ဟော​ရှေ 8:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ အကယ်စင်စစ် ထို​ရုပ်တု​သည် အစ္စရေး​ထံမှ အစပြု​ခဲ့​၏​။ လက်မှုပညာသည်​က ထုလုပ်​သည်​ဖြစ်၍ ဘုရား မ​ဟုတ်​။ ရှမာရိ​အမျိုး​၏​နွားသငယ်ရုပ်တု​သည် တစ်စစီ​ကျိုးပဲ့​ရ​လိမ့်မည်​။

Common Language Bible

⁶ ဣ​သ​ရေ​လ​အ​မျိုး​သား​လက်​မှု​ပ​ညာ သည်​သွန်း​လုပ်​သော​ရုပ်​တု​သည်​ဘု​ရား မ​ဟုတ်။ ရှ​မာ​ရိ​မြို့​သား​တို့​ကိုး​ကွယ်​သော ရွှေ​နွား​ရုပ်​သည်​အ​စိတ်​စိတ်​အ​မြွှာ​မြွှာ ဖြစ်​ရ​လိမ့်​မည်။-

Garrad Bible

⁶ ဘု ရား မ ဟုတ်၊ ပန်း တည်း သွန်း၍၊ ခွဲ စိတ် ခြင်း ခံ ရ လ တ္တံ့ သော ရှ မာ ရိ နွား ရုပ် သည်၊ ဣ သ ရေ လ အ မျိုး၏ အ ကြံ အ စည် တည်း။

Judson Bible

⁶ ထို​နွား​သ​ငယ်​သည် ဣ​သ​ရေ​လ​အ​မျိုး ကြံ​စည်၍ ဖြစ်၏။ ဆ​ရာ​သ​မား​လုပ်​သော​ကြောင့် ဘု​ရား​မ​ဟုတ်။ အ​ကယ်​စင်​စစ် ရှ​မာ​ရိ​နွား​သ​ငယ်​သည် အ​ပိုင်း​ပိုင်း ကျိုး​ပဲ့​ရ​လိမ့်​မည်။

ဟော​ရှေ 8:6 Referencias Cruzadas

၄ ရာ 23:15

ဗေသလ​မြို့​ရှိ ယဇ်ပလ္လင်​နှင့် အစ္စရေး​လူမျိုး​တို့​ကို လမ်းမှား​စေ​သော​နေဗတ်​၏​သား​ယေရောဗောင်​မင်းကြီး​တည်​ထား​ခဲ့​သည့် အထွတ်အမြတ်​ထား​ရာ​နေရာ​တို့​ကို​လည်း ရှင်ဘုရင်​သည် ထို​ယဇ်ပလ္လင်​နှင့် အထွတ်အမြတ်​ထား​ရာ​နေရာ​ကို​ပါ ဖြိုချ​ပစ်​ပြီး မီးရှို့​ကာ​အမှုန့်ချေ​ပစ်​၏​။ အာရှရ​နတ်ဘုရားမ​တံခွန်တိုင်​ကို​လည်း မီးရှို့​ပစ်​၏​။

၄ ရာ 23:19

အမျက်​တော်​ထွက်​စေ​ဖို့ အစ္စရေး​ဘုရင်​တို့ တည်​ထား​ခဲ့​သည့် ရှမာရိ​မြို့ရွာ​များ​ရှိ အထွတ်အမြတ်​ထား​ရာ​ကုန်းမြင့်​များ​မှ​ဝတ်ကျောင်း​အားလုံး​ကို​လည်း ယောရှိ​မင်းကြီး​သည် ဗေသလ​မြို့​တွင် ပြု​ခဲ့​သည့်​အတိုင်း ဖယ်ရှား​ပစ်​၏​။

၂ ရာ​ချုပ် 13:8

ယခု သင်​တို့​၏​ဘုရား​အဖြစ် ယေရောဗောင်​မင်းကြီး​ပြုလုပ်​ပေး​သော​ရွှေ​နွားသငယ်ရုပ်​ရှိ​၍ သင်​တို့​အင်အားကြီး​သောကြောင့် ဒါဝိဒ်​မင်းကြီး​၏​သားမြေး​များ​လက်​ထဲရှိ ထာဝရဘုရား​၏​နိုင်ငံ​တော်​ကို တွန်းလှန်​ရန် သင်​တို့​ကြံစည်​ကြ​သလော​။

