သူ​ကြီး 18:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ သင်​တို့​ရောက်သွား​သောအခါ ကျယ်ဝန်း​သော​ပြည်​နှင့် စိတ်အေးလက်အေး​နေထိုင်​သော​လူ​တို့​ကို တွေ့​ရ​လိမ့်မည်​။ ဘုရားသခင်​သည် လိုလေသေး​မ​ရှိ ပြီးပြည့်စုံ​သော​ထို​ပြည်​ကြီး​ကို သင်​တို့​လက်​သို့ အပ်​တော်မူ​ပြီ​”​ဟု ပြန်ပြော​ကြ​၏​။

Common Language Bible

¹⁰ ထို​အ​ရပ်​သို့​သင်​တို့​ရောက်​ကြ​သော​အ​ခါ လူ​တို့​သည် စိုး​စဉ်း​မျှ​မ​ယုံ​သင်္ကာ​မ​ဖြစ်​ကြ သည်​ကို​တွေ့​ရှိ​ရ​ကြ​လိမ့်​မည်။ ထို​နယ်​မြေ သည်​ကျယ်​ပြန့်​၍​လူ​သား​တို့​လို​ချင်​တောင့် တ​သော​အ​ရာ​တို့​နှင့်​လည်း​ပြည့်​စုံ​၏။ ထို နယ်​မြေ​ကို​သင်​တို့​အား​ဘု​ရား​သ​ခင်​ပေး သ​နား​တော်​မူ​လေ​ပြီ'' ဟု​ဆို​ကြ​၏။

Garrad Bible

¹⁰ သွား ခဲ့ သော် ငြိမ်း ချမ်း စွာ နေ ထိုင် သော လူ မျိုး ထံ ရောက် လိမ့် မည်။ နယ် လည်း ကျယ် ဝန်း လှ၏။ လော က တွင် ပေါ် သ မျှ သော အ ရာ နှင့် ပြည့် စုံ သည်။ ထို ဌာ န ကို သင် တို့ လက် တွင်း သို့ ဘု ရား သ ခင် အပ် နှင်း တော် မူ လေ ပြီ ဟု ပြန် ကြား ကြ ၏။

Judson Bible

¹⁰ သွား​လျှင် သ​တိ​မ​ရှိ​သော​လူ​မျိုး​နှင့် ကျယ်​ဝန်း​သော​ပြည်​ကို တွေ့​ကြ​လိမ့်​မည်။ ဘု​ရား​သ​ခင်​သည် သင်​တို့​လက်၌ အပ်​တော်​မူ​မည်။ ထို​ပြည်၌ မြေ​ကြီး​ဥ​စ္စာ စုံ​လင်​လျက်​ရှိ​သည်​ဟု ပြော​ဆို​ကြ၏။

သူ​ကြီး 18:10 Referencias Cruzadas

ထွက်​မြောက် 3:8

ထို့ကြောင့် အီဂျစ်​လူမျိုး​တို့​လက်​မှ သူ​တို့​ကို​ကယ်နုတ်​၍ သူ​တို့​ကို အီဂျစ်​ပြည်​မှ​ထုတ်ဆောင်​ပြီး ခါနာန်​လူမျိုး​၊ ဟိတ္တိ​လူမျိုး​၊ အာမောရိ​လူမျိုး​၊ ဖေရဇိ​လူမျိုး​၊ ဟိဝိ​လူမျိုး ယေဗုသိ​လူမျိုး တို့​နေထိုင်​ရာ​အရပ်​ဖြစ်​သည့် ကောင်းမွန်​ကျယ်ဝန်း​သော​ပြည်​၊ နို့​နှင့်​ပျားရည်​စီး​သော​ပြည်​သို့ ပို့ဆောင်​ရန် ငါ​ကြွလာ​ပြီ​။

ယေ​ဇ​ကျေ​လ 20:6

ထို​နေ့​တွင်ပင် သူ​တို့​ကို အီဂျစ်​ပြည်​မှ​ထုတ်ဆောင်​ပြီး ပြည်​တကာ​တို့​ထက် သာယာဝပြော​သော​ပြည်​၊ သူ​တို့​အဖို့ ရွေးချယ်​ထား​သော ‘နို့​နှင့်​ပျားရည်​စီး​သော​ပြည်’​သို့ ပို့ဆောင်​ပေး​မည်​ဟု ကတိသစ္စာ​ပြု​ခဲ့​၏​။

တ​ရား​ဟော 4:1

အို အစ္စရေး​လူမျိုး​တို့​၊ သင်​တို့​အား သင်​တို့​ဘိုးဘေး​တို့​၏​ဘုရားသခင်​ထာဝရဘုရား​ပေး​တော်မူ​သော​ပြည်​သို့ သင်​တို့​သည် အသက်ချမ်းသာ​ရာ​ရ​၍ ဝင်ရောက်​ပိုင်ဆိုင်​ရ​မည့်​အကြောင်း သင်​တို့​လိုက်နာ​ရ​မည့် ငါ​သွန်သင်​သော ပြဋ္ဌာန်းချက်​နှင့်​စီရင်ထုံးဖွဲ့ချက်​တို့​ကို နားထောင်​ကြ​လော့​။

