သူ​ကြီး 8:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ ဂိဒေါင်​သည် ထို​ရွှေ​များ​ဖြင့် ဧဖုဒ်​သွန်းလုပ်​၍ သူ​နေထိုင်​ရာ ဩဖရ​မြို့​တွင် ပြသ​ထား​၏​။ အစ္စရေး​လူမျိုး​အပေါင်း​တို့​သည် ထို​အရာ​အားဖြင့် ဖောက်ပြန်မှားယွင်း​ကြ​၏​။ ဤ​အရာ​သည် ဂိဒေါင်​နှင့် သူ့​အိမ်သူအိမ်သား​တို့​အတွက် ထောင်ချောက်​ကဲ့သို့ ဖြစ်လာ​၏​။

Common Language Bible

²⁷ ဂိ​ဒေါင်​သည်​ထို​ရွှေ​များ​ဖြင့်​ရုပ်တု​တစ်​ခု​ကို သွန်း​လုပ်​ပြီး​လျှင် မိ​မိ​နေ​ထိုင်​ရာ​သြ​ဖ​ရ မြို့​၌​ထား​ရှိ​၏။ ဣ​သ​ရေ​လ​အ​မျိုး​သား အ​ပေါင်း​တို့​သည်​လည်း ဘု​ရား​သ​ခင်​ကို​စွန့် ပစ်​ကာ​ထို​ရုပ်​တု​ကို​ဝတ်​ပြု​ကိုး​ကွယ်​ရန် သြ​ဖ​ရ​မြို့​သို့​သွား​ကြ​ကုန်​သည်။ ယင်း သည်​ဂိ​ဒေါင်​နှင့်​အိမ်​ထောင်​စု​အ​တွက် ကျော့​ကွင်း​သ​ဖွယ်​ဖြစ်​လာ​၏။

Garrad Bible

²⁷ ဂိ ဒေါင် သည် ထို ရွှေ နှင့် ဧ ဖုဒ် အ ရုပ် သွန်း လုပ်၍၊ နေ ရင်း သြ ဖ ရ မြို့ တွင် တည် ထား သ ဖြင့် ဣ သ ရေ လ တစ် မျိုး လုံး ထို အ ရုပ် နှင့် မှား ယွင်း လိုက် ပါ ကြ သည့် ပြင်၊ ဂိ ဒေါင် နှင့် တ ကွ အိမ် သူ အိမ် သား တို့၌ ကျော့ ကွင်း သ ဖွယ် ဖြစ် ၏။

Judson Bible

²⁷ ထို​တန်​ဆာ​တို့​နှင့် ဂိ​ဒေါင်​သည် သင်​တိုင်း​တော်​ကို​လုပ်၍ မိ​မိ​နေ​ရာ ဩ​ဖ​ရ​မြို့​မှာ​ထား​သ​ဖြင့်၊ ဣ​သ​ရေ​လ​အ မျိုး​သား​အ​ပေါင်း​တို့​သည် ထို​သင်​တိုင်း​တော်​နှင့် မှား​ယွင်း​လျက်​သွား​တတ်​ကြ၏။ ထို​အ​မှု​သည် ဂိ​ဒေါင်​နှင့် သူ၏​အ​မျိုး​ပြစ်​မှား​ရာ​အ​ကြောင်း ဖြစ်​သ​တည်း။

သူ​ကြီး 8:27 Referencias Cruzadas

ဆာ​လံ 106:35

လူမျိုးခြား​တို့​နှင့် ရောနှော​ဆက်ဆံ​၍ ထို​သူ​တို့​၏​ဓလေ့ထုံးစံ​များ​ကို သင်ယူ​ကြ​၏​။

ဆာ​လံ 106:39

သူ​တို့​သည် မိမိ​တို့​ပြု​သော​အမှု​များ​ဖြင့် မိမိ​တို့​ကိုယ်​ကို​ညစ်ညူး​စေ​၍ မိမိ​တို့​၏​အပြုအမူ​များ​ဖြင့် ဖောက်ပြန်မှားယွင်း​ကြ​၏​။

