ဟေ​ဗြဲ 12:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ထို့ပြင် ငါ​တို့​တွင် ဆုံးမ​ပဲ့ပြင်​ပေး​သော​လူသား​ဖခင်​ရှိ​၍ သူ​တို့​ကို ငါ​တို့​ရိုသေ​လေးစား​ကြ​သည်​ဆိုလျှင် ဝိညာဉ်​ရေး​ဆိုင်ရာ​ဖခင်​ကို ပို၍​ပင် နာခံ​ရ​မည်​မ​ဟုတ်​လော။ ထိုအခါ ငါ​တို့​သည် အသက်​ချမ်းသာ​ရာ​ရ​ကြ​လိမ့်မည်။

Common Language Bible

⁹ ငါ​တို့​အား​ဆုံး​မ​သော​လူ​ဖ​ခင်​ကို​ငါ​တို့ က​ရို​သေ​လေး​စား​ကြ​ပေ​သည်။ သို့​ဖြစ်​၍ ငါ​တို့​သည်​ဝိ​ညာဉ်​ရေး​ဆိုင်​ရာ​ဖ​ခင်​၏ အ​ဆုံး​အ​မ​ကို​ပို​၍​ပင် ခံ​ယူ​ကာ​အ​သက် ရှင်​သင့်​ကြ​သည်​မ​ဟုတ်​လော။-

Garrad Bible

⁹ ၎င်း ပြင် ငါ တို့ ရုပ် ခ န္ဓာ အ ဘ ဖြစ် သူ တို့ ထံ ပဲ့ ပြင် ခံ၍ ရို သေ ခဲ့ ကြ သည် ဖြစ် က အ သက် ရှင် ခွင့် ရ အံ့ သော ငှာ နာမ် ခ န္ဓာ အ ဖ ၏ အုပ် စိုး ခြင်း ကို အ ထူး ခံ ထိုက် ကြ သည် မ ဟုတ် လော။

Judson Bible

⁹ တစ်​နည်း​ကား၊ ကိုယ်​ကာ​ယ​နှင့်​စပ်​ဆိုင်​သော အ​ဘ​တို့​လက်​ဖြင့် ငါ​တို့​သည် ဆုံး​မ​ခြင်း​ကို ခံ​ရ​သော​အ​ခါ၊ သူ​တို့​ကို ရို​သေ​ကြ၏။ ထို​မျှ​မ​က၊ စိတ်​ဝိ​ညာဉ်​တို့၏ အ​ဘ​အ​လို​သို့​လိုက်၍၊ အ​သက်​ချမ်း​သာ​ရ​ကြ​မည် မ​ဟုတ်​လော။-

ခေတ်သစ်​မြန်မာ သမ္မာကျမ်း

⁹ ထို့ပြင် ကျွန်ုပ်တို့​သည် မိမိတို့​အား ပဲ့ပြင်ဆုံးမသည့် လူ့​ဖခင်များ​ကို ရိုသေ​လေးစားကြ​လျှင် ဝိညာဉ်​ဖခင်​၏ ပဲ့ပြင်ဆုံးမခြင်း​ကို ပို​၍ နာခံ​လျက် အသက်ရှင်​နေထိုင်ရမည်​မဟုတ်လော။

ဟေ​ဗြဲ 12:9 Referencias Cruzadas

ယောဘဝတ္တု။ 12:10

သက်ရှိသတ္တဝါ​တိုင်း​၏​အသက်​၊ လူသား​တိုင်း​၏​ထွက်သက်ဝင်သက်​သည် ထာဝရဘုရား​လက်​တော်​၌​ရှိ​၏​။

ထွက်​မြောက် 20:12

သင်​၏​မိဘ​ကို​ရိုသေ​လော့​။ ထိုသို့​ပြု​လျှင် သင်​၏​ဘုရားသခင်​ထာဝရဘုရား​ပေးသနား​တော်မူ​သော​ပြည်​၌ သင်​သည် အသက်​ရှည်​လိမ့်မည်​။