၁ တိ 6:17

ဤ​လောက​၌ ချမ်းသာ​သော​သူ​တို့​သည် စိတ်နေမြင့်​ခြင်း၊ မ​မြဲ​သော​စည်းစိမ်​များ​အပေါ်၌ မျှော်လင့်​အားထား​ခြင်း​မ​ရှိ​ဘဲ ပျော်ရွှင်​မှု​အတွက် အလုံးစုံ​တို့​ကို ငါ​တို့​အား ကြွယ်ဝ​စွာ​ပေး​သနား​တော်မူ​သော ဘုရားသခင်​အပေါ်၌ မျှော်လင့်​အားထား​ကြ​ရန်​လည်းကောင်း၊

ယော​ရှု 2:23

ထို့နောက်မှ သူ​တို့​နှစ်​ယောက် တောင်​ပေါ်မှ​ဆင်းလာ​ကြ​၏​။ မြစ်​ကို​ကူး​ပြီး နုန်​၏​သား ယောရှု​ထံသို့​ပြန်လာ​၍ သူ​တို့​ကြုံတွေ့​ခဲ့​ရ​သော​အရာ​အလုံးစုံ​တို့​ကို ပြောပြ​လေ​၏​။

ယော​ရှု 2:24

သူ​တို့​က ယောရှု​အား “​အကယ်စင်စစ် ထာဝရဘုရား​သည် ထို​ပြည်​တစ်ပြည်လုံး​ကို အကျွန်ုပ်​တို့​လက်​သို့​အပ်​တော်မူ​ပြီ​။ ထို​ပြည်​၌​နေထိုင်​သော​သူ​အပေါင်း​တို့​သည်​လည်း အကျွန်ုပ်​တို့​သတင်း​ကို​ကြား​သဖြင့် စိတ်အားလျော့​လျက်​ရှိ​ကြ​ပါ​၏​”​ဟု ဆို​လေ​၏​။

ယော​ရှု 6:16

ခုနစ်​ပတ်​မြောက်​တွင် ယဇ်ပုရောဟိတ်​တို့ တံပိုး​မှုတ်​သောအခါ ယောရှု​က လူ​တို့​အား “​ကြွေးကြော်​ကြ​လော့​။ ထာဝရဘုရား​သည် ဤ​မြို့​ကို သင်​တို့​အား ပေး​တော်မူ​ပြီ​။

သူ​ကြီး 18:11

ထိုအခါ ဇောရာ​မြို့​၊ ဧရှတောလ​မြို့​ရှိ ဒန်​မျိုးနွယ်စု​ထဲမှ လူ​ခြောက်​ရာ​တို့​သည် စစ်တိုက်​ရန် လက်နက်​စွဲကိုင်​လျက် ချီတက်​သွား​ရာ

သူ​ကြီး 18:27

ဤသို့ဖြင့် ဒန်​အမျိုးသား​တို့​သည် မိက္ခာ​ထုလုပ်​သော​ဘုရား​များ​နှင့် ယဇ်ပုရောဟိတ်​ကို ခေါ်ဆောင်​၍ စိုးရိမ်ပူပန်မှု​မ​ရှိ​၊ စိတ်အေးလက်အေး​နေ​တတ်​သော​လူ​တို့​ရှိ​ရာ လဲရှ​မြို့​သို့ ရောက်လာ​ကြ​ရာ မြို့သား​တို့​ကို ဓား​ဖြင့်​သတ်​၍ မြို့​ကို မီး​ရှို့​ပစ်​၏​။

သူ​ကြီး 18:7

ထို့နောက် ထို​လူ​ငါး​ယောက်​သည် ခရီး​ဆက်သွား​၍ လဲရှ​မြို့​သို့​ရောက်​သော် ထို​မြို့သား​တို့​သည် ဆီဒုန်​လူမျိုး​တို့​စရိုက်​အတိုင်း စိုးရိမ်ပူပန်မှု​မ​ရှိ​၊ ဘေးအန္တရာယ်​ကင်းကင်း​နှင့် စိတ်အေးလက်အေး​နေထိုင်​ကြ​ကြောင်း​၊ ထို​ပြည်​သည် လိုလေသေးမရှိ စည်းစိမ်ဥစ္စာ​ကြွယ်ဝ​ကြောင်း​၊ ဆီဒုန်​မြို့​နှင့်​ကွာဝေး​သည့်​အပြင် မည်သူ​နှင့်​မျှ​အဆက်အဆံ​မ​ရှိ​ကြောင်း စူးစမ်းသိရှိ​ရ​ကြ​၏​။

သူ​ကြီး 18:9

သူ​တို့​က​လည်း “​လာ​ကြ​၊ သူ​တို့​ကို သွားတိုက်​ကြ​စို့​၊ ထို​ပြည်​ကို ငါ​တို့​မြင်​ခဲ့​ပြီ​။ အလွန်​သာယာ​သော​ပြည် ဖြစ်​၏​။ ငြိမ်မနေ​ကြ​နှင့်​။ တွန့်ဆုတ်​မ​နေ​ကြ​နှင့်​။ ထို​ပြည်​ကို သွားရောက်​သိမ်းပိုက်​ကြ​စို့​။