သုတ္တံကျမ်း။ 4:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ငါ​၏​ဖခင်​သည် ငါ့​ကို​သွန်သင်​လျက် မြွက်ဆို​သည်​မှာ “​ငါ့​စကား​တို့​ကို သင်​၏​စိတ်နှလုံး​ထဲ၌ စွဲမှတ်​ထား​လော့​။ ငါ​၏​ပညတ်ချက်​တို့​ကို​စောင့်ထိန်း​၍ အသက်ရှင်​လော့​။

Common Language Bible

⁴ ငါ့အဘသွန်သင်၍မြွက်ဆိုလေသည်ကား၊ ငါ့စကားကို သင်၏နှလုံး၌ သွင်းမိ၍၊ ငါ့ပညတ်တို့ကို ကျင့်စောင့်သဖြင့် အသက်ရှင်လော့။

Garrad Bible

⁴ ငါ့ အား၊ အ ဘ သွန် သင် မြွက် ဆို သည် မှာ၊ ငါ့ စ ကား ကို နှ လုံး ပိုက် ပ ညတ် များ ကို လည်း စောင့် ရှောက် သ ဖြင့်၊ အ သက် ချမ်း သာ ရ လိမ့် မည်။

Judson Bible

⁴ ငါ့​အ​ဘ​သွန်​သင်၍ မြွက်​ဆို​လေ​သည်​ကား၊ ငါ့​စ​ကား​ကို သင်၏​နှ​လုံး၌​သွင်း​မိ၍၊ ငါ့​ပ​ညတ်​တို့​ကို ကျင့်​စောင့်​သ​ဖြင့် အ​သက်​ရှင်​လော့။

သုတ္တံကျမ်း။ 4:4 Referencias Cruzadas

ကမ္ဘာ​ဦး 18:19

အကြောင်းမူကား အာဗြဟံ​သည် သူ​၏​သားသမီး​တို့​နှင့် နောင်လာမည့်​သူ​၏​အမျိုးအနွယ်​တို့​အား ဖြောင့်မတ်​သော​အမှု​၊ တရားမျှတ​သော​အမှု​ကို​ပြုကျင့်​၍ ထာဝရဘုရား​၏​လမ်း​တော်​ကို​စောင့်ထိန်း​ကြ​စေရန် မှာကြား​ခြင်း​အားဖြင့် သူ့​အား​ထာဝရဘုရား​မိန့်​တော်မူ​ခဲ့​သော​အရာ​ကို သူ​၌​ပြည့်စုံ​စေ​မည့်​အကြောင်း သူ့​ကို ငါ​ရွေးကောက်​ထား​ပြီ​”​ဟု မိန့်​တော်မူ​၏​။

၁ ရာ​ချုပ် 28:9

ငါ့​သား​ရှောလမုန်​၊ သင့်​ခမည်းတော်​ကိုးကွယ်​သော​ဘုရားသခင်​နှင့် သိကျွမ်း​အောင်​ပြု​လော့​။ စိတ်နှလုံး​အကြွင်းမဲ့​၊ စိတ်ဆန္ဒ​ရှိသမျှ​နှင့် အစေခံ​လော့​။ ထာဝရဘုရား​သည် စိတ်နှလုံး​ရှိသမျှ​ကို စစ်ဆေး​၍ တွေးတော​ကြံစည်​သမျှ​တို့​ကို သိနားလည်​တော်မူ​၏​။ သင်​သည် ကိုယ်တော်​ကို​ရှာ​လျှင် အတွေ့ခံ​တော်မူ​မည်​။ ကိုယ်တော်​ကို စွန့်ပယ်​လျှင်​မူကား သင်​လည်း ထာဝစဉ်​အစွန့်ပယ်​ခံရ​မည်​။

ဆာ​လံ 119:11

ကိုယ်တော်​ကို​မ​ပြစ်မှား​မိ​စေရန် ကိုယ်တော်​၏​မိန့်​တော်မူ​ချက်​ကို အကျွန်ုပ်​၏​စိတ်နှလုံး​ထဲ၌ သိုမှီး​ထား​ပါ​ပြီ​။

