သူ​ကြီး 19:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ တစ်ဖန် ထို​သူ​သည် မိမိ​မယားငယ်​နှင့်တကွ ငယ်သား​ပါ​လျက် ပြန်သွား​မည်​ပြု​သောအခါ ယောက္ခမ​က “​ယခု ညနေစောင်း​ပြီ​၊ မိုးချုပ်​တော့​မည်​။ ယခု​ည​လည်း အိပ်​ပါ​ဦး​။ အေးအေးဆေးဆေး​နား​ပါ​ဦး​။ မနက်​ရောက်​မှ စောစောထ​၍ သင့်​အိမ်​သို့ ပြန်​ပါ​”​ဟု ဆို​၏​။

Common Language Bible

⁹ သူ​သည်​မိ​မိ​၏​မယား​ငယ်​နှင့်​အ​စေ​ခံ​ကို ခေါ်​၍ ထွက်​ခွာ​မည်​ပြု​သော​အ​ခါ​ယောက္ခ​မ က``ကြည့်​ပါ​ည​နေ​ချမ်း​အ​ချိန်​သို့​ရောက် လေ​ပြီ။ မ​ကြာ​မီ​ပင်​မှောင်​လာ​တော့​အံ့။ ဤ အ​ရပ်​၌​ပင်​တစ်​ည​အိပ်​၍​ပျော်​မွေ့​စွာ​နေ ပါ​လော့။ နက်​ဖြန်​နံ​နက်​စော​စော​ထ​၍​ပြန် ပါ​လော့'' ဟု​ဆို​လေ​သည်။

Garrad Bible

⁹ မ ယား နှင့် ငယ် သား ပါ သွား ခြင်း ငှါ ထ ပြန် ကြ သည့် ကာ လ၊ ယော က္ခ မ ဖြစ် သော ထို မိန်း မ၏ အ ဖ က၊ ကြည့် ပါ လော့။ ယ နေ့ နေ စောင်း ပြီ ဖြစ်၍ ယ နေ့ ညဉ့် ကို လည်း အိပ် ပါ ဦး။ နေ ကျ သ ဖြင့် စိတ် ရွှင် လန်း စွာ ဤ အိမ် တွင် တည်း ခို ဦး လော့။ နက် ဖြန် နံ နက် ခ ရီး ထွက်၍ အိမ် ကို ပြန် သွား ပါ တော့ ဟု ဆို သော် လည်း

Judson Bible

⁹ ထို​သူ​သည် မ​ယား​ငယ်​နှင့် ငယ်​သား​ကို​ခေါ်၍ သွား​အံ့​သော​ငှာ ထ​ပြန်​သော​အ​ခါ၊ သူ၏​ယော​က္ခ​မ​ဖြစ်​သော ထို​မိန်း​မ၏​အ​ဘ​က၊ ကြည့်​ပါ၊ မိုး​ချုပ်​လု​ပြီ။ ယ​နေ့​ည​ကို​လည်း လွန်​စေ​ပါ​တော့။ နေ့​အ​ချိန် ကုန်​လု​ပြီ။ ဤ​အ​ရပ်၌ အိပ်၍ ပျော်​မွေ့​လျက်​နေ​ပါ​တော့။ နက်​ဖြန်​နံ​နက် စော​စော​ထ၍ ကိုယ်​နေ​ရာ​အ​ရပ်​သို့ သွား​တော့​ဟု ဆို​သော်​လည်း၊

သူ​ကြီး 19:9 Referencias Cruzadas

၂ ရာ 13:28

ထိုအခါ အဗရှလုံ​က သူ့​ငယ်သား​တို့​အား “​သင်​တို့ စောင့်ကြည့်​ပါ​။ စပျစ်ဝိုင်​ကြောင့် အာမနုန် စိတ်မြူး​လာ​သောအခါ ငါ​က ‘​အာမနုန်​ကို သတ်​လိုက်​ပါ​’​ဟု ဆို​လျှင် သူ့​ကို​သတ်​လိုက်​ပါ​။ ငါ​အမိန့်ပေး​သည်​မ​ဟုတ်​လော​။ သင်​တို့​မ​ကြောက်​ကြ​နှင့်​။ အားယူ​ပြီး သတ္တိ​ရှိ​ကြ​ပါ​”​ဟု မှာထား​၏​။

သုတ္တံကျမ်း။ 27:1

မနက်ဖြန်​အတွက် မ​ဝါကြွား​နှင့်​။ အကြောင်းမူကား တစ်ရက်​အတွင်း မည်သို့​ဖြစ်​မည်​ကို သင်​မ​သိ​။

လုကာ 24:29

သူ​တို့​က “မိုးချုပ်​ခါနီး​၍ တစ်နေ့တာ​လည်း ကုန်​လုနီး​ပြီ​ဖြစ်​သောကြောင့် အကျွန်ုပ်​တို့​နှင့်အတူ​တည်းခို​ပါ”​ဟု ဆို​လျက် ကိုယ်တော်​ကို​မရအရ​ဖိတ်ခေါ်​ကြ​၏။ ထို့ကြောင့် ကိုယ်တော်​သည်​သူ​တို့​နှင့်အတူ​တည်းခို​ရန် လိုက်​သွား​တော်မူ​၏။

သူ​ကြီး 19:10

သို့သော် ထို​သူ​သည် နောက်တစ်ည​မ​နေ​လို​တော့​သဖြင့် မြည်း​နှစ်​ကောင်​ကို ကုန်းနှီးတင်​ပြီးလျှင် မယားငယ်​နှင့်တကွ ထွက်လာ​ခဲ့​ရာ ဂျေရုဆလင် ခေါ် ယေဗုတ်​မြို့​သို့ ဦးတည်​၍ ခရီး​ထွက်လာ​ခဲ့​၏​။

သူ​ကြီး 19:6

သူ​တို့​နှစ်​ယောက်​သည် ထိုင်​၍ အတူတကွ​စား​သောက်​ကြ​၏​။ ထို့နောက် မယားငယ်​၏​ဖခင်​က “​တစ်ညလောက်​တော့​အိပ်​ပါ​ဦး​။ စိတ်အပန်းဖြေ​ပါ​ဦး​”​ဟု ဆို​ပြန်​၏​။

သူ​ကြီး 19:8

ငါး​ရက်​မြောက်​သော​နေ့​တွင် သူ​သည် နံနက်​စောစောထ​၍ ပြန်သွား​ရန်​ပြင်ဆင်​သောအခါ မယားငယ်​၏​ဖခင်​က “​စား​ပြီးမှ​သွား​ပါ​”​ဟု ဆို​ပြန်​သဖြင့် သူ​တို့​နှစ်​ဦး မွန်းလွဲ​အထိ စားသောက်​လျက်​နေ​ပြန်​၏​။

ရု​သ 3:7

ဗောဇ​သည် စား​သောက်​ပြီးလျှင် စိတ်အလို​ပြည့်စုံ​သွား​ပြီ​ဖြစ်၍ ကောက်လှိုင်းပုံ​အစွန်​တွင် သွား​အိပ်​လေ​၏​။ ရုသ​လည်း ဗောဇ​အနီး​သို့ တိတ်တဆိတ်​ချဉ်းကပ်​လာ​၍ သူ​၏​ခြေ​၌​ဖုံး​ထား​သော​အဝတ်​ကို​လှစ်​၍ လှဲအိပ်​လေ​၏​။