ဟော​ရှေ 8:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ သူ​တို့​သည် လူမျိုးခြား​တို့​ထံမှ ချစ်သူ​များ​ငှားရမ်း​သော်လည်း သူ​တို့​ကို ငါ​ပြန်လည်​စုစည်း​မည်​။ ဘုရင်​နှင့် အကြီးအကဲ​တို့ တင်​သော​ဝန်​ကို လေးလံ​စွာ​ထမ်း​ရ​သောကြောင့် သူ​တို့​သည် ယုတ်လျော့စပြု​လိမ့်မည်​။

Common Language Bible

¹⁰ သို့​ရာ​တွင်​ငါ​သည်​ယ​ခု​သူ​တို့​အား​စု​ရုံး စေ​၍​အ​ပြစ်​ဒဏ်​စီ​ရင်​မည်။ မ​ကြာ​မီ​သူ တို့​သည်​အာ​ရှု​ရိ​ဧ​က​ရာဇ်​၏ နှိပ်​စက်​ညှင်း ပန်း​ခြင်း​ဒဏ်​ကို​အ​လူး​အ​လဲ​ခံ​ရ​ကြ လိမ့်​မည်။

Garrad Bible

¹⁰ လူ မျိုး ခြား တို့ တွင် ထို သို့ ငှား သော် လည်း၊ ငါ သိမ်း သွား သည့် အ လျောက်၊ ဘု ရင် ထက် ဘု ရင် တင် သော ဝန် အ တွက် ကြောင့်၊ ယ ခု က စ၍ သိမ် ငယ် ကြ လိမ့် မည်။

Judson Bible

¹⁰ တစ်​ပါး​အ​မျိုး​သား​တို့​အား ငှား​သော်​လည်း၊ ချက်​ချင်း​လူ​များ​ကို ငါ​စု​ဝေး​စေ​မည်။ မ​ကြာ​မ​မြင့်​မီ ရှင်​ဘု​ရင်​နှင့် မင်း​များ​တင်​သော​ဝန်​ကို ပင်​ပန်း​စွာ ထမ်း​ရ​ကြ​လိမ့်​မည်။

ဟော​ရှေ 8:10 Referencias Cruzadas

၄ ရာ 14:26

ထာဝရဘုရား​သည် အစ္စရေး​လူမျိုး​တို့ အလွန်​ခါးသီး​စွာ​ခံစား​နေ​ရ​သည်​ကို သိမြင်​တော်မူ​၏​။ အစ္စရေး​လူမျိုး​တို့​တွင် ကျွန်ပြု​ခံရ​သူ​နှင့် ကျွန်ပြု​မ​ခံရ​သူ​ကို​ပါ ကူညီ​မည့်​သူ တစ်ယောက်​မျှ​မ​ရှိ​။

၄ ရာ 17:3

ဟောရှေ​မင်းကြီး​အား အဆီးရီးယား​ဘုရင်​ရှာလမနေဇာ​မင်းကြီး ချီတက်​တိုက်ခိုက်​ရာ ဟောရှေ​မင်းကြီး​သည် သူ​၏​လက်အောက်ခံ​အဖြစ်​ခံယူ​ပြီး အခွန်​ဆက်သ​ရ​လေ​၏​။

၄ ရာ 17:4

သို့သော် ဟောရှေ​မင်းကြီး​သည် အီဂျစ်​ဘုရင်​သွာ​မင်းကြီး​ထံသို့ တမန်​များ​စေလွှတ်​ဆက်သွယ်​သည့်​အပြင် အဆီးရီးယား​ဘုရင်​ထံ နှစ်စဉ်​ဆက်သ​ရ​မည့်​အခွန်​ကို​လည်း မ​ဆက်သ​တော့​ဘဲ ပုန်ကန်​ဖို့​လျှို့ဝှက်ကြံစည်​နေ​သည်​ကို အဆီးရီးယား​ဘုရင် သိရှိ​လျှင် အဆီးရီးယား​ဘုရင်​သည် သူ့​ကို​ဖမ်း​ပြီး ထောင်​ထဲ၌ အကျဉ်းချ​ထား​လေ​၏​။