ဆာ​လံ 73:27

အကယ်စင်စစ် ကိုယ်တော်​နှင့်​ဝေးကွာ​သော​သူ​တို့​သည် ပျက်စီး​ကြ​ရ​လိမ့်မည်​။ ကိုယ်တော်​အပေါ်​သစ္စာ​မ​ရှိ​၊ ဖောက်ပြန်မှားယွင်း​သော​သူ​ရှိသမျှ​တို့​ကို ကိုယ်တော်​သည် ဖယ်ရှားသုတ်သင်​တော်မူ​လိမ့်မည်​။

ထွက်​မြောက် 23:33

သူ​တို့​ကို သင်​၏​ပြည်​၌ နေထိုင်​ခွင့်​မ​ပြု​ရ​။ နေထိုင်​ခွင့်​ပြု​လျှင် သင်​သည် ငါ့​ကို​ပြစ်မှား​မည့်​အကြောင်း သူ​တို့​ပြု​လိမ့်မည်​။ သူ​တို့​၏​ဘုရား​များ​ကို​ဝတ်ပြု​လျှင် သူ​တို့​သည် သင်​တို့​၌ ထောင်ချောက်​အမှန်​ဖြစ်​လိမ့်မည်​”​ဟု မိန့်​တော်မူ​၏​။

ထွက်​မြောက် 32:4

အာရုန်​သည်​လည်း ထို​ရွှေ​တို့​ကို​ယူ​ပြီး နွားသငယ်​ရုပ်တု​ကို ကညစ်​ဖြင့်​ပုံဖော်​၍ သွန်းလုပ်​လေ​၏​။ ထို့နောက် သူ​တို့​က “​အို အစ္စရေး​လူမျိုး​၊ ဤသည်ကား သင်​တို့​ကို အီဂျစ်​ပြည်​မှ​ထုတ်ဆောင်​တော်မူ​သော သင်​တို့​၏​ဘုရား​ဖြစ်​၏​”​ဟု ဆို​ကြ​၏​။

ထွက်​မြောက် 34:16

သင်​သည် သူ​တို့​၏​သမီး​များ​ကို သင့်​သား​တို့​နှင့်​စုံဖက်​စေ​သဖြင့် သူ​တို့​၏​သမီး​များ​သည် မိမိ​တို့​၏​ဘုရား​များ​နောက်​သို့​လိုက်​၍ ဖောက်ပြန်မှားယွင်း​သောအခါ သင့်​သား​တို့​ကို​လည်း ထို​ဘုရား​များ​နောက်​သို့​လိုက်​၍ ဖောက်ပြန်မှားယွင်း​စေ​ကြ​လိမ့်မည်​။

ဟေ​ရှာ​ယ 8:20

ပညတ်တရား​၊ သက်သေခံ​တော်မူ​ချက်​တို့​ကို​သာ မေးမြန်း​သင့်​သည်​မ​ဟုတ်​လော​။ ဤ​စကား​နှင့်အညီ မ​ပြောဆို​ကြ​လျှင် သူ​တို့​ထဲ၌ အရုဏ်အလင်း​မ​ရောက်​သေး​။

ယေ​ဇ​ကျေ​လ 7:20

သူ​တို့​၏​လှပ​သော​အဆင်တန်ဆာ​များ​ကြောင့် မာနထောင်လွှား​တတ်​ကြ​၏​။ ထို​တန်ဆာ​များ​ဖြင့် စက်ဆုပ်​ရွံရှာဖွယ်​ရုပ်တု​များ​ကို ထုလုပ်​တတ်​ကြ​၏​။ ထို့ကြောင့် ငါ​သည် ထို​တန်ဆာ​တို့​ကို ညစ်ညူးသောအရာ​ကဲ့သို့ ဖြစ်​စေ​မည်​။

ဟော​ရှေ 2:2

“သင်​တို့​၏​မိခင်​ကို အပြစ်တင်​ကြ​။ သူ​သည် ငါ့​မယား​မ​ဟုတ်​။ ငါ​သည်​လည်း သူ့​ခင်ပွန်း​မ​ဟုတ်​ကြောင်း ပြောပြ​ကြ​လော့​။ ပြည့်တန်ဆာ​လုပ်ရပ်​တို့​ကို ဖယ်ရှား​၍ သူ့​သားမြတ်​နှင့် မှားယွင်းမှုပြု​ခြင်း​ကို ရပ်တန့်​စေ​လော့​။