သုတ္တံကျမ်း။ 30:17

ဖခင်​ကို​ပြက်ရယ်ပြု​၍ မိခင်​အား​နာခံ​ခြင်း​ကို မထီမဲ့မြင်ပြု​တတ်​သော​မျက်စိ​ကို လျှိုမြောင်​၌​ရှိ​သော​ကျီးကန်း​တို့​သည် ဖောက်ထုတ်​၍ လင်းတ​၏​သားပေါက်​တို့​သည် စား​ကြ​လိမ့်မည်​။

ဒေသနာကျမ်း။ 12:7

မြေမှုန့်​သည် လာ​ရင်း​မြေ​သို့​ပြန်သွား​သကဲ့သို့ အသက်​ဝိညာဉ်​သည် ၎င်း​ကို​ပေး​တော်မူ​သော​ဘုရားသခင်​ထံသို့​ပြန်သွား​မည့်​အချိန်​မ​ရောက်​မီ ကိုယ်တော်​ကို​အောက်မေ့​လော့​။

ဟေ​ရှာ​ယ 38:16

အို ဘုရားရှင်​၊ ထိုသို့​သော​အားဖြင့် လူ​တို့​အသက်ရှင်​ကြ​ပါ​၏​။ အကျွန်ုပ်​၏​အသက်​ဝိညာဉ်​သည်​လည်း ထို​အရာ​အားလုံး​ထဲ၌ တည်​ပါ​၏​။ အကျွန်ုပ်​ကို​ပြန်လည်​ကျန်းမာ​စေ​၍ အသက်ရှင်​စေ​တော်မူ​ပါ​ပြီ​။

ဟေ​ရှာ​ယ 42:5

မိုးကောင်းကင်​ကို​ဖန်ဆင်း​၍ ဖြန့်ကြက်​တော်မူ​သော​အရှင်​၊ မြေကြီး​နှင့်​မြေကြီး​မှ​ဖြစ်လာ​သော​အရာ​တို့​ကို ခင်းကျင်း​တော်မူ​သော​အရှင်​၊ မြေကြီး​ပေါ်​ရှိ​လူ​တို့​အား ဇီဝ​အသက်​ကို​လည်းကောင်း​၊ မြေကြီး​ပေါ်တွင် အသက်ရှင်​သွားလာ​သော​သူ​တို့​အား ဝိညာဉ်​ကို​လည်းကောင်း ပေး​တော်မူ​သော​အရှင် ဘုရားသခင်​ထာဝရဘုရား ဤသို့​မိန့်​တော်မူ​၏​။

ဟေ​ရှာ​ယ 45:10

ဖခင်​အား ‘​သင်​သည် မည်သည့်​အရာ​ကို မွေးဖွား​စေ​သနည်း​’​ဟူ၍​လည်းကောင်း​၊ မိခင်​အား ‘​သင်​သည် မည်သည့်​အရာ​ကို မွေးဖွား​သနည်း​’​ဟူ၍​လည်းကောင်း ဆို​သော​သူ​သည် အမင်္ဂလာ​ရှိ​၏​”​ဟု မိန့်​တော်မူ​၏​။

ဟေ​ရှာ​ယ 57:16

ငါ​ကိုယ်တော်တိုင်​ဖန်ဆင်း​သော​ဝိညာဉ်​၊ ငါ​ကိုယ်တော်တိုင်​ဖန်ဆင်း​သော​ဇီဝအသက်​တို့​သည် ငါ့​ရှေ့​မှာ မ​ညှိုးငယ်​စေရန် ငါ​သည် အစဉ်​အပြစ်တင်​မည်​မ​ဟုတ်​။ အစဉ်​အမျက်ထွက်​မည်​မ​ဟုတ်​။

ယေ​ဇ​ကျေ​လ 22:7

မိဘ​ကို မထီလေးစားပြု​သော​သူ​များ သင့်​တွင်​ရှိ​၏​။ တိုင်းတစ်ပါးသား​တို့​ကို ဖိနှိပ်ချုပ်ချယ်​သော​သူ​များ သင့်​တွင်​ရှိ​၏​။ ဖတဆိုး​များ​၊ မုဆိုးမ​များ​ကို နိုင်ထက်စီးနင်း​ပြု​သော​သူ​များ​သင့်​တွင်​ရှိ​၏​။

ဝတ်​ပြု 19:3

လူ​တိုင်း ကိုယ့်​မိဘ​ကို ရိုသေ​ရ​မည်​။ ငါ​၏​ဥပုသ်နေ့​ကို စောင့်ထိန်း​ရ​မည်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

