ဟော​ရှေ 4:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ငါ့​လူမျိုး​တော်​သည် သစ်သား​ရုပ်တု​ကို မေးမြန်း​တတ်​၏​။ တောင်ဝှေး​သည်​လည်း သူ​တို့​ကို ပြောပြ​တတ်​၏​။ ပြည့်တန်ဆာ​ပြု​လို​စိတ်​ကြောင့် လမ်းလွဲ​၍ ဘုရားသခင်​ကို​စွန့်ပယ်​ကာ ပြည့်တန်ဆာလုပ်​ကြ​၏​။

Common Language Bible

¹² သူ​တို့​သည်​သစ်​သား​နတ်​ဘု​ရား​ထံ​ဗေ​ဒင် မေး​ကြ​သည်။ တုတ်​ချောင်း​က​လူ​တို့​သိ​လို သ​မျှ​ကို​ပြော​ပြ​သည်။ သူ​တို့​သည်​ငါ့​ကို စွန့်​သွား​ကြ​ပြီ။ ပြည့်​တန်​ဆာ​မ​ဘ​ဝ​သို့ ရောက်​သော​မိန်း​မ​ကဲ့​သို့​သူ​တို့​သည်​အ​ခြား သော​ဘု​ရား​များ​ထံ​၌​ဆည်း​ကပ်​ကြ​၏။-

Garrad Bible

¹² ကိုယ့် ဘု ရား သ ခင် အ နော် အ တာ အောက် မှ၊ လမ်း လွဲ မှား ယွင်း သည့် တိုင် အောင်၊ မှား ယွင်း ခြင်း စိတ် နှင့် ပြည့် သော ငါ့ လူ မျိုး သည်၊ သစ် ရုပ် ထံ မေး လျှောက် လျက်၊ ဆေး ကြိမ် ဖြင့် ဗျာ ဒိတ် ခံ ကြ သည် တ ကား။

Judson Bible

¹² ငါ့​လူ​တို့​သည် သစ်​သား​နှင့် တိုင်​ပင်​တတ်​ကြ၏။ သူ​တို့၏​တောင်​ဝှေး​သည် အ​ကြံ​ပေး​တတ်၏။ ကိ​လေ​သာ​စိတ်​အား​ကြီး​သော​ကြောင့်၊ သူ​တို့​သည်​လမ်း​လွှဲ၍ မိ​မိ​တို့​ဘု​ရား​သ​ခင့်​ထံ​မှာ မ​နေ၊ မှား​ယွင်း​တတ်​ကြ၏။

ဟော​ရှေ 4:12 Referencias Cruzadas

၄ ရာ 17:7

ဤသို့​ဖြစ်​ရ​ခြင်း​မှာ အစ္စရေး​လူမျိုး​တို့​သည် သူ​တို့​အား အီဂျစ်​ပြည်​၊ အီဂျစ်​ဘုရင်​ဖာရော​မင်းကြီး​လက်​အောက်​မှ ထုတ်ဆောင်​လာ​ခဲ့​သော​မိမိ​တို့​၏​ဘုရားသခင်​ထာဝရဘုရား​ကို ပြစ်မှား​ကြ​သောကြောင့်​ဖြစ်​၏​။ သူ​တို့​သည် အခြား​သော​ဘုရား​များ​ကို ကိုးကွယ်​ကြ​၏​။

၂ ရာ​ချုပ် 21:13

အစ္စရေး​ဘုရင်​တို့​လျှောက်​သော​လမ်း​အတိုင်း​လိုက်လျှောက်​ပြီး အာဟပ်​မင်းမျိုးမင်းနွယ်​တို့ ဖောက်ပြန်မှားယွင်း​သကဲ့သို့ ယုဒ​ပြည်သူ​ဂျေရုဆလင်​မြို့သား​တို့​ကို ဖောက်ပြန်မှားယွင်း​စေ​၏​။ သင့်​ခမည်းတော်​၏​အိမ်သား​များ​ဖြစ်​သော သင့်​ထက်​ကောင်း​သော​သင့်​ညီအစ်ကို​များ​ကို​ပင် သင်​သတ်​ပစ်​ခဲ့​၏​။

ဆာ​လံ 106:39

သူ​တို့​သည် မိမိ​တို့​ပြု​သော​အမှု​များ​ဖြင့် မိမိ​တို့​ကိုယ်​ကို​ညစ်ညူး​စေ​၍ မိမိ​တို့​၏​အပြုအမူ​များ​ဖြင့် ဖောက်ပြန်မှားယွင်း​ကြ​၏​။

ဆာ​လံ 73:27

အကယ်စင်စစ် ကိုယ်တော်​နှင့်​ဝေးကွာ​သော​သူ​တို့​သည် ပျက်စီး​ကြ​ရ​လိမ့်မည်​။ ကိုယ်တော်​အပေါ်​သစ္စာ​မ​ရှိ​၊ ဖောက်ပြန်မှားယွင်း​သော​သူ​ရှိသမျှ​တို့​ကို ကိုယ်တော်​သည် ဖယ်ရှားသုတ်သင်​တော်မူ​လိမ့်မည်​။