ဟော​ရှေ 3:4

အစ္စရေး​အမျိုးသား​တို့​သည် ရှင်ဘုရင်​နှင့် အကြီးအကဲ မ​ရှိ​၊ ယဇ်ပူဇော်​ခြင်း မ​ရှိ​၊ အထွတ်အမြတ်​ကျောက်တိုင် မ​ရှိ​၊ ဧဖုဒ် မ​ရှိ​၊ တေရပ်ရုပ်တု မ​ရှိ​။ ထိုကဲ့သို့ နေ့ရက်​များစွာ နေ​ရ​လိမ့်မည်​။

တ​ရား​ဟော 12:5

နာမ​တော်​တည်​ရာ​၊ ကိန်းဝပ်​တော်မူ​ရာ​အဖြစ် သင်​တို့​မျိုးနွယ်​အားလုံး​ထဲမှ သင်​တို့​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​ကို​ရှာ​၍ ထို​နေရာ​သို့​သာ​သွား​ရ​မည်​။

တ​ရား​ဟော 7:16

သင့်​လက်​သို့ သင်​၏​ဘုရားသခင်​ထာဝရဘုရား​အပ်​တော်မူ​သည့် လူမျိုး​အပေါင်း​တို့​ကို​ဖျက်ဆီး​ရ​မည်​။ ထို​သူ​တို့​ကို မ​သနား​ရ​။ သူ​တို့​၏​ဘုရား​များ​ကို ဝတ်​မ​ပြု​ရ​။ ဝတ်ပြု​လျှင် သင့်​အတွက် ထောင်ချောက်​သဖွယ်​ဖြစ်​လိမ့်မည်​။

တ​ရား​ဟော 7:25

သင်​တို့​သည် သူ​တို့​၏​ဘုရား​များ​ဖြစ်​သည့် ရုပ်တုဆင်းတု​များ​ကို မီး​ရှို့​ပစ်​ရ​မည်​။ ရုပ်တုဆင်းတု​ရှိ ရွှေ​၊ ငွေ​တို့​ကို မ​တပ်မက်​ရ​၊ မ​ယူ​ရ​။ ထို​အရာ​တို့​ကို သင်​၏​ဘုရားသခင်​ထာဝရဘုရား စက်ဆုပ်ရွံရှာ​တော်မူ​သည်​ဖြစ်၍ ယူမိ​လျှင် သင်​သည် ထို​အရာ​အားဖြင့် ကျော့မိ​လိမ့်မည်​။

သူ​ကြီး 17:5

ထို​သူ မိက္ခာ​၌ ဘုရား​ဝတ်ကျောင်း​ရှိ​၏​။ သူ​သည် ဧဖုဒ်​နှင့်​တေရပ်ရုပ်တု​များ​ကို သွန်းလုပ်​ပြီးလျှင် မိမိ​သား​တစ်​ယောက်​ကို ယဇ်ပုရောဟိတ်​အဖြစ်​ခန့်ထား​၏​။

သူ​ကြီး 18:14

ထိုအခါ လဲရှ​မြို့​ကို​သွားရောက်​စူးစမ်း​ခဲ့​သော​လူ​ငါး​ယောက်​က အမျိုးသားချင်း​တို့​အား “​ဤ​အိမ်​၌ ဧဖုဒ်​ရုပ်တု​၊ တေရပ်ရုပ်တု​များ​နှင့် သွန်းလုပ်​ထား​သော​ရုပ်တု​တို့​ရှိ​သည်​ကို သင်​တို့​သိ​သလော​။ ယခု သင်​တို့​မည်သို့​ပြု​ရ​မည်​ကို ဆင်ခြင်​ကြ​လော့​”​ဟု ဆို​ကြ​၏​။

သူ​ကြီး 18:17

ထိုသို့ စစ်လက်နက်​စွဲကိုင်​သော​လူ​ခြောက်​ရာ​နှင့်​ယဇ်ပုရောဟိတ်​သည် တံခါးဝ​၌​ရပ်​နေ​စဉ် လဲရှ​မြို့​ကို​သွားရောက်​စူးစမ်း​ခဲ့​သော​လူ​ငါး​ယောက်​တို့​သည် အိမ်​ထဲသို့​ဝင်​၍ ထွင်းထု​ထား​သော​ရုပ်တု​၊ ဧဖုဒ်​ရုပ်တု​၊ တေရပ်ရုပ်တု​များ​နှင့် သွန်းလုပ်​ထား​သော​ရုပ်တု​တို့​ကို ယူ​လေ​၏​။