ဇာ​ခ​ရိ 12:1

အစ္စရေး​လူမျိုး​နှင့်ပတ်သက်​သော ထာဝရဘုရား​၏​ဗျာဒိတ်​စကား​။ မိုးကောင်းကင်​ကို ဖြန့်ကြက်​၍ မြေကြီး​အုတ်မြစ်​ကို​တည်​ပြီးလျှင် လူ့​အထဲ​၌ အသက်ဝိညာဉ်​ကို ပုံဖော်ဖန်ဆင်း​ပေး​တော်မူ​သော​ထာဝရဘုရား​က

မာ​လ​ခိ 1:6

အို နာမ​တော်​ကို​မထီမဲ့မြင်ပြု​သော​ယဇ်ပုရောဟိတ်​တို့​၊ သား​သည် ဖခင်​ကို​လည်းကောင်း​၊ ကျွန်​သည် သခင်​ကို​လည်းကောင်း ရိုသေလေးစား​တတ်​၏​။ ငါ​သည် ဖခင်​ဆိုလျှင် ငါ့​ကို မည်သူ​ရိုသေလေးစား​သနည်း​။ ငါ​သည် သခင်​ဆိုလျှင် ငါ့​ကို မည်သူ​ကြောက်ရွံ့​သနည်း​ဟု ကောင်းကင်​ဗိုလ်ခြေ​အရှင်​ထာဝရဘုရား​မေး​တော်မူ​လျှင် သင်​တို့​က ‘အကျွန်ုပ်​တို့​သည် ကိုယ်တော်​၏​နာမ​တော်​ကို မည်သို့​မထီမဲ့မြင်ပြု​ပါ​သနည်း’​ဟု ပြန်​မေးလျှောက်​ကြ​၏​။

တော​လည် 16:22

ထိုအခါ မောရှေ​နှင့်​အာရုန်​သည် ပျပ်ဝပ်​လျက် “​လူသား​အားလုံး​၏​အသက်ဝိညာဉ်​ကို ပိုင်​တော်မူ​သော အို ဘုရားသခင်​၊ လူ​တစ်​ယောက်​၏​ပြစ်မှားမှု​ကြောင့် လူထု​အပေါင်း​ကို အမျက်ထွက်​တော်မူ​မည်လော​”​ဟု လျှောက်​ကြ​၏​။

တော​လည် 27:16

“​လူသား​အပေါင်း​တို့​၏​အသက်ဝိညာဉ်​ကို​ပိုင်​တော်မူ​သော​ဘုရားသခင် ထာဝရဘုရား​သည် ဤ​လူထု​ကို​အုပ်စိုး​ရန် လူ​တစ်​ယောက်​ကို​ခန့်ထား​တော်မူ​ပါစေသော​။

လုကာ 18:2

“မြို့​တစ်​မြို့​၌ ဘုရားသခင်​ကို​မ​ကြောက်၊ လူ​ကို​လည်း​မ​လေးစား​သော တရားသူကြီး​တစ်​ဦး​ရှိ​၏။

လုကာ 18:4

သူ​သည် အတန်​ကြာ​မျှ စီရင်​ပေး​လို​စိတ်​မ​ရှိ​ခဲ့​သော်လည်း နောက်ဆုံး​တွင် မိမိ​စိတ်​ထဲ၌ ‘ငါ​သည် ဘုရားသခင်​ကို​မ​ကြောက်၊ လူ​ကို​လည်း​မ​လေးစား​တတ်။

ရှင်ယောဟန် 3:6

အသွေး​အသား​အားဖြင့် မွေးဖွား​သော​အရာ​သည် အသွေး​အသား​ဖြစ်​၏။ ဝိညာဉ်​တော်​အားဖြင့် မွေးဖွား​သော​အရာ​သည် ဝိညာဉ်​ဖြစ်​၏။

တမန်တော်ဝတ္ထု 2:30

သူ​သည် ပရောဖက်​တစ်ပါး​ဖြစ်​သောကြောင့် သူ့​သား​မြေး​ထဲမှ တစ်​ဦး​ကို သူ​၏​ပလ္လင်​ပေါ်တွင်​ထိုင်​စေ​မည်​ဟု ဘုရားသခင်​သည် သူ့​အား​ကတိ​သစ္စာ​ဖြင့်​တိုင်တည်​၍ မိန့်​တော်မူ​ကြောင်း​သိ​ထား​၏။