၂ ရာ​ချုပ် 31:1

ပွဲတော်​အမှုကိစ္စ​အားလုံး​ပြီးစီး​သွား​သောအခါ ပွဲတော်​သို့​လာရောက်​သော​အစ္စရေး​လူမျိုး​အပေါင်း​တို့​သည် ယုဒ​မြို့ရွာ​များ​သို့ ထွက်သွား​ပြီး အထွတ်အမြတ်​ကျောက်တိုင်​များ​ကို ချိုးဖျက်​၍ အာရှရ​နတ်ဘုရားမ​တံခွန်တိုင်​များ​ကို​လည်း ခုတ်လှဲ​ပစ်​ကြ​၏​။ ယုဒ​ပြည်​၊ ဗင်္ယာမိန်​ပြည်​၊ ဧဖရိမ်​ပြည်​၊ မနာရှေ​ပြည် တစ်လျှောက်လုံး​ရှိ အထွတ်အမြတ်​ထား​ရာ​နေရာ​များ​၊ ယဇ်ပလ္လင်​များ​ကို အပြီးတိုင်​ဖျက်ဆီး​ပစ်​ကြ​၏​။ ထို့နောက် အစ္စရေး​အမျိုးသား​အပေါင်း​တို့​သည် မိမိ​တို့​ဆိုင်ရာ​မြို့​များ​သို့ အသီးသီး​ပြန်သွား​ကြ​လေ​၏​။

ယေ​ရ​မိ 10:14

လူ​အပေါင်း​တို့​သည် အသိတရား​ကင်းမဲ့​၏​။ ပညာ​လည်း​မ​ရှိ​။ ပန်းထိမ်သမား​အပေါင်း​တို့​သည်​လည်း ရုပ်တုဆင်းတု​အားဖြင့် အရှက်ကွဲ​ကြ​လိမ့်မည်​။ အကြောင်းမူကား သူ​တို့​သွန်းလုပ်သောရုပ်တု​တို့​သည် လှည့်စား​ခြင်း​သာ​ဖြစ်​၏​။ အသက်​မ​ရှိ​။

ယေ​ရ​မိ 48:13

အစ္စရေး​အမျိုးအနွယ်​သည် သူ​တို့​ကိုးစား​သော ဗေသလ​ဘုရား​ကြောင့် အရှက်ကွဲ​ခဲ့​ကြ​ရ​သကဲ့သို့ မောဘ​ပြည်သား​တို့​သည်​လည်း ခေမုရှ​ဘုရား​ကြောင့် အရှက်ကွဲ​ကြ​ရ​လိမ့်မည်​။

ယေ​ရ​မိ 50:2

ထာဝရဘုရား​က “ ‘ဘေဘီလုံ​မြို့ သိမ်းပိုက်​ခံရ​ပြီ​။ ဗေလ​ဘုရား အရှက်ကွဲ​လေ​ပြီ​။ မေရောဒပ်​ဘုရား ကြောက်လန့်​လေ​ပြီ​။ ဘေဘီလုံ​ရုပ်တု​တို့ အရှက်ကွဲ​လေ​ပြီ​။ ဆင်းတု​တို့ ကြောက်လန့်​လေ​ပြီ​’​ဟု ကြွေးကြော်​ကြေညာ​လော့​။ အချက်ပြအလံ​ကို လွှင့်ထူ​ပြီး မကွယ်မဝှက်​ဘဲ လူမျိုးတကာ​တို့​အား ပြောကြား​ကြ​လော့​။

ဟော​ရှေ 10:2

သူ​တို့​သည် စိတ်နှလုံး​မိုက်မဲ​ကြ​၏​။ ယခုမှာ အပြစ်ဒဏ်​ခံရ​တော့​မည်​။ ကိုယ်တော်​သည် သူ​တို့​၏​ယဇ်ပလ္လင်​တို့​ကို ဖြိုချ​ပြီး အထွတ်အမြတ်​ကျောက်တိုင်​တို့​ကို ဖျက်ဆီး​တော်မူ​မည်​။