၁ ရာ​ချုပ် 5:26

ထို့ကြောင့် အစ္စရေး​လူမျိုး​၏​ဘုရားသခင်​သည် အဆီးရီးယား​ဘုရင်​ပုလ​မင်းကြီး​တည်းဟူသော အဆီးရီးယား​ဘုရင်​တိဂလတ်ပိလေသာ​မင်းကြီး​၏​စိတ်​ကို နှိုးဆော်​၍ သူ​သည် ရုဗင်​အမျိုး​၊ ဂဒ်​အမျိုး​၊ မနာရှေ​၏​အမျိုး​တစ်ဝက်​တို့​ကို ဖမ်းဆီးခေါ်ဆောင်​သွား​၏​။ သူ​တို့​သည် ဟာလာ​အရပ်​၊ ဟာဗော်​အရပ်​၊ ဟာရ​အရပ်​၊ ဂေါဇန်​အရပ်​ရှိ​မြစ်​နား​တစ်လျှောက်​တို့​တွင် ယနေ့​တိုင်အောင် နေထိုင်​ကြ​၏​။

ဟေ​ရှာ​ယ 10:8

အကြောင်းမူကား သူ​က “​ငါ​၏​တပ်မှူး​အားလုံး​သည် ဘုရင်​ဖြစ်​ကြ​သည်​မ​ဟုတ်​လော​။

ဟေ​ရှာ​ယ 30:2

ငါ​၏​ဗျာဒိတ်​တော်​ကို​မ​မေးမြန်း​ဘဲ ဖာရော​မင်းကြီး​၏​အကာအကွယ်​အောက်​၌ နားခို​ရာ​ကို​ရှာ​ပြီး အီဂျစ်​ပြည်​၏​အရိပ်​ကို​ခိုလှုံ​ရန် အီဂျစ်​ပြည်​သို့​ဆင်းသွား​ကြ​၏​။

ဟေ​ရှာ​ယ 36:13

ထို့နောက် ရာဗရှာခ​သည် မတ်တတ်ရပ်​၍ ယုဒ​ဘာသာ​စကား​ဖြင့် “​အဆီးရီးယား​ဘုရင်မင်းမြတ်​ကြီး​၏​အမိန့်​တော်​ကို နားထောင်​ကြ​လော့​။

ယေ​ရ​မိ 42:2

ပရောဖက်​ယေရမိ​ထံသို့​လာ​၍ “​အရှင့်​ထံ အကျွန်ုပ်​တို့ အသနားခံ​ပါ​သည်​။ အရှင်​မြင်​သည့်​အတိုင်း လူ​အများ​သည် ယခု​အနည်းငယ်​သာ​ကျန်​ပါ​သည်​။ အကျွန်ုပ်​တို့​နှင့် ဤ​ကြွင်းကျန်​သော​လူ​အားလုံး​တို့​အဖို့ ထာဝရအရှင်​ဘုရားသခင်​ထံ ဆုတောင်း​ပေး​ပါ​လော့​။

ယေ​ဇ​ကျေ​လ 16:33

ပြည့်တန်ဆာမ​တို့​သည် သူ​တို့​ထံ​လာ​သော​လူ​ဆီ​မှ အခကြေးငွေ​ကို ယူ​တတ်​ကြ​၏​။ သင်​မူကား သင်​ချစ်​သော​သူ​တို့​ကို အခကြေးငွေ​ပေး​တတ်​၏​။ အရပ်တကာ​မှ​ယောက်ျား​တို့ သင့်​ထံ​လာ​၍ သင်​နှင့်​ဖောက်ပြန်မှားယွင်း​ဖို့ သင်​သည် သူ​တို့​ကို​ငှားရမ်း​တတ်​၏​။

ယေ​ဇ​ကျေ​လ 16:37

သင့်​ကို​သာယာမှု​ပေး​သော သင့်​ချစ်သူ​များ​မှစ၍ သင်​မုန်းတီး​သော​သူ​များ​အားလုံး​ကို အရပ်ရပ်​မှ​စုရုံး​စေ​ပြီးလျှင် သင့်​ကို​ဆန့်ကျင်​စေ​မည်​။ သူ​တို့​အား သင်​၌ အဝတ်မပါ​အချည်းစည်း​ဖြစ်​နေ​သည်​ကို ငါ​ပြ​မည်​။ သင်​၌ အဝတ်မပါ​အချည်းစည်း​ဖြစ်​ခြင်း​ကို သူ​တို့​မြင်​ရ​လိမ့်မည်​။