ယေ​ရ​မိ 10:8

ထို​သူ​အပေါင်း​တို့​သည် အသိတရား​မ​ရှိ​၊ မိုက်မဲ​ကြ​၏​။ အချည်းနှီး​သော​အရာ​ကို​သွန်သင်​ပေး​သူ​မှာ သစ်သား​ဖြစ်​၏​။

ယေ​ရ​မိ 2:27

သူ​တို့​က သစ်ပင်​အား ‘​အကျွန်ုပ်​၏​ဖခင်​’​၊ ကျောက်တုံး​အား ‘​အကျွန်ုပ်​တို့​ကို​မွေးဖွား​သူ​’​ဟု ဆို​ကြ​၏​။ ငါ့​ကို​ကား မျက်နှာလွှဲ​၍ ကျောခိုင်း​သွား​ကြ​၏​။ သို့သော် ဒုက္ခ​ရောက်​ချိန်​၌ ‘​ထ​တော်မူ​ပါ​၊ အကျွန်ုပ်​တို့​ကို​ကယ်​တော်မူ​ပါ​’​ဟု ဆို​တတ်​ကြ​၏​။

ယေ​ရ​မိ 23:13

ရှမာရိ​ပရောဖက်​တို့​တွင် ရွံရှာဖွယ်အမှု​ကို ငါ​တွေ့​၏​။ သူ​တို့​သည် ဗာလ​ဘုရား​ကို​အမှီပြု​၍ ပရောဖက်ပြု​ဟောပြော​ခြင်း​ဖြင့် ငါ့​လူမျိုး​တော်​ကို လမ်းလွဲ​စေ​ပြီ​။

ယေ​ဇ​ကျေ​လ 20:32

လူမျိုးခြား​တို့​ကဲ့သို့​၊ တိုင်းတစ်ပါးသား​တို့​ကဲ့သို့ သစ်သား​ဘုရား​၊ ကျောက်​ဘုရား​တို့​ကို ကိုးကွယ်​မည်​ဟု ကြံစည်​သော​သင်​တို့​အကြံ​သည် မည်သည့်​အခါ​မျှ ဖြစ်လာ​မည်​မ​ဟုတ်’​ဟု မိန့်​တော်မူ​၏​။

ယေ​ဇ​ကျေ​လ 21:21

ဘေဘီလုံ​ဘုရင်​သည် လမ်း​နှစ်​လမ်း​ဆုံရာ လမ်းခွ​၌​ရပ်​၍ ဗေဒင်တွက်​၏​။ သူ​သည် မြား​တို့​ကို ခလောက်​၍​မဲချ​၏​။ ရုပ်တု​များ​ကို မေးမြန်း​၏​။ အသည်း​ဗေဒင်​ကို ဖတ်​၏​။

ဟော​ရှေ 14:3

အဆီးရီယား​ပြည်​သည် အကျွန်ုပ်​တို့​ကို မ​ကယ်တင်​နိုင်​ပါ​။ အကျွန်ုပ်​တို့​သည် မြင်း​မ​စီး​တော့​ပါ​။ ကိုယ့်​လက်​ဖြင့်​လုပ်​သော​အရာ​တို့​ကို ‘​အကျွန်ုပ်​တို့​၏​ဘုရား​’​ဟု မ​ဆို​တော့​ပါ​။ အကြောင်းမူကား ကိုယ်တော်​သည် ဖတဆိုး​တို့​ကို သနားစုံမက်​တော်မူ​ပါ​၏​”​ဟု လျှောက်ဆို​လော့​။

ဟော​ရှေ 5:4

သူ​တို့​၏​လုပ်ရပ်​များ​က သူ​တို့​အား ဘုရားသခင်​ထံသို့ ပြန်လာ​ရန် အခွင့်​မ​ပေး​။ သူ​တို့​၌ ပြည့်တန်ဆာ​လုပ်​လို​စိတ်​ရှိ​သောကြောင့် ထာဝရဘုရား​ကို​လည်း မ​သိ​ကြ​တော့​ပေ​။

ဟော​ရှေ 6:10

အစ္စရေး​အမျိုးအနွယ်​၌ ကြောက်မက်​ဖွယ်​သော​အမှု​ကို ငါ​မြင်​ရ​ပြီ​။ ဧဖရိမ်​သည် ပြည့်တန်ဆာ​လုပ်​လေ​ပြီ​။ အစ္စရေး​သည် ကိုယ်​ကို​ညစ်ညူး​စေ​လေ​ပြီ​။