ဟော​ရှေ 13:2

သူ​တို့​သည် အပြစ်​ကို အထပ်ထပ်​ကျူးလွန်​ကြ​၏​။ သူ​တို့​ကိုယ်ပိုင်​ဉာဏ်​ဖြင့် သူ​တို့​အဖို့ ငွေ​ရုပ်တု​ကို လုပ်​ကြ​၏​။ ထို​ရုပ်တု​အားလုံး​သည် လက်မှုပညာသည်​တို့​၏​လက်ရာ​သက်သက်​သာ ဖြစ်​၏​။ ထို​သူ​တို့​က “​ယဇ်ပူဇော်​သော​လူ​တို့​သည် နွားသငယ်ရုပ်တု​ကို​နမ်း​ကြ​စေ​”​ဟု ဆို​ကြ​၏​။

ဟော​ရှေ 14:3

အဆီးရီယား​ပြည်​သည် အကျွန်ုပ်​တို့​ကို မ​ကယ်တင်​နိုင်​ပါ​။ အကျွန်ုပ်​တို့​သည် မြင်း​မ​စီး​တော့​ပါ​။ ကိုယ့်​လက်​ဖြင့်​လုပ်​သော​အရာ​တို့​ကို ‘​အကျွန်ုပ်​တို့​၏​ဘုရား​’​ဟု မ​ဆို​တော့​ပါ​။ အကြောင်းမူကား ကိုယ်တော်​သည် ဖတဆိုး​တို့​ကို သနားစုံမက်​တော်မူ​ပါ​၏​”​ဟု လျှောက်ဆို​လော့​။

မိက္ခာ 1:7

ထို​မြို့​ရှိ ရုပ်တု​အားလုံး​ကို အစိတ်စိတ်အမွှာမွှာ​ဖြစ်စေ​မည်​။ ပြည့်တန်ဆာ​လုပ်​၍​ရ​သော​အခ​အားလုံး​ကို မီးလောင်ကျွမ်း​စေ​မည်​။ ရုပ်တု​ရှိသမျှ​ကို​လည်း အပျက်အစီးပုံ​ဖြစ်စေ​မည်​။ သူ​စုဆောင်း​ထား​သော​ပြည့်တန်ဆာ​လုပ်အားခ​သည် ပြည့်တန်ဆာ​အခ ပြန်ဖြစ်​လိမ့်မည်​။”

ဟ​ဗက္ကုတ် 2:18

ရုပ်တုဆင်းတု​သည် မည်သည့်​အကျိုးအမြတ်​ကို​ပေး​နိုင်​၍ ပန်းပုသမား​သည် ထုဆစ်​ရ​သနည်း​။ ရုပ်တု​နှင့် မုသား​ဆရာ အတူတူ​ပင်​ဖြစ်​၏​။ ပန်းပုသမား​သည် ဆွံ့အ​သော​ရုပ်တု​ကို ထုလုပ်​ပြီး ထို​ရုပ်တု​ကို ကိုးစား​ပါ​သည်​တကား​။

တမန်တော်ဝတ္ထု 17:29

ငါ​တို့​သည် ဘုရားသခင်​၏​သားသမီး​များ​ဖြစ်​ကြ​သောကြောင့် ဘုရားသခင်​ကို လူ​၏​အတတ်ပညာ​နှင့်​စဉ်းစား​ဆင်ခြင်​မှု​တို့​ဖြင့် ရွှေ၊ ငွေ၊ ကျောက်​တုံး​တို့​ကို​ထွင်းထု​ပြုလုပ်​ထား​သည့် ရုပ်တု​နှင့်​တူ​သည်​ဟု​မ​ထင်မှတ်​သင့်​ပေ။

တမန်တော်ဝတ္ထု 19:26

သို့သော် သင်​တို့​မြင်​ရ၊ ကြား​ရ​သည့်​အတိုင်း ဤ​ပေါလု​ဆို​သူ​က လူ့​လက်​ဖြင့်​လုပ်​သော​အရာ​များ​သည် ဘုရား​မ​ဟုတ်​ဟု​ဆို​လျက် ဧဖက်​မြို့​သာမက​အာရှ​ပြည်​တစ်ပြည်လုံး​နီးပါး​၌ များစွာ​သော​လူ​တို့​ကို စည်းရုံး​ပြီး လမ်းလွဲ​စေ​ခဲ့​၏။