ရော​မ 1:3

ဘုရားသခင်​၏​သား​တော်​အကြောင်း​ဖြစ်​၏။ သား​တော်​သည် လူသား​အနေဖြင့် ဒါဝိဒ်​၏​အမျိုးအနွယ်​မှ ပေါ်ထွန်း​တော်မူ​၍

ရော​မ 9:3

အမှန်စင်စစ် သွေးသား​ဇာတိ​အားဖြင့် ငါ​၏​အမျိုးသား​ချင်း​များ​ဖြစ်​ကြ​သော ငါ့​ညီအစ်ကို​တို့​အတွက် ငါ​ကိုယ်တိုင် ခရစ်တော်​နှင့်​ကွဲကွာ​လျက် ကျိန်​ခြင်း​ကို​ပင် ခံ​လို​သော​ဆန္ဒ​ရှိ​၏။

ရော​မ 9:5

ရှေး​ဘိုးဘေး​တို့​သည် သူ​တို့​နှင့်​ဆက်နွှယ်​ကြ​၍ ခရစ်တော်​သည်​လည်း လူသား​အနေဖြင့် သူ​တို့​ထဲမှ​ပေါ်ထွန်း​တော်မူ​၏။ ထို​အရှင်​သည် အရာ​ခပ်သိမ်း​တို့​အထက်​၌​ရှိ​၍ ကာလ​အစဉ်အဆက်​မင်္ဂလာရှိ​တော်မူ​သော ဘုရားသခင်​ဖြစ်​တော်မူ​၏။ အာမင်။

တ​ရား​ဟော 27:16

‘​မိမိ​၏​မိဘ​ကို မထီလေးစား​ပြု​သော​သူ​သည် ကျိန်ဆဲ​ခြင်း​ခံရ​မည်​’​ဟု ဆို​လျှင် လူ​အပေါင်း​တို့​က ‘​အာမင်​’​ဟု ဆို​ရ​မည်​။

ယာ​ကုပ် 4:10

ထာဝရ​ဘုရား​ရှေ့​တော်​၌ မိမိ​ကိုယ်​ကို​နှိမ့်ချ​ကြ​လော့။ သို့ပြုလျှင် ကိုယ်တော်​သည် သင်​တို့​ကို​ချီးမြှောက်​တော်မူ​လိမ့်မည်။

ယာ​ကုပ် 4:7

ထို့ကြောင့် ဘုရားသခင်​ကို​နာခံ​ကြ​လော့။ မာရ်နတ်​ကို​ဆန့်ကျင်​တွန်းလှန်​ကြ​လော့။ သို့ပြုလျှင် သူ​သည် သင်​တို့​ထံမှ ထွက်ပြေး​လိမ့်မည်။

၁ ပေ 5:6

ထို့ကြောင့် အချိန်တန်​သောအခါ သင်​တို့​ကို ချီးမြှောက်​တော်မူ​မည့်​အကြောင်း ဘုရားသခင်​၏​တန်ခိုး​ကြီး​သော​လက်​တော်​အောက်၌ မိမိ​ကိုယ်​ကို​နှိမ့်ချ​ကြ​လော့။

ဗျာ​ဒိတ် 22:6

ထို့နောက် ကောင်းကင်​တမန်​က “ဤ​စကား​တို့​သည် သစ္စာ​စကား၊ မှန်ကန်​သော​စကား​ဖြစ်​ကြ​၏။ ပရောဖက်​တို့​၏​ဝိညာဉ်​များ​ကို​ပိုင်သ​တော်မူ​သော ထာဝရ​အရှင်​ဘုရားသခင်​သည် မကြာမီ​အတွင်း​ဖြစ်ပျက်​ရ​မည့်​အရာ​များ​ကို မိမိ​အစေအပါး​တို့​အား​ပြသ​ရန် မိမိ​၏​ကောင်းကင်​တမန်​ကို စေလွှတ်​တော်မူ​၏”​ဟု မြွက်ဆို​လေ​၏။