ဟော​ရှေ 9:1

အို အစ္စရေး​၊ လူမျိုးခြား​တို့​ကဲ့သို့ မ​ရွှင်လန်း​၊ မ​ဝမ်းမြောက်​နှင့်​။ သင်​တို့​သည် ဖောက်ပြန်မှားယွင်း​ကြ​ပြီ​။ ဘုရားသခင်​ကို စွန့်ပစ်​ကြ​ပြီ​။ ကောက်နယ်တလင်း​ရှိသမျှ​တို့​တွင် ပြည့်တန်ဆာ​လုပ်​၍​ရ​သော​အခ​ကို နှစ်သက်​လေ​ပြီ​။

ဝတ်​ပြု 17:7

ယခင်က သူ​တို့​သည် ဖောက်ပြန်မှားယွင်း​ပြီး မိမိ​တို့​၏​ယဇ်​များ​ကို ဆိတ်နတ်ဘုရား​များ​အား ပူဇော်​ခဲ့​ကြ​သကဲ့သို့ နောက်တစ်ဖန် မ​ပူဇော်​ရ​။ ဤသည်ကား သူ​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​”​ဟု မိန့်​တော်မူ​၏​။

ဝတ်​ပြု 20:5

ငါ​သည် ထို​သူ​နှင့် သူ​၏​မျိုးနွယ်စု​ကို မျက်နှာ​လွှဲ​ပြီး ထို​သူ​နှင့်တကွ သူ​၏​နောက်သို့​လိုက်​၍ ဖောက်ပြန်မှားယွင်း​သော​သူ​များ​ဖြစ်​သည့် မောလုတ်​ဘုရား​နောက်သို့​လိုက်​၍ ဖောက်ပြန်မှားယွင်း​သော​သူ​အပေါင်း​တို့​ကို သူ​တို့​၏​လူမျိုး​မှ ငါ​ပယ်ဖျက်​မည်​။

မိက္ခာ 2:11

လူလေလူလွင့်​တစ်ယောက်​က ‘စပျစ်ဝိုင်​အကြောင်း​၊ သေရည်သေရက်​အကြောင်း ငါ​ပရောဖက်ပြု​ဟောပြော​ပေး​မည်’​ဟု လူ​တစ်ယောက်ယောက်​အား လိမ်လည်လှည့်စား​မည်​ဆိုလျှင် သူ​သည် ထို​လူ​အတွက်​သာ ပရောဖက်​ဖြစ်​လိမ့်မည်​။

ဟ​ဗက္ကုတ် 2:19

သစ်သား​ကို ‘နိုး​ပါ’​ဟု ပြော​သော​သူ​၊ စကားမပြော​တတ်​သော​ကျောက်တုံး​ကို ‘ထ​ပါ’​ဟု ပြော​သော​သူ​သည် အမင်္ဂလာ​ရှိ​၏​။ ထို​အရာ​သည် သင်​တို့​ကို သွန်သင်​ပြ​နိုင်​မည်လော​။ ထို​အရာ​ကို ရွှေ​၊ ငွေ​တို့​ဖြင့်​မွမ်းမံ​ထား​၏​။ ထို​အရာ​၌ အသက်​အလျှင်း​မ​ရှိ​။

တော​လည် 15:39

သင်​တို့​၌ ထို​ပန်းဖွား​ရှိ​ရ​ခြင်း​မှာ ထို​ပန်းဖွား​ကို သင်​တို့​မြင်​သောအခါ သင်​တို့​ကို​ဖောက်ပြန်မှားယွင်း​စေ​သော သင်​တို့​၏​စိတ်​အလို​၊ မျက်စိ​အလို နောက်သို့​မ​လိုက်​ဘဲ ထာဝရဘုရား​၏​ပညတ်တော်​အလုံးစုံ​ကို အောက်မေ့​၍ ပညတ်တော်​တို့​ကို ကျင့်ဆောင်​ကြ​စေရန်​ဖြစ်​၏​။

တ​ရား​ဟော 31:16

ထာဝရဘုရား​က မောရှေ​အား “​ကြည့်ရှု​လော့​။ သင်​၏​ဘိုးဘေး​တို့​နှင့်အတူ သင်​အိပ်ပျော်​ပြီး​နောက်တွင် ဤ​လူမျိုး​တို့​သည် သူ​တို့​ဝင်ရောက်​မည့်​ပြည်​ရှိ​တိုင်းတစ်ပါးသား​တို့​၏​ဘုရား​များ​နှင့် ထ​၍​ဖောက်ပြန်မှားယွင်း​ကြ​မည်​။ ငါ​ကို​စွန့်ပယ်​ကြ​မည်​။ သူ​တို့​နှင့်​ငါ​ဖွဲ့​ခဲ့​သော ပဋိညာဉ်​ကို ချိုးဖောက်​ကြ​လိမ့်မည်​။

သူ​ကြီး 18:5

ထိုအခါ သူ​တို့​က “​ငါ​တို့​သွား​နေ​သော​ခရီးစဉ် အောင်မြင်​မည်​၊ မအောင်မြင်​မည်​ကို သိ​နိုင်​ရန် ဘုရားသခင်​ထံ​မေးလျှောက်​ပေး​ပါ​လော့​”​ဟု သူ့​အား​ဆို​လေ​၏​။