ယေ​ဇ​ကျေ​လ 22:20

လူ​တို့​သည် ငွေ​၊ ကြေးနီ​၊ သံ​၊ ခဲ​၊ သံဖြူ​တို့​ကို မီးပြင်းဖို​ထဲ​သို့​ထည့်​ပြီး မီး​မှုတ်​အရည်ကြို​သကဲ့သို့ သင်​တို့​ကို​စု​ပြီး ငါ့​အမျက်​ဒေါသ​မီး​ထဲ​ထည့်​၍ သင်​တို့​ကို အရည်ကြို​မည်​။

ယေ​ဇ​ကျေ​လ 23:5

အဟောလ​သည် ငါ့​အပိုင်​ဖြစ်​လျက်​နှင့် ပြည့်တန်ဆာ​လုပ်​၏​။ သူ​ချစ်​သော အိမ်နီးချင်း​အဆီးရီးယား​လူမျိုး​ကို​စွဲမက်​၍ သူ့​ထံ​ချဉ်းကပ်​၏​။

ယေ​ဇ​ကျေ​လ 26:7

ဘုရားရှင်​ထာဝရဘုရား​က ‘ကြည့်ရှု​လော့​။ မြောက်ဘက်​အရပ်​မှ ဘုရင်​တကာ​တို့​၏​ဘုရင်​ဘေဘီလုံ​ဘုရင်​နေဗုခဒ်နေဇာ​ကို လူ​အလုံးအရင်း​နှင့်တကွ မြင်း​များ​၊ ရထား​များ​၊ မြင်းစီးသူရဲ​များ​ပါ​လျက် တိုင်ရာ​မြို့​သို့ ငါ​ချီတက်​လာ​စေ​မည်​။

ဒံ​ယေ​လ 2:37

အို အရှင်မင်းကြီး​၊ မင်းကြီး​သည် ဘုရင်​တကာ​တို့​၏​ဘုရင် ဖြစ်​ပါ​၏​။ ကောင်းကင်ဘုံရှင်​ဘုရားသခင်​သည် မင်းကြီး​အား နိုင်ငံ​တော်​နှင့်တကွ တန်ခိုးအာဏာ​၊ အစွမ်းသတ္တိ​၊ ဂုဏ်သရေ​တို့​ကို ပေး​တော်မူ​ပြီ​။

ဟော​ရှေ 10:10

ငါ​စိတ်တိုင်းကျ သူ​တို့​ကို ဆုံးမ​မည်​။ သူ​တို့​ကျူးလွန်​ခဲ့​သော​အပြစ်​နှစ်​မျိုး​ထဲ၌ နစ်မွန်း​နေ​စဉ် လူမျိုးခြား​တို့​သည် စုရုံး​၍ သူ​တို့​ကို​ဆန့်ကျင်​တိုက်ခိုက်​ကြ​လိမ့်မည်​။

ဟော​ရှေ 12:2

ထာဝရဘုရား​သည် ယုဒ​ကို စွဲချက်တင်​တော်မူ​ပြီ​။ ယာကုပ်​ကို သူ​ကျင့်ကြံ​ခဲ့​သည့်​အတိုင်း သူ့​ကို​ဒဏ်ခတ်​တော်မူ​မည်​။ သူ​လုပ်ဆောင်​ခဲ့​သည့်​အတိုင်း သူ့​ကို​ပြန်​ပေးဆပ်​စေ​မည်​။

ဟ္ဂဲ 2:6

မကြာမီ​အချိန်​တွင် ငါ​သည် ကောင်းကင်​နှင့် မြေကြီး​၊ ပင်လယ်​နှင့် ကုန်းမြေ​တို့​ကို လှုပ်ခါ​ဦး​မည်’​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​ပြီ​။