခရစ်တော်​ယေရှု​အားဖြင့် ခေါ်ယူ​တော်မူ​သော​အရှင်၊ ကျေးဇူး​တော်​အပေါင်း​နှင့်​ပြည့်စုံ​တော်မူ​သော ဘုရားသခင်​ကိုယ်တော်​တိုင်​သည် ဒုက္ခ​ဝေဒနာ​ခေတ္တ​ခဏ​ခံစား​ပြီး​သော​သင်​တို့​ကို စုံလင်​စေ​၍ ခွန်အား​နှင့်​ပြည့်စုံ​စေ​ကာ တည်ကြည်​ခိုင်ခံ့​မြဲမြံ​စေ​တော်မူ​လိမ့်မည်။

ဗျာ​ဒိတ် 22:16

ငါ​ယေရှု​သည် အသင်းတော်​များ​အတွက် ဤ​အကြောင်းအရာ​များ​ကို သင်​တို့​အား​သက်သေခံ​ရန် ငါ​၏​ကောင်းကင်​တမန်​ကို​စေလွှတ်​လိုက်​၏။ ငါ​သည် ဒါဝိဒ်​၏​အမြစ်​နှင့်​အမျိုးအနွယ်​ဖြစ်​ပြီး တောက်ပ​သော​မိုးသောက်​ကြယ်​ဖြစ်​၏။”

ဗျာ​ဒိတ် 5:5

ထိုအခါ သက်ကြီးဝါကြီး​များ​ထဲမှ​တစ်​ပါး​က “မ​ငိုကြွေး​နှင့်။ ကြည့်ရှု​လော့။ ယုဒ​အနွယ်​မှ​ပေါ်ထွန်း​သော​ခြင်္သေ့၊ ဒါဝိဒ်​၏​အမြစ်​ဖြစ်​တော်မူ​သော​အရှင်​သည် အောင်မြင်​သဖြင့် ထို​စာလိပ်​နှင့်​တံဆိပ်​ခုနစ်​ခု​ကို​ဖွင့်​နိုင်​၏”​ဟု ငါ့​အား​ပြောဆို​၏။