သူ​ကြီး 2:2

သင်​တို့​သည် ဤ​ပြည်သား​တို့​နှင့်​ပဋိညာဉ်​မ​ဖွဲ့​ရ​။ သူ​တို့​၏​ယဇ်ပလ္လင်​များ​ကို​ဖြိုဖျက်​ရ​မည်​’​ဟု ငါ​ဆို​ခဲ့​၏​။ သို့သော် သင်​တို့​သည် ငါ့​စကား​ကို​နား​မ​ထောင်​ကြ​၊ အဘယ်ကြောင့် ထိုသို့ ပြု​ကြ​သနည်း​။

သူ​ကြီး 2:3

ထို့ကြောင့် ‘​ထို​ပြည်သား​တို့​ကို သင်​တို့​၏​ရှေ့​မှ ငါ​မ​နှင်ထုတ်​။ သူ​တို့​သည် သင်​တို့​၏​နံဘေး​၌ ဆူး​ကဲ့သို့​ဖြစ်​လိမ့်မည်​။ သူ​တို့​၏​ဘုရား​တို့​သည်​လည်း သင်​တို့​၌ ထောင်ချောက်​ကဲ့သို့​ဖြစ်​လိမ့်မည်​’​ဟု ငါ​ဆို​ပြီ​”​ဟူ၍ မိန့်ဆို​၏​။

သူ​ကြီး 6:11

ထို့နောက် ထာဝရဘုရား​၏​ကောင်းကင်တမန်​သည် ရောက်လာ​၍ ဩဖရ​မြို့​နေ အဗျေဇာ​အမျိုးသား ယောရှ​ပိုင်​သော​သပိတ်ပင်​အောက်​၌ ထိုင်​လေ​၏​။ ထို​အချိန်​၌ ယောရှ​၏​သား​ဂိဒေါင်​သည် မိဒျန်​လူမျိုး​တို့ မသိ​အောင် စပျစ်သီးနယ်ရာကျင်း​၌ ဂျုံ​များ​ကို ရိုက်ခြွေ​နေ​၏​။

သူ​ကြီး 6:24

ဂိဒေါင်​သည် ထို​အရပ်​၌ ထာဝရဘုရား​အဖို့ ယဇ်ပလ္လင်​ကို​တည်​၍ “​ငြိမ်သက်​ခြင်း​အရှင် ထာဝရဘုရား​”​ဟု မှည့်ခေါ်​လေ​၏​။ ထို​ယဇ်ပလ္လင်​သည် အဗျေဇာ​အမျိုးသား​တို့​နေထိုင်​ရာ ဩဖရ​မြို့​တွင် ယနေ့​တိုင်အောင် ရှိ​၏​။

သူ​ကြီး 8:26

ဂိဒေါင်​ရရှိ​သော​ရွှေ​နားကွင်း​၏​အလေးချိန်​မှာ ရွှေ​တစ်ထောင့်​ခုနစ်​ရာ​ရှယ်ကယ် ဖြစ်​၏​။ ထို့ပြင် မိဒျန်​ဘုရင်​တို့​ထံမှ လခြမ်းသဏ္ဌာန်တန်ဆာ​၊ ဆွဲသီး​၊ ခရမ်းရောင်​အဝတ်​တို့​မှစ၍ သူ​တို့​ကုလားအုတ်​၏​လည်ပင်း​၌​ဆွဲ​ထား​သော လည်ပတ်ကြိုး​များ​လည်း ရ​သေး​၏​။

သူ​ကြီး 8:28

ဤသို့ဖြင့် မိဒျန်​လူမျိုး​တို့​သည် အစ္စရေး​အမျိုးသား​တို့​ကို ရှုံးနိမ့်​ကြ​ပြီး နောက်တစ်ဖန် ခေါင်း​မ​ထောင်​ကြ​တော့​ချေ​။ ထို​အချိန်​မှစ၍ ဂိဒေါင်​အသက်ရှင်​စဉ် အနှစ်​လေးဆယ်​ပတ်လုံး တိုင်းပြည်​ငြိမ်းချမ်း​လေ​၏​။