ဆာ​လံ 119:144

ကိုယ်တော်​၏​သက်သေခံချက်​တို့​သည် အစဉ်အမြဲ​ဖြောင့်မတ်​ကြ​ပါ​၏​။ အကျွန်ုပ်​အသက်ရှင်​နိုင်​ရန် အကျွန်ုပ်​အား အသိဉာဏ်​ပေး​တော်မူ​ပါ​။

ဆာ​လံ 119:168

အကျွန်ုပ်​သည် ကိုယ်တော်​၏​ဥပဒေသ​တို့​နှင့် သက်သေခံချက်​တို့​ကို စောင့်ထိန်း​ပါ​၏​။ အကြောင်းမူကား အကျွန်ုပ်​၏​လမ်းခရီး​ရှိသမျှ​တို့​သည် ကိုယ်တော့်​ရှေ့​၌​ရှိ​ကြ​ပါ​၏​။

သုတ္တံကျမ်း။ 22:6

ကလေးသူငယ်​ကို​သွန်သင်​၍ သူ​သွား​ရ​မည့်​လမ်း​သို့​ဦးတည့်​ပေး​လော့​။ သို့ပြုလျှင် သူ​သည်​အသက်ကြီး​သောအခါ ထို​လမ်း​မှ​မ​ဖယ်ခွာ​ဘဲ​နေ​လိမ့်မည်​။

သုတ္တံကျမ်း။ 23:26

ငါ့​သား​၊ သင်​၏​စိတ်နှလုံး​ကို ငါ့​အား​ပေး​လော့​။ သင်​၏​မျက်စိ​သည်​လည်း ငါ​၏​လမ်း​တို့​ကို ထိန်းသိမ်းစောင့်ရှောက်​ပါစေ​။

သုတ္တံကျမ်း။ 3:1

ငါ့​သား​၊ ငါ​၏​သွန်သင်ချက်​ကို မ​မေ့လျော့​နှင့်​။ ငါ​၏​ပညတ်ချက်​တို့​ကို​လည်း သင်​၏​စိတ်နှလုံး​သည် ထိန်းသိမ်းစောင့်ရှောက်​ပါစေ​။

သုတ္တံကျမ်း။ 3:2

အကြောင်းမူကား ၎င်း​တို့​သည် အသက်ရှည်​ခြင်း​၊ အသက်တာ​၏​နှစ်ကာလ​နှင့် ငြိမ်းချမ်းမှု​ကို သင်​၌ ထပ်ဖြည့်​ပေး​လိမ့်မည်​။

သုတ္တံကျမ်း။ 7:2

ငါ​၏​ပညတ်ချက်​တို့​ကို​စောင့်ထိန်း​၍ အသက်ရှင်​လော့​။ ငါ​၏​သွန်သင်ချက်​ကို သင်​၏​မျက်စိ​သူငယ်အိမ်​ကဲ့သို့ စောင့်ထိန်း​လော့​။

ဟေ​ရှာ​ယ 55:3

ငါ့​စကား​ကို နားထောင်​ကြ​လော့​။ ငါ့​ထံသို့​လာ​ကြ​လော့​။ သင်​တို့​၏​စိတ်ဝိညာဉ် အသက်ရှင်​မည့်​အကြောင်း နားထောင်​ကြ​လော့​။ ဒါဝိဒ်​အပေါ်​ထားရှိ​သော မြဲမြံ​သည့်​မေတ္တာကရုဏာ​နှင့်အညီ ထာဝရ​ပဋိညာဉ်​ကို သင်​တို့​နှင့်​ငါ​ပြု​မည်​။

ယေ​ရ​မိ 38:20

ယေရမိ​က​လည်း “​မင်းကြီး​ကို သူ​တို့​လက်​သို့ အပ်နှံ​ကြ​မည်​မ​ဟုတ်​။ အကျွန်ုပ်​ဆင့်ဆို​သော ထာဝရဘုရား​၏​စကား​တော်​ကို နားထောင်​ပါ​လော့​။ သို့ပြုလျှင် မင်းကြီး​အသက်ချမ်းသာ​ရာ​ရ​၍ ကောင်းစား​လိမ့်မည်​။

