သူ​ကြီး 19:23 - မြန်​​​မာ့​​​စံ​​​မီ​​​သမ္မာ​​​ကျမ်း​​

²³ အိမ်ရှင်​အဖိုးအို​က​လည်း သူ​တို့​ရှိ​ရာ​အိမ်ပြင်​သို့ ထွက်လာ​၍ “​ညီအစ်ကို​တို့​၊ ဆိုးညစ်​သော​အမှု​ကို မ​ပြု​ကြ​ပါ​နှင့်​။ သူ​သည် အကျွန်ုပ်​အိမ်​သို့ ရောက်လာ​သော​ဧည့်သည် ဖြစ်​ပါ​၏​။ ဤ​ယုတ်ညံ့​သော​အမှု​ကို မ​ပြု​ကြ​ပါ​နှင့်​။

Common Language Bible

²³ သို့​ရာ​တွင်​အ​ဖိုး​အို​သည်​အိမ်​ပြင်​သို့​ထွက် ၍``မိတ်​ဆွေ​တို့၊ ကျေး​ဇူး​ပြု​၍​ဤ​သို့​ဆိုး​ညစ် ဟော့​ရမ်း​သည့်​အ​မှု​ကို​မ​ပြု​ကြ​ပါ​နှင့်။ ဤ သူ​သည်​ငါ​၏​ဧည့်​သည်​ဖြစ်​ပါ​သည်။-

Garrad Bible

²³ သူ တို့ ရှိ ရာ သို့ အိမ် ရှင် ထွက်၍ အ မောင် တို့ ထို သို့ မ ပြစ် မှား ကြ နှင့်။ ထို သူ သည် ငါ့ အိမ်၌ ဧည့် သည် ဖြစ် ပါ၍ ယုတ် မာ စွာ မ ပြု ကြ ပါ နှင့်။

Judson Bible

²³ အိမ်​ရှင်​သည်​လည်း ထွက်၍၊ ညီ​အစ်​ကို​တို့၊ ဆိုး​သော​အ​မှု​ကို မ​ပြု​ပါ​နှင့်။ ဤ​သူ​သည် အ​ကျွန်ုပ်​အိမ်၌ တည်း​ခို​သော​သူ​ဖြစ်၍ အ​ဓ​မ္မ​မ​ပြု​ကြ​ပါ​နှင့်။

သူ​ကြီး 19:23 Referencias Cruzadas

ကမ္ဘာ​ဦး 19:8

ငါ့​ထံ၌ ယောက်ျား​နှင့်​မ​ဆက်ဆံ​သေး​သော သမီး​နှစ်​ယောက်​ရှိ​၏​။ သူ​တို့​ကို သင်​တို့​ထံသို့ ထုတ်ပေး​မည်​။ သင်​တို့​အလိုရှိ​သည့်​အတိုင်း သူ​တို့​ကို​ပြု​ကြ​ပါ​။ သို့သော် ထို​ယောက်ျား​တို့​သည် ငါ့​အိမ်မိုး​အရိပ်​အောက်​တွင် ရောက်​နေ​ကြ​ပြီ​ဖြစ်၍ သူ​တို့​ကို မည်သည့်​အရာ​မျှ​မ​ပြု​ကြ​ပါ​နှင့်​”​ဟု ဆို​၏​။

ကမ္ဘာ​ဦး 34:7

ယာကုပ်​၏​သား​တို့​သည် ထို​သတင်း​ကို​ကြားလျှင်ကြားချင်း တော​မှ​ပြန်လာ​ကြ​၏​။ သူ​တို့​သည် စိတ်ထိခိုက်​၍ အလွန်​အမျက်ထွက်​ကြ​၏​။ အကြောင်းမူကား ရှေခင်​သည် ယာကုပ်​၏​သမီး​နှင့်​အိပ်​ခြင်း​ဖြင့် အစ္စရေး​လူမျိုး​၌ ယုတ်ညံ့​သော​အမှု​ကို​ပြု​၏​။ ဤ​အမှု​သည် မ​ပြုအပ်​သော​အမှု​ဖြစ်​၏​။

၂ ရာ 13:12

တာမာ​က​လည်း သူ့​အား “​မ​လုပ်​ပါ​နှင့် အစ်ကို​။ အကျွန်ုပ်​ကို အဓမ္မ​မ​ပြု​ပါ​နှင့်​။ အစ္စရေး​လူမျိုး​တွင် ဤသို့​ပြု​လေ့​မ​ရှိ​။ ဤသို့ ယုတ်ညံ့​သော​အမှု​ကို မ​ပြု​ပါ​နှင့်​။

တ​ရား​ဟော 22:21

ထို​မိန်းကလေး​သည် မိမိ​ဖခင်​၏​အိမ်​၌ ပြည့်တန်ဆာလုပ်​ခြင်း​ဖြင့် အစ္စရေး​လူမျိုး​ထဲ၌ ယုတ်ညံ့​သော​အမှု​ကို ပြု​သောကြောင့် ထို​မိန်းကလေး​ကို သူ့​ဖခင်​၏​အိမ်​တံခါး​သို့ ခေါ်သွား​၍ မြို့သား​ယောက်ျား​တို့​သည် သူ့​ကို ခဲ​နှင့်​အသေ​ပေါက်သတ်​ရ​မည်​။ ဤသို့ဖြင့် မကောင်းမှု​ကို သင့်​ထဲ​မှ​ဖယ်ရှား​ပစ်​ရ​မည်​။

ယော​ရှု 7:15

ကျိန်​ခြင်း​ခံရ​သော​အရာ​ပါ​လျက် ရွေးထုတ်​ခံရ​သော​သူ​သည် သူ​နှင့်အတူ​သူ​ပိုင်ဆိုင်​သမျှ​တို့​ကို မီး​ရှို့​ပစ်​ရ​မည်​။ အကြောင်းမူကား သူ​သည် ထာဝရဘုရား​နှင့်​ပြု​ထား​သော​ပဋိညာဉ်​ကို ချိုးဖောက်​၍ အစ္စရေး​လူမျိုး​၌ ယုတ်ညံ့​သော​အမှု​ကို ပြု​သောကြောင့်​ဖြစ်​၏​’​ဟူ၍ ဆင့်ဆို​လော့​”​ဟု မိန့်​တော်မူ​၏​။

သူ​ကြီး 20:6

ထိုသို့ ဂိဗာ​မြို့သား​တို့​သည် အစ္စရေး​လူမျိုး​တို့​တွင် ညစ်ညမ်း​သော​အမှု​၊ ယုတ်ညံ့​သော​အမှု​ကို ပြု​ကြ​သောကြောင့် အကျွန်ုပ်​လည်း မယားငယ်​အသေကောင်​ကို ခုတ်ဖြတ်​ပြီး အစ္စရေး​လူမျိုး​တို့ အမွေခံရာ​ပြည်​တစ်လျှောက်လုံး​သို့ ပို့​လိုက်​ပါ​၏​။