ရှင်ယောဟန် 12:50

ခမည်းတော်​၏​အမိန့်​တော်​သည် ထာဝရ​အသက်​ဖြစ်​ကြောင်း​ကို​ငါ​သိ​၏။ ထို့ကြောင့် ငါ​ဟောပြော​သော​အရာ​တို့​ကို ခမည်းတော်​က ငါ့​အား​မိန့်​တော်မူ​သည့်​အတိုင်း ငါ​ဟောပြော​၏”​ဟု ကြွေးကြော်​တော်မူ​၏။

ဧ​ဖက် 6:4

ဖခင်​တို့၊ သင်​တို့​၏​သားသမီး​များ​ကို မခံမရပ်နိုင်​ဖြစ်​အောင် မ​ပြု​ကြ​နှင့်။ သခင်​ဘုရား​၏​ဆုံးမ​ပဲ့ပြင်​ခြင်း​နှင့်​သတိပေး​ခြင်း​တို့​အတိုင်း သူ​တို့​ကို ပြုစု​ပျိုးထောင်​ကြ​လော့။

တ​ရား​ဟော 4:9

သင်​တို့​သတိပြု​ကြ​လော့​။ သင်​တို့​မျက်စိ​ဖြင့်​တွေ့မြင်​ခဲ့​ရ​သော​အမှုအရာ​များ​ကို သင်​တို့​မ​မေ့လျော့​စေရန်​နှင့် သင်​တို့​အသက်ရှင်​သမျှ​ကာလ​ပတ်လုံး သင်​တို့​စိတ်နှလုံး​လမ်း​မ​လွဲ​စေရန် သင်​တို့​၏​စိတ်​ကို​အထူး​စောင့်ထိန်း​လော့​။ သင်​တို့​၏​သား​မြေး​တို့​ကို​လည်း ပြောပြ​ကြ​လော့​။

တ​ရား​ဟော 6:6

ယနေ့ သင့်​အား ငါ​မိန့်မှာ​သော ဤ​နှုတ်ကပတ်တော်​တို့​ကို နှလုံးသွင်း​ရ​မည်​။

၂ တိ 1:5

သင်​၌​ရှိ​သည့် ဟန်ဆောင်​မှု​ကင်း​သော​ယုံကြည်​ခြင်း​ကို​လည်း ငါ​သတိရ​၏။ ထို​ယုံကြည်​ခြင်း​သည် သင်​၏​အဖွား​လောဣ​နှင့် သင်​၏​မိခင်​ဥနိတ်​တို့​၌ ဦးစွာ​တည်ရှိ​၍ ယခု သင်​၌​လည်း တည်ရှိ​သည်​ဟု ငါ​ယုံကြည်​စိတ်ချ​၏။

၂ တိ 3:15

ခရစ်တော်​ယေရှု​ကို​ယုံကြည်​ခြင်း​အားဖြင့် ကယ်တင်​ခြင်း​သို့​ရောက်​စေ​သည့်​ဉာဏ်ပညာ​ကို သင့်​အား​ပေး​နိုင်​သော​သမ္မာ​ကျမ်းစာ​နှင့် သင်​သည်​ငယ်ရွယ်​စဉ်​ကပင် ရင်းနှီး​ကျွမ်းဝင်​ခဲ့​သည်​ကို​လည်းကောင်း သင်​သိ​၏။

ဟေ​ဗြဲ 5:9

စုံလင်​ခြင်း​သို့​ရောက်​ပြီးလျှင် မိမိ​ကို​နာခံ​သော​သူ​အပေါင်း​တို့​အား ထာဝရ​ကယ်တင်​ခြင်း​ကို​ပေး​သော​အရှင်​ဖြစ်လာ​၍

သူ​ကြီး 13:12

မာနော်​က​လည်း “​သင်​ပြော​သည့်​အတိုင်း ဖြစ်လာ​သောအခါ သူငယ်​သည် မည်သို့​ပြုမူနေထိုင်​ရ​မည်နည်း​၊ မည်သည့်​အလုပ်​ကို လုပ်​ရ​မည်နည်း​”​ဟု မေးလျှောက်​၏​။